莆田 (荃灣廣場)

营业中

休息中

曾經到訪過莆田銅鑼灣店，對其莆田10醉都仲記憶猶新，因為好幾道菜都感受到師傅嘅手功細膩，卒之開到嚟荃灣，喺同老婆常到嘅區域，所以，順道過嚟食餐午飯。過江龍嘅莆田賣較冷門嘅福建菜（閩菜），但佢晌香港開業都兩年有多，所以，都變得唔會太令人陌生。簡單嚟講，福建菜就喺以新鮮、天然嘅食材，利用精細嘅手工，保留真味嘅烹調，做出反璞真味嘅菜式 。而且，晌亞洲等地已開咗多間分店，銅鑼灣店更榮獲車胎人美食推介餐廳 ！荃灣店個環境幾闊落，一邊對住商場，另一邊落地大玻璃，採光十足，份外醒神。二、四人方枱，六、八、十人大圓枱，任君選擇，多少人嚟都適合。餐枱上放咗一份「莆田新聞」，睇落去應該唔喺新近出版，不過，有啲食材資訊又幾值得睇吓。菜式嘅選擇，未計甜點，單以主餐牌計都有超過60款食物，但既然要老婆試其特色嘢，自不然向「莆田10醉」埋手，所以，未有太費思量諗食乜 。資訊上補充一句，茶水費$8位，前菜$8碟（列明多少人會收幾多碟錢），白飯$10碗，樣樣嘢清清楚楚寫低晒就最好，免爭議。仲有個溫馨提示，餐牌內嘅菜式為例盤，同時備有中份及大份供選擇，前者就1.5倍份量，後者則2倍份量，份量上就可以控制得更有彈性

去到荃灣廣場行吓街，6點鐘要開飯啦～本來諗住食牛X鍋十下十下～點知門口已經大排長龍，諗起有人讚過莆田D嘢好食，即管上多2層looklook多唔多人等位，去到門口冇人等，但姐仔即話要7:30還枱，有個半鐘，當然ok la.坐底，環境ok,係D位有D迫。叫左：螄蚶 ：滿滿蒜頭、辣椒，魚露，好食，但份量比想像少。4小碟併盤：有豬手凍，太淋，味道一般；豆腐，有豆香；九轉小腸，爽口彈牙，好食；仲有一款好似有D海藻加蝦仔，有D香茜味，品道較淡。興化米粉：推介！有少少海鮮，米粉炒得乾爽，有小小海鮮味加米香，正！扁肉湯，好像細細粒的魚皮餃（但其實是豬肉)，味道鮮味、有肉香。總括來說：味道不錯，但份量頗少。ps:餐廳提供嘅菊花茶好香～好飲！

這間莆田已經開左幾間分店，所以約埋家人黎呢到食番個晚餐。地點相當容易找，就在荃灣廣場，餐廳蠻大燈光光猛，加埋暖系的裝潢，整個晚餐時間坐得很舒服。這裡提供的原來是菊花茶，飲番一口無糖的菊花茶先慢慢睇下有咩食啦：）前菜係蠶豆，是帶粉不是脆口的蠶豆，味道很獨特。令我想起台灣的苦瓜汁，冰浸苦瓜 $48 切得長條形薄薄的，點一些蜂蜜令苦瓜的苦澀味感覺減少了，很易入口而且清新的前菜。前菜之一的 九轉小腸 $78 用上白色盤點著洋蠋上枱，小腸可以一直溫熱，蠻入味的小腸，不過口感好似欠缺了一點爽口感覺，但值得一讚小腸食落不會覺得有肥膩感。呢到有兩樣菜式，我很推介分別係 「百秒黃花魚 & 椒鹽豬手」點解我會推薦呢？用砂鍋上的 黃花魚 $68，魚相當新鮮，一食就知。食海鮮一定要新鮮先最好食，除左肉質嫩之外，呢個烹調方法更食到魚本身的鮮甜味，湯是精華一定要飲，正。（鍾意食魚一定要叫）近期食過最好食的豬手，椒鹽豬手 $39 很有特色，除左本身煮得入晒味之外，豬手皮超脆薄，脆得卜卜聲，好回味，食落好香，唔會好多脂肪。（有提供埋膠手套，good)這裡整體表現不俗，興化炒米粉 $78 米粉跟我地平時食的不一樣，柔韌

