稻八日式火鍋炸物放題 (已結業)

第一次失望到要寫食評叫左最貴個個和牛set，放題每位$368加一。1. 牛肉首先碟日本和牛黎到比想中仲細，仲要色澤勁差-淡粉紅色。食落完全冇牛味，得肥膏，又勁膻平時食羊我都頂得順膻味，但今次膻到唔想呑。澳洲和牛反而好少少(只係少少)，不過一樣膻到喊，我仲聽到隔離枱都大叫:嘩好膻呀抱著既然比左錢，都想食到少少正常牛肉既心態試埋美國牛小排，正常，但係牛小排放題都要$259一位，我唔好去食返連鎖店牛乜牛乜個啲？2.湯底叫左3.6牛乳牛骨湯，完全冇味(冇牛奶味冇牛味)。全餐飯靠點豉油，因為大部分食物(包括海鮮，牛肉)都冇調味。3.刺身sorry冇影相，已經冇心機。叫左油金魚帶子象拔蚌北寄貝等，一上枱就即刻夾塊試下食，點知凍到有冰。塊油金魚咬落入面係有雪左未解凍既口感，咬到有冰索索聲既4. 菜 丸 飲品: 選擇少,響鈴未淥已經係淋嘅🤦🏻‍♂️5. 炸物: 完全冇特別，劣食炸完一樣係劣食全餐飯唯一係得個雪糕好食，可以揀haagen dazz 士多啤梨味，dryers朱古力味同埋開心果味，movenpick maple walnut味。間野野食唔得都仲咁多人食，又冇服務可言😓可能街坊客多😓加埋一要4

今晚天氣清涼，又到火鍋日子，今日約了朋友在大埔吃日式火鍋放題，這間除了火鍋，還有刺身、自炸炸物，價錢不太貴，確實相當吸引。今晚天氣清涼，又到火鍋日子，今日約了朋友在大埔吃日式火鍋放題，這間除了火鍋，還有刺身、自炸炸物，價錢不太貴，確實相當吸引。我和朋友因為太餓，5:30PM就到了，時間太早不是太多人，放題餐廳來說，店內面積不算太大。 我們加了$20可以加刺身放題，刺身種類都算多，有基本三文魚、帶子、有頭甜蝦、赤貝等.....刺身很新鮮，豉油芥辣是行在醬汗區添加。叫完湯底侍應就立即約手切肥牛、羊肉片、豬肉片、牛肉粒等上檯，喜歡羶味的我最推介羊肉片，手切牛肉顏色新鮮，顏色靚，不會鞋口。丸類、豆腐、蔬菜、麵類等都是自助形式，店舖細細都有很多種類，真的難得。自助炸物是我第一次試，當然最推介天婦羅蝦，怎樣做法就是將蛋漿塗滿蝦身、再將炸粉沾上蛋漿，自行決定炸的時間，夠新穎。食完之後還有甜品，芝士蛋糕、雪糕、雪米糍。當然還有我至愛開心果雪糕。總評：食物種類多、自助炸物夠新鮮！

朋友大讚，就係咁專誠去大埔舊墟直街試一下稻八，星期四閒日都全埸爆滿，揀咗$208 嘅特上美國榖飼牛，加多$20.- 仲可以任食刺身，所以話忽冷忽熱，原來係火鍋刺身放題。服務員推介食法，揀好湯底牛肉級別，set 爐擺牒節奏輕快，附上剌身排版，款式都有好多，件數隨你歡喜。繞場一周，攞汽水較醬料，火鍋配料都有好多種類，樣樣都排放整齊，新鮮蔬菜仲洗得好乾淨，仲有沙律，蒜味螺肉，日式八爪魚等前菜小食，火煱呢瓣已經好滿意。返到埋位，原來每人仲有即燒和牛壽司🍣，服務員係你面前把和牛燒熟，入口牛肉味香濃牛脂平均，好好味。睇埋牛肉更加知道點解咁旺場，七彩嘅方牒，一層一層放著唔同種類的牛肉，件件都薄切新鮮，多種款式，肉味各有千秋，開心就會係食咗先講，都冇理佢係乜嘢品種乜嘢名堂，總之就牛味香濃，極度滿足 ,正、正、正呀👍👍👍食牛期間，自選刺身火速奉上，一時火煱熱食肥牛，再而刺身點下Wasabi，非常刺激，非常享受。兩大重點任你追加，汽水任飲唔再講👍🏻稻八仲有一大賣點，就係自製天婦羅，呢個環節我都係第一次試，揀選除障自己鍾意嘅食材，按照指示圖， 沾上脆漿、麵包糠，再按自己喜好灑上各款調味粉，隨隨放入炸煱，一串

