陳儀興尚潮樓 (太子道西)

营业中

休息中

之前都在新蒲崗分店買個外賣鵝肝鵝片， 一向對佢哋嘅質素有信心， 今日嚟到花墟對面食呢個裝修有特色嘅分店， 更加感受到傳統嘅感覺。 坐喺一樓露台， 望到對面花墟市場， 好寫意。 必點之一梗係鵝肝鵝肉鵝腸， 最重要有佢哋自家製嘅辣醬， 有好香嘅蝦乾味， 好似麻辣版嘅xo醬。 鵝肝香軟嫩滑， 雖然好肥但都忍唔住食多幾件。 鵝腸質素亦十分高， 切得好薄身，爽口唔會太煙韌， 洗得十分乾淨。 鵝肉亦唔會嚡口， 食到陣陣甘香味道， 連皮一齊都唔算太肥膩。 清燉荷包鱔， 湯底好濃厚， 中式老火燉湯feel， 鱔肉好厚身好滑口， 易食到陣陣甘香。 水晶白桃粿， 傳統潮州小食， 中間有啲綠豆用加紅豆蓉， 食落亦少少似綠豆鹹肉粽， 幾有風味。 豆醬煮黃花魚， 原條黃花魚好嫩滑， 加上豆醬淡淡嘅香味， 更能提升魚嘅鮮味。

由於最近年宵市場被全面叫停，但農曆新年是傳統的大節日🎉怎可以少了年花去為家中增添節日氣氛，而且花農早已準備不少貨源，如果今個新年血本無歸實在於心不忍，所以今天做孝女和家人去旺角花墟採購一番，買入了蘭花和銀柳等回家作擺設🎍 採購完也差不多到了午餐時間🤤早已經找好一家傳統潮汕菜館，與花墟只是一街之隔，不用多花體力捧著年花去揾食。餐廳選址也花了心思，門面已覺古色古香，原來整幢建築是建於1936年🛖已被定為三級歷史建築，現已活化為以中式博古架為主題的精品酒店。 陳儀興飯店是在新蒲崗立足三十多年的打冷滷水名店，上年中秋更有朋友送過他們家的潮汕月餅😋相當好味道。這間分店加入了更好的佈置和服務，例如吊燈和仿瓦片的裝飾，不時有古風裝飾去點綴，令整個用餐體驗不輸星級中菜館，更有電梯直到樓上雅座包廂，親朋好友來吃飯也毫不失禮🥰 潮汕菜有不少特點，例如依水吃水善烹海鮮、重湯輕油、崇尚清淡、注重養生等🌊而且亦有不少手工菜，相當精緻吸引，定價不算高昂，比星級中菜館抵食。 🦀生醃膏蟹 | $588 | 8.5/10說到潮汕菜，生醃海鮮絕對是中流砥柱，因為沿海有大量新鮮海鮮，生醃做法令味道提升，韓國醬油蟹與此有異曲

而家夜晚6點後冇堂食，唯有搵下d新意思，食d好食嘅嘢對自己好d。太子陳儀興尚潮樓，新蒲崗陳儀興潮州菜館分店，裝修明亮企理，可惜夜晚未有機會堂食呢。潮州菜必吃項目：潮式鹵水鵝肉墨魚雙併（$188）鵝肉入味有鹵水香，連骨帶肉非常適合送酒！魚露浸花甲（$198）作為冷盤，花甲非常大隻厚肉，係一個幾有新鮮感嘅開胃前菜。蝦棗併粿肉（$138）炸物出色又香口，在家吃的好處就係嘆住炸物送酒送電視。富貴石榴蟹（$78/位）太子店獨有的手工菜，呢味石榴蟹以蟹肉加蝦膠為餡，蛋白皮包住再加芡汁，有鮮味有賣相呢！

沒有想過新年前竟然會禁止晚市，和太太實在想念出外用餐，星期六中午時間特意想找一些可以吃晚市菜式的餐廳，不約而同想起了打冷，網上留意到這一間著名潮州餐廳的新開分店，於是便和太太過去店員推薦餐牌上的各類菜式，非常有禮，另外他們跟提供手工菜，非常驚喜鵝三寶，分別是鵝肉，鵝腸和鵝肝，先說滷水味道濃厚，鹹香味十足，另外不得不提鵝肝厚切，入口creamy, 另外鵝腸入口爽脆，是一部高質素的鵝肉拼盤蠔餅，每次打冷必點，先說蠔肉比起坊間其他餐廳比例較多，每一口都能品嚐到蠔肉，另外餅底炸得酥脆，高分之作清燉荷包鱔，湯底入口清香大有足夠鹹味，另外用荷葉包着鱔肉以作解膩，非常奇妙和有效的食材配合豆醬煮海魚，豆醬清甜不會過鹹，非常適合配搭魚肉帶出鮮味，是一道有驚喜的蒸魚

