稻八日式火鍋炸物放題 (已結業)

今晚朋友山長水遠拉我入嚟大埔食飯😅，雖然今日係weekday, 但我地去到店內都已經大部份枱都坐滿， 好彩我地有訂位啫。我同朋友都好鍾意食和牛，所以就點左國產黑毛和牛套餐， 套餐除左黑毛和牛盛盒之外， 其實還包括幾款美國牛肉、豚肉、羊肉、雞片、海鮮盛合、多款刺身及各式蔬菜丸類等。湯底要了北海道3.7牛乳牛骨湯， 牛骨熬湯特別清甜。國產黑毛和牛好肥美， 燙幾下就食得，牛脂香濃郁，其他幾款牛肉都唔錯喎， 特別係手切手肉， 好有質感好滑漏。海鮮盛合款式算多夠新鮮， 還可以追加👍，刺身亦好夠鮮甜。蔬菜丸類主食等就放置在一旁的自助吧枱，超多選擇。話說這家店還有一大特色， 就係可以自己動手做天婦羅。個天婦羅吧貼有清楚教學，跟住指示做其實都很簡單。我就最喜愛天婦羅秋葵，好新鮮爽甜，而且營養甚高。個套餐好多野食，選擇又多，樣樣質素又有番咁上下，好適合不同口味嘅朋友一起去，各取所愛😊。