蟹仙海鮮蒸氣鍋 (仁愛街) (已結業)

想當年同朋友去食蒸海鮮就好似大抽獎咁，總有一兩個會食中霉肉或者勁多沙，好睇彩數，所以好多時正正常常唔出眾都已經收貨，今晚真心好有驚喜。尊貴海鮮套餐 ($399)越南大虎蝦彈牙鮮甜，正常發揮。 台灣九孔鮑魚已經清理乾淨，時間啱啱好，嫩滑多汁有鮑魚甜味，媲美鐵板燒質素。紐西蘭刀貝蚌好有驚喜，以為係貴妃蚌d fd，但係鮮甜百倍。 一見到內臟綠色有啲驚，店員話有人食嗰時會整走佢。 但我發現整極都仲有之後就照食，原來都幾甘香，絕對比鮑魚內臟更易入口，成舊味道好豐富。大西洋野生青口同Baby青口一樣咁滑，隔離枱都大讚野生係好味啲。紐西蘭月亮貝飽滿爽口，但係同居酒屋好食嘅清酒煮蜆差唔多味，反而鍾意刀貝蚌多啲。韓國珍珠蠔飽滿creamy，不過不失。龍蝦未食見到一梳梳嘅肉同埋光澤已經知好正，入口同想像中一樣爽甜，唔使點任何醬汁已經贏晒所有乜嘢芝士龍蝦，鮮味爆棚。二選一太平洋饅頭蟹同海星斑之間，當然係後者感覺比較大件抵食，但係想試新野都係揀咗饅頭蟹，果然冇後悔。 Size真係好似饅頭咁細，但係味道好得意，海水味濃得來唔會死鹹，散去之後蟹甜味就湧晒出嚟，反而引出鮮味。 細細隻真係妹好耐，但係蟹肉比平時食嘅更

每隔一排就會有海鮮癮，而蟹仙是我每次想吃海鮮時的首選！因為可以用合理的價錢，吃到最好，最多種類的高質、新鮮、直銷海鮮。在很多地方吃過海鮮，總覺這裡的最有誠意及保證新鮮。店員說他們老闆有40年搜羅世界各地野生海鮮經驗，同船家直接攞貨，可以攞到非一般品種後空運來，保證新鮮🤩唔怪得當晚聽到好多人食過後都話好正！建議大家可以吃入門價的hk399十款海鮮餐，已經超滿足。而且店員是逐份海鮮幫你蒸和夾好給你的，單單是服務都值回票價。第一輪海鮮有越南大虎蝦、台灣九孔鮑魚、紐西蘭月刀蚌、大西洋野生青口和韓國珍珠蠔，真係唔駛飛都可以食到世界各國海鮮！月刀蚌好新鮮，上碟時還在動～他們會掌握好蒸海鮮的時間，每當計時響起就會幫你夾起。日本大元貝好重海水味，肉質彈口鮮甜，旁邊的膏鮮甜，吃前店員更會將海水倒粥底～越南大虎蝦亦好鮮甜彈口最難忘的是大大隻的紐西蘭青口，並不是平日街市可以見到的款式。吃下去青口的軟香鮮味滲出來，真的非常難得吃到如此新鮮（非冰鮮）的外國青口😋生猛的紐西蘭月刀蚌都幾好食，蚌肉爽口得來好清甜。想不到台灣九孔鮑魚都好好味，熟度剛剛好，口感好好之餘好甜。第二round海鮮更加出色！可以話係鮮味層遞式

依家出街食飯，要識得感恩，機會好難得，咁難得嘅機會梗係要搵一間自己鍾意嘅餐廳啦，朋友推薦去蟹仙。新蒲崗嘅街坊都知道老闆從事海鮮批發好多年，攞到嘅海鮮一定有保證，而呢間舖頭亦用咗好多魚缸去裝住啲活海鮮，保證新鮮！套餐收費有二百多到三百多，有10款海鮮，啱晒對唔同海鮮有要求嘅人！店員先會喺鍋底上放上米和豬骨，一陣上面蒸海鮮嗰啲汁就會滴晒落去，諗起都夠鮮味！見到店員從魚缸上面攞上大大隻膏蟹同埋青龍蝦，夠晒新鮮，見到啲蟹膏滿瀉，非常興奮！貝殼類別嘅海鮮亦都唔輸蝕，蒸完唔會縮水，東升斑，魚肉鮮嫩，呢個價位食到東星班真係冇得輸！仲要一讚，店員會好主動過嚟幫手，解釋每樣海鮮嘅來源做法，仲會好快咁樣清理枱面上嘅廚餘，實在難得！

