稻八日式火鍋炸物放題 (已結業)

第二次黎啦！之前食過唔錯，所以今日再黎食！上次食左普通果只牛肉放題，難得過節，所以試最吸引既M9和牛！聽見都流晒口水！呢個就係主角-M9和牛啦！望個樣都見到正！雪花牛，分佈得好靚！又唔會太多肥肉！味道方面，滾幾秒，一放入口，好稔，好有牛羶味！好多肉汁！超好食！唔需要點任何醬料，已經好有味道！食過呢只牛，應該食唔返普通果只肥牛😂所以當晚我無叫其他牛啦，食左幾碟！好滿足！仲有牛柳粒同金錢展都好正！好新鮮，無雪藏味，啖啖肉得離仲好嫩滑，多肉汁！海鮮方面都係任食！大大只，好新鮮，無腥味！魷魚好爽口，蠔夠肥美，元貝鮮甜！中意食海鮮既朋友一定唔會放過！湯底有好多款揀，我地揀左北海道3.5牛乳牛骨湯，湯底好濃，牛骨味相比牛乳味重。加上食物新鮮，所以唔洗點點醬料都好好食！右下角係墨魚滑，好爽口彈牙！仲有好多丸類、蔬菜、甜品等係自己夾。唔好以為甘就停，仲可以任食刺身同炸物！呢度有個特色，就係自己揀食物，再自己落粉去炸。夠晒新鮮、脆卜卜甜品有雪糕櫃同芝士蛋糕、泡芙等。幾唔錯！不過movenpick 每人只限一杯黎呢度食野真係要空肚黎，咪試唔晒甘多野食到好飽好好食既一餐！推薦既餐廳！

踩完單車就係附近搵野食啦！係門口見到啲食物都幾吸引，餐廳乾淨企理，就決定一試啦！牛乳鍋唔算好重牛乳味，咸咸地，有啲似豬骨湯M9和牛極品！超正！超級正！薄薄一片，雪花紋好靚！好吸引！放落湯度涮唔洗十秒到就食得，好嫩滑，好有牛味，咬落去好juicy 既感覺！未食過甘正既牛，果然係和牛！手切金錢展金錢展都唔錯，好好肉，新鮮有牛味！牛柳粒厚食有厚食既口感，好咬口，但唔韌，羶羶地既牛味好好食！除左牛之外，仲有海鮮盛盒有元貝、蟹柳、尤魚、蠔、青口同螺等，好豐富！海鮮新鮮肥美，尤其是蠔，漲卜卜，好嫩滑！以上都係任食，唔夠可以再嗌，食左幾碟M9和牛，翻晒本啦，爽！蔬菜、丸同甜品等係自己夾，種類好多，芝士丸、蟹籽丸、龍蝦丸等。菜都好翠綠好新鮮！呢度仲可以揀唔同既食物自己去炸，夠晒新鮮滾熱辣呀！抹茶芝士蛋糕好好食！有芝士又有綠茶味，好creamy！除左甜品，仲有雪糕櫃好滿足既一餐！食物好多選擇，又新鮮又好味！正！下次踩完單車再黎先得！

成9點先係大埔收工，同個同事去直街果邊最多野食。稻八好似開咗一段時間都未食過，見到每位248放題，有海鮮食，就試下首先係選左個昆布湯底，清清地，都好多昆布！而我哋嗌既餐無牛既，得豬肉羊肉國雞肉！豬肉就正正常常。而雞肉就好軟同吸左湯既味，好好味！羊肉就有淡淡既羶味，唔重羶味岩d怕羶既人個餐既重點來了，望落都好豐富，有北寄貝元貝蠔等等，每樣都大大隻任食既區域有齊邊爐必食既選擇，唔同既菜同丸。而又多左沙律菜同芝麻八爪魚既前菜，幾好炙燒和牛，咬到一d都唔靭依幾串係自己炸既，有一個區域可以自制天婦羅，有圖教點樣加粉再放落去炸，幾好玩，仲要係好好味架蝦滑墨魚滑算彈牙，同花膠都係任食依個雪糕櫃都係任食，有普遍既糯米滋之外，竟然有喜愛吃既榴連雪條！總括尼外，依個價錢食到既種類都多，質素都算高既！下次會再尼食