這間位於太子的潮州滷味店，主打當然是滷鵝等潮菜，另外還有多款傳統的手工菜及小炒。鵝三寶有鵝件、鵝腸及鵝肝三款，另外以滷豆腐墊底，鵝肉連骨十分juicy，滷得入味又不會過咸，鵝肉有少許鵝油脂香；鵝肝更是嫩滑之餘又十分creamy，入口有油脂甘香，是必食之選；鵝腸爽脆，已去掉脂肪，不油膩。蝦棗拼粿肉蝦棗炸至金黃香脆，蝦膠足料，入口彈牙又充滿蝦肉鮮味；粿肉外脆內軟，裏面豬肉完全無豬騷味，十分新鮮。梅汁炆豬手豬手炆至入味，火喉剛好，炆至豬皮爽口筋肉彈牙，加上梅汁酸甜味，十分開胃。碧綠川椒雞雞肉帶微微川椒香辣，十分惹味，雞肉嫩滑，送飯一上流。老藥桔淡淡柑桔香味，化痰止咳。

今日行完花墟係附近見到呢一間尚潮樓食潮汕嘢，門面吸引就入咗去試。店舖有地下同樓上舖，我哋坐咗係樓上舖，環境闊落舒適。前菜點咗鵝肉雙拼 $188 因為我地蠢咗get錯嘢，叫咗兩款菜式試，所以turn out無鵝肉試，大家唔好好似我咁咁蠢。😢叫咗鵝紅同大墨魚，材料豐富，滷水味濃。鵝紅口感嫩滑又彈牙。湯羹叫咗二十年老菜脯燉鮮豬肚湯 $78一碗味道濃郁，無味精亦都唔會好油。非常可口。魚露浸花甲 $198每隻花甲大隻肥美，味道鮮甜而口感彈牙，魚露亦唔會太過搶味，配作調味一流。汕頭煎蠔烙 $118啱啱煎起嘅蠔烙熱辣辣咁食非常香口，蠔嘅份量亦好足夠，令你啖啖都食到蠔，非常飽足。另外叫咗潮汕老藥桔做飲品，味道帶點鹹柑桔味，好開胃。

係太子有間隱藏高級潮洲菜餐廳，睇門面既牌匾都覺得有種氣勢。一入到去成個環境都好舒服👍🏻睇睇menu, 今日黎到就一定要試試佢地既生醃海鮮同鵝肉😋👍🏻首先梗係要叫返兩杯潮州特產嘅老藥桔😆👍🏻老藥桔用金桔製成，果香濃郁，鹹中帶甘，飲落好開胃可口😁直頭想不停添加嚟飲 叫咗一凍一熱，冷暖我自己都覺得幾好飲。之後前菜叫咗生醃瀨尿蝦，賴尿蝦肉質爽甜，加上有蝦膏更加甘鮮無比。辣椒、生蒜同豉油一齊醃，係令你難忘嘅味道。加上仲好細心將賴尿蝦剪開，方便食嘅時候唔需要用到手，味道真係十級讚的。必點👍🏻👍🏻之後食潮州菜，一定要叫嘅就係鵝肉拼盤，我地都唔會放過。鵝片肉質好軟熟但如果鹵水可以再濃多小小就perfect😆👍🏻但係邊位爽口而且肉質豐腴軟滑，高水準。滷水拼盤除咗鵝肉，仲有豆腐同大墨魚。大墨魚處理得非常爽口，食落口感覺好脆。滿足👍🏻再食墊底豆腐，豆腐吸晒啲滷水汁👍🏻👍🏻普寧豆醬煮海魚🐠魚肉質地有啲似日式一夜干，有彈性，魚肉鮮味濃郁，略帶鹹香。加上豆醬既咸香，將魚既鮮甜帶出。加上芫荽，芹菜👍🏻最後我哋仲叫咗個厚菇芥菜煲，份量亦都係10分大。大菜既味道幾特別，略帶小小澀味但又有小小回甘。👍🏻👍🏻總括來講，幾道

