陳儀興尚潮樓 (太子道西)

营业中

休息中

可以坐得舒舒服服食幾好味嘅潮州菜!咁大個第一次食賴尿蝦刺身,"生醃瀨尿蝦"嘅蝦肉口感幼細嫩滑,可惜唔夠肥美;即刻炸起嘅“炸普寧豆腐"香口,入面嫩滑;必食個"梅汁炆豬手",炆得軟腍嘅豬手膠質豐富,入口啖啖肉,配非常濃郁嘅梅汁,酸酸甜甜,越食越開胃👍🏻.🔻🍽 陳儀興尚潮樓📌 地址: 太子太子道西179號地下及一樓

住了太子20幾年，睇住啲潮州店一間一間倒閉，咁啱陳儀興（高級版）喺疫情期間開咗,重要係屋企附近，成日都好想去試，但係老公唔食肉，冇咩啱佢食，今日終於自己嚟試一個午餐💪🏻👏🏻一入到來，已經被一個收銀阿姐命令式叫我安心出行同埋量體溫，佢語氣重嫌棄我一個人，話：一個呀？面有難色加晦氣地叫我上樓上，好啊，諗住上樓上，因為佢可以望到街，風景好靚，點知佢安排一個坐喺廁所門口嘅位俾我，前面仲要咩都睇唔到，都算數諗住快啲食個飯就走，當我清潔啲碗嘅時間見到啲碟好污糟，隻杯好污糟，叫經理幫我換過嗰陣時佢唔好意思都冇一句，就第遞隻碟俾我啦⋯⋯跟住啲飯來到，我覺得比較淡個湯完全冇味，跟住仲見到我啲飯嗰碟係之前用過未洗乾淨，有一達黃色嘅污糟野！我都算諗住食完就走😞臨走同個經理講：你哋啲碟碗比較污糟，可唔可以注重一下？跟住佢話：哦好啊！咁就算數啦⋯⋯唔好意思都冇一句！食物質素一般服務態度同埋衛生超級差唔會推薦朋友你自己以後都唔會再理個海鮮湯我飲了一啖，水一般的淡味道😞

「陳儀興飯店」————————————————店鋪地址：太子太子道西179號地下及一樓——————————————————今次叫左個 魚露浸花甲, 鵝三寶 , 川椒雞 !! ❤️魚露浸花甲好入味😋!!! 而且蜆肉好大粒肉,相當新鮮既感覺☺️ 仲要係凍食 相當開胃….另外,鵝三寶入面有鵝肉、鵝腸和鵝肝!!鵝肉鵝汁好味😋 鵝腸都爽口💯川椒雞係正常發揮! 冇咩特別😜——————————————————總括依然, 可以再去!!!! ⭕️⭕️⭕️

book咗一個星期都要坐廁所隔離,大家要小心中伏.味道又唔係特別好食,大把餐廳好好多。 座位又窄,D嘢又唔好食,如果你哋真係要嚟呢度真係要諗清楚。三個字,好鬼差。

父親節之前，父親大人話想食潮州菜，於是book了這一間潮州菜。知道價錢比一般潮州菜貴，但咁多好評，應該好味掛?到左舖頭，原來有2層，我地坐係1樓，環境好靚好舒服。叫左好多野食，也有叫飲品，杯飲品唔記得影，但有啲酸酸甜甜味道，$20杯，好好飲。第一道上的菜是「魚露浸花甲」，以第一道菜來講，比得相當好。大熱天時入來食飯，第一道菜比人好舒暢的感覺。第二道菜是潮州粥，裡面有好多蠔，個粥都好好食。湯底同個粥好夾。跟住來的是蝦棗加蟹肉棗，個人覺得蝦棗好食啲，但上菜時熱辣辣，都好好食。然後就再來左個潮州炒面，呢個我至細都有食，呢個係比較遜色的一味菜，只是普通炒面，我屋企平時會加埋蝦和魚片去炒，坦白講，我地煮得好食啲。跟住再來是糯米釀雞翼，呢個唔係咁好食，主要是個雞翼是酥炸雞翼，但炸得唔夠香，裡面的糯米飯亦煮得唔夠香。也有叫左生奄賴尿蝦和「鵝肝和鵝肉」，無叫好多人食的鵝腸，因為全家都唔食。  生奄賴尿蝦係好食既，我估生醃蟹都會好好食，但menu寫名是時價，驚好貴，所以無食到，佢有好多海鮮河鮮都係寫明是時價。本來來之前好想吃大眼雞魚，都係因為寫左時價無叫來食。至於「鵝肝和鵝肉」方面，阿爸話好好食，鵝肝入

