陳儀興尚潮樓 (太子道西)

营业中

休息中

疫情以來，少了外出食飯，媽媽即興想食陳儀興，晚上即撲去買，必叫媽媽至愛鵝肉。鵝肉，是媽媽至愛，話做得好入味，嫩滑得冇牙都食到😂 我就鐘意沾些醋食吊出鮮味。豆醬煮海魚，原條海魚用了豆醬去煮，帶點咸香，又不掩蓋魚的鮮味，肉質十分嫩滑。蝦棗拼粿肉，是潮州人新年時必食的菜式，蝦棗用蝦膠搓成球炸到金黃，外層香脆，內裡彈牙。至於粿肉就是薯粉摻入肉餡，用腐皮裹著去炸，鬆脆煙韌，口感好特別。反沙芋頭，好有心機的一款潮州甜品，炸好的芋頭仔，反覆用沙糖熱炒，結成糖霜，脆卜卜的外層，包著香糯的芋頭，超正！另外叫了兩杯老藥桔，似咸柑桔，好滋潤喉嚨，依家燥熱天氣飲就最適合不過啦。

一早就聽講過呢間鋪好多人讚，諗住放假嘅時候去試食下試下。一入去就給人一個好明亮舒適嘅環境。入邊有兩层，我同我frd被安排到坐一樓。一樓嘅環境非常之宽敞，仲有一個大型魚缸。我哋坐低唔知食咩嘅時候，服務員就會過嚟推介，服務員對飲食方面非常之专业，推介咗佢哋嘅招牌—“生腌膏蟹”同埋“生腌賴尿蝦”。膏蟹时价係$588一隻，賴尿蝦就係$288 三隻。我哋第一次嚟驚唔好食嘥錢所以揀咗賴尿蝦。但係諗唔到食嘅時候嗰啲汁系非常的好味，蒜味啱啱好，因為我鍾意食辣所以覺得有d唔夠辣，如果食唔到辣嘅可以去试下！超好味！同埋佢嘅芋頭炒飯都好好食！我同我friend食到仲想打包個返屋企食🤣間舖整体都OK但係就係個價錢有啲少少貴🧐適合間唔中去一次但係唔建议经常去。

香港好吃的潮州菜買少見少、之前朋友介紹太子這間店，地點就腳，格局走高檔一點門口掛著大大隻鹵水鵝已相當吸引先來一個魚露浸花甲， 整隻花甲不只是殻大，連花甲也一樣大小肉厚，入口啖啖肉，充滿魚露香味， 也吊出海鮮的味道，雖然帶點腥，但很有潮式海產風味滷水鵝拼墨魚，面層是爽口彈牙的墨魚，片片都很大片，啖啖肉又帶墨魚味道，滷水鵝肥瘦適中，入口鵝脂香濃，肉質滑嫩， 一點也不韌， 滷水汁味道剛剛好，不會太鹹， 點上微酸的白醋，減去油膩感、底部還有香滑的豆腐食潮州菜必吃我最愛的汕頭煎蠔烙，最怕蠔餅炸漿太厚，這個蠔烙有驚喜，炸漿薄薄的包著大大粒脹卜卜的蠔仔，炸得金黃的蠔烙，加入香口的蔥花，灑上胡椒粉，再點上魚露，味道更有層次感，必點之品訂位時點了手工菜，富貴石榴蟹，有點像魚皮餃的外皮包著彈牙的蝦滑和蟹肉，再加入了爽口的馬蹄，整個組合味道很夾，淋上蛋白獻汁，味道更豐富自家製飲品很多選擇，最後點了兩杯五花茶，甜度剛剛好，清熱解毒一流

一向都潮州菜有少少偏見，覺得都係打冷，環境比較地道地踎的。呢一間潮菜館改變左我嘅睇法。呢度裝修好雅致，坐得好舒服。叫左4 樣主打菜式。 潮式滷水豬肚湯同埋蠔餅鵝三寶，鵝肉、鵝腸、鵝肝戀戀的，滷水非常之入味，尤其是喜歡呢一個鵝肝夠厚身軟綿綿。 鵝肉嫩滑，無骨。 滷水雙拼～ 大墨魚加豬腸大墨魚新鮮煙煙銀銀， 厚薄適中，滷水入味， 戰底嘅路，非常好吃，份量好多，其實足夠三個人食， 加碗白粥，一流。胡椒鹹菜鮮豬肚湯味濃， 好明顯冇加味精， nice!