今日尼到蟹仙新浦崗分店食海鮮，我同豬先生每人揀左一個$399尊貴海鮮套餐，如果想食平d仲有個299既海鮮餐，另外仲可以加錢升級大龍蝦，真係好吸引好大隻好新鮮尊貴套餐包左蟹，鮑魚，虎蝦，刀貝蚌琵琶龍蝦，同珍珠蠔，另外有兩款可以自選，我地揀左大元貝同今日新鮮既琵琶蝦衣度食海鮮既順序係由啖味開始食到濃味非常大的元貝，好鮮甜鮑魚蒸得剛剛好，蠔的味道也是非常不錯來自紐西蘭的刀貝，好大隻，鮮味十足衣隻琵琶蝦真係好多肉！鐘意食蝦既唔好錯過，蝦膏好多，肉質嫩滑，非常juicy,本人表示想一個人食兩隻今次食既大黃奄蟹真心推介比大家，老闆娘話奄蟹係未產過卵，所以蟹膏非常滑，雖然同平時食既䧳蟹比係細啲，但口感真係唔同，好食💯食完海鮮就到蔬菜同粟米，最後係非常期待既海鮮粥！海鮮精華加上菜舖既粥為今日既晚餐畫上完美句號

今日去左食蒸海鮮佢一個餐既份量 已經組合好唔使簡 好方便佢海鮮總類好多 而且好鮮味 餐牌亦到寫清楚產地魚有東星班 都鮮甜都係出面比較少貝殼類都有好多種 青口特別鮮甜鮑魚就好大隻 同埋試到其他貝類蠔就唔算好大隻 不過味到好濃！另外就係有蝦 蝦好大隻 食落肉質好彈牙之後最好味就係有蟹同澳洲龍蝦蟹好甜 好多膏 多到漏出黎 真係好好味龍蝦就好雪白 爽口 總括黎講 D 海鮮都好好而且有人幫你蒸埋 服務周到最後就會有粥底 加埋芋頭 薑同菜譜 好惹味完曬之後仲有椰汁燉官燕做甜品 超飽超滿足

晚去了蟹仙食海鮮, 展開我的復活之旅新蒲崗其實對開車人士係幾好, 門口有好多parking space, 連停車場都唔貴, $18/hr, 真係市區食飯唔怕多人的後花園 之前朋友已經食過哩間, 不斷大讚d 蟹超多膏, 同埋廚房好識劏蟹, 打開已經走了腮, 所以值得一試今晚可能是閒日, 人不多, 叫了 “尊貴海鮮套餐” $399/位, 好似性價比幾高咁餐廳先用蒸爐幫我們把所有食倶蒸焗一次, 確保消毒乾淨而且每張枱都有一個優化了的設計, 枱邊有個拉櫃, 藏有垃圾箱, 可以把食完了的海鮮蝦殼/ 蟹殼掉到旁邊去, 乾淨企理, 設計很恰當 每一枱都有一盤調味架, 不過我發現自己其實很少用到, 因為海鮮已經太新鮮, 不用太多的調味, 只吃天然的鹹香就可以了大黃奄蟹 – 可揀軟膏既蟹膏/ 硬膏的蟹我們揀了軟膏的蟹, 切開令人很驚喜, 那些金黃色的蟹膏多得有點溢瀉的感覺, 厚厚的一層在面! 而腮真的已經清理好, 沒有浪費一點的蟹肉, 刀功精湛! 不看menu 都不知, 原來奄蟹就是處女蟹的意思, 長知識了澳洲青年龍蝦如果有去過澳洲的人就知, 越老成的龍蝦, 肉質反而越差澳洲人會教你, 吃一斤或以下的龍

{$399超值蒸氣火鍋}#kong_girl_foodie出街食#蟹仙話說大家仲記唔記蒸氣海鮮火鍋，係好多年前都興過一排近排突然好想食下海鮮搵到呢個幾抵就一於去試下.❣️罕有大黃奄蟹佢係咁多樣海鮮入面我最鐘意的一樣，未蒸之前已經見到超級多鮮黃色既膏當然蒸完都無令我地失望好似鹹蛋黃既膏入口都好爽！係個蟹蓋仲起有一條完整既膏諗起都好回味啊而蟹肉更加唔洗講鮮甜都不得了！！！真係好想encore 多兩隻.❣️澳洲青年龍蝦呢隻龍蝦都係鮮甜都無得頂係蝦味一撓就成隻肉起左出黎蝦頭仲有十分鮮既膏蝦肉仲要係十分脆，彈牙！.❣️大西洋野生青口相信講到青口好多人都只會諗到意粉上既伴菜或者自助餐最少人食的冷盤海鮮但係呢到蒸上黎既青口太令我震驚第一次食到咁鮮甜同彈牙既青口入面有好多汁都好甜！.❣️越南大虎蝦佢係第一味上的海鮮一開頭都無留意到店員擺法之後蒸起開蓋時店員話「心心想印」先發員員完用兩隻蝦擺出一個心型！好細心又好靚搞到掛住打卡都唔記得食啊！隻蝦啲肉好彈牙而且有好多蝦膏啲蝦膏真係好正！❣️韓國慶南珍珠蠔生蠔就食得多對於一向都不太喜歡食熟蠔既我完完全全比呢一隻蠔震懾到佢既鮮味同埋入面既汁簡直係絕配

