陳儀興尚潮樓 (太子道西)

营业中

休息中

自從幾年前食過百樂小館的滷水鵝之後, 隔一段時間就會搵唔同既潮州菜館試下比較下。食過佢地同一集團的陳儀興牛什粉麵, 印象不錯, 今日就試下佢地既潮州菜。同陳儀興牛什粉麵行完全唔同既路線, 陳儀興尚潮樓位於一幢改建了的歷史建築物內, 裝修採用了跟外牆連貫的風格, 帶有一種老香港的懷舊味道, 佈置簡約典雅。我們被安排坐在二樓的4人座位更是舒適。我們點了鵝片, 香酥帶子, 富貴自選套餐 - 潮州紅燒鮑翅加糯米釀雞翼。鵝片- 首先, 擺盤整齊精美令人食欲大增。選取偏瘦既鵝肉但肉質一D都唔韌, 富彈性又有咬口, 肉味十足。舖底的豆腐質地軟嫩又入味。陳儀興的滷水汁做得好好, 香味濃郁, 甜鹹味道適中有層次。荔芋香酥帶子 - 就是荔芋香酥鴨的帶子版。外皮嗰層蜂巢同芋蓉係我最愛吃的組合, 所以平時飲茶如果見到有芋角都是必點。陳儀興有荔芋香酥帶子呢款菜色, 實在太好, 本來仲煩惱緊同時嗌鵝片和荔芋香酥鴨會唔會太單調同太多肉。香酥帶子外皮酥脆而不油膩, 充滿空氣感。芋蓉質感軟滑真材實料。唯一挑剔的部分是帶子因為厚薄不一的關係, 切得🔪比較薄的帶子炸得略嫌過熟, 口感偏硬。潮州紅燒鮑翅 - 湯底熬得十分出色

今日嚟到太子嘅呢間陳儀興潮尚樓度食飯 係少有裝修得靚靚嘅潮州打冷菜叫咗個招牌生醃膏蟹 真係超多膏呀 用嚟送飯一流 而且非常金香味美 鮮甜十足 蟹肉係刺身嘅感覺 入口即溶令人回味無窮

fb潮州菜谷友最愛之一，今日一試，質素果然出色，而且午市超值。鵝三寶飯 (8.5/10) ：滷水香，鵝肝軟滑入味不會太老，鵝腸爽口有油香，鵝肉入味嫩滑不嚡，三者俱佳。蠔仔粥 (8/10) ：大地魚乾香脆，增添了口感層次。如果蠔仔更飽滿就更好。紫菜蛋花湯 (7/10) ：正常發揮———————————————————————————⭕️總評：老牌潮州菜館，食物質素出眾，裝修不俗，午市超值，值得日後晚市再嚐其他菜式。會翻食 ✅ 💵Budget: $100 pp (lunch)

陳儀興尚潮樓從清雅中式裝修看來，是走比其他分店高格調的路線。疫情期間，外賣有九折優惠。鵝三寶滷水食物是每次食潮州菜必叫，是次叫了鵝三寶，包括鵝肉、鵝肝及鵝腸。中式滷水鵝肝與西式做法完全不同，沒有煎香表面，但鵝肝完全不腥，入口非常柔軟嫩滑，配搭輕輕的滷水香氣。鵝腸脂肪盡去，質感爽脆，入口索索有聲。滷水鵝片鵝皮皮薄，完整無缺，鵝肉嫩滑多汁，滷水色澤適中。滷水豆腐豆味香濃。富貴石榴蟹石榴蟹乃手工菜式，用蟹肉蝦膠馬蹄作餡料，蛋白皮作包裹，包成石榴的形狀打結，蒸熟打芡。石榴蟹入口啖啖鮮甜，口感清爽彈牙。魚露浸花甲魚露浸花甲比較少見，魚露的獨有鹹鮮味增添花甲的鮮甜味道。花甲新鮮無沙，厚肉大粒，入口滋味。豆醬煮大眼雞普寧豆醬色澤金黃，味道鹹鮮甘香，搭配海鮮尤其適合。大眼雞肉多骨少，質感結實，豆醬煮確有提鮮增味作用。薏米圓肉紅棗茶薏米圓肉紅棗茶香甜又有營養，作飯後甜品或甜茶均很合適。