間間都在排隊，於是走咗去食這間歺廳！招牌椒鹽豬手，非常乾完全冇椒鹽未！叫咗醉獅蚶，每隻都極細，雖然圖片只供參考，但是相差實在太大每隻不超過兩厘米！馬來風光，係馬拉盞炒空心菜，普通！不過我會話普通泰菜館都會好味過佢莆田荔枝肉完全唔掂！問侍應她話係咕囉肉，上碟食落唔脆，肉身霉似再造肉不是肉排！埋單＄479下次不會再試

同媽媽係荃灣行街，西餐，日本野，佢又麻麻，經過莆田門口見到係新加坡既福建菜，望望餐牌，媽媽話想試，今餐lunch就在此解決！原來係新台加波餐廳Top 50啊，睇店內簡介，莆田在新加坡已開業15年之多！冰浸苦瓜睇見menu圖片咁靚，就叫左來試下，結果現實與圖片一樣咁靚苦瓜片得極之薄身，可見師傅刀工精湛。除左外表靚，亦都好美味，苦瓜口感爽脆，蘸上蜂蜜同吃，甜甜的挺有趣！九轉小腸 $78見名字有趣，問問店員，佢話呢個係傳統既九摺式套腸法製作，而家好少地方有架。一咬落去彈牙有嚼勁，仲有香濃既卥汁味道極品椒鹽豬手 $39/1件外皮酥脆，肉質嫩滑，皮下既豐富骨膠原好好味啊！百秒黃花魚 $68黃花魚不大條，但肉質非常鮮甜嫩滑，魚能煮到剛剛熟很考功夫呢。興化炒米粉米粉幼細爽口，炒至條條分明卻不油膩，加入蝦，蚬，菜等材料同炒，口感豐富且味鮮

早已聽聞來自新加坡的<莆田>福建菜享負盛名，而且亦是米芝蓮推薦的餐廳，特意帶家人一同去享用美味午餐.來到荃灣廣場的莆田，店內環境寬大，靠窗邊的圓桌可俯瞰商場內的景緻，環境開揚; 內部位置的4人長餐桌則可享有更多私人空間，無論選坐那種位置，都相當舒適. 安坐後，店員隨即送上熱茶及餐前小吃. 菊花茶 ($8/位)店員奉上的菊花茶，茶香滿溢，明目清心，當日我喝了數杯呢!前菜 ($8)香脆紫菜&花生，連前菜都幾好味喎!蝦苗拌頭水紫菜 ($52)頭水紫菜指每年首次採割的紫菜，營養價值特別高. 紫菜拌以蝦米及醋，鮮甜帶酸，既爽口又開胃.莆田扁肉湯 ($78)這是一款傳統的福建手工菜，以薄燕皮包着扁肉，味道鮮甜彈牙，很像迷你版的魚皮餃，個人幾喜歡!酥炒芋頭 ($88)外酥內軟的香甜芋頭，外層香脆帶甜，內裡軟糯，令人一口接着一口的吃，個人非常推介這道傳統農家菜莆田滷麵 ($78)食材豐富的莆田滷麵，包括: 鮮鮮、蜆肉、冬菇等，再加上鮮甜濃稠的湯底及彈牙的麵條，吃罷身體很溫暖呢!莆田燜豆腐 ($88)以瑤柱、冬菇、雞蛋以及豆腐煮成的燜豆腐，賣相金黃吸引，帶有豆腐的焦香，味道比較特別，個人