趁而家晚市堂食開返，一定要約朋友出黎食好野! 大魚大肉一排之後就諗住今晚清清地食下海鮮，所以就黎左呢間蟹仙，見有咁多好評質素應該都唔會差，結果真係好好食😋 我地叫左$399尊貴海鮮套餐，比起最平$299餐只係差100蚊就多左龍蝦同星斑~ 抵一開始店員就用個蒸氣爐幫我地消毒碗筷，喺呢個時勢真係好抵讚，絕對令食客食得安心。海鮮送到既時候，見到已經覺得非常對辦，店員都有簡單介紹下: 老闆係做左幾十年海鮮供應商，所以有能力用最好既價錢攞到最靚既貨供應俾自己餐廳~月亮貝、青口同珍珠蠔，店員都特別介紹可以唔需要點任何醬汁去食，本身我都怕會有腥味，但原來真係新鮮既海鮮 你係會食得出果種鮮味同海水味，真係好surprise喺呢度可以食到呢個質素! 鮑魚完全唔un，龍蝦肉亦都好爽唔鬆散~ 呢度叫得蟹仙，點都要食隻蟹，肉蟹黎講真係好多蟹膏，好creamy，蟹肉非常鮮甜! 食完海鮮，一定要食埋佢個粥底，有鮮味一D都唔寡~ 最後仲送埋椰汁燕窩做甜品，燕窩份量都唔少，好滿足👍🏻 其實成個食野流程都睇得出餐廳好用心，每樣海鮮都有店員較指定時間去蒸同埋介紹，令到D海鮮唔會蒸到過火~ 呢個價錢、食物質素同服務殷講性

想吃海鮮，搜了一下找到朋友家附近的蟹仙。店員熱情有禮呢！尊貴海鮮套餐 $399/位原價$798/位，共有十款海鮮，包括罕有大黃奄蟹、大平洋饅頭蟹或深海海星斑（每兩位半條）二選一、澳洲青年龍蝦、澳洲青年龍蝦、台灣九孔鮑魚、越南大虎蝦、大西洋野生青口、紐西蘭刀貝蚌、紐西蘭月亮貝或日本大元貝二選一、韓國慶南珍珠蠔及有機蔬菜籃。不過因為每天時令海鮮都不一樣，今天有的是廣島蠔，感覺更吸引。首先的是大元貝及大虎蝦，好像是蒸三分半，不過一直都有店員代勞，方便不用自己記著！大虎蝦新鮮彈牙，蝦膏鮮甜，大元貝則是蒸得剛好，不錯！接著來是廣島蠔及鮑魚。兩分半後，廣島蠔鮮甜一點不帶腥味，鮑魚大隻，新鮮彈牙，不錯！野生青口和刀貝蒸三分鐘，刀貝鮮甜爽口，青口也新鮮。青年龍蝦的是要蒸四分鐘，有很多膏，鮮甜，又夠新鮮！店員提醒如果只吃肉及膏的話，龍蝦殼可以放回粥底，更鮮甜呢！至於饅頭蟹，店員說也是吃膏的，蒸四分鐘。別少看小小一隻，慢慢吃，蟹肉都也很鮮。重頭戲大黃奄蟹蒸七分鐘。我們點了要母蟹，真的超多膏的，太好吃了！最後還蒸一下蔬菜，再慢慢煮好粥。粥加上蔥和菜脯再煮數分鐘，粥底真鮮甜！最後還包個甜點椰汁雪耳燉官燕，完全