陳儀興的大名聽過很久，多次想約朋友吃，但沒吃成，趁著疫情時間晚市有九折，便去外賣回家慢慢吃吧。今晚的潮州菜美食餐，很有新鮮感，很特別呢。值得一讚是店員接受自備環保盒，細心的將各菜式分配好，生醃瀨尿蝦更有冰塊保存溫度。生醃瀨尿蝦用上大量的蒜、蔥、芫茜，應該加上醬油、魚露、麻油等，就成了潮式醃海鮮汁料，最近在網上生蠔群組也有教這汁料呢，想不到在這直接品嚐了。說真的，吃第一件時覺得比較鹹，但後來用它來拌飯吃，卻能清楚品嚐瀨尿蝦的鮮味，瀨尿蝦切成小件，輕輕一咬便咬出了肉，夠大隻啖啖肉，更吃到龍蝦膏，鮮美迷人，連醬汁也帶鮮味，直接用汁灑上飯和其他餸菜吃也加添滋味，汁料充滿蔥蒜香、少少辣、帶鮮味，剩下了也留下來用，不會浪費。二十年老菜脯燉鮮豬肚湯菜脯吃得多，二十年老菜脯還是第一次吃，它呈深啡色，口感很軟身，滲著陳年的香味，豬肚則厚身又爽口，湯味道濃郁滋味。魚露浸花甲鹹度比起生醃瀨尿蝦較輕，可以趁吃花甲時喝一點點，花甲十分大隻，街市少見，厚肉鮮味味隻隻黏著殼，可見沒有煮得過火，肉質滑嫩，沒有沙，湯汁有金不換的味道，我更要和蒜片一起吃，更有風味。本來想喝大家推介的老藥桔，可惜今晚沒有，店員介紹薏米水，

疫情後每日困在家中煮飯，日日如是真的煮到悶，所以今晚就去了太子陳儀興買了個滷味等返去歎下。鵝三寶必食的鵝三寶，鵝肝超滑又夠肥美；鵝肉幾乎啖啖肉，全部都去骨，滷得入味亦都不會太肥；鵝腸去了油膏，爽脆好味。蝦棗拼粿肉蝦棗彈牙足料，啖啖蝦肉；粿肉外脆內軟，帶點爽口。豆醬煮海魚原條海魚表面有大量薑蔥，即使返到屋企微暖食都不會有魚腥味，反而魚肉鮮甜嫩滑，可見是十分新鮮。梅汁炆豬手豬手皮筋炆至爽口，帶點梅子酸甜，十分開胃。最後飲返碗薏米水去濕，亦都不會太甜。

好耐冇出過自己post😆睇吾睇得明呢Bookmark左好耐前排見有幾位foodie 去食即刻book位2月14去食啦😂乜咁唔浪漫㗎地方乾淨夠大，上層開頭有啲焗之後好啲生醃蟹膏～兩個share一齊食就話好姐，我自己食唒，又鹹又漏😆撞鬼～表明先係好食嘅，食完成個口都係蔥蒜味鵝片～切得唔夠薄，好彩易咬肉嫩，滷水汁好味，唔會過鹹香元蹄❤️真心推薦🥰皮煙靭，肉夠腍又入味墨魚🦑新鮮 還可以清燉荷包鱔～鹹酸菜包金華火腿、冬菇、鱔肉，個個嚟到都會叫，手工菜要預兩日訂，但食落普通，我同肥仔都麻麻哋蝦棗拼粿肉～蝦棗似龍蝦丸，我鍾意食粿肉，腐竹皮薄脆口，食到好多肉料餡😆我自己覺得口感比蝦棗更勝一籌水晶白桃棵～潮州甜品又咸又甜，水晶皮包住蝦米、豆沙、豬肉、芋頭…鍾意食😋老藥桔超級好飲，飲咗兩杯兩個人食咗好多嘢，仲叫咗碗白粥捧住個肚腩走🤣會encore