雖然自己去過「莆田」這新加坡過江龍多次，對它頗有好感，覺得大部分菜式既有特色，也好味道，但老婆仔卻沒有試過，這一天，我倆來到荃灣廣場，正好和她前往一試。出落如花，晶瑩剔透的「冰浸苦瓜」（$48）吃的既是味道，也是刀功。薄得透亮的苦瓜片，蘸點蜜糖，涼快涼快的，更令人感受到甘苦與共的滋味。以白鹹瓷小火爐溫著，味道鹹香的鹵水「九轉小腸」（$78）煙韌入味而有彈性，比「冰浸苦瓜」更得我的歡心，蘸些店子自製的開胃酸辣汁，更加好味。以快取勝，才100秒便燜煮而成的「百秒黃花魚」（$68）魚肉嫩滑，湯味鮮甜，是自己在這兒最喜歡的菜式。經先蒸多個小時才再炸得金黃耀眼的「極品椒鹽豬手」（$39/件），脆卜卜的外皮與軟腍的豬肉中間，當中的脂膏油份早已全被逼出，變成滑溜得來毫不肥膩的骨膠原，一反平日吃的豬手的肥膩印象，惹人好感。要是椒鹽的味道可以滲進豬手裡面就更加好。前次吃的「興化炒米粉」（$78）有點失準，今次再吃，水準回升，幼細的興化米粉，口感甚佳，加上大量的配料，份量不少的炒米粉，把我肚子裡最後的空間也全部填滿。之前多次在莆田吃飯，都是在晚間。這一次，終於是吃午餐，吃的菜式雖然都是之前自己曾吃的，但水

不是第一次光顧莆田了, 莆田的由來和威水史也不多加闡述了. 今次來到位於荃灣廣場的分店, 再試一些之前沒有試過的菜式.自製豆腐 ($78/ 例)像紅燒豆腐般的做法, 先把豆腐油炸, 再用蠔油醬油等”燴”一下, 做出香濃而不油膩的效果.而自製豆腐是店方每日新鮮製造的, 跟我們平時吃到的豆腐有點不同, 有豆香之餘, 亦有濃濃的雞蛋香, 我覺得有點像玉子豆腐.莆田醉海蠣 ($88/ 例)雖然有個”醉”字, 但吃不出有酒味.這道醉海蠣, 其實是炸蠔仔, 小小的一顆蠔仔, 但其360˚都裹滿炸漿, 所以粒粒都是金黃色, 並沒有不均勻的情況出現, 真是很巧功夫呢!味道方面, 外層香脆可口, 而蠔仔則粒粒飽滿, 鮮甜不腥. 調味方面, 有點像黑醋, 酸酸甜甜的味道, 令人多吃也不覺膩!莆田扁肉湯 (加醋) ($78)一小顆一小顆的福建雲吞, 皮薄肉鮮, 肉饀只有鮮肉, 沒有蝦, 卻鮮甜得比廣東雲吞有過之而無不及.湯底清清的, 有醋的酸味, 配合全肉的雲吞同吃, 最為適合不過, 因為微酸的湯底可以解解膩呢!興化炒米粉 ($78)之前十月生日 (莆田及我都是十月生日) 來莆田用膳, 店方送了一本優惠券給

上星期去荃灣廣場，知道依度都有間莆田分間見銅鑼灣店有米芝蓮介紹，當然入去試下。百秒黃花魚開頭覺得條魚有點普通,有點乾,但侍應溫馨提示D魚肉要加埋少少湯先好食，試下原來真係差好遠..好食好多..同埋魚肚食落一D都唔苦，連唔食魚肚嘅我，都將成條魚食曬。興化米粉一上枱覺得係平平無奇嘅炒米粉，但食完第一啖後就會明白點解黎到一定要食，有各式各樣配料，米粉好幼好滑加埋辣媽醬，十分配搭，真係食唔到停唔到

新加坡中菜杯茶一向不是心頭好，例如_ _拉麵小籠包、_ _王朝等，感覺環境比食物優勝，屬於高不成低不就類別，令人少有翻啅衝動。莆田是新加坡福建菜，知道有蟶子菜式，好奇心驅使下去試試。食物：興化米粉、甜酸炸蠔（季節菜）、小吃四式（九轉豬腸、豬蹄凍、蝦苗紫菜、菠菜）同洋燒排。小吃四式先到，九轉豬腸有豬香，厚身豬腸入味而且質感軟糯有咬勁，菠菜同紫菜蝦苗清香，豬蹄凍加上辣汁令更惹味，同時中和豬湯啫喱的膩感，小吃四式不錯大大增加對莆田的信心。興化米粉米粉又幼又輕，好似台灣既小炒米粉，配料同米粉比例正常，隱隱唔太濃既鑊氣，好味。洋燒排炆得入味，骨肉輕易分離，醬汁是偏甜系，佐飯相信不俗。最失望是炸蠔，蠔身細而未感鮮味，成碟疑似食炸粉比例高達60%！不過食到尾炸粉仍然無全淋，而醬汁亦恰到好處。環境：簡潔裝潢，乾淨企理，枱與枱之間不算狹窄。服務：店員殷勤，而且自動加茶，難得食完收碟後仍自動加茶，店員亦會詢問是否需要甜品，過程没有逼迫感，服務令人滿意。價錢：兩個人3百幾，正常價錢，正常份量，幾好味道，幾好服務，有下次。

