莆田 (荃湾广场)

营业中

休息中

Really enjoyed their lunch special, with 3 sides included. Great taste, especially liked their seaweed dish and the desert.

认识莆田系因为唔知几耐之前某一日老公话呢间餐厅既🥢午餐好抵食, 味道不错。今日终於有机会试下, 点知原来星期六系无午市一人餐供应架。所以我地散叫点左芋香鸭, 莆田卤面同冬瓜薏米水。莆田卤面 - 唔似我地系香港食开既汤面, 莆田卤面应该有系煮汤既时候加入生粉令汤底比较浓稠。汤底味道鲜甜唔油腻。而莆田卤面就似出面食到既什锦汤面咁, 材料有🦐海鲜, 肉同菜。味道口感有特色, 都好味。不过就有我唔锺意食既芹菜。芋香鸭 - 不其然令我同不久前系枫林小馆食过既荔茸香酥鸭作比较, $99呢个价钱好抵, 枫林小馆价钱系$298, 但系枫林小馆煮得好味太多, 锺意食荔芋鸭既朋友千祈唔好嗌, 一定会失望。芋头口感偏硬唔够粉。最差系D鸭肉, 食落既感觉就好似D煲汤肉咁, 又鞋又无味。冬瓜薏米水 - 好饮, 新鲜足料甜味适中。莆田环境装修不错, 座位宽敞舒适, 员工亲切有礼, 锺意食芋头既我, 下次试下好多食评推介既酥炒芋芯。

同朋友喺荃湾揾食，因为要坐下食下倾下，所以要避开最繁忙嘅地段，行远啲去咗荃湾广场。睇完水牌，朋友话想去莆田食。平日夜晚唔多人，3个人食畀张6人枱，可以坐得松动啲，又有多余櫈放袋。喺谂紧食咩嘅时候，待应送上免费前菜 - 文旦柚及腌萝卜。柚好甜，锺意食嘅可向餐厅购买($138一箱，有4个)；腌萝卜酸酸甜甜好开胃。叫了一碗莆田扁肉汤，其实系紫菜鱼皮饺汤，扁肉味道唔错，但本人并唔觉得啲水系汤(始终都只系锺意老火汤)。另外叫咗三个餸同一个主食 - 咸香黄花鱼(够脆但稍咸)、莆田荔枝肉(似咕噜肉，份量足，但荔枝肉得两粒)、芋头鸭(热辣辣，外皮好脆，被芋头蓉包住嘅鸭肉一啲都唔油腻)同兴化炒米粉(炸紫菜好味道)。

今晚同朋友黎左莆田食饭，因为佢一直都好想试下食福建菜，估唔到有惊喜我地得两个人但系好贪心咁左成7个餸!前菜菜莆: 好好味，好味道想问佢拎多碟食，令我好期待之後既菜色。扁肉汤: 因为红紫菜带酸，所以个汤头系酸酸甜甜既，有别於一般既汤水味道。卤水豆腐: 卤水卤得好入味，豆腐大细岩岩好，女仔都可以一啖食晒，唔怕食到周围都系。闽香洋烧排: 烧排炆得好淋，牙一咬肉即松软易入口，本身我好懒食呢类食物，宜家我都会对佢改观。

两口子叹个下午茶餐，侍应招呼坐下後，马上送上一个纸袋，原来是20周年纪念送给顾客的礼物🎁，内藏2樽秘制辣妈酱，真是意外惊喜！辣妈酱味道酸酸辣辣，挺开胃喔。下午茶有2款选择，分别$49及$59，价钱都算抵食，有2款小食，1款主食及1款糖水，可追加其他美食及饮品。

