莆田 (荃灣廣場)

营业中

休息中

2人一早訂了台, 又是而家啲餐廳一慣既作風, 小小的2人台, 一邊同隔離台貼住坐好似搭台咁, 另一邊去廁所都要側身先出到果種, 幸好當日唔滿人先坐得無咁辛苦,而且所有侍應都係譚仔阿姐腔 (可能因為係新加坡來既?)小食拼盤：水紫菜, 酸酸地ok, 幾醒胃, 右上滷水嫩豆腐, 甜甜地都ok, 左下水晶豬蹄凍, 好似水晶淆肉咁, 不過就淋好多, 我自己就覺得水晶淆肉好食啲, 右下九轉小腸, 幾好食, 好淋, 無腥味百秒黃花魚：魚幾滑, 一條2個人食剛好, 可以再食其他野極品椒鹽豬手：唔！好！食！個皮唔夠脆, 淨係得個皮有味, 入面係無咪既, 而且完全無肉, 全部都係得啲唔知肥膏定骨膠原冰浸苦瓜：苦瓜就梗係苦嫁喇, 但佢果種苦係澀果種苦, 唔係甘果種苦, 點蜜糖都中和唔到果種苦味....阿元香草雞：肉質同味道都似金華火腿, 不過唔係好咸, 都ok埋單$44x, 減左openrice $100 coupon $34x後就ok啦, (如果450會覺得唔抵食)整體不過不失, 但如果計埋佢個米豬連1星就會覺得失望, 有得揀唔會再去,另外有點可以改善, 佢茶芥只有一種就係菊花茶, 要知道唔係個個人都飲菊

莆田呢家店, 第一次去食係人地介紹, 對佢個炸豬手, 念念不忘, 但又極度熱氣! 今次年三十, 放半晝, 就叫埋老公去食莆田, 歎下來自新加坡既正宗福建菜~由於年三十, 無普通LUNCH SET, 叫左佢2人高級餐~竹筒蝦個藥材湯幾夠藥材味百秒黃花, 原來佢係用一百秒就煮左出黎, 所以好嫩滑, 第一次食咁滑既黃花~自家製酸辣汁 – 有少少似泰式酸辣汁, 好惹味,  用黎點米粉, 一流~興化炒米粉, 米粉炒得乾爽唔油, 有蝦、蜆、花生、豆卜，最重要上面有脆脆紫菜~ 推介!總體黎講, 莆田坐得幾舒適, 又係有質素既餐廳, 不過D 侍應就應該要再培訓一下, 我去食餐既時候, 明明經理介紹我食呢個餐, 轉個頭我問野既時候個侍應同我講無呢個SET賣, 經 經理解釋, 佢地先知有呢個SET. 隔一陣到我落單, 另一個侍應又同我講話無呢個SET 又要搵返經理先搞得掂。 另外侍應都要TRAIN 一下, 我問D好基本既餸菜內容, 佢地都答我唔到, 有D失望, 要改善下~

在香港比較少見主打福建菜的餐廳，而當中的菜式亦相對較為陌生。前陣子跟朋友行經荃灣廣場，見到一間來自新加坡，主打福建菜的中餐，裝潢優閑時尚，座位闊大舒適，細看下原來該店大有來頭，在新加坡曾多次獲米芝蓮星級推介，朋友亦聽說這店的出品不錯，遂決定一 起入去試一下。細閲餐牌，見此店新近推出了頭水紫菜系列的菜式，有涼拌，有煎蛋，有放湯，看賣相清淡得來亦頗吸引，令大家都有一嘗的衝動，一拍即合即時點了幾款試一下。根據店家提供的資料顯示，頭水紫菜為初次長成採收的紫菜，營養豐 富，矜貴程度媲美紫菜中的黃金。既然如此珍貴，就試一下有何特別 之處。蝦苗拌頭水紫菜賣相精美，以長薄青瓜片圍圈，裡面堆滿烏黑亮麗的紫菜，驟眼彷如魚子醬般吸引。紫菜拌入蝦苗、芫荽碎與酸香的醬汁，滑嫩爽口，加上蝦苗的微鮮和芫荽的清香，酸中帶微鹹，滲出淡淡海洋氣息，清中有濃，開胃怡神。九轉小腸，店員介紹為該店必點菜式之一，看上去平平無奇的一道菜 式，原來是經過千錘百煉的功夫菜。這店的師傅以傳統九摺式穿套手法，將豬腸層層摺疊穿套起來，再放入鹵水醬汁鹵製入味。小腸厚切上碟，單看賣相已見到功架所在，腸裡疊得密麻麻一層一層，感覺沒有一般腸類的鬆軟

