蟹仙海鮮蒸氣鍋 (仁愛街) (已結業)

錯過了大閘蟹, 今晚朋友請我去食海鮮餐作補償, 一個價錢就可以食到匯集不同國家既海鮮, 以最簡單蒸煮方式, 沒有任何醃製調味, 吃出每款海鮮原汁原味。抗疫期間, 食用餐具先以高溫蒸煮殺菌, 清潔衛生。醬料混醬, 但事實上整晚唔洗點醬油都夠味。我地揀左呢款set試試。(款式會因應當天海鮮新鮮度而有所更改)  海鮮已預先清走好內臟、洗淨好上檯,全晚店員會協助將每款海鮮係我地面前計時蒸煮, 保証唔會蒸過龍蒸爐最底加入左白米、瘦肉等, 待嘆完海鮮後, 就可以食粥底喇~虎蝦、蜆:虎蝦大隻, 鮮甜爽口有彈性; 蜆飽滿, 味道甘甜 刀貝: 鮮味帶些少爽鮑魚: 彈牙清甜, 食到鮑魚鮮味活青口: 鮮味, keep到青口本身水份羔蟹: 每人半隻, 超多羔, 味道甘甜, 入口回甘, 正!!鰻頭蟹: 肉質有如bb肌咁滑, 咁林, 味道甘香龍蝦: 肉質彈牙鮮甜, 龍蝦殼可以放落下面粥底再滾下, 令粥底鮮味更加重。最後再蒸埋清甜蔬菜粥底: 食落除左鮮味, 米飯粒很棉, 加入左菜圃, 令口感更有層次最後送上甜品, 椰汁雪燕, 非常滿足~~

還有差不多兩個星期便到12月的工作旺季，到時一定會忙得不可開交。趁著今天工作不是十分忙，特意來一個早放工，及時行樂，來一個蒸氣火鍋。蟹仙海鮮蒸氣鍋位於新蒲崗仁愛街，從黃大仙地鐵站大約十分鐘便到，地點都算方便。這裏的餐是按人頭計的，價錢有平有貴，豐儉由人。我們一家人叫了399元的海鮮套餐，包括了不少海鮮，還有龍蝦，奄仔蟹等等。 每種海鮮也有指定的烹調時間，我們首先吃味道較淡的貝類，再慢慢吃到較濃味的海鮮。月亮貝 / 刀貝 / 虎蝦 (⭐⭐⭐⭐💢)月亮貝和刀貝蒸得剛剛好，吃起來有海水味，不會太硬。另外的虎蝦大隻，而且肉質結實，不用什麼調味也十分好吃。珍珠蠔 / 青口 / 鮑魚 (⭐⭐⭐⭐💢)之後便是珍珠蠔，青口和鮑魚。珍珠蠔肥美大隻，蒸熟了也不會十分縮水，肥美多汁。青口是來自大西洋新鮮的，雪藏的完全不能比較。鮑魚質感較為硬身，味道較為清淡，吃起來甜美。深海東星斑 (⭐⭐⭐⭐⭐)東星斑是貴價魚，一般新年飲宴才會有，想不到這裏還可以吃到。吃起來肉質鮮嫩，時間掌握得剛剛好，不會太老又剛剛熟，連平日不愛吃魚的友人也停不了口。澳洲青年龍蝦 /菲律賓黃奄蟹 (⭐⭐⭐⭐⭐)然後便到萬眾期待的龍蝦和黃奄蟹

星期一晚放工跟同事去左公司附近既蟹仙食蒸海鮮，原來早前經裝修，所以坐得舒適左好多。我們點了－尊貴海鮮套餐每位$399，由於餐廳希望以最新鮮既海鮮給客人，有時海鮮款都會轉的。越南大虎蝦：虎蝦蒸前蒸後size吾會有太大變化，大虎蝦肉質結實，口感彈牙；而味道方面帶出蝦既鮮味啊！大西洋活青口&貝類：青口好大隻，與貝類一樣味道同樣地新鮮，當中沒有帶有沙粒，更有咸咸既海水味。台灣九孔鮑魚&韓國慶南蠔：九孔鮑魚已經廚師清洗左，大大方便食客食用；鮑魚口感極之彈牙，同樣又吾un；味道帶左鮑魚既甜味啊！而韓國慶南蠔味道吾腥吾臭，食落蠔香味突出，夠晒新鮮～澳洲青年龍蝦&饅頭蟹：龍蝦蒸後肉質極之彈牙，新鮮程度極高，而口感彈牙十足！青年龍蝦size適中，職員更suggest我地食完既龍蝦殼放入粥底去煲！第一次食饅頭蟹，綠色的是蟹膏味道帶少少苦，蟹鋏比較多肉，肉質嫩滑，味道甜甜的。罕有大黃奄蟹：蟹膏吾算好多，肉質好嫩口；而且蟹吾系水蟹，好新鮮！啖啖肉啊～有機蔬菜籃：蔬菜籃當中有娃娃菜，生菜及粟米。娃娃菜同生菜蒸後帶出本身既甜味，而粟米味道同樣甜甜的。粥底：粥底中加左入香蔥&菜甫來增加咸味及香味，粥底味道有少少咸甜