从不理会是不是米猪莲星级推介，只要Openrice有人推介，或者睇见餐牌的食物能吸引到我，便会去品尝一下。各款菜色都特别，福建菜点会咁精致，系星加坡特色菜至真。一开始就每人送一樽辣椒酱比你带走，再送每人一片西柚肉，服务员再上一瓶热菊花茶，非常细心。正式上菜，先来一碗扁肉汤，内有紫菜，清香扑鼻。大大只冰镇鲍鱼，大大啖入口。莆田今期推介特色鳗鱼菜式，当然要试下，鳗鱼肥美出色。马来风光，原来系炒碟贡菜咁解。荔枝肉有少少失色，可能系因为用咗鸡肉而不是排骨。总结而言，好就要赞👍

呢一间菜馆嘅菜式系比较特别，佢有好多菜式出面都冇得食㗎，我哋今晚两个人，叫咗好出名嘅九转小肠，系一个完全唔肥嘅猪大肠，仲要系有个座坐热嘅 🤗 另外个药膳竹桶虾都几特别㗎，呢个系汤嚟呀，一位一个竹桶，嗰2只虾系用新鲜虾，食得出系游水虾嚟呀 餐牌写鳗鱼做紧推广，我哋就试吓，其实鳗鱼同鳝真系好似罗，煲上……好惹味，呢度嘅白饭都吾错，香软绵最後实在系忍唔住要整返个甜品，因为呢个甜品真系枇杷膏嚟架，出面真系吾觉有得食，呢个甜品食完喉咙好舒服㗎呢而家嘅天气最啱食🥰🥰

这店子来过几次，每次都是吃二人套餐，今晚选择散点，吃一些别的菜式。精美四小拼：虾苗拌头水紫菜，虾苗看上是薄片儿，虾身透明，黏附着紫菜上，紫菜小口一嚐，有种酸酸甜甜的味道，十分开胃。卤水嫩豆腐，豆腐皮蘸满卤水汁，内里包裹着嫩滑的豆腐，汁香豆腐滑，也是一道好吃的小吃。水晶猪蹄冻，猪蹄被透明的啫哩状汤汁包起来，形成一颗一颗的小骰子，这个我觉得切得太小，用筷子不容易夹起来，而且因为太小放到口中很快就吃完了。味道就像吃冷冻肉一样，比较淡。九转小肠，看肠子真是一转又一转，没数，说九转就九转吧，只是名堂一个，酱汁调配不错，口感清爽不黏牙。吃过这四碟头盘也开了胃口，之後的菜式可以吃得更滋味。点了两款汤，一个是每次来都喝的药膳竹筒虾，另一个是莆田扁肉汤。药膳竹筒虾，喜欢有一股浓浓的药材味，但又不是甘苦之物，有两只大虾在汤内，虾肉爽脆鲜味，配合热腾腾的汤，就是好喝。最不喜欢不冷不热的汤，这里的汤是我喜欢的温度。虽然只看到几粒杞子没有看到其他药材在汤内，但扑鼻而来的药材味又假不了。莆田扁肉汤，是福建人喜爱的汤水，汤内放了好几个用薄皮包着的扁肉碎，就像广东云吞一样，不过它比云吞小，是迷你版，汤内有些紫菜，芫茜

3点去到好多都话卖晒，点心得番薯包同炸扁肉。包太湿肉好腥，侍应仲解释话系好耐冇货返，叫话拣+10嗰啲（不过个人认为好普通完全唔值，侍应仲寸寸贡话唔系10蚊都俾唔起呀？）。主菜无论系面定饭都好斋，至於甜品就一般。総括而言，呢个价可以食得更加好，讲真茶餐厅常餐仲好食。餐厅无论系食物质素定环境都比茶餐厅差，工业风设计天花管线外露，位又迫，真系唔会有下次。米芝莲连续4年有星?论环境食物定服务性价比无一样系

I go there quite often for dinner, 竹筒虾is my favorite. The customer service is top notch. staff is very courteius. The manager is very attentive and she'll make sure you are happy with the meal. They also often have new/seasonal dishes on the menu. The Michelin star is well deserved! Very pleasant dining experience overall!

