莆田 (荃灣廣場)

营业中

休息中

我愛吃福建菜, 但福建菜館在香港可謂寥寥可數, 所以每當遇見, 必定幫襯 ~ 莆田 這間餐廳, 是原自 新加坡 的福建菜館品牌 ~Menu ~ 九轉小腸 $78 九轉小腸 是以新鮮豬腸製造, 由傳統「九摺式」穿套滷製而成, 味道鹹香豐腴, 卻又不肥不膩, 咬落爽口彈牙, 非常好吃 ~ 興化炒米粉 $78碟頭很大, 食材有 蝦仁、 蜆、花生、 紫菜肉絲 米粉的質感輕柔細滑, 既鬆軟又爽口, 油份少, 味濃鮮美 ~極品椒鹽豬手 $39/隻 (兩件起)豬手約有7寸長, 外皮焦香爽脆, 肉質香口入味之餘, 也極富骨膠原, 椒鹽味道適中, 酥香而不肥膩 ~本篇完 ~

是日係荃灣同同學買野，行到晚飯嘅時間，大家都肚仔餓喇，跟住就周圍揾下野食咁，見到呢間之前成日經過都無食到嘅餐廳由於見到人唔算太多就即係衝左入去食飯。餐廳地方都算大，唔會俾人好狹窄嘅感覺，成個氣氛感覺好柔和，好岩一齊傾下偈食下野咁。。。百秒黃花魚($68)黃花魚好滑溜，超級鮮味，而且份量小仲無腥味tim九轉小腸($78)呢個豬腸真係好有口感，同一般食到軟淋淋嘅豬腸好唔一樣，厚實嘅口感令人一試難忘。極品椒鹽豬手($39)豬手炸得好香脆，椒鹽嘅份量亦都岩岩好，入口唔會太咸，而且肥而不膩，雖然豬手肉嘅量唔算多，但味道真係唔錯架。。。莆田扁肉湯(加醋)($78)扁肉意思即係平身嘅小雲吞，入面包左啲豬肉同蔥，食左唔小野，喝番小小酸酸地嘅熱湯真係好刺激食慾，而湯入面有啲扁肉令味道刺激食慾之餘，更帶點咬口，令湯更加吸引。蝦苗拌頭水紫菜($52)紫菜以冷盤嘅形式上台，真係比較小食到，不過入口冰涼，帶小小酸味令人更有期待對其他野食冰浸苦瓜($48)我都比較少咁樣食苦瓜，不過都算幾特別嘅，點小小蜂蜜咁樣食苦瓜有小小清新嘅感覺，而且仲去除左唔小苦瓜嘅苦澀味

開心婆婆生日飯，說真的，老人家就只想一家人開開心心吃個便飯，就算帶他們去最高級的地方，食最貴價的山珍海錯，如果一個簡單的家人聚會也要變得『商業化』，一家人的要分等級分開坐(太多人要分兩枱當然是合情合理~)但生意上的左右手一家也齊齊出席，還要坐『主家席』，當然老娘個心就一定不是味兒架喇~~~不是不抵得被安排坐到另一張枱，而是眼看老人家吃得一點也不高興，你們做場大龍鳳，又合照，又蛋糕，她也是陪笑式說一句多謝，有心﹗所以! 正日當然要再來一餐『真正的生日飯』，聽到老人家講一句『比龍肉我食都不及這一餐，食得開開心心，沒有外人，不用陪笑』總算真正的和她慶祝了﹗好﹗要呻的呻完~~什麼都忘記了﹗開餐喇﹗有什麼都吃進肚子裡去﹗我唏﹗******************這是分隔線******************咁齊人，唔想左揀加揀，當然叫個set最方便~(當然有稍為看一下大部份都合婆婆及大家胃口啦)先來一個<<凍雞>> (忘了菜名) ***老娘本身不太吃這些如醉雞或白切雞，除了覺得本身是熱的為什麼變了冷盤外，就是很怕吃那些『骨子裡』還是紅的雞﹗Mr. Honey細心地

