酒鍋 (V Point) (已結業)

TGIF!!!!!今日收工同成班同事一齊黎左打邊爐同事平時係樓下做GYM留意到呢間酒鍋，一齊黎試!好彩我地唔多人而且唔係太遲黎，都仲可以WALK IN入座，七點鐘都滿左九成了~見到佢落地玻璃外既夜景都覺得正~餐廳用左好多原木顏色，又用左燈籠燈罩，但中國味不濃，可能個夜景真係太搶眼餐單有點弱，可能黑白既關係，但食物種類唔講得笑，字本身細粒，寫到滿版都係!!餐單係A3 SIZE呢~~~太多選擇了吧!? 唔知有咩好食，唯有點餐廳推介，一定冇錯!傾左陣計準備食野，洗完手返黎已經成台仙氣! 但我MISS左最精彩既點火儀式呢一個餐廳推介之一    -    酒火入魔!  朋友話中間木瓜鍋加左燒酒再點火，然後放乾冰，所以做出煙霧彌漫既效果係見佢一次可以試五種湯底先試佢~木瓜鍋，蕃茄波士頓龍蝦鍋，清湯蘿蔔牛腩鍋，四川麻辣鍋，潮洲沙嗲鍋湯鍋除左有五種味，仲有一個特點就係除左麻辣同沙嗲，其他都有齊配料! 蘿蔔牛腩真係有蘿蔔牛腩，蕃茄波士頓龍蝦真係有蕃茄波士頓龍蝦牛腩都有大大件既5-6件，煮得幾腍幾入味，龍蝦個個都懶得拆，等佢再煲下湯先~打邊爐點少得牛，叫左份大既頂級安格斯牛小排，放哂係個吊藍上邊，擺得幾靚

本身好期待試呢間，Lunch time同同事去。星期五入去已經見無人好奇怪。我點左一個雞湯鍋 （鴨血，鮮蝦雲吞，冬瓜，粉絲）。 飲品方面佢地唔比人小甜或者小冰就算啦，咁我話比杯水我啦佢話水要收茶位 ！ 我點左抹茶奶蓋 ，上左之後超級無敵甜，白色唔知咩黎嘅 完全無奶蓋味。 朋友杯黑糖珍珠奶茶反而無味 又唔甜又無茶味。 點解可以咁極端？ 上左鍋之後更加激氣，冬瓜兩小片，鴨血兩塊，雲吞比公仔點心仲細 （2件）。 賣相似水煮粉絲菜鍋。湯底根本無味，都係味精。咁樣收我 78加一？ 真係建議去食譚仔餸多D湯底又好味D。 態度勁差 乜都要加錢先可以做。 建議大家千祈唔好黎！ 自己係公司食杯麵仲好。

餐廳喺銅鑼灣著名食街登龍街嘅V Point 27樓。一行入餐廳已經見到無敵維港景色。木製嘅餐枱、餐牌、餐具，中國風嘅瓷器骨殻兜、錦盒紙巾盒、木質餐具，好似古代客棧，但牆上又掛住西式風格嘅畫，播住英文流行曲嘅背景音樂。中西合璧，好有特色。【酒火入鍋】係一鍋五種湯底，中間係【木瓜鍋】，一上枱店員先倒酒，點火，再落乾冰，好有氣吞山河之勢。成舊木瓜同三隻蝦放入去，味道鮮甜再帶濃香酒味，一流；可惜加湯唔會加返啲酒，好快就冇左個味道。配有以下幾種湯底：【蕃茄波士頓龍蝦鍋】真係有半隻龍蝦喺入面架。清清蕃茄味，龍蝦味爭少少，唔夠突出。【清湯蘿蔔牛腩】真係有一粒粒切成方形嘅牛腩喺入面，夠軟腍，牛味香濃。【四川麻辣鍋】我自己唔嗜辣，冇試，但朋友話夠晒辣。【潮州沙嗲鍋】辣度啱啱好，仲有幾重花生香味，好香口。【掛架頂級安格斯牛小排(大)】好似街巿肉檔咁掛晒出嚟，油脂豐富，好嫩滑。【開心小企鵝】造型相當可愛，其實係黑白墨魚滑，黑色部份墨魚汁幾濃味，白色就墨魚丸味。【芝士紫菜蝦蟹餃】蝦肉蟹肉一齊都幾特別，不過每粒嘅肉都唔多，還好一客有六粒。【即炸手工紫菜響鈴卷】幾秒就撈上嚟，蘸咗香甜帶酒味嘅木瓜湯，感覺特別。【海

