影片
更多
2018-12-12
133 浏览
第一次失望到要寫食評叫左最貴個個和牛set，放題每位$368加一。1. 牛肉首先碟日本和牛黎到比想中仲細，仲要色澤勁差-淡粉紅色。食落完全冇牛味，得肥膏，又勁膻平時食羊我都頂得順膻味，但今次膻到唔想呑。澳洲和牛反而好少少(只係少少)，不過一樣膻到喊，我仲聽到隔離枱都大叫:嘩好膻呀抱著既然比左錢，都想食到少少正常牛肉既心態試埋美國牛小排，正常，但係牛小排放題都要$259一位，我唔好去食返連鎖店牛乜牛乜個啲？2.湯底叫左3.6牛乳牛骨湯，完全冇味(冇牛奶味冇牛味)。全餐飯靠點豉油，因為大部分食物(包括海鮮，牛肉)都冇調味。3.刺身sorry冇影相，已經冇心機。叫左油金魚帶子象拔蚌北寄貝等，一上枱就即刻夾塊試下食，點知凍到有冰。塊油金魚咬落入面係有雪左未解凍既口感，咬到有冰索索聲既4. 菜 丸 飲品: 選擇少,響鈴未淥已經係淋嘅🤦🏻♂️5. 炸物: 完全冇特別，劣食炸完一樣係劣食全餐飯唯一係得個雪糕好食，可以揀haagen dazz 士多啤梨味，dryers朱古力味同埋開心果味，movenpick maple walnut味。間野野食唔得都仲咁多人食，又冇服務可言😓可能街坊客多😓加埋一要4
叫左最貴個個和牛set，放題每位$368加一。
1. 牛肉
首先碟日本和牛黎到比想中仲細，仲要色澤勁差-淡粉紅色。食落完全冇牛味，得肥膏，又勁膻平時食羊我都頂得順膻味，但今次膻到唔想呑。
澳洲和牛反而好少少(只係少少)，不過一樣膻到喊，我仲聽到隔離枱都大叫:嘩好膻呀
抱著既然比左錢，都想食到少少正常牛肉既心態試埋美國牛小排，正常，但係牛小排放題都要$259一位，我唔好去食返連鎖店牛乜牛乜個啲？
2.湯底
叫左3.6牛乳牛骨湯，完全冇味(冇牛奶味冇牛味)。全餐飯靠點豉油，因為大部分食物(包括海鮮，牛肉)都冇調味。
3.刺身
sorry冇影相，已經冇心機。
叫左油金魚帶子象拔蚌北寄貝等，一上枱就即刻夾塊試下食，點知凍到有冰。塊油金魚咬落入面係有雪左未解凍既口感，咬到有冰索索聲既
4. 菜 丸 飲品: 選擇少,響鈴未淥已經係淋嘅🤦🏻♂️
5. 炸物: 完全冇特別，劣食炸完一樣係劣食
全餐飯唯一係得個雪糕好食，可以揀haagen dazz 士多啤梨味，dryers朱古力味同埋開心果味，movenpick maple walnut味。
間野野食唔得都仲咁多人食，又冇服務可言😓可能街坊客多😓加埋一要410一位，奉勸未食過間野嘅人唔洗試，我食返六七次吉野家個邊爐算數
日本和牛套😰
$368
6 浏览
0 赞好
0 留言
张贴