今日踩完單車, 到晚上6點幾, 心急周圍搵地方俾晚餐bb食, 所見成個荃灣廣場人潮湧湧, 每間餐廳都爆晒人, 老公見到呢間莆田寫米芝蓮, 見周圍等候時間一樣多人, 就喺呢間等待一下, 等待其間好貼心派薑茶等候30分鐘後, 終於入座, 全間餐廳唔知係未得1張bb chair, 竟然未能提供bb chair, 眼見在場好多家庭都要抱住小朋友食, 我同老公都別無他選, 唯有照揹住bb食, 侍應話限時食個半鐘, 我哋諗住叫咗個推介麵拿拿臨餵飽bb先算, 但係.. 落order後竟然30分鐘都嚟唔到一個麵, 其間摧過幾次, 因等待得太耐, bb 越嚟越肚餓開始發脾氣, 最後我哋真係等唔到呢個咁米芝蓮嘅麵真係可惜, 但我自己都唔能夠想像到點樣限食個半鐘, 但半個鐘都嚟唔到食物, 呢間餐廳真係差過我食放題剔完野食唔到!!

上次係鑽石山間分店食嘅主因係呢間荃灣莆田。朋友找的選擇，本身我聽個名，同大部分朋友一樣，以為係日本菜，仲要係那些任吃任砌的日本料理。不過，如果你google一下就知，莆田係福建其中一個地方，而呢間餐廳係一間係新加坡好出名嘅餐廳，食嘅就係地道嘅福建菜。我問朋友呢間嘢有幾出名，係新加坡做過幾年野嘅人話，就像香港嘅利苑。第一次吃的𥮉田，的確給我很大驚喜。是晚吃的都是這裡的人氣菜，仲要而家做緊新加坡theme嘅新菜式，今次係度一一講下。一黎就飲杯紅毛榴櫣汁，以新鮮的榴櫣果肉製成，入口口感勁滑，我還以為去了那些出名的甜品店，好喜歡其濃郁的榴櫣味。首先一定要講呢個冰浸苦瓜，記得吃過好食的有聚友冰鎮涼瓜，對比起這裡，各有千秋，而且你怕之外，還有一碟蜜糖俾你試，無論你吃得苦與否，係咪人中人，大概自己就可以知。第二碟食就係呢個新加坡新theme蟹，黑胡椒蟹，雖然不是像新加坡用的斯里蘭卡蟹，但係個個味係完全一樣，我想起新加坡的那些黑胡椒蟹，非常好味，呢個配合饅頭，那些黑椒汁又同那個饅頭卻出奇地夾。另外辣椒螃蟹也是惹味之選，蕃茄醬和辣椒加埋所做的醬汁好濃郁，我拆左一隻蟹夾，肉質非常鮮嫩，辣椒味沾上蟹肉當中勁