秋高氣爽，又是時候去打邊爐啦！ 最喜歡去酒鍋，因為有特式多格湯底，又有自家制特式餃類，而且在銅鑼灣店仲可以望著海景打邊爐，好正﹗ 有十二款配醬料，隨你喜歡混出自己的口味﹗我喜歡辣，囡囡只能清湯，朋友又想沙爹等等......最後就點個酒火入鍋五格鍋啦！勁有視覺效果的一個火鍋， 在中間木瓜海蝦湯底位置，倒入玫瑰露，加入上湯，再放入乾冰，即時有仙境效果，隨即飄送著玫瑰露酒香。而其他4格，則是蕃茄波士頓龍蝦鍋、清湯蘿蔔牛腩、四川麻辣鍋 及 潮州沙嗲鍋。當中，蕃茄龍蝦湯底用了半隻龍蝦的啊﹗濃郁鮮甜茄香，龍蝦肉也甚為爽彈。海鮮拼盤 (有蟶子、大蝦、帶子、蜆)，蟶子爽脆鮮甜，大蝦新鮮爽彈，而帶子則柔嫩甜美。海鮮份量不多，但我寧願多點日本頂級黑毛豬豚腩肉，肉味濃郁，口感爽嫩。每次到來也要吃這個﹗嘻嘻﹗想滋補一下的，有頂級蒙古涮羊片，肉質幼嫩，好輕微的羊羶味，絕對可以接受的。不可不點的，是餃類及丸類，全是自家制，黑松露蝦蟹餃，香濃黑松露氣味，配合鮮味蝦蟹肉，美味度爆橙﹗三拼福袋(黑松露墨汁福袋、鵪春蛋福袋、燒汁牛肉福袋)，吸汁的一款火鍋配料，喜歡白色的鵪春蛋福袋，一口咬下滲出蛋黃香，不過，不知道是否滾太

銅鑼灣的酒鍋也不是第一次光顧, 記得上次去雖然價錢少貴, 但環境真的很美, 景觀開揚, 而且食物真的很高質很新鮮 所以上星期五和閨蜜們也再來一趟酒鍋~ 餐廳依舊人山人海, 這裡消費多是西裝和OL 落地玻璃有着整個維港景色, 格調走中產路線, 食物價格會高一點, ~ 坐下後喝杯熱茶解渴~ 我們點了招牌湯底- 酒火入鍋, 其實這裡有多款湯底可選, 但要算這個"酒火入鍋"最特別! "酒火入鍋" - 一個窩可為5格 每格放着不同的湯底,包括: 蕃茄波士頓龍蝦鍋、沙嗲鍋、四川麻辣鍋和秘製木瓜盅 秘製木瓜盅內有海蝦數隻, 所以味道更加鮮甜! 每款湯底都各有特式, 其中最喜歡四川麻辣和蕃茄波士頓龍蝦鍋! 四川麻辣帶有陣陣辣味, 食後有暢快的麻辣感, 令到食物都彷彿刺激和好味了~哈哈! 而蕃茄波士頓龍蝦鍋就有半隻起晒膏的龍蝦, 膏和肉都很多, 味道鮮甜味, 再加上蕃茄酸甜有度, 整個感覺很Fresh! 放好湯底後, 服務員來表演了! 他首先在木瓜湯底倒入清酒再點火, 突然間火鍋就起了個小火了! 很有趣呢~ 湯底在火焰上飄來陣陣酒香~~~ 之後服務員再放上乾冰, 加

今晚出銅鑼灣等朋友收工一起食飯，朋友推介我地去酒鍋打邊爐，話呢間有個大海景，一邊打邊爐又有個大海景望下又是一種亨受。餐廳的無敵大海景。酒鍋台式佛跳牆有大大粒元貝，芋頭，鵪春蛋，栗子🌰和菇類等。湯底好清甜。一盆醬料可以自由配搭。黃金炸魚皮，沾上咸蛋黃一起炸，魚皮有陣咸蛋香味，又鬆脆可口。日本頂級黑毛豬豚腩肉，肉質夠嫩，比一般豚腩肉更香濃。頂級安格斯牛小排，油脂平均分怖，牛味濃郁，肉質嫩滑。洋蔥豬肉蝦蛋餃，咬落好香又有蝦肉和豬肉幾特別的一種餃。手打芝士蝦丸肉質爽口彈牙，內裏有淡淡芝士好香濃美味可口。蔬菜拼盆七彩繽紛，西蘭花有3種顏色都是第一次見幾得特別。昆士蘭和牛丸，牛味濃厚又彈牙。

