蟹仙海鮮蒸氣鍋 (仁愛街) (已結業)

之前經過新蒲崗成日都見到呢間蟹仙，今次終於book咗位嚟試個「尊貴海鮮大餐」點餐之後，店員會先將我哋嘅餐具連碗碟放入蒸爐蒸煮消毒一次，確保衛生。之後食材會順次序由小自大咁送過嚟，店員再為我哋放入蒸爐烹調。基本上我地唔洗自己計時同落手處理，因為煮好之後店員再會用夾夾去我地隻碟度。我哋唯一要做嘅就係用手去除海產嘅外殼，同埋食🤣🤣一開始先食帶子同蝦，兩款都大隻厚肉，食完已經留低好印象。跟住就鮑魚、蠔、青口、蠔、蚌，逐樣逐樣嚟，店員一直用心服務，不會太急又唔會太慢，要喺度比個讚👍🏻食完小型貝殼，就到大型海鮮🙆🏻‍♀️先嚟一開二嘅龍蝦，啖啖肉，仲有唔少膏。店員見我冇用嘴掂過龍蝦殻，仲建議我放埋入粥底一齊煲，話會再鮮味啲～ 蟹方面我地試左饅頭蟹同膏蟹，膏蟹嘅肉質相對實淨同飽滿。食埋個蟹就到我最期待嘅海鮮粥! 店員會先問我地食唔食菜脯同青葱，按我地喜好再加落粥度一齊煮。雖然本身都有少少飽，不過個粥吸哂頭先啲海鮮精華，搞到我食完一碗又一碗🤣🤣食完個粥諗住差唔多走，點知有驚喜。有燕窩西米露~ 真係估都估唔到，正正子！

依家開始流行蒸氣火鍋，而重點當然就係要對啲海鮮進行最原始最鮮甜嘅品嚐。 我雖然係咁但要搵到一間經濟實惠又抵又正嘅都唔係咁容易㗎始終海鮮嘅價格真係幾貴。雖然係咁但最近發掘左喺新蒲崗嘅中心為開咗一間蟹仙蒸氣火鍋。雖然重點就係食蟹咁但係其他海鮮真係一一都係好評😁😍😍😍🦀🦀🦀首先要講吓主角蟹，呢一度蟹嘅種類都分咗三種：水蟹膏蟹同埋甚少見到嘅饅頭蟹。咁當然前兩個食得比較多嘅情況之下就果斷試咗饅頭蟹。首先講吓啲蟹膏真係軟滑香甜可以形容。主要係因為平時我哋食到嘅蟹啲高反而係一嚿嚿硬身少少嘅，但係饅頭蟹嘅膏係軟綿，要用其他食物嚟形容嘅話我會覺得似燕窩嘅質地🤣🤣🤣 蟹肉都唔少㗎雖然要撩出嚟可能要費少少力但係肉質仍然係甜美嘅！🦀🦀🦀然之後深刻回憶嘅當然唔少得大大隻嘅帶子，蒸嘅過程只係需要3分鐘但完全唔需要擔心會唔熟，呢一個時間真係啱啱好食到最完美口感嘅帶子，新鮮嘅帶子肉咬起上嚟應該係一條條絲狀黐埋一齊嘅！而佢又真係做到又新鮮又甜，帶子嘅膏都係咁飽滿，唔需要點太多醬反而就咁食先可以食到海水嘅恩恵😍😍😍然之後梗係唔少得蟹嘅朋友龍蝦啦🦞🦞🦞🦞 ， 唔好以為又係波士頓龍蝦南非龍蝦呢一啲成日都見到嘅種類，呢一個龍蝦

性價比高嘅海鮮粥底鍋之前已經聽過朋友推介蟹仙，今晚終於有時候黎試下😋佢有多款海鮮套餐分別由$299-$688係我哋未開始食海鮮之前，店員會先我哋碗碟放係蒸爐入面蒸一蒸，消毒咗先，非常好👍🏻我哋揀咗$398尊貴海鮮套餐，共有十款首先有日本大元貝、八頭南非大鮑魚，越南大虎蝦、韓國慶南蠔、紐西蘭大青口和刀貝海鮮非常新鮮，好有色澤光鮮，店員續樣幫我地蒸，我哋先食大元貝同虎蝦，蒸得啱啱好，肉質好鮮嫩，跟住再試埋鮑魚，蠔超級鮮甜，食落仲有少少海水味！再試埋好大隻既青口和刀貝，又係勁鮮甜店員又好快送上龍蝦，超級大隻龍蝦，肉質係透明亮麗，店員好識做，會俾我哋影埋相先，抵讚！未蒸前影一幅，蒸完又影一幅！ 呢隻龍蝦係必食，肉質好彈牙👍🏻👍🏻食完龍蝦，就到蟹啦，有兩款蟹，一款係三點蟹，另一款係肉蟹，勁多膏，肉質嫩嫩的最後一道菜就海鮮粥，呢煲粥吸引晒海鮮精華，店員會加入蔥粒、菜甫粒等等，大概5分鐘左右，就食得！係一碗熱辣辣又可以回味啱啱食嘅一碗粥，食完好滿足😋整體海鮮款式多，質素不錯，加上店員服務非常好，蟹仙絕對係一間性價比高海鮮粥底鍋👍🏻

