影片
更多
2018-10-12
81 浏览
年幾前曾經到訪銅鑼灣酒鍋，當時同女友人聚餐，一直同男朋友提起呢間分店嘅景真係不得了，終於同佢再來一試。週日晚上座位有點緊張，慶幸一早預約，加上時間尚早，入座時仲好清淨。餐廳位於銅鑼灣V Point嘅27樓，景致非常一般，被安排到窗邊位置，視野遼闊，襯天未黑齊同男朋友自拍一輪，可能店員都見怪不怪了，哈餐廳面積大，裝潢優雅，換上木碗筷，靠近窗邊主要係細枱，另有卡座，我地即時諗，啊，月頭放煙花，呢邊應該睇得好清楚呢。餐牌選擇豐富，喺咁環境下有心理準備價格走中上路線，湯底有超過15款，五格鍋係餐廳招牌，仲有蕃茄波士頓龍蝦鍋、花甲蟹鍋、花膠雞鍋等貴價湯底，定價$198-368。另有沙嗲、麻辣、豬骨、胡椒豬肚鍋等，定價$68-128，豐儉由人。配料方面款式多，連造型擺盤都講究。刺身、海鮮、魚類、蝦蟹等，牛肉上至A5和牛、韓牛到手切牛、牛頸脊等都有。另有雞、羊、黑毛豬肉、自家製餃類、丸類、粉麵等，以性價比黎計，當然係人多用餐會比較划算、可試多幾款。湯底：酒火入鍋 $3285格鍋底，中間係木瓜鍋、鮮蝦；配蕃茄波士頓龍蝦鍋(半隻)、清湯蘿蔔牛腩鍋、四川麻辣鍋、沙嗲鍋，適合啲鐘意多種味道嘅客人，又或者同枱
餐廳面積大，裝潢優雅，換上木碗筷，靠近窗邊主要係細枱，另有卡座，我地即時諗，啊，月頭放煙花，呢邊應該睇得好清楚呢。
餐牌選擇豐富，喺咁環境下有心理準備價格走中上路線，湯底有超過15款，五格鍋係餐廳招牌，仲有蕃茄波士頓龍蝦鍋、花甲蟹鍋、花膠雞鍋等貴價湯底，定價$198-368。另有沙嗲、麻辣、豬骨、胡椒豬肚鍋等，定價$68-128，豐儉由人。配料方面款式多，連造型擺盤都講究。刺身、海鮮、魚類、蝦蟹等，牛肉上至A5和牛、韓牛到手切牛、牛頸脊等都有。另有雞、羊、黑毛豬肉、自家製餃類、丸類、粉麵等，以性價比黎計，當然係人多用餐會比較划算、可試多幾款。
湯底：酒火入鍋 $3285格鍋底，中間係木瓜鍋、鮮蝦；配蕃茄波士頓龍蝦鍋(半隻)、清湯蘿蔔牛腩鍋、四川麻辣鍋、沙嗲鍋，適合啲鐘意多種味道嘅客人，又或者同枱食客各有所好
店員上枱後會以乾冰、酒點火，準備好相機食先後佢就點火，先會聞淡淡酒香，然後枱面煙霧彌漫，仙氣效果唔講得笑。(電話避免放枱面，會有少少濕濕地)待仙氣消失後，就正式開爐，未知係咪同做法有關係，鍋底感覺比較難滾起。
主要係中間嘅木瓜鍋最快熱，裡面有三隻蝦，尚算新鮮。
蕃茄湯中有半隻波士頓龍蝦、木耳、蕃茄仔，茄味清淡，夾雜龍蝦香味。龍蝦頗大隻，肉質扎實，有唔少膏
麻辣鍋係當中我最愛，少麻少辣，如果再重手啲更惹味，裡面嘅豆卜入味、豬皮爽口，仲有少量芽菜添蘿蔔牛腩鍋用黎煮蔬菜類比較清甜，蘿蔔好腍無渣、牛腩不少，男朋友比較喜歡呢個鍋。沙嗲鍋唔知咩原因，一直無滾起。有機會想試下花膠雞湯底，飲淡湯，更滿足。
海鮮拼盤 $368海蝦大隻，比鍋中嘅蝦更新鮮爽口。花甲大隻，乾淨無沙，肉質就唔係話好飽滿。蟶子係推薦之選，非常肥美，入口爽脆，帶子都不俗。
掛架頂級安格斯牛頸脊 $188/小牛頸脊擺盤突顯身價，好似四川火鍋嘅晾曬牛肉，一片片掛於架上。牛頸脊薄身，油脂量唔多，肉質帶嚼勁，我就鐘意放入麻辣鍋。
黑毛豬腩肉玫瑰拼盤 $268擺盤精美，豬腩肉砌成玫瑰形狀，口感爽脆，份量不少。
開心小企鵝 $88
啤酒熊 $88同小企鵝一樣造型好可愛，仲有刀疤，哈，雖然淥完後眼耳口鼻都冇哂。墨魚丸味唔重，口感較鬆，賣相取勝。
稻庭烏冬 $48我地打邊爐一定要叫個麵或者烏冬先滿足，否則唔夠飽，點左個烏冬，幾煙韌。
蔬菜拼盤 $68有西蘭花、生菜、羽衣甘藍、蕃茄仔、粟米、南瓜等。
Peach on the beach $58、Lychee Energizer $58
事隔一年來到酒鍋，同初始印象差不多，餐廳環境滿分，有美景相伴，食物有特色，雖然唔係食過最好，性價比唔高，不過偶然一次，都可以。
张贴