莆田星期六晚是分兩輪用餐時間的，我們訂了第二輪，即是7:45。我們一行8大人，1小童同及1BB； 訂位時通知餐廳有BB 車，餐廳好貼心，安排了可放BB 車的位置；我們坐的是有轉盤的圓枱，用餐就好方便。餐廳的食物都是比較精緻，所以店員都提議我們其中有兩碟餸可以加大，即碟1.5碟的價錢及份量；  九轉小腸: 有小火爐保溫，好精緻，但好清楚看到大腸的形狀，不容易接受   香拌海蜇花: 可能是前菜關係，都是比較細碟，但海蜇是脆脆的  酥炒芋頭: 上菜時已嗅到好香的芋頭，面頭是有層脆脆，入口更是濃濃的芋頭味   燜苦瓜，好入味，燜完都是好完整，好靚； 但若果把苦瓜杍去清，客人吃的會更方便  自製滑豆腐: 都是的的式式，我只吃了一棵甜豆，好爽脆  莆田荔枝肉: 應該是有荔枝作配菜，好似咕嚕肉，肉都好夠諗身  莆田扁肉湯 (中size): 有點似實淨的魚皮餃，細細粒，好可愛，沾上店內的特色辣醬，真是配合無比   燜黃花魚: 都唔算細條，魚肉都是滑滑的，但黃魚都有細骨的； 點了兩條，但原來好多老友都怕魚骨，唯有我包底啦！  椒鹽豬手: 好香口，皮是脆脆，是軟綿綿，吃時感覺好滑嘟嘟 

又來到荃灣吃晚餐，今天選擇了在荃灣廣場的莆田，早前曾經在荷里活廣場分店吃過一次，今天決定再次到來。我相信莆田不單在新加坡享譽盛名，在香港也必然有一定的名氣，荃灣和鑽石山的分店面積也不小，每次在Weekday未許八時已滿座，生意非常好。食物價錢中等，不便宜亦不貴，可是精選的二人原味套餐卻非常划算!這連鎖食店的裝潢十分光鮮亮麗，柔和的黃色射燈照在潔淨的木檯上，食物賣相和顏色也額外漂亮。蝦苗拌頭水紫菜: 簡簡單單的涼拌紫菜加上少許醋，令紫菜香甜之餘還帶半點酸味，感覺非常開胃。蝦苗富鹹香，與紫菜的甜和酸非常融合。酥炒芋頭: 這是我最喜愛的菜式，莆田採用了檳榔芋頭芯，質感非常粉嫩。芋頭炒得外脆內軟之餘，表面還有一層超級香甜的蜜汁(應該系)，令整件芋頭變得十分香甜、香脆和惹味，無可挑剔。莆田扁肉湯: 扁肉湯加了醋，令整體味道有點像淡味版的碗仔翅或者是我們平常卦飲宴會吃到的那個翅的味道，扁肉其實是小小的餃子，有逾二三十隻，多不勝數。莆田鹵麵: 為非常傳統的特色美食，配料非常豐富，包括蝦肉、豬肉、蜆肉、香菇、芹菜等等，然後加上秘製白鹵汁和高汤，味道相當精甜，湯底非常濃郁。麵條也很幼滑彈牙。莆田燜豆腐:

早前和朋友去了荃灣行街,晚餐就在荃灣廣場揾下有咩好吃,之前吃過莆田，決定吃荃灣分店,地點十分方便，我同友人去到店鋪，等了一陣就有位,我們坐下後就点了二人套餐，這裡份量比屯門店多，我同友人覺得比屯門店有水準，TW店地方十分舒適，服務亦不錯，炒飯味道亦幾好,味道不會太咸，亦都健康美味，蜆餃湯亦都幾好味 ，湯底用新鮮蜆肉制作 ,味道清甜,再配上魚皮制作餃子，亦都十分可口，海鮮湯麵味道亦不錯，麵質爽口，2人幾乎吃不完 ,真是十分飽肚,這裡給我留下幾好印象

自上次於莆田在不知情的情況下吃過土筍凍後，一直有陰影，怕不知又會吃了甚麼奇怪的進肚子，礙於友人一直想試莆田菜，這次唯有捨命陪君子鼓起勇氣再次踏進莆田！記得上回到莆田是到他們鑽石山在港的首間分店，不經不覺原來莆田在港已增至5間分店，而且閒日晚上人流亦不少，幾乎全店滿坐。場內裝修得較為簡約，設有4人卡座亦有數張圓桌供6-8人一枱餐牌首頁就有介紹莆田10醉，而且每款也有一個獨有的特徵，10醉中包括了：百秒黃花魚(快),極品椒鹽豬手(酥),九轉小腸(巧),酥炒芋頭(糯),莆田扁肉(傳統),冰浸苦瓜(薄),蝦苗拌頭水紫菜(嫩),莆田燜豆腐(原味),興化炒米粉(幼)及莆田滷麵，我們就直接在這頁揀選幾款特色菜好了九轉小腸 $78［分數：8/10］身為巧手代表的九轉小腸，不竟是內臟類，為免放凍涼後產生異味，所以碟上有一小爐為小腸保溫。夾起小腸看看，內裡一圈一圈的紋理，手功相當精細。然而腸身夠腍入口富彈性，當中帶有少量脂肪，沒有異味之餘，味道更是香口，小小的一粒，味道確實不錯極品椒鹽豬手 $39/件 （兩件起）［分數：8.5/10］味帶酥香的椒鹽豬手$39一件，價格中等，豬手外皮炸得金黃色鬆脆，表皮不算