📍 陳儀興尚潮樓地址：太子太子道西179號地下及一樓今日屋企唔煮飯就嚟左呢間打冷－ 陳儀興飯店經過鋪頭就見到好多滷水掛左係度 被吸引住了入到去餐廳中式裝潢 整體感覺有雅氣鵝三寶 $338鵝三寶滷水是每次食潮州菜必叫的三寶即係鵝肉、鵝肝同鵝腸同埋滷水豆腐 ～ 一上黎就聞到陣陣鹵水香味鵝肉軟腍入味 鵝肝口感嫩滑 鵝腸又唔會太肥 滷水汁非常香濃 食到停唔到口普寧豆醬煮海魚 ＄268海魚選用了黃花魚 真係超足料大大條而黃豆散發天然鹹香 魚肉快速吸收入味 令海魚更為鮮甜而且係即叫即蒸 質感甚佳梅汁炆豬手 ＄158豬手皮厚膠質豐富，係開胃又養顏既菜式食落去完全不肥膩，好味又惹味的一款餸絕對係送飯之選 碧綠川椒雞 ＄128川椒雞味濃肉嫩 雞肉滑嫩中帶有川椒醬的麻香及醬香食落去少少麻少少辣 十分香口非常吸引意外地大愛啊最後飲埋羅漢果茶 清熱潤肺、化痰止咳

陳儀興由新蒲崗起家，最近大展拳腳在將軍澳開了分店，今次在朋友的帶領下來到他們的新品牌尚潮樓，圃進門的鵝香令人引頸以待。魚露浸花甲，花甲為數不少，肉嫩清甜，滑不溜口，明顯用上了上等的貨色，魚露味道經過調配，絕非坊間一般的死鹹可比。鵝三寶，我的慣性是先吃我比較不喜歡的種類，遂選定鵝肝先作品嚐，怎料令我最驚喜的就是這道，他的軟滑程度是我始料不及的，要時蒙著眼相信很多人也猜不到這是鵝肝。新鮮鵝腸的爽脆不用多說，夾雜內裏的脂香，非常出色。在鵝肝的縱容下令鵝肉顯得略費嚼勁，但是在滷得入味的花椒八角等香氣的加持，還是令人有夠滿足。清燉荷包鱔，是夜這道是要預定的菜式，難免叫人略帶期待，先呷一口清湯，味道清新，拆開包裹後是肥大肉厚的鱔碌，夾雜著金華火腿及香菇同吃，美妙。碧綠川椒雞，廚師把川椒雞炮製得很夠火喉，味道亦恰到好處，我最喜歡伴以底下炸香的紫蘇葉同吃，口感及味道 也是一流的享受。

有返晚市，可以約朋友食下唔同菜式，見好耐無食過潮州菜，襯行開魚街就去附近嘅陳儀興食個晚飯。對上一次係生醃海鮮，都係n年前係韓國食醬油蟹，今次黎到，當然要食生醃瀨尿蝦，一上枱嘅香味，已經深深吸引到我，蒜蓉椒香勁濃，瀨尿蝦每隻分開4件，食起黎相當方便，入口鮮甜，肉質嫰滑。每次食潮州菜都會食招牌滷味，鵝三寶有鵝肉、鵝腸、鵝肝，還有吸盡精華嘅豆腐，份量都幾多，鵝肉入口勁嫰，鵝肝件件厚切，粉嫰美味，鵝腸肥美得黎，入口乾淨爽脆。汕頭煎蠔烙大大碟份量好夠，而且放左好多蠔仔落去，蠔仔飽滿，煎得好香口，有脆脆邊， 好香蛋味，粉漿調教得唔錯，呢個口感我鍾意。魚露浸花甲花甲好新鮮，厚肉肥美，重點無沙，用上魚露浸，無得頂。老藥桔叫左杯熱嘅黎飲，充滿鹹柑桔嘅味道，入口甘甘的，勁舒服。

