酒鍋 (V Point) (已結業)

同朋友嚟呢間高級火鍋打邊，食完感覺好揾笨，又貴又唔係特別好食，唯一可取咪食裝修同服務囉。湯底係巨無覇莞荽鍋，有清湯牛腩，喇沙海鮮，四川麻辣同蕃茄薯仔豬骨，四款湯鍋，四樣都無咩料，清湯牛腩水咁，味精味，蕃茄薯仔又唔夠方酸甜，喇沙湯唔鮮無椰香，四川麻辣叫可以吧。手打墨丸和蝦丸，有腥味，食材唔新鮮打成啦。叫左本地手切牛，牛味一般，份量又少。日本黑毛豬腩又貴又唔係特別好食，牛柏頁好韌，漂到無味，難食。D花膠又滾極都唔起膠，但係個蜂巢豆腐好食，有豆味，D鮮蝦水餃好食，好多蝦，刺身三㸃D吞拿肉，帆立貝，牝丹蝦都係次級貨，量少，高級火鍋店賣唔高級野，唉唔值呢個價。

廚房做吾切午市 等左超過半小時都無鍋食 追完又追無人理 到食物來時又欠這欠那 等都算最差是好似無人負責交待 一味呆等 食物質素差過尖沙咀店很多 按鐘叫服務又只是按而已，無人應，無下次

之前已經黎過, 今日同埋D FD一齊黎再食過, 因為呢到坐得舒服之餘, D野又好食, HAHA…我地今次叫左上次無食過既野, 湯底係揚名四海鍋, 有黑松露什菌鍋, 濃湯豬骨鍋, 四川麻辣鍋, 咸酸菜胡椒豬肚鍋. 啱哂我地幾個不同口味既人, HAHA…. 因為有D人又好食得辣, 有D就唔係好食到辣.首先黎個香煎午餐肉先, 由於煎過, 所以我地放一放落個湯底到烚一烚就食得, 口感仲會係外脆內軟LOW, 識食一定係咁食.仲有又點少得手切牛呀, 牛味香, 又唔硬, 厚度適中, 而且份量都唔會太少. 正!!呀仲有呢個黃金炒魚皮, 新鮮熱辣, 放落湯底到就係一樣烚一烚攪掂, 仲可以就咁就食得, 咸咸香香, 正到無朋友呀.鍾意食辣既朋友必叫麻婆豆腐餃, 哈哈…其實我地都係第一次見有呢種餃食, 可能係自家製的, 食落又唔錯喎, 好得意, 夠哂特別.哈哈….肥媽墨汁腸, 又係未見過, 雖然見到黑蚊蚊咁, 但食落去味道都幾好食架, 味道有少少似德國腸, 口感有少少似爽口少少既潤腸.仲有呢個三拼福袋, 大大粒, 份量十足, 有松露味, 有墨魚味, 有豬肉味.最後就緊係叫返個蔬菜拼盤啦, 有油麥菜, 車厘茄,

享受食物，平貴不是重點，最重要是性價比高，名實相符。而我們三人共吃了一千九百多元，不過無論在湯底、食物素材、侍應服務，最多只是中等水平，味道很普通，名過於實，湯底加食物絕對不值每人六百多元。我們吃了牛肉、豬肉、炸響鈴、不同的丸、油麥菜、紅薯粉、餃子、海膽刺身和三文魚刺身、3支啤酒、一杯橙汁、兩杯洛神花茶。雖然是星期六，但人數並不滿，不過侍應卻像遊魂一般，無論是落單還是加水，大部份都是渾渾噩噩的，只有一位女侍應和一位男侍應，比較敬業。

我系叫美人鍋($198)，個花膠雞湯底好入味，不過啲雞有啲粗。我系同5飲酒ge屋企人黎，勁後悔無叫到酒鍋。試左佢地既掛架頂級安格斯牛頸脊(大：$238)，味道唔錯，唔怪得枱枱都叫呢個。推薦洋蔥豬肉蝦蛋餃($58)同即炸手工紫菜嚮鈴卷($58)，菜色特別味道又正。鐘意食菜既你要試試台灣黎既冰菜，好脆口。重點系佢呢間個view好正，又大又有景睇。不過就分時段book位，有啲難book，不過而家openrice有得book好方便。

