影片
更多
2018-10-23
68 浏览
TGIF!!!!!今日收工同成班同事一齊黎左打邊爐同事平時係樓下做GYM留意到呢間酒鍋，一齊黎試!好彩我地唔多人而且唔係太遲黎，都仲可以WALK IN入座，七點鐘都滿左九成了~見到佢落地玻璃外既夜景都覺得正~餐廳用左好多原木顏色，又用左燈籠燈罩，但中國味不濃，可能個夜景真係太搶眼餐單有點弱，可能黑白既關係，但食物種類唔講得笑，字本身細粒，寫到滿版都係!!餐單係A3 SIZE呢~~~太多選擇了吧!? 唔知有咩好食，唯有點餐廳推介，一定冇錯!傾左陣計準備食野，洗完手返黎已經成台仙氣! 但我MISS左最精彩既點火儀式呢一個餐廳推介之一 - 酒火入魔! 朋友話中間木瓜鍋加左燒酒再點火，然後放乾冰，所以做出煙霧彌漫既效果係見佢一次可以試五種湯底先試佢~木瓜鍋，蕃茄波士頓龍蝦鍋，清湯蘿蔔牛腩鍋，四川麻辣鍋，潮洲沙嗲鍋湯鍋除左有五種味，仲有一個特點就係除左麻辣同沙嗲，其他都有齊配料! 蘿蔔牛腩真係有蘿蔔牛腩，蕃茄波士頓龍蝦真係有蕃茄波士頓龍蝦牛腩都有大大件既5-6件，煮得幾腍幾入味，龍蝦個個都懶得拆，等佢再煲下湯先~打邊爐點少得牛，叫左份大既頂級安格斯牛小排，放哂係個吊藍上邊，擺得幾靚
TGIF!!!!!今日收工同成班同事一齊黎左打邊爐同事平時係樓下做GYM留意到呢間酒鍋，一齊黎試!
好彩我地唔多人而且唔係太遲黎，都仲可以WALK IN入座，七點鐘都滿左九成了~
見到佢落地玻璃外既夜景都覺得正~餐廳用左好多原木顏色，又用左燈籠燈罩，但中國味不濃，可能個夜景真係太搶眼
餐單有點弱，可能黑白既關係，但食物種類唔講得笑，字本身細粒，寫到滿版都係!!餐單係A3 SIZE呢~~~太多選擇了吧!? 唔知有咩好食，唯有點餐廳推介，一定冇錯!
傾左陣計準備食野，洗完手返黎已經成台仙氣! 但我MISS左最精彩既點火儀式呢一個餐廳推介之一 - 酒火入魔! 朋友話中間木瓜鍋加左燒酒再點火，然後放乾冰，所以做出煙霧彌漫既效果
係見佢一次可以試五種湯底先試佢~木瓜鍋，蕃茄波士頓龍蝦鍋，清湯蘿蔔牛腩鍋，四川麻辣鍋，潮洲沙嗲鍋
湯鍋除左有五種味，仲有一個特點就係除左麻辣同沙嗲，其他都有齊配料! 蘿蔔牛腩真係有蘿蔔牛腩，蕃茄波士頓龍蝦真係有蕃茄波士頓龍蝦
牛腩都有大大件既5-6件，煮得幾腍幾入味，龍蝦個個都懶得拆，等佢再煲下湯先~
打邊爐點少得牛，叫左份大既頂級安格斯牛小排，放哂係個吊藍上邊，擺得幾靚
煮到仲有少少粉嫩，入口夠香夠滑!五個湯底入邊，最多人鍾意既係沙嗲湯，夠香夠甜夠濃，打邊爐既湯底黎講做得幾出色
麻辣湯個個都話辣，但我冇乜FEEL.....清湯蘿蔔牛腩齋飲幾香甜，但用黎打邊爐，味道唔太突出
木瓜湯好香酒味，帶點木瓜香甜; 蕃茄波士頓龍蝦湯有點失色，似平時屋企煮既蕃茄紅衫魚湯，龍蝦味唔係好夠~
除左牛肉，峰巢豆腐係吸湯佳品~仲要左餐廳既特色三拼福袋!
峰巢豆腐吸湯真係無敵，放左落沙嗲湯，完全吸哂佢佢香甜，仲痴左姆粒花生碎，食落特別香口，正~
福袋有三隻口味，黑松露墨汁福袋，鵪春蛋福袋，燒汁牛肉福袋我呢粒係燒汁牛肉，因為怕佢福袋皮厚，所以都故意煮耐D，而且入邊係牛肉丸，煮耐D冇壞!
食落燒汁味姆重，甜甜地，和牛肉丸都幾滑，但未算係好特別
呢個芝士紫菜蝦蟹餃好食好多!因為用蝦蟹肉包住芝士，再用紫菜包住蝦蟹肉，一咬落口紫菜味超香口，再到鮮甜既蝦蟹肉，再到香滑既芝士
雖然口感同味道講唔上好有層次，但係心思十足，味道亦好香甜，十分推介!
開心小企鵝見佢個名幾有趣，食落似係墨魚滑，味道算太特別，但餐廳真係好多手工野，非常有心思~
七星報喜，亦係手製丸類~顏色同造型效果幾有睇頭，七種口味既墨魚丸做成七星報喜，墨魚丸加左唔同材料所以唔同顏色，例如黃色既粟米，綠色既斑蘭，味道都各具特色~~打邊爐當然唔少得特飲! 兩個竹蔗茅根，一個檸檬意米，一個紫貝天葵
飲品有特色得黎味道唔會假，亦唔會太甜，幾好的~
张贴