今次就去左有六十幾年歷史嘅陳儀興尚潮樓食潮州菜啦😍環境裝修雅致，佈置得體！同朋友聚會不錯選擇^_^門口就擺放左大大隻獅頭鵝！係中國最大的鵝種，獅頭鵝的肉味跟一般鵝不同，肉鬆軟且鵝味重。非常吸引🤩因為得兩個人，所以只可以幾樣菜。首先我地點左鵝三寶、同生醃膏蟹，店員就推介一款手工菜清燉荷包鱔，正常平時要預訂嫁！當時有預備多左，可以直接點，幸運👍🏻首先就講手工菜清燉荷包鱔秘訣全在湯底！先要大量肉骨熬到湯汁濃香清亮，再放荷包鱔酸菜燉到全部融入。湯清晰見底香味濃郁，鱔肉細膩嫩滑！非常開胃！味道真係一個極致嘅味道再到好期待嘅生醃膏蟹被譽為潮汕毒藥，一旦初嚐就無法自拔用上汕頭膏蟹，加上醬油、魚露、生蒜、莞茜、辣椒等秘制材料醃製三日，醬汁作提鮮作用令蟹身鮮甜肉質爽。絕對令人難忘！最後就係鵝三寶有鵝肝、鵝腸、鵝肉滷水鵝肝軟滑香濃，入口即溶！鵝腸爽口入味，鵝肉味香濃，肉質夠滑！滷水恰到好處，讓人吃個不停！三款菜色真係各有特色，令我愛上潮洲菜！下次要試埋其他不同菜式

今日突然好想食正宗潮州菜 嚟到太子嘅呢間陳儀興潮尚樓度食午餐生醃膏蟹 份量超大 蟹件已經預先斬開 進食好方便 晶瑩剔透嘅蟹肉索滿香濃惹味嘅醬汁 加埋非常鮮甜無比嘅蟹膏 真係超正呀鵝三寶 包括鵝肝 鵝腸 鵝件 鵝肝非常嫩滑 鹵水味芬香撲鼻 鵝腸煙韌有咬口 鵝肉入味得嚟非常鬆化 下面仲有鹵水豆腐 索曬鹵水汁嘅味 送飯一流豆醬蒸黃花魚 黃花魚十分巨型建議三至四個人先好叫 火候啱啱好 肉質非常嫩滑鮮甜 而且豆醬調味適中唔會好鹹恰到好處 可以提升黃花魚嘅鮮甜味薏米圓肉紅棗茶 唔太甜入面仲有粒粒嘅薏米非常有咬口 紅棗清潤補血 令成杯野飲更加滋潤

自從第五波疫情之後都好少出道街食晚飯幾月心血來潮突然想食潮州嘢行完花墟之後就見到呢間陳宜興之前喺新蒲崗都食過同系列嘅餐廳記得質素都非常之好所以今晚就去到呢度買番啲潮州食物返屋企食食就食得潮州打冷就通常係叫返一碟滷水鵝鵝肉呢度更加有成一個拼盤就係有佢嘅鵝胸鵝肝同埋有腸返到屋企又一打開個盒非常之咁靚而且份量都仲係好足夠唔會因為外賣見少咗份量一夾一夾鵝肝識落後之後非常之軟綿完完全全成個鵝肝嘅奇怪味道都唔會有而且仲更加唔會有跟而且吸收晒滷水嘅味道非常之咁好食完全比法國鵝肝係另一個層次因為好多時法國鵝肝只係會食到佢嘅油脂感覺一件起兩件只就已經非常之撳掣但係滷水鵝肝就唔會有呢個感覺食完一件就會想追加第二件第三件而主角嘅鵝肉都非常之咁好食開嘅肉質非常資金或唔會起查而且鵝香嘅味道非常之咁充足鵝腸非常之咁爽脆唔會係錄到個熟變成了一束束另外就因為好想食到凍蟹呢度嘅凍蟹用上了生醃嘅方法配合埋勁重嘅蒜蓉醋汁同埋豉油更加有蠔油而且仲食得出走嘅味道蟹肉吸收咗之後就完全冇咗呢種腥味而且肉質非常之咁滑溜而且過高先至係重點非常之咁濃郁嘅蟹未完全口中爆發而且師傅嘅多工非常之-先將硬骨骨嘅排骨已經完全去除晒所以擺落口絕一絕