今日黎到銅鑼灣已有幾間分店既酒鍋打邊邊, 豪食一餐先. 首先叫左個揚名四海鍋, 有黑松露什菌鍋, 濃湯豬骨鍋, 四川麻辣鍋, 咸酸菜胡椒豬肚鍋. 四個鍋都有別的風味, 有辣有唔辣, 幾個朋友一齊食都可以, 啱哂唔同人既口味. 今日想講下呢個黑松露什菌鍋, 好香黑松露味, 而且同什菌係非常夾. 話明豪食, 緊係要叫返盤牛元帥拼盤LA, 有安格斯牛, 牛味重, 雪花佈滿得均勻, 差點兒入口即溶既感覺哦. 跟住仲有牛展, 切得薄薄, 所以唔會硬, 仲有牛脷TIM呀, 口感爽口.再黎個蜂巢豆腐, 最啱就係放係D濃湯到, 咁樣就可以索盡哂湯既精華LA.跟住又點少得呢個海鮮拼盤呀, 全部都好新鮮, 有爽口彈牙既蝦, 鮮甜聖子, 勁大隻元貝, 仲有蜆TIM AR哈哈….因為肚餓叫左呢款麻辣鴨血, 口感超滑, 麻辣味夠哂, 就算一陣未食哂都可以放落麻辣湯底加熱, 真係好鬼開胃.好耐無食過竹輪卷啦, 放係黑松露什菌鍋到就最夾, 同埋呢隻竹輪卷質感一D都唔梅, 仲好香蛋味.其實今日只係同一個朋友黎食, 下次決定要叫多幾個FD黎先得, 哈哈…..

見到Facebook有推介，酒鍋推出涮涮鍋午餐，包三餸連野飲58加一真係好吸引，即時心思思約公司飯腳們去食，早1日已經訂左位，但去到都係要等先可以入座，入到去極速落order，我要左蕃薯洋蔥紅蘿蔔豬𦟌湯底，配龍口粉絲，龍蝦沙拉丸，自家鮮蝦雲吞同芝士竹輪卷，野飲叫左芝士奶蓋靜崗抹茶。過左一陣侍應過黎話無晒竹輪，於是改左叫秘製麻辣花膠。本身諗住個鍋好快到，點知等左半個鐘有多個鍋先黎，嗰時已經係42分，仲要等個鍋啲野熟同食，真係要食得超急。鍋入面除左我叫嘅配料同粉絲，湯入面仲有豆腐，雲耳同菜，份量仲要唔少。粉絲我已經差唔多留到好後先食，都係仲有啲硬。麻辣花膠真係超辣，令成個鍋都變左麻辣鍋，不過真係好入味同惹味，好食!鮮蝦雲吞雖然細粒，但食到入面有原隻蝦，十分彈牙爽口，好食!至於個龍蝦沙拉丸，個內餡啲味好怪，整晒啲餡出黎，包返啲湯入去，即刻好食晒。至於個芝士奶蓋靜崗抹茶，奶味同茶味都無，不過64蚊有咁豐富嘅邊爐，呢杯野飲唔好計啦!呢餐Lunch嘅性價比好高，好食又唔貴，不過真係等太耐，要趕返工嘅打工一族真係要諗諗! 另外，我見大家對佢夜晚打邊爐評價都幾高，有機會要試下!

一人一個火鍋真係越黎越流行！又係lunch time去試下呢一間既火鍋酒鍋手工台式涮涮鍋 ($58)有6個唔同湯底，我今次揀左台式麻辣湯都幾濃架，而且仲有好多辣椒，我都即刻要拎起d先敢食佢既配料都有好多款，當然要點佢個台灣秘製麻辣花膠啦！佢都有2大塊，食落都好滿足！仲有個蜂巢豆腐，吸哂d湯真係好入味呢個餐仲包一杯飲品！我就要左芝士奶蓋靜崗抹茶飲品相對失色，抹茶味唔濃，而且奶蓋都唔多不過以呢個價錢又係銅鑼灣都抵食既！

終於有機會坐定定,開行冷氣打邊爐。雖然好多人認為夏天熱辣辣唔適合打邊爐,其實熱辣辣出一身汗,排去汗酸毒素,對身體健康有莫大的益處。所以誰人夠膽說夏天不能打邊爐? 看到這些吸引的生猛海鮮,立即垂涎三尺。幾時有得食啊? 調味料各適其適,任君選擇。 打住邊爐,欣賞維港夜景,人生一大享受。 湯底我們選擇了揚名四海。當中包括了四款湯底,黑松露什菌鍋、濃湯豬骨鍋、四川麻辣鍋和鹹酸菜胡椒豬肚鍋。 當中以香濃的黑松露什菌鍋最得我心。把所有菇菌類放在這一款湯底內,有高度提升鮮味的作用。 鮮紅色的四川麻辣鍋,越滾越辣,是好辣人士的最愛。 掛架頂級安格斯牛肩脊是這裏的招牌,雪花分布均勻,肉質鮮嫩,大部份的客人也會點它來吃,值得推薦。 雖然只是兩個人打邊爐,但是均衡飲食卻是不可少。因此我們也點了充滿維生素及高纖維的蔬菜拼盤和什菌拼盤。 蔬菜評判的款式繁多,除了一般見到的粟米、蕃茄、生菜及椰菜花等等,竟然還有被稱為超級食物的羽衣甘藍。把它灼熟後,入口竟然保持爽脆,令人喜出望外。 什菌拼盤,正如之前所提到,放入黑松露什菌鍋,就最合適最鮮味了。 平常打邊爐也很少吃烏冬,但是這款稻庭烏冬,卻