小妹最近去位於銅鑼灣 V Point 27 樓高空的火鍋店用餐！這裡超大的落地玻璃能讓人正面飽覧維多利亞海景和燈飾！簡直是視覺和味蕾的享受呀！電梯門一開時已被那偌大的魚池所吸引！滿滿新鮮海鮮在向我招手啊~~每一隻都活跳跳的！店裡是走古色古香的路線！古典味濃！用起餐來氣氛超夠！安頓好後 , 侍應生隨即送上火鍋調味架！有十二款醬汁選擇！都是一般大路貨色，如蔥、蒜、辣椒、沙茶醬、芝蔴醬、辣椒油！xo醬等等！餐牌內除了載明火鍋生料外 刺身、燒物、這些日式料理也有供應 ！還有小炒小菜存在 ！吃火鍋 , 首要就是選擇鍋底 ！別以為鍋底只有清湯！沙爹、芫荽皮蛋 ... 做得高級火鍋店當然要有四季適合兼且要夠特色的湯底 ！人無你有才能捏著客人的胃！酒鍋以酒作為號召！而多種火鍋以清酒作為主題！當中最引人入勝的鍋如行酒江湖、酒火入鍋！啤酒魚鍋等！我們都知道這𥚃酒火入鍋很出名！包羅五款不同湯底組合！包括木瓜蝦鍋、蕃茄波士頓龍蝦鍋！清湯蘿蔔牛腩、四川麻辣鍋同沙嗲鍋所以我們選擇這個鍋！超大個五格鍋！中間果個係木瓜鍋！除左木瓜仲有好多鮮甜的蝦！龍虾湯味道濃郁帶龍虾鮮味！蘿蔔清湯腩湯 牛腩好林好入味蘿蔔又清甜！四川

秋意漸濃，又係打邊爐既季節~之前試過酒鍋既一人一鍋weekend brunch，幾中意佢既湯底，趁跟朋友聚餐就提議黎呢度~雖然黎到等左一陣，但安排左我地坐房，夠左私隱，可以傾得盡興點友人提議湯底揀酒火入窩。貪佢一次過可以試哂5個湯底 , 有木瓜鍋、蕃茄波士頓龍蝦鍋、 清湯蘿蔔湯、四川麻辣鍋、潮州沙嗲鍋~ 最特別就係木瓜鍋會倒上酒，熄埋燈點火，估唔到打邊爐都有火焰效果～最後加埋湯~  而我最中意都係呢個湯，有木瓜既清甜， 淥野食都有陣陣酒香蕃茄波士頓龍蝦鍋都值得一試，內有半隻龍蝦，其香味夾埋蓄茄確係鮮甜。先黎海鮮拼盤，有象拔蚌、蟶子、帶子、班片，夠哂新鮮，每款4件剛好我地4人share~打邊爐點少得肥牛呢~我地點左安格斯牛小排(大)，成個掛架咁掛住牛小排，排得好整齊，切得比較厚身，肉味濃油脂香點埋好cute既開心小企鵝、咪走雞、黑啤熊 ，大冰盆入面既一班小精靈彷彿喺冰上出巡，相當有氣勢～開心小企鵝係墨汁墨魚滑雞雞係魚肉整成既~ 可愛到唔捨得食吖! 不過一煮熟d眼耳口鼻甩哂，哈哈！有麻辣鍋就梗係要點個蜂巢豆腐啦~ 好似綿花咁吸哂啲湯，回彈力十足，最正係入口唔覺好辣，辣味係慢慢散發出嚟！蔬菜

食物一般，牛肉有雪花，個樣好似好靚。不過食落有啲鞋。個湯有好多隻味:芝士龍蝦湯、養生雞湯、麻辣湯、蕃茄湯。但係如果真係想食麻辣火鍋嘅話，建議你去第二間。其他湯都冇乜特別，隻隻都差唔多味。七彩丸子個樣好靚，肉質、味道都算ok嘅。最好食嘅唔係啲火鍋料，而係個鹹蛋炸魚皮。整得唔油，味道啱啱好。飲品嗰杯竹蔗茅根啲味怪怪哋。環境、氣氛同音樂都唔錯， 係好啱年青人打邊爐嘅地方。不過佢門口有個魚缸，養咗啲海鮮，一出𨋢經過門口就聞到好大陣魚腥味 。四個人叫咗幾碟嘢，食咗二千蚊。 唔會再嚟。