多年書友有年幾時間冇出嚟聚過。我提議過去食韓國燒烤，但有人唔ok ，所以最終嚟咗莆田。可能七點未夠，淨係有幾枱人喺到食緊野。路經見到有枱食「冰鎮涼瓜」，個樣似綠色嘅蓮花放咗喺一堆冰上面，啲「蓮花葉」薄到透光。因為某啲原因，我地可以揀嘅野食唔可以辣，又唔可以係內臟或者生嘅野食。所以我地都係揀咗以下幾樣野食︰冰鎮涼瓜 - 應該冇「飛水」，食得到苦味；佢有蜜糖俾你點嚟食，我就覺得食野食原味最好食，所以冇點。蝦米紫菜 - 特別菜式。黃花魚 - 肉嫩，但多骨... 荔枝肉 - 最快被清碟嘅野食，肉鮮嫩多汁。扁肉湯 - 少少酸，但係幾好飲，扁肉多到好似唔駛錢咁。(呢個大家一人一碗，飲晒先記得未影)下次再嚟起碼要試「九轉小腸」呢個心機菜。

莆田市其實係一個沿海地方🌊以漁業水產作產業，因靠近福建所以主打閩菜，這店菜色好有鄉間風味👨‍🌾而且都不錯吃<蝦苗拌頭水紫菜 > $52味帶酸汁的開胃涼菜，紫菜爽滑😋入面仲有蝦苗的微鮮<九轉小腸> $78這款小菜確是花盡心機，係把九條豬小腸清洗乾淨，再重複套上九層去烹調😈口感微爽脆，鹵水味道剛好適中<一品紫菜煎> $68兩面煎至金黃香口微焦，蛋香味都夠🍳紫菜密度幾高兼均勻<家鄉燜紫菜> $82開始有濕嘢食了，這個用燜方法去做，食落好似濃縮版紫菜湯咁🍵食到鮮嫩帶爽嘅紫菜，仲會有鹹香粒狀海味<莆田滷麵> $78這個望落似湯麵，但一夾起就比較漿身，而且味道比較清淡😔只有菜葉跟少量海鮮點綴，如果多一點鹹鮮味就好，畢竟麵身較粗🍜湯汁就算掛到上麵都唔夠味

福建菜比較少食，今日就去左呢間連鎖式餐廳「莆田」試一試佢D菜。不過可惜比期望係有D出入，水平整體都一般。睇價錢以為都唔少份量，原來都只係下午茶size。值得推介嘅係佢地隻豬手，外脆內軟，又一隻入口即溶嘅豬手。苦瓜沙律配蜜糖食，份外清新。其他就未如預期咁嘅味道....最特別嘅係食左佢地嘅「土筍凍」，本以為係筍...點知係一條條好似聖子咁嘅野雪凍左黎食。味道並唔係太怪異，不過成件事就有D嘔心，總算係試左地道菜。