還有差不多兩星期便到媽媽生日，以帶媽媽來到新蒲崗出名的蒸氣海鮮，預祝生日。店員說老闆是做海鮮批發，知道什麼是新鮮當造海鮮。海鮮餐牌也是每兩三星期也轉一轉的，確保不時不食。疫情關係，餐廳入座時也有量體溫，而且枱與枱之間也有膠板隔住，令到客人吃得安心自在。而且餐具也是高溫消毒，安全意識十足。 運用蒸氣石鍋烹調海鮮，中途不加任何油或其他調味，純粹用石鍋下的蒸餾水煲滾城蒸氣將海鮮煮熟，健康得嚟又吃得出海鮮的鮮味。首先煮熟的是越南大虎蝦，大隻而且十分鮮甜，蝦膏甘甜美味。之後吃的是味道較淡的貝類，包括了月亮貝，刀貝，珍珠蠔。烹調時間剛剛好，大大隻，起來有點爽口，不會太硬。 珍珠蠔較少用清蒸的方法烹調，想不到也十分不錯，蠔味道十足。東星斑是兩個人半條的，份量都不算少。新鮮而且魚肉嫩滑，魚皮膠質十分豐富。配上蒸魚豉油和薑蔥，更加突顯出東星斑的鮮味可口。秋天是吃蟹的好季節，這個黃奄蟹肥美十足，蟹膏份量多得來十分甘甜，而且肉質十分鮮甜。餐廳也細心裡提供了各個吃蟹工具，吃起來十分方便。澳洲青年龍蝦吃起來肉質結實，而且十分爽彈，肉質豐富，吃起來啖啖肉。相比起黃奄蟹，吃起來沒有那麼膩 。吃完海鮮後，當然就是底下

尊貴海鮮套餐，每位$399。本來覺得都唔平，懷疑去食自助餐好過，但是今天四人同行，食過一次就知道真材實料，回頭率極高！吃海鮮最重要的是什麼呢？新鮮！新鮮！新鮮！除了新鮮之外，份量亦都很重要，這店的海鮮除了款式多之外，分量十足，令人回味每一道海鮮。大黃奄蟹：蒸煮之前，奄蟹賣相吸引，大隻多羔，除此之外就是蟹的鉗，鉗的部份肉質鮮嫩彈牙，這種蟹的殼比較硬身，建議一定要用蟹鉗工具開。九孔鮑魚：鮑魚的滋味來自新鮮，只要是新鮮，鮑魚的肉質一定是彈牙而且有點黐口的。刀背蚌：刀背蚌比一般的蜆肉較為大隻，而且亦較鮮甜，店員對於蒸煮時間十分熟悉，時間剛剛好令糖肉不會太韌。青年龍蝦：這點絕不採用波士頓龍蝦，而選取青年龍蝦真是一流，龍蝦非常厚肉，清蒸龍蝦絕對能夠保持龍蝦的鮮甜味，而且龍蝦殼還可以放入粥底烹調後令粥米更加鮮味。大虎蝦：賣相吸引原因是大隻，大虎蝦肉質比較彈牙，沾上辣豉油帶出蝦的鮮味，特別好吃！海鮮精華粥底：所有海鮮的精華汁滴進鍋底的粥底，店員再加上菜莆和香蔥，有畫龍點睛之效。建議加入胡椒粉，有去腥味之效！椰汁雪燕糖水：最後，餐廳贈送一碗非常滋潤足料的糖水，令整頓海鮮餐畫上完美的句號。