见到好多莆田广告话198蚊可以任选两道圣子，锺意食海鲜的我点可以放过呢 今日就去左食，餐牌话可以8选2，但系落单果时个waitress就话得番2种可以拣O晒嘴⋯ 我去果时已经夜晚8:30，唔知系卖晒定点⋯所以即系变左2选2⋯得番蒜蓉蒸圣子同埋酒糟圣子。其实都好食，d圣子几肥，份量都几大，两份圣子其实都够3-4人食既，算几抵食！酒糟圣子好重酒味第一次食呢种煮法，几特别！总体黎讲唔错，可以再试希望下次再去有得拣其他煮法啦

一直都好想试蛏子餐，终於啱季节，兼第一次等到位！等位期间，门口有姜茶免费招待，味道淡如姜味水。成个Menu，好似系以海鲜为主，鱼蟹。小菜选择不多，饭面选择不多。时令当做，当然系来食蛏子，$198 两食蛏子，系抵系吸引，亦都好Juicy! 亦因此，相信太受欢迎每枱都会叫，等到食完想埋单先上蛏子。四小碟，认真唔抵食，净系得个猪大肠稍为吸引，份量亦都好少，味道清淡一般。其中一款系紫菜碎，一款切碎左水晶肉，一款豆腐，$119！早知净系叫一个九转小肠，都冇咁贵。整体来说，份量少，价钱相对就会贵。三个女人，食咗六百几蚊，如果唔系不停地灌茶，都唔会有饱嘅感觉，果然返到屋企即肚饿⋯

近日见到莆田周围有广告，於是就去试试食晚餐。晚餐餐牌主要系单点，首先当然要叫招牌蒜蓉蒸蛏子。莆田蛏子比正常品种细，但系蛏子太细反而冇平时嘅咬口，同埋加上鲜味都唔够。最想食嘅蛏子令人失望，只数多都冇用之後到另一招牌菜莆田卤面，除左两只大虾其实都系普通米线，个海鲜汤底冇咩特别最後原来系莆田荔枝肉最好食，咕噜肉炸得够脆肉又够腍，甜甜嘅荔枝肉同咕噜肉嘅酸配搭得好总括：主角食品普普通通，价钱都唔系便宜，都应该冇下次

见母亲节就谂住两家人食个饭简左呢间听闻系米芝连星级餐厅先简左个六人餐再加个炸芋头整体黎讲其实好普通唔系特别好食可能系我地抱太大期望啦当中我觉得个炸芋头系最好食然後个芋圆花生汤就得个甜字 芋圆又太淋一啲弹牙都无 而且得一两粒芋圆 唔系我想像中咁连鲍鱼都无人争住食 男朋友甚至觉得好难食鸡同鱼都ok 个面太淋又太结 全台人都无咩人食可能太忙 都无咩特别既服务 好多时碗碟都系我地自己执 因为无位亦无人（可能忙人手唔够）另外我觉得个什菜煲都ok 汤既味够浓荔枝肉都ok 有啲似平时食嘅咕噜肉不过全家都表示 去茶楼食可能会更好呢间试过一次就好了 唔会再试

响荃湾广场行街，有少少肚饿都唔知去边度食嘢好。於是拣咗呢一间解决我嘅晚餐。过往一向食开钻石山荷里活广场嘅莆田。一个人食嘢嘅关系，所以净系叫咗一碗面同埋一碟鱼，过往莆田我最爱咸香煎黄花鱼。呢次拎到嚟，忍唔住「哗～煎到甩皮甩骨嘅.......」整体上质素味道都冇变，服务态度都好好。不过如果谈论所有嘅手势，都系钻石山荷里活广场嗰间比较好少少。而且因为疫情嘅关系，所以每个店员嘅制服上面都挂住一个名牌，以名牌上边亦都写清楚店员当日嘅体温，我觉得呢一种好细心，可以比到客人一丝嘅安全感。呢方面我觉得值得一赞嘅。