午餐BInlo 會唔會太過份? 絕對唔會！因為今日出糧！！！所以同同事做完野之後去咗食個豪食BinLo Lunch !! 之前見到酒鍋出咗個58蚊嘅Lunch Binlo心思思想食都未有機會～雖然聽落芝士蓋打邊爐係邪惡咗啲，但絕對唔伏！只係個外表唔多靚咋～豬太郎對成個邊爐Lunch都有八成滿意～啲料嘅選擇都好多～值得一食！#黑松露雜菌湯底#濃濃芝士蓋(+9)#讚岐烏冬 (+12)#芝士獅子狗#自家製鮮蝦雲吞#台灣蜂巢豆腐#珍珠奶茶.不過佢個杯珍珠奶茶，完全無感，係港式奶茶嚟！！唔係台式肥仔水......仲要啲珍珠好硬......咁好咩 T＿T

酒鍋位於銅鑼灣市中心。因為27樓比較高層，所以睇到香港晚境。先來一杯檸檬意米水，消消暑氣及開胃。12種不同醬料任君選擇，顏色豐富及新鮮蔬菜盤與雜菌盤。頂級安格斯牛肉片~放在架上，架下面放了大量冰粒，可保持肉質鮮嫩，又不會影響肉汁味道。滾一兩下就可以食，牛肉鮮味濃郁。手切靚牛肉片～睇到肉紋非常靚，脂肪也不多，但滾完食落口也鮮嫩可口。玫瑰花形的日本黑毛豬, 睇到都唔捨得食 。食時豬肉味比其他豬肉味濃厚些。睇到咁多種不同顏色食物在枱上，食都食得特別開心。這個是酒火入鍋～有五格獨特湯底配上不同食料。中間木瓜鍋配幾隻鮮蝦，點上火在慢慢加上清湯。外層四格是新鮮蕃茄配上波士頓龍蝦，清湯蘿蔔牛腩，四川麻辣鍋，潮州沙嗲鍋。這個是用乾冰做出仙境一樣的環境，另人有特別深刻印象。金沙鹹蛋炸魚皮～即叫即炸，熱辣辣，鹹蛋黃碎佈滿全片魚皮上，味道香濃脆卜卜，配啤酒食一流。 企鵝及鴨仔得意可愛做形的墨魚丸及蝦丸。

親戚經朋友大力推薦下帶左我地一齊黎試食。第一印象好好，地方寬敞、無敵維港景、侍應勤快有禮。很快就上左四種口味既酒煮湯地，侍應仲唔知點解放左乾冰上去，話浪漫啲。啲乾冰煙霧等左幾分鐘先散，啲湯底滾得好慢，之後一直都唔覺有滾得好大，叫煮得啲嘢熟咁。都無mud所謂，但係隨著食物入口，越來越失望。基本上除左象拔蚌刺身比較好食，其他野真係麻麻。出面好多好食過佢。啲材料其實叫新鮮既同包裝吸引既，不過味道搭救不了。湯底係最失望。四個湯底雖然好多料係入面，但個個都淡而無味。 炸魚皮本身亦唔夠味，加上湯都無味就變得有啲腥。本地手切肥牛差唔多300蚊，只有八塊，而且好普通。墨魚丸還好，彈牙。魚皮餃反應麻麻。其實間餐廳咁靚咁多gimmick, d 食物吸引唔到我好可惜。但係網上咁多人話佢好食，唔知係咪咁啱我地今次叫既嘢唔好