上次食過尖沙咀分店，感覺良好！今次同班朋友試吓新蒲崗店。不得不說質素維持係合格，有啲食店分店質素差得遠，一試就有比較！今次食個貴啲嘅$399 set，海鮮包括10款，呢個黃奄蟹真係冇得輸，爆曬蟹膏，實在係鮮到不得了！另外重點推介澳洲青年龍蝦，上枱嘅時候仲生生地識郁！海鮮貴真係有原因，龍蝦啲肉爽口彈牙，絕對係高評價！其餘海鮮就正常發揮唔特別多講，結尾仲送個糖水，窩心到不得了！重點係佢係黃店，大家識做啦！

我地點左399 海鮮套餐 連加一 sauce 其他等服務費 一位$480. Overall 我只係覺得佢值$250 都貴得制既一餐飯.我地訂左8點鐘但係去到都沒枱俾到我地. 最後等左40分鐘先入到去. 服務質素態度餐廳人員非常之混亂同唔organise. 服務員只係掛住招呼某幾枱大客完全唔記得要幫手煮/整其他枱.無論上煲上海鮮整野食都delay曬要等. 更加忘記左要將個龍蝦殼放落粥底度煲先有味.最後個粥底係清水咁清 d米都仲一粒粒.海鮮質素雖然up左做399海鮮餐 但係d海鮮就好似平時街市買到果d普普通通既質素. 貝殼類既細隻肉小 隻青口仲要連埋d海草係個殼度一齊上.肉質就更唔洗講好普通好鞋.成個餐得果隻半龍蝦同隻蟹叫左肉質正常少少. 個魚肉身都係老.所有海鮮份量都係細得一隻仲要唔係特別大隻.唔係想唔支持黃店 但係唔好持住係黃店就可以有excuse 賣貴貴但又offer 低質素食物 而大家又會無低線咁去無限量盲目支持佢地. 呢間店我食唔到鮮味亦都食唔到$399(480)既質素. 要評分我最多俾$250. 亦都唔會再去. 呢間野係非常之唔抵食 同一價錢可以有更好既選擇.

見咁多好評應該差極有個譜。點知中晒伏！！！第一次食到咁嬲。早幾日打電話去book 8點，佢哋當日都有打電話再confirm時間，仲話可以早少少到都得，會等我地。哇！好似好warm咁啦。準時8點到啦，中伏的開始😤 等左45分鐘！上一台不似預期地食耐左，唔緊要，但仲要屈我遲到 -.- 已經嬲嬲地諗住好食都算。入到去，你地忙做唔切，連豉油配料都無俾都唔緊要。咁咪整好海鮮先調醬囉，但仲要俾佢地串返轉頭，食得慢。其實咪又係因為要倒個豉油。2分鐘你想我地食完隻蝦加調完料？有無咁chur 😑好啦， 你話個龍蝦殻可以留梨放落粥煮甜d。但你另一個伙記又收左佢，最後又俾佢話我地無留個殻係我地問題 -.- 真好笑，已經唔想再反駁（食到心累了）。臨走仲要俾佢屈多次，話我下次唔好上網book，打電話book好d。真係黑人問號😡 你邊隻眼睇到我上網book，我係打電話俾你地嫁！咁都要屈我？認真咩🤯即係咁，500一個人話貴唔貴，服務費都俾左100出去，服務就無咩嫁啦，仲要俾人屈tim⋯⋯海鮮就真係質素麻麻，大把地方好食過好多，蟹都好味嘅。可能我地無人咁豪叫688套餐囉⋯⋯唔係話唔想撐黃店，但唔好唔好食，服務又一般，

最近限聚令放寬咗，終於可以一家人出去食返餐好嘅。屋企人鍾意食海鮮，今次專登嚟到新蒲崗食返餐好嘢。呢間餐廳嘅員工除咗介紹各款海鮮外，仲會幫手計時同蒸食物，熱心又親切。全店嘅海鮮係由老闆直接同艇家攞貨，保證新鮮無激素，健康又好食。我哋揀咗專貴海鮮套餐，除咗有九款海鮮外，仲有蔬菜拼盤同粥底火鍋。先嚟嘅係貝類同海蝦，蒸嘅時間較短好快食得。虎蝦大大隻仲長過手指，肉質爽口彈牙。青口好肥美，咬落韌韌地有嚼口。珍珠蠔味道鹹鹹地有淡淡嘅海水味。刀背蚌蒸得好juicy。 月亮貝好大粒，口感鮮嫩。鮑魚口感厚實啖啖肉。跟住嘅蒸魚魚肉好嫩滑，淋上豉油更帶出魚嘅鮮味。然後就係兩種硬殼類海鮮。龍蝦肉好結實咬落好爽口，味道甘甜好好食！黃奄蟹一隻有手掌咁大，中間嘅膏好香濃惹味，蟹肉都幾多。今日嘅蔬菜拼盤有粟米、生菜同娃娃菜，食落仲有海鮮味好正。食埋個吸咗海鮮精華嘅粥，好味又滿足。最後仲送咗個越南椰汁雪燕燉官燕，飲落好清甜好好飲。