天氣唔算好凍，但依然好想食火鍋放題，今日嚟到太和，上網睇睇，呢度除咗有火鍋放題，另有特別嘢食。朋友係環保人士唔食牛，叫咗個海鮮餐，都有豬、羊、雞任吃，湯底揀咗北海道3.6牛乳牛骨湯，白雪雪好香奶味。出面有許多特色丸類及蔬菜，也有拉麵、烏冬、麵筋、響鈴、支竹、豆腐等等，擺放得非常整齊整潔。嘩！不得了！個海鮮盤上枱真的好大，勁大隻帆立貝，大大隻新鮮連殼北寄貝，大蝦，金螺，珊瑚蚌，白蚌，大蟹棒，白蜆，墨魚咀和青口，樣樣都好新鲜。貝殼類非常鮮甜爽口，都係第一次食原隻連殼北寄貝。呢個套餐羊肉雞肉豬肉任叫任食，雞肉好滑，羊肉好香，豬肉肥美。呢條街都有好多唔同嘅食店，有緣來到係因為有得自己製作炸物，增添不少飲食趣味。根據指示，先揀選自己喜歡的食物，放入炸漿，然後再加炸粉在外面，最後放入熱油中炸大概一至兩分鐘便完成，也可灑上自己喜歡的調味粉，可能係因為自己製作，特別美味。雪糕櫃內雪條、甜筒、雪榚糯米糍有許多款式， 原來仲有另一個由店員幫你拎嘅雪糕櫃，雪糕每人可以揀一款：Movenpick 、Haagen dazs或者 Dreyer's，正呀！遲啲過年，可以再嚟吃和牛套餐。

話說今日係「麻婚」紀錄日我地決定帶埋兩隻Monkey 去稻八打邊爐加自炸野食！佢個Menu 有幾種唔同既牛食！有d會包埋刺身任食！我地揀左個$258 有牛有豬有雞又有刺身任食既！同埋揀左致愛既壽喜燒湯底揀完分頭行事！老公揀刺身，我帶兩隻Monkey 去拎野飲同炸野食！小朋友都好鍾意自己整！兩隻野加埋食左成廿串肉類同其他野好快上到檯，第一次拎左唔同款每樣一碟俾我地！仲有一人一件既和牛壽司..食左1.5個小時後我地個個都飽到再吞唔落野😂😂😂係時候食甜品🤣🤣🤣🤣每人食左最小一粒雪糕糯米糍！兩隻Monkey 仲每人食左一條雪條最黎送既貴價雪糕都要帶走食!真係食唔落🙈🙈🙈埋單$8xx (2大2小）

今日去到大埔呢度遊山玩水 天氣咁好冷就梗係打邊爐 呢間稻八係非常熱門嘅放題火鍋餐廳 好左一早嚟到好在唔使等位除咗火鍋配料係任食以自助吧檯形式任攞之外 和牛放題 炸物放題 刺身放題 食$368但價都係已經包括在內 如果唔食和牛同刺身 最平個價錢都已經包括炸物同埋火鍋配料先講自取嘅火鍋配料 五花八門 最好食當然係芝士丸 做到拉斯嘅效果 仲有得攞八爪魚仔等等嘅日式小食 個火鍋娃娃菜非常新鮮 而且嫩滑 值得一試炸物放題 有大蝦 茄子 芝士丸等等 首先點上炸漿 再放上吉列炸皮 放落油鑊度炸 生熟度 自由控制 十分好玩去到重頭戲火鍋 和牛油花分佈勁靚 而且牛味濃郁 仲有四大部位可以任食 配上壽喜燒鍋底 完全突顯到牛肉嘅鮮甜味 飲飽食醉後 仲可以去門口度拎每人一杯嘅hargandize雪糕 勁抵食而普通嘅雪糕都係飲食嘅

朋友生日當然要請食飯，就返壽星仔住太和，幾個都住新界完全唔係問題。上網見呢間任食火鍋有和牛，刺身同炸串。我地幾個當然叫左最貴嗰set，可以食日本和牛喎！炸串望落好似好煩，其實幾個步驟就搞掂，而且啲野食都係易熟，幾分鐘就搞掂。如果有去過日本玩過自製炸串既朋友，其實係一樣做法的。可以拎去炸既款式都唔少。到自助火鍋配料，丸類同蔬菜都好多選擇。豉油吧都係大路調味料。芫荽控主意，呢到係有提供的！！仲有雪米糍同雪條，但因為最後食得太飽，所以食唔到了。我地叫左個北海道牛乳牛骨湯。刺身款式都有十幾款，我地叫左個份量都黎足，一啲都唔薄。佢會先黎左轉肉，之後想要邊樣先再追加。有羊肉，豚肉，牛小排，牛柳粒，北海道雞片。特別一提佢啲雞特別滑，而且好快就聽見沽清。另外仲有盤海鮮，八爪魚串都幾爽口，仲有蟹柳，青口，蠔等等。主角和牛到了！有三款部位，牛肩肉，牛三角腩，肉眼上蓋。和牛肩肉比較多油脂，所以比較嫩滑肉眼上蓋就比較腍，肉味一般。三角腩就相對肉味較重。