朋友生日梗係要帶佢食好嘢啦，佢最鍾意食海鮮，而最近朋友就介紹咗間高質嘅蒸氣海鮮俾我。一入到去店員好細心，用高溫消毒左啲碗碟，之後就介紹唔同嘅套餐，我哋選擇咗有10款嘅尊貴海鮮套餐，佢哋海鮮都係即叫即劏，而且店員會好細心咁幫你即場蒸埋，唔怕蒸得太熟或者太生。套餐有奄仔蟹、東升斑、龍蝦、鮑魚、虎蝦同貝殼類等等，奄仔蟹真係比我好大嘅驚喜，完全爆曬膏，而且食落去好甘香，連佢嘅肉都有鹹蛋黃咁嘅味，龍蝦上到枱都仲識郁，非常之新鮮，而且多膏肉又爽甜，食完仲可以將蝦頭放入去粥到，兩個人飽到捧住個肚走，海鮮高質又抵食。

今日同朋友行開新蒲崗見行到肚餓梗係搵吓有咩好嘢食啦！之後就搵到呢一間食粥底海鮮既店，門口仲放晒啲新鮮嘅海鮮喺度應該都幾靠得住👍🏻入到去店員非常友善招呼我哋！佢會介紹我地今日有咩新鮮嘅海鮮好食。餐牌有唔同海鮮嘅套餐由8款至18款嘅套餐都有想抵食又得想豪食譯得，咁我哋就嗌左一個一共有10款既尊貴海鮮套餐試吓😋 之前我都食過某啲蒸氣海鮮嘅舖頭佢哋多數都係用個透明嘅蓋住佢，但係呢一間好特別係用個類似竹籠既蓋住佢！淨係外觀已經俾佢吸引住，等咗大概5至6分鐘終於有嘢食啦！有大大隻嘅鮑魚，肥美飽滿既生蠔，生猛虎蝦，龍躉片，仲有我最鍾意嘅貝殼類刀貝蚌同大大粒嘅扇貝，店員每一次都會幫嗰度嘅客人放落去蒸，教時間，直接將食物放喺你哋面前我哋郁都唔使郁，呢個服務真係大讚！鮑魚爽口彈牙，生蠔肥美，虎蝦新鮮肉挺，龍躉嫩滑，扇貝新鮮，刀貝蚌爽脆，各樣時間啱啱好！食完馬上第二輪，今次係澳洲龍蝦，饅頭蟹同埋大大隻嘅膏蟹，真正嘅多膏三人組🤣隻龍蝦多高膏肉質彈牙，饅頭蟹膏甜肉就比較少，到成個套餐嘅主角就係大大隻嘅膏蟹非常非常多膏絕對值得一試大黃奄蟹！之後第三輪就係蔬菜盤，新鮮嘅蔬菜食完蝦蟹食菜當然係有助消化同解膩啦！之後就

難得放工有時間同朋友去食飯，梗係要去食好嘢啦，聽朋友講好推介呢間位於新蒲崗嘅海鮮蒸氣鍋，鍾意食海鮮嘅我梗係要試吓啦。一入到黎，店員就會幫你用蒸氣消毒下啲餐具，然後就會介紹邊款套餐抵食同有啲咩，仲會解釋原來老闆係做批發海鮮，所以啲海鮮特別新鮮。今次我哋就揀咗尊貴海鮮套餐，入面有10款唔同嘅海鮮，包括蟹龍蝦鮑魚蝦等等揀好之後就會幫你整一個粥底，粥底入邊有芋頭同粟米，然後就開始食海鮮啦，店員服務態度好好，會幫你將啲海鮮放入蒸氣鍋，然後仲會幫你計時，務求令啲海鮮時間拿捏得啱啱好首先係元貝同虎蝦，元貝好大粒，而且好鮮甜，食落唔會煙韌，而虎蝦就肉質鮮嫩，淡淡都係肉，好正之後就係鮑魚，鮑魚好新鮮，但可能蒸得耐少少，所以比較煙韌，但口感都唔錯刀貝蚌，可能我個人唔係幾中意隻味道，有少少腥蠔，好大隻又鮮甜，咬落去好Juicy，十分推介終於輪到主角出場，海鮮點會少得龍蝦同蟹丫，龍蝦好大隻，而且啲膏仲好多，肉質鮮嫩多汁甜，一個字正啊。食完龍蝦，個殼會比落粥底度，令個粥底更加鮮甜而每次係有兩款蟹，一款係膏蟹一款係饅頭蟹，饅頭蟹個樣真係好似個饅頭咁，細細隻，口感食落同大閘蟹好似，但佢比較鮮甜膏蟹真係好多膏，又大隻