年幾前曾經到訪銅鑼灣酒鍋，當時同女友人聚餐，一直同男朋友提起呢間分店嘅景真係不得了，終於同佢再來一試。週日晚上座位有點緊張，慶幸一早預約，加上時間尚早，入座時仲好清淨。餐廳位於銅鑼灣V Point嘅27樓，景致非常一般，被安排到窗邊位置，視野遼闊，襯天未黑齊同男朋友自拍一輪，可能店員都見怪不怪了，哈餐廳面積大，裝潢優雅，換上木碗筷，靠近窗邊主要係細枱，另有卡座，我地即時諗，啊，月頭放煙花，呢邊應該睇得好清楚呢。餐牌選擇豐富，喺咁環境下有心理準備價格走中上路線，湯底有超過15款，五格鍋係餐廳招牌，仲有蕃茄波士頓龍蝦鍋、花甲蟹鍋、花膠雞鍋等貴價湯底，定價$198-368。另有沙嗲、麻辣、豬骨、胡椒豬肚鍋等，定價$68-128，豐儉由人。配料方面款式多，連造型擺盤都講究。刺身、海鮮、魚類、蝦蟹等，牛肉上至A5和牛、韓牛到手切牛、牛頸脊等都有。另有雞、羊、黑毛豬肉、自家製餃類、丸類、粉麵等，以性價比黎計，當然係人多用餐會比較划算、可試多幾款。湯底：酒火入鍋 $3285格鍋底，中間係木瓜鍋、鮮蝦；配蕃茄波士頓龍蝦鍋(半隻)、清湯蘿蔔牛腩鍋、四川麻辣鍋、沙嗲鍋，適合啲鐘意多種味道嘅客人，又或者同枱

男友又約了我吃火鍋，其實我不是太喜歡吃，因為吃完通常都成身味，不很配合我的形象。不過想不到今日這間抽風系統竟然這麼好，而且沒有開大大的冷氣去送風，對於怕冷的我來說好欣賞～那個有火的火鍋很吸引，好像在眼前放煙花似的呢！１２種超多的火鍋醬料，我最愛的是。。。全部！幾乎全部都有放一點，麻醬蒜蓉ＸＯ辣椒沙茶無一不歡呀！～蔬菜拼盤超級大盤！竟然有超級食物羽衣甘藍跟西蘭花，椰菜花，打邊爐先吃菜是健康常識吧！味道也真的很不錯呢～超新鮮又爽脆！雜菌拼盤原來菇類也有那麼多選擇！每一種的口感都不同，煙韌爽脆式或者是軟稔，而且菇味真的很濃郁～黑毛豬腩肥瘦相間非常好看，入口即溶的美味程度已經比得上牛肉了吧？而且還不怕煮！煮久一點也還是超ＪＵＩＣＹ～芝士蝦蟹餃還真的跟一般的豬肉餃子不同，裡面的餡料是打成蓉的超易入口，而且餃子沒有硬邊位，啖啖都很平均，帶點芝士咸好好吃～七色丸黑松露，墨汁跟芝士味道最突出好吃，色彩繽紛的看了也覺得好開心～蜂巢豆腐強烈建議好辣者可以放到麻辣鍋，不然就選其他不辣的好了，真的會吸湯的小品耶，想喝湯的朋友用這個～！

平時都唔係好捨得花費太多去食飯，不過遇到特別日子要同另一半慶祝，都要有幾手準備。今年揀左呢間喺銅鑼灣嘅酒鍋，其實我地兩個都去過尖沙咀店，已經係一段時間之前。銅鑼灣店喺V Point，一睇就知有靚景睇，為左坐窗邊位，我地都一早預約。準時入座，店員招呼好好，態度親切。餐廳環境基本上係滿分，地方夠大，座位闊落，有卡位，落地玻璃可以清楚望到外面，入夜之後景色確實不錯，有時食野除左睇食物質素，都真係「食」埋環境，令成餐飯更有意義。睇左餐牌，其實選擇都幾多，湯底都有好多款，配料有海鮮，店員都有介紹有咩鮮料，另有肉類、手工丸類、餃之類，食材都幾特別，而且賣相都好精緻。酒火入鍋：呢個湯底好有氣勢，首先一煲有齊五款湯底，分別係木瓜鍋，蕃茄龍蝦鍋，蘿蘿牛腩鍋，麻辣鍋，沙嗲鍋，上枱時好霸氣，中間果格木瓜鍋更有鮮蝦。店員等我地影完相後，就準備乾冰同火槍，鍋底鮮氣滿滿，好似拍戲咁嘅煙霧效果，啱哂我地即刻狂影相。鍋底都幾特別，一次過試到五款，麻辣鍋最惹味，裡面有牙菜，豆卜同豬皮，好入味；蘿蔔牛腩鍋比較清，牛腩幾淋，蘿蔔好甜；蕃茄龍蝦鍋唔會好杰，微酸，有龍蝦膏嘅味道，入面有半隻龍蝦，新鮮好多膏，仲有木耳，好健康；沙