呢排天寒地凍 除左係屋企開暖爐 大覺訓之外 最好就當然去打邊爐啦 其中肥牛更加係邊爐必備佳品 今日就黎到大埔稻八火鍋店食極品和牛火鍋放題 入到去就叫左個甘露鍋底 淡淡既甜豉油味令所有食材既鮮味都得以提昇 跟住叫左份黑毛和牛肩肉 黑毛和牛三角腩 黑毛和牛肉眼上蓋和牛肩肉有咬口而且牛味重 岩哂一眾喜愛牛味人士 和牛三角腩油花均勻而且豐富 啖啖肉之餘亦食到啖啖油甘香 令人食指大動 非常好味 之後就到和牛肉眼上蓋 佢比普通肉眼更富油脂 而且牛肉味亦都幾香濃 質感亦都幾軟滑 可謂集百牛之大成之後就食海鮮拼盤啦 材料有魷魚 北寄貝 扇貝 海蝦同青口 都幾新鮮 味道同出面食到既差唔多 無咩特別 始終呢間餐廳係主打牛肉嘛 最後就上埋個和牛壽司 師傅係你面前將生和牛片用火槍燒到成隻碟都係油 牛既甘香配上美味既壽司飯 為呢餐飯畫上完美既句號    

踏入2019，今次專登同男人食下D好野賀一賀，令今年更有動力去做野(藉口！想食貴野咋？！)今次近近地去左屋企附近食，係太和站行10-15分鐘到就會到。呢到有分5個價位$158-368，最平個個當然無牛食啦，而最貴個個就係今次我叫的「日本國產黑毛和牛」！其他套餐的牛都唔係差架，除左有美國的牛肉外，都有澳洲M6和牛架。坐低先揀個靚湯底，係九州豬骨湯同北海道3.7牛乳牛骨湯中，我揀左個較少見的牛骨湯。一食就知無揀錯，個湯好濃郁，而且煮完的肉量都好夠味，所以我全程都無點豉油及調味品。係D野食未到之時，當然叫刺身啦！餐廳的刺身種類唔算特別多，不過都好夠食。刺身不過不失，有一般放題店的水準，只係呑拿魚已沽清有點失望。海鮮盛合的款式都幾多，當中我最鍾意係蠔(鮮甜)、小八爪魚串(彈牙)及螺(肉厚彈牙)。到了今餐的主角「日本國產點毛和牛盛合」老老實實，我們食左3碟(笑) ！A4黑毛和牛肩的油香較重，食落有咬口而且彈牙。A4 肉眼上蓋的油花同樣重，但肉味比牛肩濃少少。A4黑毛和牛三角腩，佢的油脂感比另外兩種輕，肉質就會更實在，加上口感彈牙，係我的Best Pick！除了和牛外，個餐仲會包其他的肉款：牛小排

今日喺大埔收工，男朋友話黎join我之後一齊食晚飯。我突然之間好想食放題，所以我地就去左稻八日式火鍋炸物放題。我地叫嘅係特級美國穀飼牛放題（$208一位）加$20有任食刺身，d刺身都ok~今日星期二仲有炙燒和牛壽司送，都幾抵食~個套餐有可refill嘅美國自然豚肉片、羊肉、日本北海道雞片，雖然係任食但肉質都唔差！因為男朋友呢排氣管唔太舒服，所以我今日放棄食辣湯底，叫左個九州豬骨濃湯，個湯幾香濃，烚完唔沾醬汁都好夠味！至於蔬菜同丸類就喺出面自助吧~呢到有個特別之處就係可以自己整炸物，不過我呢d懶人當然都係男朋友炸埋比我食啦haha飲品方面，佢有雪櫃嘅飲品係任飲~食飽仲有雪米糍、雪條同雪糕做甜品tim。咁樣食足120分鐘，真係平靚正之選！

天氣涼左最岩就係打邊爐，但自己買料又貴又麻煩，所以好多時都會出去任食，貪多選擇又抵食稻八係其中一間我會翻兜既任食火鍋，肉類比其他同類餐廳多，唔係得一兩味。食肉食到滯仲有不同新鮮蔬菜同丸類，連豬紅、秋葵等都有。shabushabu當然要揀壽喜燒湯底，醬油既甜香同牛肉係perfect match肉類上菜速度好快，落單後五分鐘就有得食～除左火鍋外仲有炸物可以DIY，見在場都有唔少客人帶埋小朋友黎玩。+$20仲有任食刺身，選項唔算好多，但質素唔錯，帶子大大隻好新鮮$208套餐包美國特級穀飼牛，肥瘦比例三七，牛味濃郁口感嫩滑。雞肉薄切，唔怕好難淥熟，屬於雞胸部份，瘦肉食起黎有質感，不同於其他火鍋既雞件又油又肥。最愛既手切牛，次次黎都至少食七八碟痴住啲根位，肉質帶嚼勁，更重牛味。食肉食到差唔多，食返啲菜中和下。木耳好大片，好爽口；秋葵新鮮無渣；響鈴芋絲呢啲火鍋索汁必備配料不解釋啦豬紅比外面食既大粒，口感偏水狀，幾滑身。比較少見既芥辣芝心丸，外面幾彈牙，內餡飽滿，帶wasabii味，食多幾粒都唔覺漏。見個肚仲有啲位當然要試下炸物，除左丸同蔬菜仲有鮮蝦，自己蘸粉自己炸，的確幾有諗頭。仲有唔同調味料可以