突然想食海鮮，就openrice下有咩出名食海鮮既餐廳，結果就黎到位於新蒲崗既蟹仙覓食啦一坐低，侍應就好熱心咁花左幾分鐘去介紹海鮮，咁我地最後揀左個2人餐啦。食材望落幾新鮮膏都幾多，幾豐富其實仲有2隻大元貝同2隻大蝦貌相相當吸引食落味道係肉質鮮甜！而且飽滿大大隻龍蝦，每一啖都係啖啖肉，食完好滿足！蟹膏味道好濃郁！但美中不足係蟹肉較少，相比起龍蝦，飽足感差左少少。食晒所有海鮮食材，侍應仲會熱心提你留低隻龍蝦殼，留黎煲底下既粥。煲粥食落幾鮮甜！都有陣淡淡既龍蝦味襯托，令煲粥增添唔少風味！最後亦送上款甜品作為closing，成餐飯都好滿足！但其實價錢亦不菲，食左千3蚊度其實幾貴。

今晚訂左位同朋友去食蒸氣海鮮，一去到待應既熱情招，服務介紹食邊個套餐，簡正賓至如歸，好過一間5星級酒店既水準，海鮮每樣都超級新鮮，由其龍蝦可以選擇有兩隻一隻有刺身特別鮮甜，另一隻又可以蒸熟嚟食兩種食法無得頂。

今年生日突然心血來潮想食蒸海鮮一於豪一豪 對自己好啲！😆果然冇令我地失望 呢餐海鮮餐超正！台灣九孔鮑既鮮味真係一試難忘我地叫左$900果個餐 夠2個人食加$168/位轉左做南澳龍蝦 🦞 真心超正！絕對係最難忘既菜色之一 除左上面兩款 另一令我難忘既係大奄 啲蟹膏勁鮮甜！呢度既員工十分好 好有心機解釋每種海鮮要點食先最好 亦定時定候幫我地蒸海鮮成餐基本上係有專心服務生日佢地亦有特意蒸壽包 好warm!🥰菜式勁正 但更值得欣賞既係服務態度👍🏻👍🏻下次會帶埋朋友/家人再黎享受！😎

陪人試食，一心想由入門組別開始，侍應硬推中，高級別；最後依然固我，$299套餐！服務選周到，侍應小姐負責計時，上菜，心想店內食客不多，若果唔係，真係好忙。$299餐真係唔算多嘢食，份量少但質素好。最飽肚係最後嘅粥底，可惜唔係好夠味。應該係靚貨。餐廳送上自家製炸魚皮及燕窩甜品，算是賺咗。整體經驗係食物預期之內，地方有啲迫，服務好。

十樣鮮蟹仙海鮮蒸氣鍋 (仁愛街)地址: 新蒲崗仁愛街50號地舖電話: 25656118放假做乜好 ，當然是睡到自然醒，唔化裝扮靚，再去食個豐富架晚餐啦海鮮十樣，$399 ，計開每樣只係$39.9，仲要有蟹蝦魚蜆貝，咁多種類未食已先興奮。一層計時蒸好，掌握好火喉唔會老，要大刷蟹補返今年無點食大閘蟹條癮。星斑魚好鮮肉又嫩，淋上甜豉油已經好好食。奄仔蟹勁多膏呀，橙黃色好顯眼，食入口甘甜加了錢升級龍蝦，因店員話難得入到靚貨，仲係新鮮游水架，刺身級爽甜。送了炸魚皮做小食 蠔，鮑魚好肥美呀，蒸好美味。最後一定要食埋海鮮精華組成架粥啦。非筆墨能形容的鮮，建議親身來食，定必一試難忘。仲有椰汁燕窩甜品送添舖頭老闆本身做海鮮批發，所以有靚貨一定預留比自己舖頭架食客，且直接入貨更抵，用數百元已經食到勁多海鮮啦，好多老饕都會專登來食。

蟹仙海鮮蒸氣鍋 (仁愛街)地址: 新蒲崗仁愛街50號地舖電話: 25656118魚蝦蟹開，我唔係玩緊魚蝦蟹呀，而係去左食蒸氣海鮮屋企人唔多好小一次過買好多食材，通常我地都會出街食。$399 尊貴餐食到來自世界各地架海鮮，有大黃奄蟹，星斑/饅頭蟹2選1， 龍蝦每人加$168 升級，台灣九脆孔鮑魚，野生青口，越南大虎蝦，new zealand，貝蚌,韓國珍珠蠔，日本刀大元貝/月亮貝。好鮮甜其實我都無點樣加豉油，原汁原味。蒸架時間又計得好，唔會過熟令到肉質收緊變硬。龍蝦可刺身可蒸，蟹拆開仲有蟹汁，啜埋好甜鮮美味。最後仲有菜藍食， 滿足曬鍾意食海鮮架人,種類多。食埋個粥，甜到爆呀！將龍蝦頭放埋落去煮仲送左椰汁燕窩糖水呀！