我個朋友好鍾意食潮州菜，佢話食過咁多間，最鍾意都係陳儀興尚潮摟，所以今次帶我嚟試吓. 我哋去到坐餐廳2樓，餐廳裝修別緻雅典風格, 同我平時去食啲潮州餐廳感覺爭好遠，呢間感覺好高級，仲有佢哋會播啲好好聽嘅古典音樂，令人食個lunch都覺得好愉快. 首先我們點了必食滷水「鵝三寶」: 有鵝肉，鵝腸和鵝肝，三樣都係我勁鍾意食嘅. 鵝肉非常入味,肉味濃,肥瘦適中. 鵝腸乾淨爽口. 我估計呢碟係鎮店之寶! 另外我哋點了「魚露浸花甲」，未食之前個醬汁以為係普通魚露味，原來唔止，個醬汁好特別，有少少香濃嘅酒味, 味道非常好，而且非常適合花甲! 花甲很大隻，好多肉食, 又爽口同個醬汁又夾! 我下次返嚟都一定會再叫呢一碟! 我朋友好鍾意食生醃海鮮，所以佢今次都點了「生醃膏蟹」. 香港真係好少餐廳會做呢一碟菜式. 餐廳一定要用上好靚好新鮮嘅蟹, 而且仲要多膏，醃料又好味，真係唔容易！ 我食咗一啖之後，真係對佢讚不絕口，朋友冇介紹錯！生蟹肉鮮甜， 真係超級多膏，好好味，大家食到舔舔脷！ 另外點了一個「金不換燉海螺湯」, 不過師傅話今日改咗做橄欖燉海螺，我覺得仲好，橄欖好多營養! 個湯真係好鮮甜，食得出完全冇味

位於太子的潮州菜餐廳，主打特色潮汕菜餚、打冷等等。內裡裝潢帶中式風格。餐牌上潮州生醃海鮮、涼拌冷盤、小菜、粿、飯麵粥品等均有。潮州手工菜：清燉荷包鱔荷包鱔為潮州的特色手工菜，用鹹菜包裹著鱔肉、冬菇的食材，再配上上湯，鮮甜帶鹹香。惟吃白鱔時要份外小心，因帶不少細骨刺，一不留神的話很易會嗆到。潮汕滷水：鵝肉拼盤（鵝肉、元蹄）鵝肉帶皮，肉蠻嫩，比元蹄滷得更入味。元蹄外邊爽口，肉頗厚。墊底的豆腐吸收了滷水汁，十分入味。小菜：普寧豆醬煮海魚豆醬清甜不會過鹹，配搭淡水魚及西芹條蒸，味道主要來自豆醬的鹹香。小菜：碧綠川椒雞伴碟的綠葉炸得香薄脆，充滿口感。雞肉啖啖肉，下油鑊輕輕炸過再炒香，雖然有點油膩，且川椒味道不重，但很惹味的下飯菜。潮汕飲品：老藥桔潮州特別秘製的飲品之老藥桔採用金桔製作而成的潤喉飲品，味道鹹柑桔帶點甘甜，蠻消膩的飲料。