-呢間蟹仙係九龍城同新蒲崗都有分店, 我同屋企人都超鍾意食鮮所以都係呢度嘅常客. 今日我哋又黎一人食返個尊貴海鮮大餐, 總共有十款靚海鮮: 越南角蟹膏/ 罕有大黃奄蟹、罕有太平洋饅頭蟹/菲律賓潮式凍蟹、澳洲青年龍蝦、台灣九孔鮑魚、越南大虎蝦、大西咩活青口、紐西蘭刀貝蚌、紐西蘭月亮貝、韓國慶南蠔/ 紐西蘭大青口、有機蔬菜籃, 勁豐富~-點菜後店員會幫忙將碗碟放入蒸爐消毒, 同埋海鮮蒸好同樣有店員幫忙夾, 服務非常用心,抵讚!-講返食物, 我最鍾意嘅係走越南大虎蝦、澳洲青年龍蝦、台灣九孔鮑魚，特別鮮甜、肥美🤤 食曬啲靚海鮮，仲有粥食，兩個女人完全食唔曬，捧住個肚走呀🤫

💛 #新蒲崗 #蟹仙今日同屋企人去食蒸海鮮，我哋揀咗呢間蟹仙，細細間店，但行過已經飄過一陣鮮味🤤🤤啲人話呢度好服務好, 不過我黎當日得一個店員（佢話一般有三個😨） 所有嘢都要等勁耐😨 不過佢真係幾好禮貌嘅, 辛苦曬！尊貴海鮮大餐 （$399）總共有十款靚海鮮: 🦀 越南角蟹膏/ 罕有大黃奄蟹、🦀 罕有太平洋饅頭蟹/菲律賓潮式凍蟹、🦞 澳洲青年龍蝦、🦪 台灣九孔鮑魚、🦐 越南大虎蝦、🦪 大西咩活青口、🦪 紐西蘭刀貝蚌、🦪 紐西蘭月亮貝、🦪 韓國慶南蠔/ 紐西蘭大青口、🥬 有機蔬菜籃仲有個粥底同甜品（燕窩）添💛蟹同蝦都好多膏好正，我鍾意龍蝦夠大隻又啖啖肉😚 媽咪鍾意虎蝦話好鮮甜😋 佢話鮑魚同蟹都好鮮😋 總結係食物質素同服務態度都唔錯，但呢個價錢黎講安排可以好少少，返工人手安排都可以預鬆動啲🤣🤣

秋風起，又到咗食蟹嘅季節。之前食過九龍城店已經一試難忘，老闆係海鮮供應商，全部海鮮都係新鮮由海洋直送，不含激素。而且全部都係靚野，超級鮮味。$399尊貴海鮮套餐，有哂我鍾意食嘅海鮮。上菜嘅次序係根據海鮮嘅濃淡而定，先食淡味再食濃味。咁就可以食到有層次嘅味道。貝殼類有刀貝同月亮貝，兩款都好大隻，帶有海水味，肉質彈牙。虎蝦又係好生猛，所以咬落結實。海洋生嘅青口係唔同啲，大大隻，又係好煙韌。平時食蠔一定會點醬僻咗浸腥味，但呢款韓國珍珠蠔完全唔使點任何醬汁，海洋嘅鹹味已經包住成隻蠔，真係食落先知呢種鮮味。而東星班就有半條，好有住家味道，又係好鮮。到主角龍蝦同埋肉蟹，兩款嘅膏都爆出嚟，好 creamy，肉質亦鮮甜，仲要大大隻好豐滿。蒸完已經見到龍蝦爆肌肉，所以肉質超級彈牙。膏蟹同樣出色，蟹殼嘅蟹膏真係冇得頂！食完海鮮就食蔬菜，蔬菜亦都唔需要點任何嘅醬汁，菜嘅鮮味已經係最佳嘅調味料。最後就係食粥底，有粟米、菜甫、香蔥、排骨同埋芋頭，好夠味。餐廳好nice咁每枱都送糖水，係越南椰汁雪燕燉官燕，好養顏。