經過太子陳儀興尚潮樓，見到做緊有優惠，而且看幾來是幾高質，所以賣外賣回家吃！鵝肉當然是主打菜式，具有柔緻鮮美，肥嫩多汁， 齒頰留香，個人喜好再配上辣油，白醋！更令鮮味帶出，另外雙拼配上鵝腎，非常爽口挺身！口感細緻，好好食！清燉荷包鱔，手工菜式，極具心思！因為手工繁瑣，鱔要去骨釀入冬菇、芹菜、金華火腿，以潮州鹹菜包裹，再配上胡椒、排骨清燉！由於製作時間費時，現在很多潮州餐廳都不再供應。湯頭咸香帶胡椒香幾鮮明，鱔肉肥美，外層既咸菜葉中和了鱔既膩，味道恰到好處。煎蠔洛，份量十足夠足料，配上魚露更加香！雖則到家吃而唔太脆身，但勝在唔油膩幾清爽！蠔仔肉幾飽滿，正。老藥桔，咸咸香香帶點甜，幾舒服潤喉， 稍微加熱，味道更加突出。清心丸綠豆爽，味道清香帶微甜，清心丸加綠豆爽口感一流，好正既甜品。

來了花墟買花，選了鄰近的陳儀興尚潮樓午餐。都聽聞過陳儀興呢個大名，有幾間店，終來到佢其中一間最靚店品嚐。呢間太子店位於三級歷史建築 改建的精品酒店 Hotel 1936 的地舖及一樓，環境古雅舒適，睇完OpenRice啲食評及環境都覺得吸引，Lunch set 都唔駛$100，性價比高。來到果然裝修好靚，樓底好高，一入去就畀個壯觀長樓梯吸引 （另都有lift可搭去1樓）。本想坐樓上，點知話Full晒，真係好生意。幸好地舖仲有位。叫了個鹵水自選套餐，選了鵝片雙拼 (拼墨魚）$88鵝片肉嫩，皮薄唔肥，墨魚片爽口，醬汁味濃，伴碟豆腐味道好跟餐選了潮州粥 ，綿滑有層次，仍有米粒口感，粥品關注組必試另加$20有時菜，選了較特別的豆醬炒通菜， 色香味非常，不似跟餐加配的程度，雖略油及鹹卻令人回味。花甲海鮮湯（餐湯）個人覺得冇落味精，好清鮮的湯品，略淡，始終是跟餐湯，不能有太高要求🤭本想叫招牌水晶白桃粿 $58，但無晒，又要留肚等陣食阿杏飯團, 唯有去叫我地最愛又邪惡的甜品反沙芋 。$88全份, 我地2人只叫了半份$58，有4件。似是即叫即整，我地等了好耐才有。夠熱又有驚喜，加了蔥，好香好味呀，芋頭

今日到花墟買年花，順便在附近吃個早飯，發現這家陳儀興尚潮樓，就來試試水準。餐廳一反潮式滷水飯店的古早風，裝潢明亮新潮，座位寬敞舒適。餐廳主打滷水鵝，亦有其他的傳統潮州菜式可供選擇，更有不少坊間少見的手工菜。鵝三寶鵝三寶分別是但用料重磅，有鵝片、鵝肝及鵝腸，一次過吃三款我最愛的滷水部位，亦有豆腐伴碟，物有所值。鵝片斜刀切法，連皮帶肉，肉質柔嫩，鵝味濃郁；鵝肝口感粉嫩，味道甘腴醇美；鵝腸一咬爽滑脆口，同時保留有鵝油甘香。護國菜護國菜是港人十分少吃的傳統潮菜之一，以番薯葉，加入上湯煮成湯羹，成品見菜不見肉，色澤翡翠泛光，入口卻脂香潤喉，齒頰留香，以為材料簡單，卻是始料不及的鮮美，加上香氣十足的瑤柱絲，為口感及味道加上變化。清燉荷包鱔荷包鱔同樣是一款少見的手工菜，以潮州鹹菜將去骨白鱔、冬菇等材料包起，以胡椒排骨長時間清燉，豐厚嫩滑的鱔肉，肥而不膩，胡椒湯的冶味是絕配，湯底清香加上鱔魚鮮味，非常美妙。梅汁炆豬手豬手份量同樣十足，有豐富的骨膠原，以子薑及話梅滷煮入味，軟而不爛，油香豐富，醬香馥郁，酸、甜、鹹味平衡，味道融和，而且稀稠寬緊合度，十分下飯。老藥桔一入口就是純粹的果香，酸甜適口，腴而不膩