食潮州野除左舊式打冷店外, 陳儀興尚潮樓可以話係我既最愛, 裝潢古典雅致, 有懷舊感又不失時尚, 好適合同屋企長輩們去食。食潮州野必點滷水鵝, 鵝三寶有齊鵝腸, 鵝同鵝肝, 鵝肝口感綿密,鵝片軟熟有鵝香, 鵝腸帶脂肪, 入口香濃鵝油味, 加上入哂味既滷水汁, 出色。青橄欖燉海螺青橄欖燉湯都係第一次飲, 入口有海螺帶出既鮮甜, 再帶淡淡橄欖香氣, 好特別又好飲。豆醬蒸海魚新鮮黃花魚, 肉質嫩滑, 魚味鮮甜突出, 唔新鮮都唔會做到依個效果。配以豆醬蒸出濃厚潮州風味!潮州蠔酪好耐無食過厚身得黎又足料既蠔餅, 每啖都食到大大粒蠔仔肉, 蠔餅煎得香脆, 沾少少魚露食更開胃滋味!老藥桔傳統潮州飲品, 清熱解渴, 有桔仔酸maymay開胃解膩, 個人中意熱飲更好味順喉。依度食潮州野真係唔會失望, 仲有生醃海鮮, 有好幾款手工菜要預訂先食到, 相信都一定有水準, 下回再戰!

之前帶友人在“陳儀興”食過潮州菜後，個個都讚不絕口，新年前和友人團年，都揀左“ 陳儀興尚潮樓”。店子樓底相當高，裝修清雅脫俗，座位寬敞整齊，令人感覺十分舒適。青欖燉海螺$78~ 配料有螺頭，瘦肉，雞腳和紅棗， 螺頭味好濃， 又滋潤又清甜。胡椒鹹菜鮮豬肚湯$68~ 新鮮豬肚好腍好鮮， 加上鹹菜和白蘿蔔，有大量原粒白胡椒在底， 湯頭胡椒味非常香濃。富貴石榴蟹$88~ 餡料有馬蹄，香菇，大地魚，生拆的蟹肉和蝦肉，以蛋白皮包住，好鮮好清。鵝三寶$298~即鵝肝，鵝腸和鵝肉。鵝腸~ 口感爽脆彈牙，好正！鵝肉~ 肉質嫩滑彈牙，鵝味香甜， 鹵水味好香好入味。鵝肝~ 口感軟滑香口，入口即溶， 透著淡淡的滷水香味， 令人回味無窮。豆醬煮黃花魚$238~ 以大量芹蒜，蔥和普寧豆醬一起蒸， 魚肉非常新鮮，又嫩又滑， 加上普寧豆醬，鹹鮮味非常突出和之味。老藥桔(熱)$20~ 味道有少許似咸柑桔，不過再濃味啲，鹹鹹甜甜有少許中藥味，好好味。

早兩星期去花墟順便同男朋友去食午餐之前都黎過呢間潮州菜食過不過男朋友話未食過就同佢黎試下上次係坐上面今次坐樓下，由於下午人唔係太多地下既樓底好高空間不焗促汕頭煎蠔烙即叫即炸蠔仔好飽滿，香脆粉漿唔會過厚魚露浸花甲花甲粒粒飽滿，味道仲好鮮甜味道亦唔會好咸鵝三寶鵝肉、鵝腸同鵝肝好多人都推介呢三寶鵝肝好好食，個種綿密口感令人一試難忘，入口即溶鵝肉好軟稔入味鵝腸係好爽口呢三寶食唔停口點小小酸醋更惹味仲試咗一款手工菜清燉荷包鱔用咗鹹酸菜包住金華火腿、冬菇同埋鱔肉再用高湯清燉鹹味來自金華火腿同鹹酸菜酸味來自鹹酸菜鱔肉肉質細嫩老藥桔有潤肺、潤喉、健脾生津之效老藥桔氣味濃郁誘人，鹹中帶甜