一直見佢開左一排都好想黎食下所以今次終於等到生日過黎同男朋友食大餐每位$3️⃣9️⃣9️⃣非常值得既價錢，啲海鮮好新鮮座位都唔少 而且係有服務的👍🏻店員會幫手係面前蒸海鮮一開始會蒸一蒸啲餐具 感覺比較衛生店員會幫手蒸完一樣夾埋去你碟上澳洲青年龍蝦🦞肉質非常結實 新鮮 香味十足一直都會有個粥底咁當所有海鮮都食曬之後最令我期待既莫過於呢個粥底因為佢可以話係吸收曬所有海鮮既精華非常鮮甜既粥仲有椰汁燉燕窩做甜品🥰

尊貴海鮮套餐大黃奄蟹好大隻 蟹黃勁足 蟹肉都好多 原來奄仔係雌性未受精既蟹 蟹膏都多同鮮 啖啖都係蟹膏 太平洋鰻頭蟹外形係幾似饅頭蟹 汁勁多 鮮味香濃 極厚肉 蟹膏都好飽滿 呢個季節既蟹係最正最肥美 澳洲青年龍蝦蝦肉特別彈牙爽口 鮮味都好足 而且完全唔痴殼 好高質 台灣九孔鮑大隻厚肉 鮑汁濃郁新鮮 彈牙 鮮味係口腔係停留到一段長時間 越南大虎蝦外形好肥美 蝦肉大隻 相對腍身多汁 鮮味都好濃 唔錯大西洋活青口多汁鮮味重 好大隻 入口勁滑而且冇渣 海水味好濃 肉質都好彈牙 紐西蘭刀貝蚌蚌肉特別新鮮同甜而且都好大隻 亦好彈牙爽口 鮮汁好多好juicy 蒸既方法鎖住到佢既肉汁紐西蘭月亮貝鮮嫩肥美 咬落去都好彈牙 肉好厚 味道好鮮甜 韓國慶南蠔蠔肉好大隻 有一隻手掌咁大 入口順滑而且鮮味極濃 完全冇泥沙 亦冇苦澀味 食落去感覺好飽滿食完啲海鮮 就到啲粥底喇 個粥清得黎好鮮甜 食完哂所有野 個set真係岩岩好 再食埋甜品椰汁官燕 成份事勁滿足🙈

🌕Hello我係Moon🌕最近有同朋友傾起食海鮮蒸氣鍋嘅感覺，😳因為真係一試難忘，🤭朋友話不如夜晚就食海鮮蒸氣鍋啦，我真係即刻應承，🤤佢仲話要帶我食最新鮮嘅海鮮蒸氣鍋，個一刻聽到真係勁開心！🤗上晝打電話去訂位，好彩咁啱仲有位，😏我哋兩個人最後決定食尊貴海鮮套餐，🤩呢個海鮮套餐入邊有10樣海鮮真係好豐富好吸引！🥳呢度嘅店員服務態度真係超級好，😳餐具會係你面前幫你用蒸氣鍋消毒，🤓每一次嘅海鮮都會有點樣幫你蒸，🤪成個過程唔使落手落腳，🥳但已經有最新鮮嘅海鮮食！見到啲海鮮我已經流晒口水啦，🥳我最期待就係鮑魚，同埋生蠔🦪，元貝都好大件，😏其實全部都好吸引！鮑魚同埋生蠔真係超級新鮮，🤗唔係誇張㗎，放入口嘅時候真係好清新，😳而且好鮮甜，😍真係超級好食！龍蝦同埋蟹真係超級超級正，🥰係我成個夜晚最期待嘅海鮮🦞，龍蝦好大隻，😋而且鮮嫩多汁，😜完全冇好乾嘅情況出現，🤩啖啖肉！😏蟹膏，🥳我真係好鍾意食！滿滿嘅蟹膏係入邊，😇真係好吸引，蟹膏嘅味道好好味，😉大大隻蟹啖啖肉，我同朋友都好鍾意！😌食完海鮮仲會有蔬菜🥬，之後就可以食佢嘅精華粥底，啱啱蒸完嘅海鮮，🥰所有嘅精華都會係粥入邊，依個粥底真係無得彈，😋其實成個套