I don’t know why so many likes and good comments.. it was so pricey and not worth it .. food is so so.. soup is normal.. 12 pax we pay hkd 4900...!! Won’t come again

酒鍋一直是我打邊爐的首選之一，銅鑼灣店的迷人夜景比尖沙咀店更加值得去。坐在窗邊一邊看著夜景一邊涮，好正！別緻的中西式混合裝潢，在暗淡的燈光下更顯氣派。點了一個酒火入鍋，當中有5款味道，最特色的一定要數中間的木瓜鍋，其餘有番茄龍蝦，沙嗲，麻辣跟蘿蔔牛腩，也是各有千秋。木瓜鍋的表演非常奪目，在中間的木瓜上點起火焰，烈火洪洪，這時裡面的酒精四散，就好像坐在一杯超大型的tequila旁一樣。燒盡之後，侍應徐徐加上乾冰，突然又變得煙霧瀰漫，非常浪漫。這鍋底除了濃郁的酒精香，還帶點中式的酒的香甜，不說其他，試試一木瓜就知！其餘的鍋底沒那麼特色，但每一款都各有所長，比如麻辣夠嗆，龍蝦湯夠鮮，沙嗲湯夠濃，蘿蔔湯夠清！每款鍋底有已有一些料，比如半隻龍蝦，牛腩，以及麻辣鍋必備的蜂巢豆腐！把麻辣油吸盡，絕對是對味蕾的挑戰！海鮮拼盤是是晚最佳，蜆肉竟然帶有肉汁！鮮蝦蝦頭竟然帶有黃色蝦膏！蟶子也是超彈牙新鮮～牛小排是入口即溶的美國款式，不像和牛油膩但也能滿足心中的那個牛魔王～可愛的咪走雞，小企鵝跟黑啤熊仔都是非常彈牙的墨魚丸，帶點墨魚的甜香，重點是女士大愛這造型獨特的款式，逗得我也高興起來。至於紫菜響玲卷的薄，

秋風起，除了是吃煲仔飯及大閘蟹的好季節，亦是吃火鍋的好時機，這天放工後，約了爸爸媽媽一同到銅鑼灣酒鍋開餐。餐廳的佔地挺大，裝修雅緻又不失時尚感覺，全場落地玻璃，感覺開揚，可以看到無敵景色。酒火入鍋店內有多個火鍋湯底選擇，而最特別的就是「酒火入鍋」，於五格湯鍋放入不同的湯底，中間是秘製木瓜盅，其餘四格就是四川麻辣鍋、蕃茄波士頓龍蝦鍋、清湯蘿蔔牛腩鍋及沙嗲鍋。送上來時店員倒入清酒再點火，令木瓜充滿火焰，再出現煙霧般的仙氣，湯底味道鮮甜，帶有淡淡酒香味。而蕃茄波士頓龍蝦鍋內放了半隻龍蝦，龍蝦帶膏，味道甘香，肉質彈牙。海鮮拼盤拼盤內容豐富，包括有蟶子、元貝、海蝦、花甲及石斑，每款海鮮都常新鮮，特別是蟶子，相當大隻，而且口感爽彈，味道鮮甜，而海蝦在落鍋時還在跳動，非常生猛。頂級安格斯牛小排牛小排上可以看到美美的雪花紋理，脂肪分佈平均，而牛肉肉質鮮嫰，肉味濃郁，脂香豐腴。黑毛豬豚腩肉玫瑰花拼盤廚師特意將黑毛豬豚腩肉捲成玫瑰花，賣相別緻，黑毛豬豚腩肉質軟潤肥美，口感細嫩軟稔，肉味香濃。蔬菜拼盤及雜菌拼盤平日多肉少菜，所以吃火鍋時，我們都會點蔬菜拼盤及雜菌拼盤來吃，兩個拼盤的蔬菜非常特別，款式亦不少，