最後一日冇晚市堂食, 好似經歷左三年零八個月咁所以最後一晚係咁既情況都要慶祝下, 所以今晚外賣屋企人好鐘意食既陳儀興尚潮樓陳儀興尚潮樓位於花園街口, 要去好簡單!入面環境乾淨企理, 第時有返晚市堂食一定要黎!鵝肉雙拼新鮮大墨魚-$188底係放左幾舊豆腐, 上面放左一堆鵝肉, 最上放左大墨魚, 大墨魚好彈牙, 而且墨魚味好濃, 值得推薦!而鵝肉我覺得係超好味, 唔會淨係得表面有味, 而係完全入味, 而鵝肉既肉質鮮嫩冇比, D個一個要叫的!魚露浸花甲-$198師父用魚露用得好, 唔會出現死咸, 而且魚露既鮮味更加帶起花甲既鮮甜, 花甲好大隻好鮑滿, 令人食得好滿足, 而且完全冇沙, 食得輕鬆自在!梅汁炆豬手-$158平時食豬手最怕就係好大舊骨, 但係冇咁肉食, D個就唔怕啦, 因為基本已經幫我地起好晒骨, 啖啖肉好開心! 而豬手加上D梅汁味, 少少酸更能帶起豬肉味, 而豬皮做得好彈牙, 骨膠原大增!豆醬煮黃花魚-$268原條黃花魚大大條, 大滿足, 豆醬煮到D黃花魚好入味, 魚香味double up! 而且魚肉嫩滑, 唔算多骨, 全家都好鐘意食最後叫左埋五花茶同米圓肉紅棗茶, 都係20蚊,

每次路過太子，都會經過這裏，今天終於可以安排時間到來。鵝肉雙拼豬大腸$188，鵝肉本身味道已經很好，不需點汁，已經很好味。豬大腸洗得很乾淨，口感彈牙，加點潮州辣椒油更加美味。清燉荷包鱔每位$78，用芹菜絲包着鹹菜葉，內裏的大鱔和火腿及冬菇，這個菜式很度別，是第一次吃到，鹹菜醃包裹着大大塊的白線，味道層次豐富，可能是鹹菜葉，所以湯頭都比較帶點鹹味。豆醬煮黃花魚$268，黃花魚肉質鮮甜，通常吃潮州打冷的魚類，豆醬伴隨跟上，不過這次用豆醬來蒸煮，確實又可以帶起黃花魚的鮮甜味道。碧綠川椒雞$128，川椒球要將不會過硬，味道正宗，令人想起以前可以吃到的正宗的潮州風味。薏米紅棗桂圓水$20，是自家製的，味道不會過甜，具有養生之後。