第一次食莆田是在鑽石山荷李活，記得那次是食lunch，份量少，價錢貴，味道也很一般，因此留下了非常一般的印象。來到荃灣，又見到呢間鋪頭，仲升級為米芝蓮的食店，見到openrice都好多個讚好，於是膽粗粗鼓起勇氣再試下個晚市，決定來個印象大洗底，結果係⋯⋯⋯⋯⋯ 真係洗到底wo，仲係意想不到的美味。今次我地order咗個二人餐A，全部都係想食嘅嘢，全部都好好味! 一坐下，店員就捧來小食和好好飲的菊花茶接下來就上菜，首先係莆田扁肉湯（加醋），酸酸地，夾埋mini小雲吞，口感不錯，也很開胃，很特別的味道。接著就是兩個小食：九轉小腸和滷水豆腐，店員很窩心地墊上酒精燈，等食物保持溫度，值得一讚的是九轉小腸，出面真係食唔到，爽口之餘沒有內臟味，好好食! 跟住上的就是百秒黃花魚，這也是大多數人推介的，聞名不如一試，魚很鮮甜，連埋個湯熱辣辣，真係好正! 套餐係一人一條，唔使爭!最後上的是主食，興化炒米粉，非常好食，總之都係好特別，好香口！last la 就係糖水：銀耳紅棗蓮子，份量不多，涼涼地，ok!總結：好飽的一餐，呢個套餐組合基本上都能夠食到本店的特色菜，埋單加埋一係$453，抵唔抵，就見仁見智了

成日經過荃灣莆田都人山人海, 可能因為新加坡菜老少咸宜, 都幾多一家大細黎食。今日九點幾黎食, 呢個鐘數黎講都算係幾多人, 全場都仲有客人。我地叫左興化炒米粉, 莆田扁肉湯~興化炒米粉真係不得了, D米粉好幼身, 有彈性, 好好味, 臨走個陣見到門口有得賣 $60幾蚊,果然唔係Cheap 野。除左米粉掂之外, 上面仲有好多配料, 有蛋絲, 紫菜乾, 菜粒, 花生, 洋蔥, 加埋一齊真係幾香口, 呢個必點。另外叫左個莆田扁肉湯, 佢個湯係酸酸地地, 好開胃; 扁肉好似D 小餃咁, 一煲有成十幾廿粒, 幾好味~~其實附近都幾多食肆, 人龍最長都依然係呢間, 其實真係有原因. 價錢中等, 味道唔錯, 坐得都幾舒服~

放工約左同事去荃灣行街，行到天昏地暗到感到肚餓時，原來已經9點了。同事仔問我想食咩? 對於一個路痴既我話冇所謂，但突然間好想食新加坡菜，佢就帶左我黎依度。我哋叫咗三樣嘢，蝦苗拌頭水紫菜，莆田扁肉湯同興化米粉。蝦苗拌頭水紫菜 - 上枱時只見到一堆野，食落口酸味味，令我諗起中菜既涼拌木耳，醒胃可口。紫菜一絲絲的，要人幫幫手弄斷。莆田扁肉湯 - 一鍋上枱，湯底清甜，有少少酸味味，鍋內有好多粒類似小雲吞既東西，每粒都係小豬肉，雖然食唔出咩味，但感覺不錯。興化米粉 - 一堆米粉加好多配菜，如花生、切左絲既娃娃菜、豆卜、菇等等。食左第一啖米粉，口感幼滑，雖然未到入口即溶，但參不多有這種感覺。米粉有用調味料兜過，並非霎熟咗放上碟嗰種。最後，佢既茶有清香既菊花味，飲左第一口既感覺好舒服。今次前菜係香脆紫菜同花生，味道不錯。但眼見餐廳唔夠員工，有位但要等入座要點時間 。

星期日LUNCH諗住同家人試下新嘢...行過見到唔多人, 唔駛排隊 , 所以入去試下環境都唔錯, 坐得舒服 , 加上都唔算窄, OK的食物可能只係唔o岩我口味, 其實係唔差的~一試冇妨豬手香係香, 不過好似油咗一D , 冇咬口 , 一夾就D油好似準備流出來咁….豬腸味道唔差 , 要讚的係冇內臟怪味個粉我都好一般, 太糊仔之餘 , 有陣唔識形容的麵粉味最喜歡碟粿 (唔記得全名) 個人最喜歡 , 有咬口, 唔甜, 花生同芝麻都香口~~~ 不過要留意 , 份量都係迷你形, 如果人多或食量大的朋友仔去食, 就要考慮下