今晚朋友山長水遠拉我入嚟大埔食飯😅，雖然今日係weekday, 但我地去到店內都已經大部份枱都坐滿， 好彩我地有訂位啫。我同朋友都好鍾意食和牛，所以就點左國產黑毛和牛套餐， 套餐除左黑毛和牛盛盒之外， 其實還包括幾款美國牛肉、豚肉、羊肉、雞片、海鮮盛合、多款刺身及各式蔬菜丸類等。湯底要了北海道3.7牛乳牛骨湯， 牛骨熬湯特別清甜。國產黑毛和牛好肥美， 燙幾下就食得，牛脂香濃郁，其他幾款牛肉都唔錯喎， 特別係手切手肉， 好有質感好滑漏。海鮮盛合款式算多夠新鮮， 還可以追加👍，刺身亦好夠鮮甜。蔬菜丸類主食等就放置在一旁的自助吧枱，超多選擇。話說這家店還有一大特色， 就係可以自己動手做天婦羅。個天婦羅吧貼有清楚教學，跟住指示做其實都很簡單。我就最喜愛天婦羅秋葵，好新鮮爽甜，而且營養甚高。個套餐好多野食，選擇又多，樣樣質素又有番咁上下，好適合不同口味嘅朋友一起去，各取所愛😊。

之前都聽過人講過呢大埔間日式火鍋放題， 但我一直嫌遠所以冇動心， 今次同學仔返香港，我就下決心同佢去闖一次😝。雖然今日係werkday, 但我地去到店內都已經差唔多full哂咯。早幾日我已經帶佢試過一次日式火鍋， 所以佢話為左要超越上次佳績， 今晚要再食豪啲啲😅，於是佢就點左國產黑毛和牛套餐， 除左黑毛和牛盛盒之外， 套餐仲包有幾款美國牛肉，另外還有豚肉、羊肉同雞片😋😋😋。剛落order, 就有人推車仔走埋嚟😁，原來每位客人都送和牛寿司，店家會按客人喜好即場用火槍火灸和牛， 雖然係ser-vi-ce, 但片和牛一啲都唔辜寒， 大大片長到拖地🤣。和牛入口充滿牛脂香味，配寿司飯剛好😍👍。湯底店員就推介北海道3.7牛乳牛骨湯， 奶香味混著點牛骨熬出嘅甜香👍，未開動前先飲頭淡湯， 有點似豆漿呢❤️。國產黑毛和牛固之然肥美， 燙幾下就食得，牛脂香濃郁，其他幾款牛肉都唔錯喎， 特別係手切手肉， 有咬口得嚟好滑漏😍😍😍。話明係豪華放題， 又點會只有肉呢， 套餐仲有海鮮盛盒、刺身等， 可以無限追加的🤤🤤🤤。啲海鮮好新鮮， 啲蠔好鮮甜，刺身亦好夠鮮美，上枱擺盤大方得體。另外自助吧嘅蔬菜丸類都超多選擇，平時