終於恢復返晚市堂食, 可惜今日要OT無出到去食好西 不過買外賣都要豪豪佢慶祝下 睇中左呢個打冷海鮮餐係一幢古色古香既兩層店仲賣緊潮式手工菜, 真係買少見少-餐牌有好詳細介紹菜式同埋做法, 更加覺得今晚同屋企人既大餐無揀錯-石榴蟹係用包福袋既形式包住非常彈牙既生拆蟹肉🦀而出面個皮竟然係蛋白做既, 包住咁大粒蟹肉球要唔爛真係好考功夫 咬開入面真係超爆餡咁大條既海黃花好矜貴🐟 黃豆醬蒸惹味又唔太鹹, 有埋芹菜好香, 勁好送飯🍚 花甲用魚露浸唔單止唔會過鹹, 鮮味仲好有驚喜! 而且花甲仲要半殼處理, 所以1d沙都無, 唔會有唔開口同含泥既情況, 大大隻真心啖啖肉打冷又點少得滷水🦆潮汕既獅頭鵝鵝肉啖啖肉鵝肝更係大件又creamy😆 超邪惡呀!超爽鵝腸下仲有嫩豆腐膶, 吸哂滷水馥郁醇厚既精華 呢道菜既滷水膽就可以睇到一間潮州餐館既底子, 係越老既膽越醇, 唔會得個死鹹配埋自家製養生茶好疏肝☕️ 羅漢果甘甜濃郁紅棗薏米水好足料今餐超豐富, 海鮮食到三個人都捧住肚好滿足-鵝三寶🦆（鵝肉、鵝腸、鵝肝）($338)富貴石榴蟹🦀($88/pp)豆醬煮海魚🐟($268)魚露浸花甲 ($198)羅漢果茶 ($20

潮州野我時不時就會好想食，因為我有個潮州魂～ 今次就買咗呢間既外賣同男朋友一齊試！食潮州嘅滷水一定要食鵝啦！鵝肉份量勁多，肉質又夠嫩，肥瘦啱啱好，而且滷得夠哂入味，仲要起哂啲骨添，食起上嚟啖啖肉夠哂過癮。滷水豆腐夠哂入味，豆腐好嫩滑。蝦棗拼粿肉蝦棗用料十足，食到啖啖嘅蝦肉，口感夠哂彈牙爽口，而另一款嘅粿肉做到外脆内軟，入面有多種配料，味道好豐富。汕頭煎蠔烙：呢度嘅用料好新鮮，啲蠔隻隻又大粒又鮮甜，加埋佢哋秘製嘅粉漿一齊煎，令蠔烙嘅口感味道都好好，亦都好有喺潮洲食到嘅味道。碧綠川椒雞：雞肉嫩滑非常，又夠哂入味，但調味得宜，唔會太咸。薏米元肉紅棗水：原本平時係會有佢哋嘅老藥桔，可惜我太晚去，經已賣哂，但佢哋呢枝都用料十足，又可以去濕又夠滋潤，好啱食完飯飲。

朋友係潮州人，自從無左晚市堂食，都少咗出街食打冷，最近見到又社交平台有唔少人推介旺角呢間陳儀興尚潮樓，好似幾正咁，於是就拉埋我去試吓。朋友預先訂咗兩份手工菜，富貴石榴蟹賣相非常精緻，好似食緊西餐咁，用上蛋白皮包住蟹肉、蝦膠、豬肉等嘅餡料，充滿蟹肉嘅鮮味，加上清淡嘅蛋白湯汁，口感豐富得來，好有層次。打冷又點可以唔食滷水嘢呢？我哋叫咗一份鵝三寶，有鵝肉、鵝肝、鵝腸，底下仲有啲豆腐，滷水汁好香，但唔會太咸，最令我驚訝嘅係鵝肝入口即溶，好似食緊棉花糖咁，估唔到鵝肝可以有呢個質感，真係難以形容，鵝腸都好爽口，鵝肉肥美十足，三款都好入味。至於呢個豆醬煮海魚，用嘅係黃花魚，魚肉肥美有黃油，加上薑蔥同豆醬一齊煮，味道好鮮，有咸香。至於蝦棗併粿肉都好特別，兩款都炸得好香口，脆卜卜咁，粿肉係豬肉餡，味道有少少甜味，第一次食感覺好新奇。蝦棗就好彈牙，味道好香。另外天熱嘅關係店員都推介我哋飲薏米水，清甜得來，仲有去濕嘅功效，唔錯。而且味道唔會太甜，感覺啱啱好。整體來講食物質素都好好，而且環境舒服，感覺有啲古色古香，咁樣食精緻嘅中菜都係一種享受。