良心食肆無限支持！食得放心又開心！店員先講解海鮮入口同產地仲介紹一下唔同餐有咩選擇！$399 有10款海鮮 + 海鮮粥底 同甜品-黃奄蟹d蟹膏真係多到暈 大量地吸入左 真係要做多d運動先得-澳洲青年龍蝦哇!!!黎到明明已經係斬開左一半但咁都會郁啊 嚇得我...證明真係真係夠哂鮮！-台灣九孔鮑魚鮑魚清洗得非常乾淨鮮鮮甜甜 店員仲會每一碟都幫我地調好時間一定唔會overcook-東星斑一向唔多識食有骨既魚但呢個東星斑 唔單只幫我開邊！仲幫我去骨 不得了呢-越南大虎蝦蝦肉質感超彈牙！蝦頭ge膏仲流出黎咁！超驚喜-龍躉片由於東星斑太過出色 龍躉片變得無咁特別-紐西蘭刀貝米白色的扁長形外殻 鮮甜無比真係好想食多幾隻啊-日本大元貝手板咁大啊！一絲絲帶子既質感 洗得真係超乾淨！-韓國慶南蠔好飽滿食落口係甜味重-蔬菜同海鮮粥唔知係咪因為無咩蜆ge關係 海鮮粥比想像中少左一份海水咸味但充滿甜味！另外想食響鈴 可惜無哂 但店員超好 送左炸魚皮啊！好香脆份量超多再追加肉類~牛味超濃！真係必叫！！！不過食完真係飽到反晒肚蟹仙海鮮蒸氣鍋 (仁愛街) (新蒲崗)新蒲崗仁愛街50號地舖

以前食海鮮唔係去鯉魚門，就係流浮山，而家海鮮蒸鍋盛行，輕輕鬆鬆就食到海鮮啦。第二次來「蟹仙」食，之前在九龍城食過覺得好食，今次再帶朋友來食過。海鮮餐包括鮑魚、帆立貝、大蝦、蟶子、生蠔、龍躉魚，配兩隻膏蟹和龍蝦。經過高溫蒸煮，首先是手掌那麼長的大蝦，肉質結實彈牙；接着是膏蟹，金黃色的蟹膏十分之吸引，甘香鮮甜；蟶子大隻，洗得乾淨，不擔心會咬到幼砂；鮑魚厚肉彈牙；生蠔肥美飽滿；龍蝦食落啖啖肉，超正!!跟住仲有生菜同粟米，吸收了海鮮的鮮味。最底層是排骨粥，經過一個多小時完完全全吸收了海鮮的味道，再灑上菜甫增添爽脆的口感。成個海鮮鍋都冇令人失望，仲有甜品送，遲啲會再嚟食過先😋

之前喺朋友屋企食過「蟹仙海鮮蒸氣鍋」嘅外賣套餐幾正，而家堂食開番夜就一於到店幫襯下。本身想訂尖沙咀店，但就已經Full咗🈵️，唯有轉戰新蒲崗，反正搭巴士走都方便。餐廳環境唔大，雖然座位少，但坐得舒服，不過通道就真係窄喇。七點鐘左右，餐廳開始滿座，一家人或情侶客都有，好熱鬧👏。剛好我哋坐嗰個位置偏近水缸，可以親證啲海鮮有幾生猛😁，店員周不時拎住個桶出嚟捉活海鮮入去劏。未開始睇餐牌，熱情女店員(事頭婆？)已經向我哋介紹套餐。本身想試$299套餐，但佢推介$399個餐可以食埋龍蝦，海鮮又靚啲。好啦好啦，就課金多$100啦🙈。每枱蒸鍋上都有個好似草帽嘅罩，每次蒸海鮮時就會拉落嚟蓋住。食海鮮前，店員先為我哋送上醬油架，可以自己撈醬油、蒜蓉、🌶辣椒、芫荽同蔥。不過由於海鮮本身新鮮，所以全程都用唔著。粥底料一早已經放哂落個鍋度，有米飯、豬肉、芋頭、薑片同粟米等🌽。講咗咁耐，海鮮大餐正式開始🎊。首先先來六款海鮮。越南大虎蝦，蒸4分鐘，依隻係真虎蝦🦐，未食前剝蝦殼都知正。蝦肉結實，口感彈牙，乾淨無腸，普通海蝦完全無得比。日本大元貝，蒸4分鐘，呢個真係超好食😋。因為平日食開嘅元貝係普通料，唔係矜貴食材，亦唔