天氣開始凍了,最想打邊爐!又諗起稻八,除左火鍋放題,仲有炸物放題~有6個價錢由$158-368,我地今日簡左$208特級美國穀飼牛放題,可除時任叫美國豚肉片,美國進口牛肉,羊肉,北海道雞片,肉類已經好多種了,加$20可任食刺身,老公叫左帶子,油甘魚,劍魚,八爪魚,食完再叫左一次添!!飲品兩個凍櫃,有20種呀!唔飲凍飲既有熱水,煎茶包~~昆布湯底清清地最好,穀飼牛好抵食,油花分佈平均,食落一d都唔覺肥架,非常juicy!!爽口脆甜既萵筍呀!有誰不愛呢!!蔬菜類非常新鮮翠綠!!方型既豆腐芝士丸超正呀,以前食丸好愛芝心丸,但呢款更美味!!芥辣丸好特別,會爆漿的,我好中意!多款日式小食太多美食喇,炸物區老公整左炸燒賣同炸蝦,超正呀,得閒留意一下,無人排隊就出去整了,炸物需時否則都要等一等~最後點少得雪糕雪條雪米糍,食飽飽了!!!!!

今日好朋友生日 約左佢係太和等佢話有間打邊爐 日日經過都好想食結果由於大日子 順佢意 入到餐廳 個感覺好大 而且好光霸既然一年一次 點都要食最好既食左個國產黑毛和牛放題上枱既時候個賣想已經好靚賣相吸引 以嗰牛牛木盤裝住仲有張標籤仔話你知係邊個部位除咗有溫和既牛肉味牛肩肉仲有小小入口即溶既感覺Encore 左幾次 記住唔好搞到佢太熟而海鮮方面 個象拔蚌 熟左之後係好好𡁻 好有彈性 不過係急凍既海鮮最有趣地方 佢有個位置比你自己炸野食玩又得 食又得 得左最後記得食佢既雪糕 埋尾而我朋友對於呢餐係非常滿意

稻八日式火鍋炸物放題 (大埔)大埔舊墟直街4-20號美新大廈地下A2號舖味道：4 / 5湯底方面 選擇左個好特別湯底豬骨湯底 真係同拉麵果個差唔多味道牛 ：今次食左黑毛和牛 淨係個賣相都好型而個肉質好淋 脂肪分佈係好靚 有線條而手打牛肉個肉好實 痴住d根好有口感而其他牛既部位就差唔多 海鮮：墨魚仔串好爽口 彈口 而青口好有海水味蝦好彈牙 生蠔好滑 滑到入口就溶其他就正正常常呢到好處係可以比你玩埋 佢有個自制天婦羅 比你自己炸 另外佢有餐前小食 （日式三寶）佢重有好多自取比你打邊爐既食物野飲方面 佢有成個雪櫃比你選擇最後係有甜品雪糕比你食好滿足環境： 3 / 5鋪頭環境好大 好多位而且設計到好有光 價錢：4 / 5價錢黎講 最平果個餐 只係$158但食既肉係高質 值得啊

在大埔就近太和的那一邊有很多的餐廳都在這裡扎根，而這次有一間可以自己做炸物的放題在這位置開業了。到了稻八這裡的光線跟裝修都恰到好處，這裡空間充足，食物也排放得很整齊，看起來十分新鮮。這麼的蔬菜有很多種類也排放得整整齊齊。而且即叫即切的刺身，還可以任點。我們的是味噌毛蟹湯底，小小的毛蟹很可愛，而且蟹味很濃郁。隨餐附的肉有海鮮跟豬、牛、羊、雞肉也有。當然其實套餐附的肉也足夠我跟Nana飽了，大家請不要浪費食物喔！