水晶豬蹄凍口感有點像大菜糕，但比大菜糕軟棉，富有肉香。莆田燜豆腐，有冬菇，蝦米，肉碎，蛋等，非常惹味。百秒黃花魚，魚肉煮得很鮮嫩，唯獨魚不大。莆田鹵麵，味道是可以的，但麵質偏淋，有點糊

芋頭好唔好味一向都係見仁見智，有人覺得好粉，唔中意食，相反有人就係中意佢粉粉地既口感同甜甜既味道。莆田既招牌菜，酥炸芋頭的確好食到一試難忘😋星期五既晚上，愛麗絲同屋企人泥莆田食晚餐，首先必點既一定係酥炸芋頭！一顆顆方形既芋頭疊起為一堆，中間亦有一片片既炒洋蔥。芋頭外層係香脆而略鹹，亦都會食到炒菜既焦香味，不過入面就係粉粉甜甜既芋頭，兩種味道加埋十分特別，真係好正😍 平時唔食芋頭既朋友都可以試下😁 不愧係招牌菜！👍🏻👍🏻👍🏻除左酥炸芋頭，百秒黃花魚都係莆田既受歡迎小菜。魚肉好滑，有淡淡既清湯味，不過黃花魚較多骨，大家食既時候要小心呀～而另一道餸就係四式拼盤喇，其實係髮菜丶豬腸丶餚肉同腐皮，所有都係冷盤泥既。個人比較中意髮菜，酸酸地，幾開胃。之後就係肉碎炒通菜，愛麗絲一向都好中意食炒通菜，因為好有鍋氣，亦都好香口，啲肉碎仲可以攞泥撈飯，而呢道餸都係一樣，深得愛麗絲中意呀😀最後就係炒米粉喇，個人認為個炒米粉淡而無味，唔香同埋略偏濕，唔太好食，同酥炸芋頭等菜色，好大反差😟 唔建議大家叫呢道餸！

第一次到莆田，環境幾舒服，都適合朋友聚會傾談，我們6人都不知道叫什麼餸，幸好枱面有張好像報紙的彩色印刷品放在枱面，起初以為是廣告介紹，原來裡面也有介紹一些推介食品，當晚我們叫了：- 九轉小腸 ：口感帶點實，同以往吃過的豬腸不同，感覺幾新鮮！- 水晶豬蹄凍：豬蹄凍配上其獨有醬汁一起吃，少少辣，涼菜好選擇，不油不膩！- 一品海蠣煎： 好得意，除海蠣㚈還有一些小螃蟹一起炸！好得意，好香口！- 椒鹽豬手：惹味十足！好味，但沒有什麼驚喜！- 甫田荔枝肉：酸甜適中，肉質好- 脆皮蒜香雞：原來用家美雞，愛健康的人必愛吃，因為夠蒜香同咸！「對我來說，師傅重手左D，咸少少，不過仍可接受！- 莆田鹵麵及 包菜拌飯兩者都好味，鹵麵反而味道不算濃，有些湯汁配襯，good!拌飯味道亦適中！服務好，終合所有，結果是必會再來吃！

難得今天可以提早在五時半下班，便立即走到此店一試其菜色，平日大排長龍，今日竟然可以成為晚市第一枱客，真是機會難逢。店員遞上餐牌之餘，更遞上信用咭優惠套餐，於是二話不說便點了個二人套餐，再加兩件鬆脆無比的椒鹽豬手(必食推介)。前菜拼盤包冰浸苦瓜、豬蹄凍及蝦苗拼紫菜，真是清新可口，胃口大增。接著送上一人一碗的莆田扁肉湯，湯中帶有醋的酸味，更有小型湯餃，非常醒胃。然後一人一條百秒黃花魚，肉嫩鮮味，完全沒有腥味。跟著一碟莆田荔枝肉，頗像平日吃的咕嚕肉。主食是莆田滷麵，料多麵軟，再配上此店的辣媽醬，味道簡直配合得天衣無縫。最後再呷碗蓮子銀耳湯，來完結這一頓幸福的晚餐。