餐牌果隻生醃膏蟹！睇到口水都流埋…一直念念不忘…今日約埋老友，趁午市人潮前入座，做今日第一枱客。侍應生殷勤有禮，店內裝修雅緻，食具整潔，第一印象滿分。生醃膏蟹先上桌，魚露混入酒香蒜香，滿滿的蟹膏，軟嫩的蟹肉…慢慢品嘗，每一口都是鮮香甘甜…膏蟹大隻肥美，連蟹腳都肥厚有肉！食到眉開眼笑…很滿足！鹵水鵝肝拼鵝肉，鵝肝肥厚，鵝肉已起骨，入味嫩滑，吾怕啃親；但始終喜歡斬件鹵水鵝。奇怪點解墊底豆腐竟帶騷味！炸普寧豆腐，係精美版；不太脆身，附上將韮菜打成碧綠的醮汁。豆腐有濃濃豆香，竟可蓋過霸道的韮菜味…推介！潮州打冷點少得嘅白粥呢…但碗粥又杰又開花…吾合格喎…最後點埋水晶白桃粿，賣相討好，內有冬菇蝦米臘腸蓮子綠豆蓉…仲以為係甜品添…坐得舒服，慢慢食慢慢傾…不知不覺食咗兩個半鐘…每人食半隻蟹期間，侍應生有禮地換了幾次骨碟，又主動幫忙斟茶。午飯時間雖然多人，都無催交枱。滿意的一餐！

前兩星期開始諗定母親節去邊度食飯，咁啱老公朋友岩岩食完呢間潮州菜，對它讚不絕口；就決定試下。我地避開咗正日，booked左正日前一日既午飯時間。餐廳係花墟近旺角警署個邊既斜對面，花園街尾賣舊式花生涼果店既隔離-我地被安排左坐樓下近門口的四人枱，坐位舒適-老公朋友推介生醃賴尿蝦、螄蛤等餸菜；但我地四個都唔多鐘意食呢類生醃野，所以冇叫到。其實我黎食之前都已經做左功課，已經諗左叫咩，再等阿爸阿媽ok(通常都無意見)就叫得～第一道菜係魚露浸花甲-花甲清甜，喜歡它的蒜頭，好惹味～之後上鵝三寶 (鵝肝、鵝腸、鵝肉) -我唔食鵝既，只係食左底既滷豆腐; 根據其他三人既comment, 呢碟好食，同好快清哂～阿爸阿媽各自叫咗一客湯，個護國菜湯得到阿媽既讚賞-到梅汁炆豬手-我又係唔食既😅，叫呢個係因為阿爸鐘意食豬手，同之前睇咗食評決定要叫的～佢地三人評語：睇落好油，但食落唔覺，炆到好淋，個汁仲可以用來撈飯～再黎蠔餅-佢地既蠔餅唔會有太多脆醬，感覺不會太油膩及熱氣，好味～油泡鮮魷-呢碟係臨時想叫的餸菜，帶蝦醬味，都惹味～豆醬黃花魚-魚好滑、豆醬汁唔會太咸；老公唔食魚，阿媽又好飽，結果我同阿爸清哂～原本仲想

滿心期待去食呢一餐潮州菜環境就100分食物就真係唔識欣賞生醃膏蟹打卡一流，影相靚law,但係味道偏鹹，仲有少少醒，價錢唔值，一年前賣288，依家488/588生醃賴尿蝦味道比蟹好，冇咁鹹，亦都比較鮮甜，價錢比較合理鵝肉普通，但係鵝肝好淋，有啲霉嗰啲口味，我地4 個人都唔讓欣賞蠔爽蠔仔算飽滿，味道OK，但係都冇乜特別白飯魚烙成口粉，煎得唔夠脆，味道好淡總括來講係失望嘅，除咗個賴尿蝦好食啲，其他餸都唔得侍應問我哋飲咩茶，我哋話菊花茶，冇諗過呢個係要收錢，仲要48/位，好貴law成餐飯埋單差唔多1700我地4 條友人， 每人4 百幾咁既味道真係唔ok law

