影片
更多
2022-01-28
102 浏览
去完花墟血拼之後人都散晒, 原本諗住返屋企既欲望都冇晒但依架又冇得出去堂食, 唯有係附近買外賣啦屋企人想食潮州野, 咁岩係花墟附近有間幾出名既陳儀興尚潮樓, 係果度叫外賣鵝肉拼大墨魚-$188鵝肉肉質結實, 好多肉汁, 而且滷水汁係完全滲到入去鵝肉度, 隻鵝又唔會太肥, 所有野都岩岩好, 好好味, 而大墨魚彈牙無比, 而且好鮮甜, 我地都覺得D個雙拼係必點的魚露浸花甲-$198原本屋企人怕魚露浸住會唔會太咸唔好味, 但我太想食花甲所以堅持, 好彩我的堅持是對的, 完全唔會死咸, 而係魚露既味道帶起左花甲既鮮甜, 而且花甲超級大隻, 肉質厚實而且鮮甜, 完全冇沙, 食完真係覺得大滿足!普寧豆醬煮海魚-$238今次既海魚係沙錐, 沙錐黎講都幾大條, 而且唔算好多骨, 食得幾方便, 肉質係好易咁一舊舊夾出黎而唔係夾到魚肉散晒, 食落好有魚味, 普寧豆醬同魚係異常夾的, D個汁送飯係一定可以食多兩碗的清燉荷包鱔X2-$176D個手工菜是需要預約的, 好彩之前突然有人唔要我地先可以食到, D個手工菜真係未食過, 我地食係一舊放晒入口, 鱔味好出, 但要少少鱔可能仲有少少骨, 食果陣要留意下, 而
但依架又冇得出去堂食, 唯有係附近買外賣啦
屋企人想食潮州野, 咁岩係花墟附近有間幾出名既陳儀興尚潮樓, 係果度叫外賣
鵝肉拼大墨魚-$188
鵝肉肉質結實, 好多肉汁, 而且滷水汁係完全滲到入去鵝肉度, 隻鵝又唔會太肥, 所有野都岩岩好, 好好味, 而大墨魚彈牙無比, 而且好鮮甜, 我地都覺得D個雙拼係必點的
魚露浸花甲-$198
原本屋企人怕魚露浸住會唔會太咸唔好味, 但我太想食花甲所以堅持, 好彩我的堅持是對的, 完全唔會死咸, 而係魚露既味道帶起左花甲既鮮甜, 而且花甲超級大隻, 肉質厚實而且鮮甜, 完全冇沙, 食完真係覺得大滿足!
普寧豆醬煮海魚-$238
今次既海魚係沙錐, 沙錐黎講都幾大條, 而且唔算好多骨, 食得幾方便, 肉質係好易咁一舊舊夾出黎而唔係夾到魚肉散晒, 食落好有魚味, 普寧豆醬同魚係異常夾的, D個汁送飯係一定可以食多兩碗的
清燉荷包鱔X2-$176
D個手工菜是需要預約的, 好彩之前突然有人唔要我地先可以食到, D個手工菜真係未食過, 我地食係一舊放晒入口, 鱔味好出, 但要少少鱔可能仲有少少骨, 食果陣要留意下, 而浸住個湯有少少胡椒味, 幾好飲
老藥桔X2-$40
D個老藥桔係經理介紹我地飲的, 話依架我地成日帶住口罩, 飲D個對喉嚨好, 睇落好似好苦咁, 但飲落其實係咸柑桔既好味版, 幾好飲, 而且飲完覺得好舒服, 值得推薦
總結D間陳儀興尚潮樓幾好味, 服務都好好, 第時有機會一定會再去試下佢既堂食!
张贴
