影片
更多
2018-10-19
114 浏览
餐廳喺銅鑼灣著名食街登龍街嘅V Point 27樓。一行入餐廳已經見到無敵維港景色。木製嘅餐枱、餐牌、餐具，中國風嘅瓷器骨殻兜、錦盒紙巾盒、木質餐具，好似古代客棧，但牆上又掛住西式風格嘅畫，播住英文流行曲嘅背景音樂。中西合璧，好有特色。【酒火入鍋】係一鍋五種湯底，中間係【木瓜鍋】，一上枱店員先倒酒，點火，再落乾冰，好有氣吞山河之勢。成舊木瓜同三隻蝦放入去，味道鮮甜再帶濃香酒味，一流；可惜加湯唔會加返啲酒，好快就冇左個味道。配有以下幾種湯底：【蕃茄波士頓龍蝦鍋】真係有半隻龍蝦喺入面架。清清蕃茄味，龍蝦味爭少少，唔夠突出。【清湯蘿蔔牛腩】真係有一粒粒切成方形嘅牛腩喺入面，夠軟腍，牛味香濃。【四川麻辣鍋】我自己唔嗜辣，冇試，但朋友話夠晒辣。【潮州沙嗲鍋】辣度啱啱好，仲有幾重花生香味，好香口。【掛架頂級安格斯牛小排(大)】好似街巿肉檔咁掛晒出嚟，油脂豐富，好嫩滑。【開心小企鵝】造型相當可愛，其實係黑白墨魚滑，黑色部份墨魚汁幾濃味，白色就墨魚丸味。【芝士紫菜蝦蟹餃】蝦肉蟹肉一齊都幾特別，不過每粒嘅肉都唔多，還好一客有六粒。【即炸手工紫菜響鈴卷】幾秒就撈上嚟，蘸咗香甜帶酒味嘅木瓜湯，感覺特別。【海
【酒火入鍋】係一鍋五種湯底，中間係【木瓜鍋】，一上枱店員先倒酒，點火，再落乾冰，好有氣吞山河之勢。成舊木瓜同三隻蝦放入去，味道鮮甜再帶濃香酒味，一流；可惜加湯唔會加返啲酒，好快就冇左個味道。配有以下幾種湯底：
【蕃茄波士頓龍蝦鍋】真係有半隻龍蝦喺入面架。清清蕃茄味，龍蝦味爭少少，唔夠突出。
【清湯蘿蔔牛腩】真係有一粒粒切成方形嘅牛腩喺入面，夠軟腍，牛味香濃。
【四川麻辣鍋】我自己唔嗜辣，冇試，但朋友話夠晒辣。
【潮州沙嗲鍋】辣度啱啱好，仲有幾重花生香味，好香口。
【掛架頂級安格斯牛小排(大)】好似街巿肉檔咁掛晒出嚟，油脂豐富，好嫩滑。
【開心小企鵝】造型相當可愛，其實係黑白墨魚滑，黑色部份墨魚汁幾濃味，白色就墨魚丸味。
【芝士紫菜蝦蟹餃】蝦肉蟹肉一齊都幾特別，不過每粒嘅肉都唔多，還好一客有六粒。
【即炸手工紫菜響鈴卷】幾秒就撈上嚟，蘸咗香甜帶酒味嘅木瓜湯，感覺特別。
【海鮮拼盤】有蟶子、帶子、蝦。最正係蟶子，夠大隻、爽彈冇沙又鮮甜。
【蜂巢豆腐】無普通豆腐咁滑，但唔會散開，又索湯，啱晒火鍋食～
【黑毛豬豚腩肉玫瑰花拼盤】捲出嚟係玫瑰花形狀，大大塊又肉味豐富，好滿足。
埋尾就梗係食返啲蔬菜，營養均勻，幫助消化。 【蔬菜拼盤】都幾多種類，有西蘭花(其中一棵係紫色)、南瓜、粟米，最特別係有羽衣甘藍。
飲品用一個電燈膽裝住，幾特別。我飲嘅係【檸檬薏米水】，甜中帶少少酸，清熱排毒去水腫，火鍋啱晒。
呢度其實仲有好多唔同火鍋料，今次我哋食得比較「大路」，下次要叫一大班人嚟，再食啲特色嘅先得。
张贴