又禁晚市堂食14日⁉️宜家變相午餐想食得豐富啲，先撐得過去呢間喺太子嘅潮州菜（打冷）走新派路線但都保留好多傳統菜式及煮法環境裝潢及擺設估雅，上層好多大玻璃感覺開揚又夠光猛必食鵝三寶（鵝肝、鵝片、鵝腸）鹵水出色，鵝肝又夠甘香，最鍾意佢係豆腐底鵝片啖啖肉鹵得入味，鵝肉嫩腍帶鵝脂油香，另外鵝腸爽腸帶點鵝膏好邪惡另一賣點一定係生醃賴尿蝦及膏蟹，醃到鮮香甜美又有酒香，蟹好新鮮啖啖甘香蟹膏，因為唔係到到有得食，陳儀興老字號經驗豐富，食得安心😋另外仲有魚露浸花甲都好鮮味，隻隻花甲好大粒又厚肉清燉荷包鱔係傳統手工菜，荷茶好清香入面件鱔都肥美，最正佢個燉湯底好清甜豆醬煮海魚（黃花魚）真係好鮮甜嫩滑，原來用豆醬去蒸都咁夾記得留肚食2款潮式甜品（芋泥及反沙芋頭）啊～最後要叫潮汕飲品老藥桔，好濃鹹柑桔味又夠潤肺潤喉～

冇得晚市堂食 Lunch就食好啲啦！去咗太子食潮洲菜 生醃海鮮好有驚喜餐廳中式裝潢 整體簡潔大氣用咗木枱木櫈 櫈上面仲放咗軟氈坐得舒服職員都好Nice好好service生醃膏蟹 $588醬油蟹就食得多 生醃膏蟹就真係未食過 估唔到咁好食個碟勁大碟呢個價錢算係幾抵食就咁望都見到有好多橙膏同黃膏橙膏黏黏地略帶嚼勁 黃膏較腍蟹肉晶瑩剔透一啲都唔腥食落凍凍地清涼嫩口醃得好好唔會太鹹太濃味醬汁有少少辣辣地 好有鮮味配飯一流鵝肉+鵝腸 $188呢碟鵝肉拼鵝腸份量十足鵝肉肥瘦適中 肉質爽嫩 帶有少少肉汁同油份鹵水汁有少少花椒八角味好香鵝腸一啲都唔肥  食落油中帶脆清燉荷包鱔 $88@呢味手工菜都係第一次食個湯非常之清同埋鮮甜而荷包鱔就用咗鹹酸菜包住白鱔 金華火腿同埋冬菇一啖咬落去口感層次好豐富特別得嚟又好食好飲老藥桔 $20@呢杯老藥桔雖然聞落有少少似中藥味 但係飲落一啲都唔苦鹹鹹酸酸帶點甜 飲落好香醇 感覺好健康Menu

今日想在屋企附近買鹵水鵝食,上網搵到有兩間。其中一間見到都唔想買、顏色、舖面已經令我卻步。之後去這間~陳儀興~平時都有經過，見到啲鵝都幾好，就買來試下啦，因為第一次買其實都冇望價錢就落單🤣🤣服務員好好👍知道我兩人食，建議買例牌👍就平啲囉😁

花甲，完全無味，唔鮮鵝六寶，普通滷水，一d都唔突出，差唔多4舊水，完全唔值蠔爽，頭好啖幾好食幾香口，食食下就覺得好油糖醋麵， 淋既，唔脆，差整體黎講，完全唔值，食左1300 蚊，好在係用消費券，唔會再去

有些食物還是老店好因為會用時間慢製因為會用食材因為仍用傳統煮法鵝肝軟滑如慕絲鵝肝鵝肉有鵝味油香不柴川椒雞炸椒葉夠脆雞肉滑聖子王香脆爽夾魚露迷迭香蠔仔粥夠鮮味蠔胳外脆內軟多蠔糖醋麵煎得脆香可惜出菜有点讓人尷尬，先出粥後才出主菜