喜歡吃火鍋的我跟朋友來到銅鑼灣,就試試這家酒鍋打邊爐啦。有好多湯底可以選擇, 我本人勁鍾意食莞茜所以選擇了試有4個不同湯底的巨無霸莞荽鍋! 當個鍋上菜時我們倆都二口同聲地嘩了一聲! 這個真的沒有改錯名! 鍋上的莞茜真的很巨型,應該等同鍋的高度。而鍋中湯底包括了清湯牛腩 — 有白蘿蔔的清甜和軟滑牛腩,喇沙海鮮 — 足料海鮮鮮味十足,想立刻落個麵食一碗喇沙粉麵,四川麻辣 — 麻籽十分重料,本人愛食辣但受不了太麻的感覺,所以由朋友一人享受了,蕃茄薯仔豬骨 — 很有家的感覺的一個湯底,濃濃的蕃茄味配上大大塊豬骨。他們有自家制餃子好特別,我們點了麻婆豆腐餃。粉紅色的皮不厚而不薄,不易穿。餡料有軟軟的豆腐所以吃下去不像是在吃餃子,整粒餃子完全做到麻婆豆腐味道的精髓! 正!二人海鮮拼盤(扇貝,蟶子,海中蝦, 花甲) $368海鮮十分新鮮和鮮甜, 價錢並不便宜, 但十分值得! 完全是一分錢一分貨的海鮮! 濃郁的湯底完全沒有影響到海鮮的鮮甜度!掛頸頂級安格斯牛頸脊掛架下有乾冰令到牛肉不會黏在一起。軟軟入口即溶感的牛肉，不肥也不瘦！7星報喜很有口感彈牙的手打墨魚丸！每粒都不同顏色很有趣！質量和服務都很好的

紀念日當然要食餐好，左想右想還是選擇了我最愛吃的火鍋。酒鍋有兩間分店，一間在尖沙咀，另一間在銅鑼灣。早前經朋友極力推介，久仰大名，今日終於來品嚐一下友人口中的極品火鍋。今次來了銅鑼灣分店，它位於新食廈V Point 27 樓。到步時碰巧日落時份，透過餐廳的玻璃牆，居高臨下飽覽銅鑼灣的日落，特別醉人。入夜後，又可邊吃邊觀賞鬧市夜景，細味咀嚼東方之珠的美態，悠然自得。酒鍋供應多款五格火鍋，共有五款湯底，一次過大飽口福。湯底的款式非常有特色，不少為獨家自創。今次點了人氣最強的「酒火入鍋」，所包含的五款鍋分別為木瓜醉蝦、蕃茄波士頓龍蝦、清湯蘿蔔牛腩、四川麻辣、和潮洲沙嗲。何謂「酒火入鍋」？鍋底上桌後，首先會被煮到半滾，之後店員把酒倒入置中的木瓜醉蝦中，藍藍的火焰隨即升起，一陣酒香隨之揮發。稍後再注入清湯，並加入乾冰進鍋中，隨即引發豐富的視覺效果。乾冰一進鍋，立刻冒出大量仙境般的霧氣，令人目不暇給。擱在木瓜邊的蝦，肉質爽甜，食落有微微的酒香。原個木瓜養生健康，吃完後可加湯放其他配料用來打邊爐，湯底味道比較清淡。蕃茄波士頓龍蝦鍋足足有半隻龍蝦，湯底味道不錯。清湯蘿蔔牛腩鍋中的牛腩炆得好腍，白蘿蔔徹

朋友一直大讚銅鑼灣嘅酒鍋環境坐得舒適，而且每一款湯底都好有特色，所以今次四個人就去試吓。店員親切有禮，即時安排我哋坐卡位位置，就連卡位位置都非常寬敞，六個人坐都可以。一張火鍋紙上面都已經有多款火鍋配料任君選擇，不過湯底實在太多選擇了，每一款都好想試吓，最後我哋投票選出走火入鍋湯底。木瓜鍋配襯蕃茄波士頓龍蝦鍋、清湯蘿蔔牛腩、四川麻辣鍋同潮州沙嗲鍋，一次過可以滿足我哋五個食慾願望。轉個頭店員就攞火槍將中間嘅木瓜湯底點火，變成火焰木瓜火鍋，場面非常壯觀呀，即時攞手機錄片。之後就食佢入面嘅木瓜，非常林！而且好入味。我最鍾意就係龍蝦湯底，再放海鮮拼盤中嘅海蝦同埋番薯蜆嘅海鮮入去，味道更match，而且海鮮好新鮮，食落去冇沙兼爽口。火鍋配料林林總總，首先就係黑毛豬豚腩肉玫瑰花拼盤，賣相非常有特色，豬肉變成三大朵玫瑰花，真係唔捨得食落肚。黑毛豬豚腩肉食落去新鮮，肉質鮮嫩，唔需要點任何醬汁，已經滿口新鮮黑毛豬味道，必食之選。以上各款食物都非常新鮮，尤其我最鍾意食嘅三拼福袋，每一隻都非常大隻，內餡非常足料，配以入面啖啖豬肉碎，味道好濃郁，好好味，大愛！亦都估唔到，餐廳嘅稻庭烏冬好入味，每一條都有靭度，唔