鵝肉在滷水的浸潤下，由頭到腳都味濃香軟，散發着味濃香軟的複雜香氣，而且肉厚的地方甜，脂肪多的地方更香， 味道是鹹香中帶點甜，鮮香濃郁。配上解膩的蒜蓉醋，滷水元蹄，皮軟滑而富彈性； 口感肥而不膩，乾貝春菜煲，春菜既有菜心的清甜之氣，又有芥菜辛澀之味，柱鮮甜帶彈性，香氣四溢富貴石榴蟹， 石榴球伴入用上湯燴煮過的蟹肉，讓鮮甜味在口腔內爆發，口感好豐富綠豆爽，使用的是脫皮綠豆，口感爽滑，配合百合和蓮子，非常順滑，而且每一口，都充滿了甜蜜和清涼

去完花墟血拼之後人都散晒, 原本諗住返屋企既欲望都冇晒但依架又冇得出去堂食, 唯有係附近買外賣啦屋企人想食潮州野, 咁岩係花墟附近有間幾出名既陳儀興尚潮樓, 係果度叫外賣鵝肉拼大墨魚-$188鵝肉肉質結實, 好多肉汁, 而且滷水汁係完全滲到入去鵝肉度, 隻鵝又唔會太肥, 所有野都岩岩好, 好好味, 而大墨魚彈牙無比, 而且好鮮甜, 我地都覺得D個雙拼係必點的魚露浸花甲-$198原本屋企人怕魚露浸住會唔會太咸唔好味, 但我太想食花甲所以堅持, 好彩我的堅持是對的, 完全唔會死咸, 而係魚露既味道帶起左花甲既鮮甜, 而且花甲超級大隻, 肉質厚實而且鮮甜, 完全冇沙, 食完真係覺得大滿足!普寧豆醬煮海魚-$238今次既海魚係沙錐, 沙錐黎講都幾大條, 而且唔算好多骨, 食得幾方便, 肉質係好易咁一舊舊夾出黎而唔係夾到魚肉散晒, 食落好有魚味, 普寧豆醬同魚係異常夾的, D個汁送飯係一定可以食多兩碗的清燉荷包鱔X2-$176D個手工菜是需要預約的, 好彩之前突然有人唔要我地先可以食到, D個手工菜真係未食過, 我地食係一舊放晒入口, 鱔味好出, 但要少少鱔可能仲有少少骨, 食果陣要留意下, 而

或者是我的節日情意結 聖誕要食西餐臨近新年的中午飯聚 目標就是靚中菜 朋友想食打冷 選了太子的精緻潮州菜三級歷史建築活化的大樓 頗有古典味樓底高座位闊落舒適 裝修雅緻有格調款式頗多 生醃海鮮有驚喜滷水亦不錯整體滿意 畢竟乾淨企理的打冷鋪不多-⧫ 生醃瀨尿蝦 ⧫ $288潮汕沿海水產多 當地人最愛生醃海鮮平時怕不衛生 今次餐廳較高檔就試試瀨尿蝦有四隻 已斬件一啜即食很方便味道鮮甜 爽嫩的口感中帶有咸香酒香加上蒜泥辣椒莞茜陪襯 相當濃郁惹味頗有韓國醬油蟹感覺 絕對是白飯殺手-⧫ 鵝三寶 ⧫ $298招牌必食之一 一碟有齊鵝肝鵝片鵝腸四件厚切的鵝肝 粉粉的質感入口軟嫩啖啖邪惡美味 朋友說是這餐飯的最愛鵝片皮肉勻稱 鵝腸也處理得乾淨爽脆滷水不錯 連墊碟豆腐亦滷得相當入味-⧫ 汕頭煎蠔烙 ⧫ $118沒有蠔餅的打冷不是打冷 份量並不大勝在熱辣辣夠香口 蠔仔不多尚算飽滿-⧫ 豆醬煮黃花魚 ⧫ $238原條黃花魚肉質嫩滑 加入薑蔥椒絲煮味道源自豆醬 比醬油單純咸味有層次-⧫ 白飯⧫ $15 ＠咁好餸怎能不叫個「靚仔」 價錢合理-⧫ 老藥桔 ⧫ $20 ＠老藥桔是潮汕傳統飲品 適合好奇寶寶好奇沒害死貓