蟹仙 已經在新蒲崗開業三年有多 一直深受一眾街坊食客愛戴 餐廳以清蒸海鮮 配上粥底作為主打 店內設有大魚缸 養活多款海鮮 保證新鮮 店內餐桌與餐桌之間都設有屏障 食客入座後店員會馬上把餐具消毒 能讓食客安心又放心地用餐有多款不同價錢的套餐供應 今天揀選了中等價位的套餐 每位$398 包含了9款海鮮/ 蔬菜及粥底 非常豐富 款款海鮮鮮味十足扇貝肥美 味道清甜 職員拿捏蒸海鮮嘅時間非常準確 不會吧海鮮 煮得過熟而影響質感生蠔蒸完之後唔會過份縮水 蠔肚嘅位置飽滿非常 海水味濃郁鮑魚厚身 啖啖肉非常彈牙 鮑魚刷到白雪雪 內臟已經去除深海魚片魚皮煙韌充滿膠原 肉質滑溜非常 完全吃不到腥味， 馬刀貝勁重海水味 其肉質豐厚飽滿 口感極佳鮮龍蝦大大條肉 味道濃而鮮 蝦頭嘅膏多到滿瀉 味道甘香 店員建議留返蝦殼淆粥底 能夠使最底的味道會更鮮味頂角膏蟹 以蟹膏多而命名 鮮黃色的蟹膏非常奪目 質感軟熟滑溜而且濃郁 這蟹並非水蟹 非常好肉 而且紮實瘋狂吃完一輪海鮮之後 便是我最期待的海鮮粥底 粥底有排骨，粟米，仲有頭先 食淨嘅龍蝦頭，剛才蒸海鮮嘅水，以及大量蔬菜 未食已經想像到個粥底有幾鮮甜 餐廳仲好細心送咗

限聚令終於放寬，前陣子約好嘅飯局終於可以再開局，今日就嚟咗飯聚分子一直推介咗好耐嘅蟹仙食個海鮮餐。呢度有唔同嘅套餐俾食客揀，高中檔次都有，我哋就取其中庸之道，揀咗呢個每位$399嘅尊貴海鮮套餐。為咗令食客食得安心又放心，店員會首先用蒸籠高溫消毒一下所有食具。係準備開餐之前，店員會將粥底嘅材料放喺蒸盤下面，見到粥底有排骨、粟米、芋頭，仲有幾片薑，真係好期待最後出場嘅海鮮粥呀！首先出場嘅係其中六款海鮮嘅拼盤，包括台灣九孔鮑魚、越南大虎蝦、深海龍躉片、紐西蘭刀背蚌、日本大元貝、韓國慶南蠔。店員會全程為人客蒸海鮮，所以食客唔使操心，亦唔使擔心唔識控制蒸煮時間。每款海鮮嘅蒸煮時間都有唔同，一般而言都係2至5分鐘左右就可以食。依度嘅海鮮全部都好新鮮，質素亦算係中上類別。當中以日本大元貝尤其出色，平時旁邊白色嘅部位我興趣係一般的，但呢個大元貝嘅白色部份係好似蟹膏咁好食！賴尿蝦就喺廚房預先蒸好，然後店員會為我地先去掉蝦殼同埋切開兩份，呢隻賴尿蝦簡直有我隻前臂咁長，肉厚而肥美。澳洲青年龍蝦開邊蒸，蝦頭部份的蝦膏食落甘香，龍蝦肉彈牙。全晚嘅主角越南頂角膏蟹嘅膏甘香得好似鹹蛋黃般，蟹膏豐厚之餘亦有鮮甜的蟹肉

