影片
更多
2018-12-07
463 浏览
朋友大讚，就係咁專誠去大埔舊墟直街試一下稻八，星期四閒日都全埸爆滿，揀咗$208 嘅特上美國榖飼牛，加多$20.- 仲可以任食刺身，所以話忽冷忽熱，原來係火鍋刺身放題。服務員推介食法，揀好湯底牛肉級別，set 爐擺牒節奏輕快，附上剌身排版，款式都有好多，件數隨你歡喜。繞場一周，攞汽水較醬料，火鍋配料都有好多種類，樣樣都排放整齊，新鮮蔬菜仲洗得好乾淨，仲有沙律，蒜味螺肉，日式八爪魚等前菜小食，火煱呢瓣已經好滿意。返到埋位，原來每人仲有即燒和牛壽司🍣，服務員係你面前把和牛燒熟，入口牛肉味香濃牛脂平均，好好味。睇埋牛肉更加知道點解咁旺場，七彩嘅方牒，一層一層放著唔同種類的牛肉，件件都薄切新鮮，多種款式，肉味各有千秋，開心就會係食咗先講，都冇理佢係乜嘢品種乜嘢名堂，總之就牛味香濃，極度滿足 ,正、正、正呀👍👍👍食牛期間，自選刺身火速奉上，一時火煱熱食肥牛，再而刺身點下Wasabi，非常刺激，非常享受。兩大重點任你追加，汽水任飲唔再講👍🏻稻八仲有一大賣點，就係自製天婦羅，呢個環節我都係第一次試，揀選除障自己鍾意嘅食材，按照指示圖， 沾上脆漿、麵包糠，再按自己喜好灑上各款調味粉，隨隨放入炸煱，一串
朋友大讚，就係咁專誠去大埔舊墟直街試一下稻八，星期四閒日都全埸爆滿，揀咗$208 嘅特上美國榖飼牛，加多$20.- 仲可以任食刺身，所以話忽冷忽熱，原來係火鍋刺身放題。
服務員推介食法，揀好湯底牛肉級別，set 爐擺牒節奏輕快，附上剌身排版，款式都有好多，件數隨你歡喜。
繞場一周，攞汽水較醬料，火鍋配料都有好多種類，樣樣都排放整齊，新鮮蔬菜仲洗得好乾淨，仲有沙律，蒜味螺肉，日式八爪魚等前菜小食，火煱呢瓣已經好滿意。
返到埋位，原來每人仲有即燒和牛壽司🍣，服務員係你面前把和牛燒熟，入口牛肉味香濃牛脂平均，好好味。
睇埋牛肉更加知道點解咁旺場，七彩嘅方牒，一層一層放著唔同種類的牛肉，件件都薄切新鮮，多種款式，肉味各有千秋，開心就會係食咗先講，都冇理佢係乜嘢品種乜嘢名堂，總之就牛味香濃，極度滿足 ,正、正、正呀👍👍👍
食牛期間，自選刺身火速奉上，一時火煱熱食肥牛，再而刺身點下Wasabi，非常刺激，非常享受。兩大重點任你追加，汽水任飲唔再講👍🏻
稻八仲有一大賣點，就係自製天婦羅，呢個環節我都係第一次試，揀選除障自己鍾意嘅食材，按照指示圖， 沾上脆漿、麵包糠，再按自己喜好灑上各款調味粉，隨隨放入炸煱，一串串金黃天婦羅就係咁様DIY , 自己整自己食特別開心好味呀。
咁多嘢食唔使一粒鐘已經飽到上心口，稻八俾你120分鐘任食，仲有咁多時間梗係唔會放過佢嘅雪糕甜品啦，嘴尖嫌自助雪糕櫃嘅雪米糍、甜筒雪糕唔夠特色，原來每人可以自選一客moven pick . Dryers 或者Hagen daz 特級雪糕，去到呢度我真心寫個服字，二百零蚊食到咁高質素，仲要任飲任食，朋友絕對好介紹，稻八火鍋刺身放題，真係值得一試。
张贴
