影片
更多
2018-10-11
64 浏览
平時都唔係好捨得花費太多去食飯，不過遇到特別日子要同另一半慶祝，都要有幾手準備。今年揀左呢間喺銅鑼灣嘅酒鍋，其實我地兩個都去過尖沙咀店，已經係一段時間之前。銅鑼灣店喺V Point，一睇就知有靚景睇，為左坐窗邊位，我地都一早預約。準時入座，店員招呼好好，態度親切。餐廳環境基本上係滿分，地方夠大，座位闊落，有卡位，落地玻璃可以清楚望到外面，入夜之後景色確實不錯，有時食野除左睇食物質素，都真係「食」埋環境，令成餐飯更有意義。睇左餐牌，其實選擇都幾多，湯底都有好多款，配料有海鮮，店員都有介紹有咩鮮料，另有肉類、手工丸類、餃之類，食材都幾特別，而且賣相都好精緻。酒火入鍋：呢個湯底好有氣勢，首先一煲有齊五款湯底，分別係木瓜鍋，蕃茄龍蝦鍋，蘿蘿牛腩鍋，麻辣鍋，沙嗲鍋，上枱時好霸氣，中間果格木瓜鍋更有鮮蝦。店員等我地影完相後，就準備乾冰同火槍，鍋底鮮氣滿滿，好似拍戲咁嘅煙霧效果，啱哂我地即刻狂影相。鍋底都幾特別，一次過試到五款，麻辣鍋最惹味，裡面有牙菜，豆卜同豬皮，好入味；蘿蔔牛腩鍋比較清，牛腩幾淋，蘿蔔好甜；蕃茄龍蝦鍋唔會好杰，微酸，有龍蝦膏嘅味道，入面有半隻龍蝦，新鮮好多膏，仲有木耳，好健康；沙
餐廳環境基本上係滿分，地方夠大，座位闊落，有卡位，落地玻璃可以清楚望到外面，入夜之後景色確實不錯，有時食野除左睇食物質素，都真係「食」埋環境，令成餐飯更有意義。睇左餐牌，其實選擇都幾多，湯底都有好多款，配料有海鮮，店員都有介紹有咩鮮料，另有肉類、手工丸類、餃之類，食材都幾特別，而且賣相都好精緻。
酒火入鍋：呢個湯底好有氣勢，首先一煲有齊五款湯底，分別係木瓜鍋，蕃茄龍蝦鍋，蘿蘿牛腩鍋，麻辣鍋，沙嗲鍋，上枱時好霸氣，中間果格木瓜鍋更有鮮蝦。店員等我地影完相後，就準備乾冰同火槍，鍋底鮮氣滿滿，好似拍戲咁嘅煙霧效果，啱哂我地即刻狂影相。鍋底都幾特別，一次過試到五款，麻辣鍋最惹味，裡面有牙菜，豆卜同豬皮，好入味；蘿蔔牛腩鍋比較清，牛腩幾淋，蘿蔔好甜；蕃茄龍蝦鍋唔會好杰，微酸，有龍蝦膏嘅味道，入面有半隻龍蝦，新鮮好多膏，仲有木耳，好健康；沙嗲鍋就中規中矩。
黑毛豬腩肉拼盤：點左個黑毛豬拼盤，一份三朵瑰瑰花嘅造型，吸睛度高，又可以相機食先。豬腩肉份量都唔少，肉質腍身，有肉香
海鮮拼盤：門口有魚缸，見海鮮都係生猛，點左個拼盤試試，整體都唔錯海蝦大隻爽口；蟶子好大隻，而且新鮮。蜆肉同帶子正正常。
牛小排：牛小排造型幾有趣，細份，份量都足，牛肉薄片，食落淋身唔鞋
開心企鵝，黑啤熊：好搞笑嘅賣相，丸類彈牙，不過唔係好分到味道。
蔬菜拼盤：唔想煩嘅可以點拼盤，乜都有，仲有另一半好鐘意嘅羽衣甘藍，好爽架淥一淥。
张贴