其實我真係好鍾意食海鮮 不過唔識整又唔識洗 出去食 有人劏埋 有人洗埋 仲有人幫手煮埋 我淨係負責食就得喇入座後店員非常細心為我們講解餐牌的內容 今晚點選了 尊貴海鮮套餐$398 有多款海鮮 一會兒逐一講解 保證吃到飽非常欣賞餐廳對衛生嘅要求 店員即場用蒸氣高溫消毒餐具 能讓我有種安心的感覺海鮮馬上出場 有大大隻海蝦， 鮑魚，扇貝， 馬刀貝 ，龍躉片，生蠔 全部已經清洗乾淨 全程有專人烹調海鮮 並進行講解 從店員口中得知 這裏的海鮮是野生的 沒有加入激素 難怪味道如此鮮甜鮮龍蝦還是活的 非常新鮮 新鮮的食材 光用清蒸的方法 便是最好的烹調 能夠吃出原汁原味 肉質彈牙爽甜奄仔蟹非常巨型 鮮黃色的膏多到滿瀉 蒸完之後蟹殼由綠色轉為鮮橙色 蟹膏甘香 軟綿綿 鮮味程度不能用筆墨形容 蟹肉一梳梳 好肉地 這類的蟹確實是上乘質素琵琶蝦肉質嫩滑 爽口似龍蝦 平時喺街市見到有得賣 不過價錢都幾貴 竟然呢個套餐有提供 實在有驚喜吃完一輪海鮮之後 還有一大盤蔬菜 店員好細心 為我們先蒸一啲比較硬嘅蔬菜 然後再蒸一些比較易熟易淋的 我覺得這個鋪排不錯 非常貼心最後就係我最期待嘅粥底 所有海鮮嘅精華落在粥底之

今日約咗個朋友交收，大家都話好耐冇食海鮮，於是約埋一齊嚟呢間專食蒸氣海鮮嘅餐廳，一齊擦餐勁。海鮮都有太多款，都唔知食乜好，真係幾花多眼亂，結果都係決定嗌套餐，人均不用400蚊，就可以試到十款海鮮，抵過入西貢食。侍應超細心，幫我哋將所有餐具碗碟都用咗蒸氣去消毒，感覺安心好多。大蝦、元貝、蠔、鮑魚等等嘅海鮮都擺成一個拼盤咁上檯，睇起嚟好豐富！元貝好嫩好鮮味， 而且夠曬大隻，入口好清甜。海蟹好多蟹膏，多到流曬出嚟！龍蝦好新鮮，而且仲係龍蝦乸，個肚有超多嘅龍蝦籽，我都係第一次見。東星斑原條清蒸，魚肉結實，好有魚味，平時出去食東星一般都唔平，呢個套餐包埋真係好抵食。特製魚皮食落卜卜脆，新鮮炸起，正過一般魚皮多多聲。食到咁上下所有海鮮蒸出嚟嘅汁都會落到鍋底配埋粥底一齊煮加埋啲配料就成為一鍋鮮味嘅海鮮粥，真係飽到一個點。最後送上一碗椰汁官燕甜品，秋涼嘅天氣食就最啱，夠曬滋潤。呢個價錢食到咁多嘢，而且食物又高質，實在幾高性價比，下次等屋企人生日，一於再帶佢哋食海鮮！

趁限聚令放寬咗少少，終於可以出街食飯同朋友見下，順便拎月餅，原來朋友公司附近都有呢間蟹仙海鮮蒸氣火鍋，好耐之前食過，一直都念念不忘，今日又有口福喇！見有唔少款式嘅套餐，由$299起，不過怕食唔曬咁多嘢，都係叫個$399套餐，都非常豐富，成十款海鮮，正呀！海鮮一上檯，即時令人食指大動，有大大隻嘅龍蝦、爆曬膏嘅頂角膏蟹、矜貴嘅東星斑、九孔鮑、龍躉肉、大蝦等等。咁多海鮮入面，望落最吸引嘅就係龍蝦，唔只蝦身厚肉，更充滿蝦子，顏色好靚之餘，食起嚟更鮮味彈牙。至於頂角膏蟹，滿滿都係金黃色嘅蟹膏， 蟹肉鮮甜，肉質結實而味道香濃， 成手都沾滿蟹膏，蟹迷必定鐘意。東星斑平時都唔平，一般去酒樓先有，估唔到兩個人都食到，魚肉嫩滑，入口鮮甜，加上店家特製嘅醬汁，差啲想嗌個白飯。其他嘅海鮮同樣高質，貝類乾淨，食得出都係好新鮮，尤其鮑魚同帶子，爽口又唔韌，非常唔錯！食完海鮮都已經飽咗七成， 再上埋個蔬菜拼盤，估唔到菜都可以咁甜！最後食埋個粥底，蒸過海鮮嘅湯汁加埋粥底，配上菜莆同粟米芋頭，鮮味十足，不過實在太飽，每人食左一碗就戰敗！整體食物質素不單只高，而且更是良心店鋪，絕對支持，希望疫情盡早完結，令大家過返啲正常