好耐冇食潮州野，諗起潮州野 通常都會諗起打冷，上網search左呢一間 裝修高尚既潮州菜餐廳 馬上心血來潮去試下餐廳以中式的風格做裝修 分咗兩層 樓底高令到餐廳睇落好闊落 今日我哋去咗樓上 上菜之前餐廳會遞上功夫茶鵝三寶（鵝肉 鵝腸 鵝肝）$268滷水味非常濃郁入味 鵝肉同鵝肝都非常軟淋入味，🥰🥰 鵝腸爽滑 份量亦唔少20年老菜脯燉鮮豬肚湯每位$78用20年老菜脯 燉鮮豬肚湯，非常有驚喜，湯水濃郁另外再加帶點鮮甜富貴石榴蟹每位$88呢一款係餐廳介紹嘅菜式 每日限量 所以我哋都試下 鮮甜嘅係要酸奶爽口嘅馬蹄 口感豐富 鮮美碧綠川椒雞$128香味十足 未放入口前會覺得好辣，但其實辣度剛剛好 非常惹味潮汕飲品：老藥桔茶：烏菓單叢菜

呢間潮州菜餐廳唔同我以前食既打冷，呢度既裝修雅致，樓高兩層，而且姐姐仲會幫我地勘茶，介紹餸菜，好好服務👍🏻👍🏻👍🏻◾️朋友介紹呢度，話可以食到正宗既潮州菜，以前都唔知，原來潮洲菜其中一樣好出名既係生醃/凍海鮮🦑🦞◽️所以我地先叫左個魚露浸花甲，魚露夠清甜，配上彈牙既花甲好開胃😍美中不足係有一粒食到沙！◾️海鮮類仲叫左炒鮮魷同必叫既蠔餅！蠔餅勁足料，勁多蠔仔❤️仲要個炸粉唔會好厚👍🏻◽️另外梅汁炆豬手係我今日最愛🥰梅汁炆豬手個豬手唔會太「林」唔會太韌，岩岩好，而且十分入味，酸酸甜甜👍🏻👍🏻▪️其實碟碟餸都好好味🤤希望快d無限聚令，可以多d人去，再試埋其他餸菜🥲

High Quality Chinese Chaozhou Seafood Feast🥢..估唔到太子，都有一間高質既潮洲中菜館🥢。橫裝滿有中國風、環境雅致、座位寬敞、菜式精緻、服務十分優質啊啊啊，整體水準真不錯喔。今次趁Lunch🥢 約左朋友來試試他家各款特式精緻菜式：有醃海鮮🦀、魚翅🐋 or 鮑魚🐚、海參🐚、海鮮花甲🐚、潮洲粿條🍜、潮洲甜品🍨，海鮮宴 超級豐富 大滿足。.✨生醃海鮮：生醃膏蟹 $588✨魚翅鮑魚：潮洲紅燒翅 $388✨海參：潮式紅燒婆參 $158✨小菜：魚露浸花甲 $198✨主食：沙茶牛肉炒粿條 $138✨甜品：薑薯綠豆爽 $45.生醃膏蟹🦀，超級多膏而家滿有鮮味，好比韓國醬油蟹。如果你喜歡那種鮮味，就別錯過潮式醃蟹呢；下一道紅燒翅🐋，濃濃稠稠、足料而且口感濃郁鮮味；海參🐚 亦炆煮入味肉厚；浸花甲🐚 大大粒厚肉飽滿、而肥美有鮮味；主食有煙煙韌韌粿條🍜，🐮牛肉份量超多肉淋；最後甜品綠豆爽💚 清清被寵壞的味蕾，真的很爽。呢個下午既海鮮宴🥢，食得精緻高質又開心。因為Satff 💁🏻‍♂️ 服務真的超級細心又到位，反應超級迅速有效率，實屬不錯的中菜館呢。愛吃潮洲菜的你，別錯