睇到個名 莆田 總會令人以為系日本菜 但原來佢標明系 新加坡既福建菜....系有d混亂既 又新加坡又福建咁 見個menu都幾吸引 即管試下啦 ....大好喇兩個今都俾左張四人枱 冇咁壓迫感！逐款逐款講先右上 竹筒蝦 ：個湯好藥才既甘 好濃郁 飲完吾口乾 絕對吾系味精野 兩隻蝦都好正 個蝦頭爆晒膏 蝦肉仲好實好夾左下 酥芋芯：外脆帶小小甜 內粉 鐘意食芋頭的必失控右下 ：吾就得叫咩名 但由佢打頭陣亦都算適合 系涼拌既紅紫菜食到糖醋既味道 好開胃主菜要出黎喇上 板栗海參煲： 海參好爽 個汁送飯一流 但建議用滾筒切海參 咁令到每舊海參都更加容易沾上醬汁 左下 百秒黃花魚： 湯底好香酒味 條魚好鮮好嫩 一人份量抵食右下椒鹽豬手：（必須兩件起） 本身仲驚好油好濟 點知驚喜地 外面炸得好香好脆 內面好多膠原 口感好滿足！平價得黎食物質素很好既一間新加坡既福建菜但地方過於迫 出入都驚整到隔黎枱 ！

莆田最近推出的水紫菜系列菜式有燜，有煎，有掠伴，烹調方法多元化，令我有一嚐它的衝動，正好友人亦想嚐嚐，故一拍即合即時去吃吃看。九轉小腸是莆田必點菜色之一，我已經吃過許多次，之前友人都沒到訪過，所以一定要讓友人嚐鮮一下。九轉小腸軟嫩無比，不會讓人咬不下，讓人印象深刻。大腸清洗的非常乾淨，去除不必要的肥油，讓大腸組織軟化，處理起來也比較容易吸收醬汁的味道。蝦苗拌頭水紫菜賣相彷如魚子醬般精美，紫菜拌入蝦苗與酸微微的醬汁，軟嫩順口，鹹中帶酸。涼拌紫菜相信很多人也吃過，但是這蝦苗拌頭水紫菜吃出紫菜的香氣，蝦苗淡淡甜甜的鮮味，映襯出紫菜的鮮美，別的地方吃不到這味道。如果是素食者的話，這一品紫菜煎我絕對推介他們吃~ 紫菜煎蛋很少地方有得吃，莆田這煎蛋吃起來又香又酥，而且不會太厚，當然烏黑黑不是煎焦，那是滿滿的紫菜啊~ 紫菜味帶鹹香，不油不膩，十分可口。家鄉燜紫菜以嫩甜紫菜小火慢燜煮湯，湯裡有不少的八爪魚粒點綴其中，令紫菜更有爽口感，再配上一口醇厚濃郁的湯頭，完整地保留了紫菜的鮮嫩，實在大大滿足我的口腹之欲。全晚唯一較失望的應該是這莆田滷麵，因為這麵十分乾巴巴，沒甚麼湯汁，而且味道淡而無味，不像平日我

呢一晚同一班朋友相約到荃灣晚飯, 一行八大一細。食物方面, 係職員游說之下我地叫左套餐。各樣食物既賣相係靚, 可惜味道一D都唔突出!最好食既就係個冰浸苦瓜~題外話:由於怕人多要等位, 我地六點半就去到拎位, 當時餐廳座位有九成係未有客人既,而排我前面只有一枱客等帶入座, 我同朋友企左係個位職員前面, 職員一直冇問我地幾多位, 同佢講我地八大一細又唔理我地,而一批批既客人開始黎喇, 個批人走上同職員講訂左枱既姓咩, 即刻直入!!!!!!!!!!!!!!!仲有枱係兩位冇訂位既都係直入!!!!!!!!我地就繼續被當透明, 一而再 再而三都係咁既情況下, 忍唔住問我地八大一細要等幾耐?職員答, 張枱比較迫, 坐唔坐?!坐!!!!!!心諗入面咁大會迫得去邊......點知張枱真係迫到係坐唔到咁多個人架囉其實~個經理見到走埋黎一睇就話幫我地轉枱, 個刻心諗個位掃把既帶位小姐究竟係咩一回事?!總結: 對呢間野真係好失望, 一定唔會再黎。