火鍋係我既最愛，早前同朋友黎咗呢間120分鐘任點任食火鍋店，又可以大吃一餐啦由於最貴既套餐食材真係比其他豐富，呢個價錢先有日本黑毛和牛。仲可以試埋澳洲和牛同美國牛。我地都急不及待點餐啦！除咗肉類之外，沙律、丸類、蔬菜飲品等都係自助嫁！份量隨自己既食量決定啦！不過都係果句，千其唔好浪費食物呀⋯⋯我地個套餐最特別係可以叫刺身同海鮮盛合。刺身同海鮮我就覺得質素不過不失。因為我地最主要黎食牛，所以都係叫咗一輪就算A4級和牛，牛嘅脂肪紋理平均，有微微入口即溶嘅質感，而且肉味較濃，令我愛上牛肩肉，不過食多幾塊就會有少少膩。澳洲牛明顯脂肪比例無咁平均，肉味也相對無和牛咁豐富另外，可以D.I.Y 炸物，有一個放滿串物既凍櫃。仲有指示教點樣炸。只要跟足指示就唔會炸燶啦。都見有不少小朋友去整嫁。由於油溫都高，炸果陣我都特別小心。我同朋友嘅製成品食到咁上下，記得要留肚食雪糕。除咗呢個雪糕櫃既雪糕同糯米茲任拎每人仲包一杯Movenpick嫁真係食到捧住個肚走人

中意食日本野既我，每次打邊爐必定揀shabushabu，因為鍾情日式湯底，湯底係一個邊爐既精萃呢日朋友就帶我黎左呢間餐廳，話岩哂我呢個牛魔王喎。餐廳有唔同既套餐選擇，價錢由$158-368不等，視乎肉既種類同品質。我地揀左$258既極上安格斯牛小排放題，包幾款不同部位既牛肉同羊豬雞，另外可以點刺身。今日主打食牛，當然係揀返經典既sukiyaki，甜醬油鹹甜適中，特別能帶出牛肉既鮮味，同牛肉絕配喺等個湯滾起途中，就出去睇下有咩火鍋配料揀。蔬菜種類繁多，南瓜木耳粟米冬菇金菇油麥菜樣樣有，居然仲有秋葵另外仲有芋絲響鈴丸類等大路配料。揀完湯底侍應會每款肉類各黎一板，牛柳粒同牛白肉出面都少見牛白肉係近牛胸骨既軟骨位，油份重，熟左之後口感爽脆，有啲似脆魚鯇。牛柳粒本身以為咁厚肉，淥既時間長左會令到肉質好韌，點知反而幾有咬口，仲更加索汁，不過就要等耐少少先食得。牛小排，油花均勻，薄切而肉質嫩滑。羊肉，夠羶味，一煮熟即刻聞到濃郁既羊肉味，而且肥瘦比例適中，一個人都食左六碟中意食瘦肉既人必食必食必食既手切牛！！（左上）牛味濃郁，肉質偏瘦，厚實而不韌，仲痴住少少筋位，好有咬口刺身選擇都幾多～質素中規中矩，

大埔嘅朋友介紹呢間日式火鍋， 日式涮涮鍋周圍都有， 但係呢間好特別有自助炸串可以即場自己整嚟食。我同朋友二人行兩個女仔叫左 美國牛肉 放題，$168. 湯底叫咗北海道3.7牛乳牛骨湯。落咗柯打之後就去夾其他自助配料， 仲有重點係去自製炸串。 首先選擇自己想食嘅串， 點一點佢地自家製嘅粉槳， 再點少少麵包糠就可以放落去炸 。視乎炸串嘅類別，大約等1-3分鐘就夠。最後仲可以按個人喜好落調味料~返到咗位嘅時候已經成枱都係配料， 牛肉豬肉雞肉已經上齊曬。 份量係多到o曬嘴。。 牛肉都幾好食，厚身。 豬肉口感唔錯， 但雞肉就麻麻哋。。仲要係食到好飽， 已經冇位叫第二round😐湯底其實真係冇咩特別唔係好食得出牛乳味。 好彩配料每樣都唔錯。 如果下次再嚟嘅話同女仔食會叫staff淨係上牛肉， 其他肉實在太飽😂 最後一人仲有一個 Movenpick 雪糕食。呢間可以話係好食好玩同抵食~