時常聽人講食打冷就要去陳儀興, 咁啱今日有朋友邀請我們到太子陳儀興尚潮樓用餐. 餐廳是位於舊式大廈配新裝修, 格局精美. 坐低後, 問問服務員新蒲崗陳儀興與這間店有沒有關係, 他們回答是同一個老闆, 格局層次不同. 這麼真是一分錢一分貨😅 訂座時, 餐廳已說明用餐時間90分鐘潮式鹵水拼盤當然唔少得叫啦! 鵝六寶$388, 分別有鵝肉, 鵝肝, 鵝腸, 鵝掌, 鵝翼, 鵝蛋, 底層有豆腐. 這個鹵水拼盤份量也算多, 味道都不錯. 最深刻印象是鵝肝及鵝蛋的味道, 因為我是第一次食鵝蛋, 蛋白質地偏硬, 蛋黃味道很濃, 食完覺得味道幾特別😋鹵水墨魚$138鹵水墨魚當然有鹵水味啦! 墨魚質素好入, 質感也很彈牙, 爽口👍 底層也有豆腐魚露浸花甲(凍食)$158魚露都知道它的味道偏鹹, 平時加少少是提升食物味道. 不過這個浸花甲, 只吃得到鹹味. 份量也很少一碟只得14隻生醃瀨尿蝦$288味道與魚露浸花甲一樣, 只是主角由花甲變了瀨尿蝦. 瀨尿蝦看似著了一件透明的衣裳, 視覺幾特別😍 不過這道菜的味道&口感不懂太欣賞梅汁炆豬手$158非常濃郁的梅味, 不過豬手亦有好大陣豬味😕 食物味道覺得少少鹹

兩層樓高，佈置古雅。上層有騎樓，可供約十人座。餸未到，先叫小碟潮式前菜，醒胃清甜。滷水鵝片滷汁入味，肉質軟嫩，墨魚片白滑軟稔，豆腐吸融滷水汁，一咬豐潤。一碟煎蠔烙，份量夠，麵粉薄少蠔仔多，入口軟滑，不像一般的蠔餅，一整口也是炸粉。蟹棗香口彈牙，本來叫了雙黃，但漏了單，時間趕及，未能一試。

話說好耐都無夜晚出街食過飯，呢日揀左間高級潮汕菜撐枱腳 《陳儀興尚潮樓》！平時去開大排檔食潮汕菜，今次嚟左間乾淨企理，環境好好既地方食潮汕菜，感覺幾新鮮。✅ 生醃賴尿蝦生醃海鮮係呢度既招牌，叫咗個生醃賴尿蝦，第一次食賴尿蝦刺身，感覺特別，加埋獨門醬汁，味道酸酸辣辣，做第一道菜感覺好開胃，值得一試。✅鵝肉雙拼嚟到食潮州菜，點少得食鵝，今次叫咗鵝併鵝腸。鵝肉同皮中間有層脂肪，充滿油香，肉質煙韌，配合加上個滷水汁，夠入味；鵝腸爽脆，有少少肥膏連住，同樣滋味😋✅二十年老菜圃燉鮮豬肚湯豬肚入味爽口，老菜圃質感軟稔，湯水味道濃郁，鐘意豬肚湯既朋友必試✅汕頭煎蠔烙即叫即炸，用料新鮮，份量充足，加上香脆可口，潮汕菜必點。✅老藥桔似加糖版既凍咸柑桔，味道酸酸甜甜，開胃解渴👍🏻

上年試過陳儀興潮式食店非常高質 , 事隔咁耐 , 又想嚟回味一下 😋😋 ~鵝肉拼大墨魚 ($188) 黎呢度緊係要試下佢哋嘅滷水鵝肉啦 !! 每次黎必點 👍👍👍 啖啖肉 , 肉質結實 , 鵝味濃 , 無得彈 😍😍 新鮮大墨魚都好出色 !! 彈牙 , 爽口 , 食到墨魚鮮味 , 同時有淡淡滷水味 ~ 底下仲有 3 - 4 大片滷水豆腐 😏😏 ! 呢個雙拼拼盤好高質 , 份量又合理 , 大家一定要試 !! 🤗🤗🤗金不換燉海螺 ($78 / 位) 湯色清澈 , 味道好特別 , 金不換味突出 , 又香又清甜 ,  仲有 4 - 6 件螺肉 ~汕頭煎蠔烙 ($118) 好香呀 😲 ! 份量都幾多 , 外脆內軟 , 配埋潮州白粥 ($13) 好正 🤤🤤 !! 呢度嘅白粥清淡得黎有家嘅感覺 , 配埋濃味嘅潮州菜好夾  ~ 食完個白粥好舒服 普寧豆醬煮黃花魚 ($198)都幾大條嫁 ! 火喉掌握得啱啱好 , 魚肉好嫩滑 老藥桔 ($20)可以揀凍 / 熱 , 酸酸甜甜好開胃 , 個人覺得凍好飲啲 😄 ~整體嚟講 , 食店選擇豐富 , 潮州菜做得出色 👍👍 , 食完一定會想回頭 , 而且店員服務好好 .