最近公佈了米芝蓮星級餐廳，看到新加坡摘星的莆田香港也有分店，想起朋友曾經讚揚過。是夜便與家人一同到來。莆田現正宣傳期間限定頭水紫菜作菜式。原來頭水紫菜是初冬限定，因為是初次長成、頭次採割的紫菜。如此特別，又不想傷腦筋點菜的我們，便主要點了幾道新出頭水紫菜。蝦苗伴頭水紫菜頭水紫菜果然很滑身和帶點鮮甜味，而且連住很長一條，食的時候一大口，很是滿足。細細隻蝦苗帶出微微鮮味，更多是紫菜的香口和酸甜味道，很是開胃。紫菜海蠣湯套餐包括一大煲紫菜海蠣湯。海蠣細細粒，份量卻很多，而且十分滑嘟嘟，與平時乾身的口感截然不同，也令到紫菜湯很鮮甜！ 加上海蠣湯加上味酒調味，清走海產的腥味。冰浸苦瓜一上碟時，我們已被賣相驚嘆，苦瓜切成極薄一片片，再砌成像盛開的花瓣，下面亦由冰塊浸著。苦瓜片真的十分效薄，可以看出廚師出色的刀功，沾上淡香的蜂蜜，瞬間感到又甜又甘苦又冰涼爽快，苦瓜片爽脆清涼，真是作為前菜最佳選擇！一品紫菜煎紫菜煎的賣相像韓式煎薄餅，但其實是頭水紫菜煎蛋。值得一讚煎蛋調味很好，十分香口。加上煎蛋不會太乾，每塊煎餅都會拉出很多紫菜絲。興化米粉米粉份量多，而且十分特別，因為興化米粉是極幼細，所以米粉可以炒

一直聽過莆田的大名，在朋友間也口埤載道，這天和家人晚飯，就選擇來到莆田品嚐正宗福建菜。莆田雖主打福建菜，卻是來自新加坡，更在新加坡發揚光大，最近新加坡吉真那路分店還成功摘到米芝蓮一星！（個人覺得新加坡的中菜過江龍實在不錯，經過改良後，令中菜也可以吃得健康和摩登。）為了慶祝馬鞍山分店開幕，消費滿$100就免費送一客米之蓮一星推薦菜式（很容易啊！），可以選擇蝦苗拌頭水紫菜或百秒黃花魚。我們當然不能錯過摘星菜式，所以兩道都點了！原來這段時間正正亦是吃頭水紫菜的最佳時候。第一次長成的紫菜，頭次采割就是『頭水紫菜』，矜貴程度媲美紫菜中的黃金。既然如此，我們亦專門點了一些頭水紫菜的菜式。蝦苗拌頭水紫菜($58)頭水紫菜口感很滑，加了細細隻紅尾蝦苖，入口鮮甜，口感豐富。加上菜式是涼拌上，而且下了醋，味道酸酸的，所以非常開胃。九轉小腸（$78）一直最愛吃豬大腸，所以一見到這道菜式就毫不猶疑點了。原來這兒用傳統「九摺式」穿套滷製而成，可以見到豬腸層層折起，口感爽口彈牙，甚有嚼勁卻不會太韌。滷水味很香濃，調味剛好，好吃！一品紫菜煎（$68）實在沒有想過只是紫菜及雞蛋兩種簡單的食材，就可以炮製岀佳餚美食。頭