🍲有好多個唔同價位既放題set,揀左$168（要加一）既set 有牛豬雞羊肉任叫同炸物既放題。間格都算闊落，但係唔知點解張枱同櫈都偏細，搞到同隨離位坐到好close 咁。🔽服務方面比較［港式服務］，啲語氣都唔係好嫁啦，笑容就更加唔好諗太多啦😌。一開始叫左壽喜燒甜醬油湯，點知我地落左野先知黎左鰹魚昆布清湯,咁算啦 我地都無太大所謂。個湯底偏清 唔太濃味 所以鰹魚味唔太覺得有。🔽食材方面， 幾種要叫既肉類都係普通正常野，係唔知點解雞肉有好重麻油味，唔知係咪唔太新鮮所以用麻油陣味去遮左佢。食物吧果度除左有好多蔬菜 豆製品 丸類之外，都有啲日式頭盤 沙律，選擇都尚算幾多。飲品櫃都有大約十幾種罐裝 紙包裝飲品。🔽呢間鋪頭最大既賣點應該係佢有得俾客人自己去炸一啲炸物，呢點係要加分既，不過實在太多人去炸 所以每次都要排隊等，同埋 啲炸既食材都係啲丸 腸 蔬菜，唔太特別，所以玩過一次就算了。到最後每人有一杯雪糕，可以揀哈根大師 或Movenpick 。🔽總結黎講，質素普通 食材尚算可以，最大既賣點自己炸炸物對阿Lu唔算太特別，呢點就比較因人而異。個人認為最大問題係服務態度，無咩服務，就算店裹有位，都仲

近近地係太和附近同朋友食飯，朋友帶我黎以間打邊爐，原來以間除左打邊爐，原來仲有可以自己整炸物食，真係第一次見。我們選擇了$258 極上安格斯牛小排放題120分鐘湯底有8款選擇，我們選了北海道3.7牛乳牛骨湯自助吧，蔬茶，丸類都有好多款，食材新鮮醬料區都有9款選擇侍應先送上3隻蠔，都算大隻，好鮮甜套餐包括了，美國自然豚肉片、日本北海道雞片、羊肉、美國進口牛肉、特級美國殼飼牛，日本北海道雞片，好滑，一點都唔鞋，美國自然豚肉片都係薄切，所以不用滾太耐就可以食啦，美國進口牛肉厚切，但竟然出奇地好味，牛味濃，非常腍滑，特級美國殼飼牛，肥瘦適中。還有牛柳粒&牛白肉牛白肉第一次食，好爽脆刺身款式都好多，有14款食到一半，我地去試下整炸物，食材餐廳已整好一串串，只要加入炸漿和麵包糠就可以放入油到炸啦，小朋友要家長陪同呀，因為D 油會係咁彈，炸完就要自己加入調味粉啦，好快就完成，我們都食了30幾串，因為真係太好味。飲品區雪糕櫃有好多雪條同雪米滋任食最後餐廳會每人送一杯Haagen-Dazs 或Dreyers 或Movenpick 只係每人$300蚊有找就咁多野食，真係好抵

半自助形式的火鍋放題先是巡視一下感覺食物種類頗多排列整齊讓我這個有強逼症的看著就覺得很舒爽所有食物都非常新鮮尤其是蔬菜類這裡最特別的地方不外乎可以自己親手炸天婦羅只要跟足指示教導的程序就可以很成功的烹調美味自家製天婦羅真的是有娛樂與美食都可兼得另一主角是刺身放題全部新鮮即叫即切、新鮮又美味可以無限追加吃到飽不過還是要奉勸大家不要浪費食物點能吃完的份量就好終於我們的主角上場了點了A4黑毛和牛套餐和牛拼盤亦有三個部位每款的賣相都很高级很嫩滑，亦很重牛味入口有溶化的感覺套餐包含 牛、羊、雞、豬還有各種海鮮等多到一個不行一樣可以無限追加可是我再想應該沒有人會追加吧份量都有夠多的啦率先試到新湯底歐耶！北海道毛蟹好可愛又鮮又甜