今日一行買人黎到荃灣食新加坡菜　我地七點到達，即時入座。呢度既環境唔錯，裝修得幾休閒，幾有空間感。呢度上菜算快，第一樣黎既係冰浸苦瓜。苦瓜切得真係好薄，師傅刀工唔錯　苦得黎好爽口，幾過癮！第二樣黎既係莆田扁肉湯。D 扁肉好似魚皮餃，個湯酸酸地幾開胃。興化炒米粉 D 米粉好似絲咁幼，而且好好味　份量略嫌少蒜香脆皮雞 D 肉好鞋，D 皮都唔夠脆皮蛋 幾得意，咬落唔似皮蛋，酸酸甜甜咁莆田荔枝肉- 同普通咕嚕肉一樣味道，還可以，但可以先試其他菜總括而言，呢度環境OK，坐得幾舒服；食物質素都OK；服務不過不失，價錢亦都合理，黎荃灣諗唔到食乜都可以一試PS: 餐具不太衛生，有污積

之前生日,,友人說吃個生日飯~方便大家選了荃灣,,,他說帶我吃點比較特別的,,初時聽到名字，以為係日本菜~原來是吃星加坡菜,,他先拎位,,再會合,,,店內近八成滿~打開menu~以為有喇沙,,咖央~全部都冇,反而似中菜~二人點了四樣食物~極品椒鹽豬手 $38/ 件（最少兩件） 很喜歡脆卜卜的豬手,,,而且炸得剛好,,椒鹽味道很濃,,很惹味~入口外皮脆卜卜,,肉質軟滑而皮肉之間夾住的並非肥膏,,而係滿滿骨膠原,,正~!莆田滷麵 ($78)有很多材料蜆肉、鮮蝦、冬菇等,,湯底濃稠而不會太鹹,麵條彈牙味道不錯~自家製豆腐煲($98)忘記名字了~XD MENU 有介紹所用的豆腐係自家製,,而呢個豆腐煲的豆腐稍微炸過再放湯煮,,,材料有芹菜,娃娃菜,肉片,蝦米等,,,炸過的豆腐好似魚腐而內裡滑LULU~而且豆味濃~醉雞?($68)只記得濃濃的酒味,,不太好的我只覺得不過不失~餐廳的環境舒適,,好多的一家大細光顧,,吃得飽飽便離開了~

「莆田」餐廳取名自中國福建省優美的沿海城市, 背山面海、土地肥沃、海產豐富的環境賦予莆田市一種得天獨厚的氣質, 盛產獨具特色的風味美食。據說「莆田」老闆是一名移居新加坡的福建人, 因想念家鄉菜, 而在新加坡創立「莆田」。「莆田」一直堅持以最新鮮、天然的食材、保留真味的烹調，為客人奉上一道道以心製造的優質菜餚，所以，「莆田」大部份食材，皆從莆田直接入口，以確保其地道風味。話說數月前已聽說起過「莆田」的美味, 終於在今天能相約友人下班後一同品嚐, 原來「莆田」在香港已有五間分店了, 今天我們在荃灣店用餐, 現場所見, 幾乎是滿座的呢, 非常受歡迎。來到荃灣廣場四樓, 扶手電梯一上到就見到莆田。原來莆田在亞洲多個城巿都有分店, 加添了一分信心。座位乾淨整齊雅致, 較多大夥兒的座位, 畢竟中菜較適合大夥兒, 或和長輩聚餐之選。原來莆田最新得到2016年米芝蓮推介餐廳, 我們來得正好, 不經意吃到了米芝蓮推介餐廳。信用咭正做推廣優惠, 看起來也蠻抵食的。但因我們不吃魚, 所以沒有選特價二人餐, 轉而散點招牌菜式。餐牌印製精美, 特別一讚相片影得很好, 每樣菜式都很好吃的樣子, 而且餐廳菜式繁多,

這間米芝蓮推薦的餐廳其實很早就聽過，一直都沒有機會去嚐鮮看看莆田座落於荃灣廣場這天下午買了戲票時間還來到，就特地過來享用午餐座下來不久店員就會送上菊花茶跟餐前小吃餐牌冰浸苦瓜 $48每片都薄得透光，非常晶瑩剔透吃來爽脆帶甘如果是怕甘苦的朋友可蘸點蜜糖同吃可以平衡苦瓜的味道原味燘黃魚 $68店員說用上100秒燜煮，烹調時間短所以魚油跟魚鮮仍能保持！食起來魚肉非常滑嫩這里的魚湯深得我心九轉小腸 $78一看就知道工序繁複絕對是很有心機的手工菜豬腸鹵得入味，口感爽彈記得蘸點店家的辣媽醬這醬好好吃！極品椒鹽豬手 $39/件豬手外皮非常脆裡面有著豐富的骨膠原吃起來不會感到膩很滋味！！！興化米粉 $78以多種不同海產有蜆肉、鮮蝦等等而燜炒而成的興化米粉興化米粉原來是由當地農民純手工製作粉條來得非常幼細，食柔起來軟卻不失咬口！炒得很乾爽，很喜歡！這個下午很滿足呢！