看莆田以福建菜為主, 我日常生活成日食到福建菜, 今次一於試下有咩唔同!二人點了椒鹽豬手, 九轉小腸, XX豆腐鍋(忘記了名稱)椒鹽豬手豬手是炸的, 皮好厚好硬, 好難咬, 肥膩感重, 幾乎食唔到肉, 唔講真係唔知食緊豬手。九轉小腸上菜是有蠟燭在底部座熱, 但我發現蠟燭並沒有點著, 於是跟店員說, 那位店員說"一樣食得"。我就信此為裝飾品, 試下小腸係咪"一樣食得"先! 食一口, 小腸只是微微的暖, 而且不久後小腸的油脂凝固成白色。於是我就跟另一位店員說, 請點著蠟燭, 那位店員隨即找出火槍點著蠟燭。蠟燭熱力發揮, 熱熱的小腸好食好多!第一位店員, 因為懶惰, 令到食物不能以最佳的狀態給客人品嚐, 亦是扣分主因之一。XX豆腐鍋此味很送飯~很家常小菜感, 不錯! 很大的一鍋, 吃不完打包走了! 總結, 我對此打著福建菜為名的食店有點失望。原本打算好味會帶全家人一起來吃, 看來還是吃媽媽煮的福建菜好了...

過江龍的精彩。第一次食福建菜，竟然遇上冇得輸嘅炒米粉同過江美食黑椒炒蟹。話說呢就有個朋友叫我來食莆田，咁我聽完之後我就話好啊好啊好啊日本野我最啱嘅，點知去到望清楚咦原來係食中菜喎，巧遇驚你有時間同我哋傾吓計佢就話左比我哋聽原來佢哋係來自新加坡嘅福建菜。原來普遍很新加坡好架勢架係新加坡50大餐廳之一，佢哋嘅福建菜都好正宗，但係既然佢哋係新加坡知名餐廳當然就要為我哋帶嚟一啲新加坡嘅新色彩啦！經理就同我地介紹咗啱啱出咗唔知有冇一兩個星期嘅秋天新餐牌同強勢新加坡炒蟹啦！要講另外一個小細節啦！就係佢哋嘅茶位呢嘅茶係好好飲，唔似得好多中菜嗰啲茶得個色無香味，今次是嘅菊花茶，真係好清香，金黃色的，飲落感覺好舒服。先來個金秋三影小食拼，今秋衫影嘅特色，就係三樣嘢都係望落去係金黃色，有啲似落葉紅葉嘅感覺，三個小食有南瓜、甘薯、合桃，煮南瓜塊，口感清甜。炸甘薯，炸漿夠薄無咩油，裡邊嘅甘薯都係有種清甜的感覺。糖合桃，脆口有蜜糖的甜味。分量其實唔多所以三分鐘已清。另外就帶咗經理推介嘅黑胡椒炒蟹，仲記得五月去新加坡嘅時候好慘地當日嗰個市場呢邊嘅蟹好早已經賣晒啦，整個旅程我最後都食唔到如此知名嘅黑胡椒炒蟹同辣椒炒

金秋三影(HK＄48），即係有金瓜、甘薯、合桃，做飯前小食都唔錯！黑胡椒螃蟹（HK＄20/兩），香噴噴好惹味！醬汁加入印度既黑胡椒、馬來既小胡椒，有小小辣但可以接受！啖啖蟹肉好正啊原盅小金瓜海鮮湯（HK＄58），金瓜即係南瓜，內裡好足料，估唔到配料有蝦有蜆，而且仲可以刮南瓜肉食添！甘栗炆雞（HK＄78）,我超愛食栗子！栗子甘甜又大粒，炆得好入味，而雞肉肉質嫩滑！如果有叫飯仲可以撈汁食！冰浸苦瓜（HK＄48），做型漂亮！涼瓜切成薄片，冰涼爽脆，口感好似食緊蘋果咁！而沾上蜜糖可以減輕些少苦味，但我本身討厭食苦瓜，好怕苦，所以食一塊就夠了！興化米粉，米粉係幼身，口感軟綿綿，同樣有蝦有蜆好豐富！九轉小腸(HK＄78），由傳統九摺式穿套而成，但其實唔係有九層，只係一個比喻，但其實都好考師傅功夫，每條腸洗得乾乾淨淨後，一層一層穿套，要花好多心機同時間！另外，小腸有瓷器作保溫，賣相加分！不過要襯熱食，否則小腸會容易裂開！我本身好怕食內臟，但哩度既小腸真係可以一試，小腸口感彈牙，十分爽口又唔肥膩，易咬開，同街邊食到既有好大分別！甜品方面，簡左桂花陳皮燉雪梨（HK＄36），起初以為係冰鎮雪梨，但原來係熱