凍冰冰，最好既活動就係去打下邊爐，唔想出到咁遠食，我地去大埔打邊爐，之前已經食過，今次又帶朋友黎又炸又十。朋友都覺好新奇，可以自己整炸物，好玩又好食。我地點了$208+20刺身放題套餐，套餐有特級美國穀飼牛放題，豚肉片、雞肉、羊肉、美國進口牛肉，炸物，任食刺身。今次餐廳每位送牛柳粒及和牛壽司和牛壽司侍應會係你面前燒，和牛6成熟，入口即溶，但壽司口感好實，飯用機器壓出黎自助吧有蔬菜、丸、魚皮、腸仔、午餐肉、響鈴等等，應有盡有飲品區任食刺身最正雪糕任食炸物區，朋友話好好玩，自己炸自己食，炸物都有好多款，但我地最鐘意就係炸蝦最後每人送一杯雪糕

今次是特登入大埔帶媽媽去食放題的~本身果日我冇咩心機，因為近排太多鎖事心很煩，但係食左呢餐之後，又成個人開心返哂稻八是連鎖店，質素甚具保證~睇這頁MENU，感覺好似食緊牛xx, 牛x 咁，但呢度是更豐富更好味~~食牛肉就梗係揀甜鼓油湯啦! 不過有機會都想下次試~~肉類方面，我就揀左米國穀飼牛連刺身套餐~~有剌身食先似放題架MA~未食之前，行個圈，睇下環境，再計劃下食野的策略先~~開頭以後雪糕得呢D~~到我埋左單之後竟然有驚喜喱~~好戲在後頭! (PS, 呢D雪米滋有幾隻口味, 芋頭、芒果、云尼拿同芝麻等~都幾好味, 唔覺意咁食左幾粒~~好多蔬菜呀~~擺放得好乾凈整齊~飲品櫃附近就是醬料BAR入面有HOMEMADE的薄荷青檸梳打，好似NON ALCOHOL的MOJITO，非常清新，但有點甜，如果加D冰會更好飲~~~我行完個圈返黎，就見到成枱都係野食了~擺到整整齊齊添~~全部望落去色澤都好鮮明，唔會好似剛剛在冰箱拎出黎咁，望落算幾新鮮~~肥瘦同厚薄恰到好處，份量仲剛剛好，食一ROUND已經夠飽，唔洗再操心要再加單了~以下幾樣肉類係我推介的~~北海道雞肉片~薄切無筋好味道~而且一D都唔肥，並

近日天氣真係好凍，香港的濕冷真係唔可以講笑呢，於是一家人又走去打邊爐啦！價錢十分親民，大埔街坊冇人唔識呢！安格斯牛小排我們都是牛魔王，當然要簡好味的肥牛啦！雪花❄️紋分明，牛味香濃，輕輕灼一會入口就有溶化的感覺，高質呀，食唔停口！美國自然豚肉片除了吃牛外，我覺得豚肉也很高質，唔會鞋口及沒有豬的so 味！設有自助取火鍋料的區域，有各式的丸類、豆腐、蔬菜、拉麵及烏冬等，選擇繁多，一定有樣岩心水的！稻八日式火鍋放題另一特別之處是設有自助天婦羅區，又有得玩又有得食，愛香口的我也吃了數回！任食的刺身也很高質，新鮮肥美，又可以多一種享受！吃到一半的時候，侍應問我們有冇興趣試一試即燒火灸和牛壽司🍣一邊燒一邊傳來陣陣的香味！可向侍應按自己的喜愛要求不同的生熟度，入口真是即溶的口感，不需太多調味料，好好味！食咁多好味野當然要飲番幾罐汽水啦！想吃甜品的話，餐廳也有自助甜品雪櫃，我最喜歡的是榴蓮雪條！而且每人也有一杯D、H 或M字頭雪糕，為大餐劃上完美的句號！價錢親民，一個價錢滿足幾個願望，冬天天氣凍的好選擇呀！

傍晚時分，去了大埔的「稻八」吃日式火鍋炸物放題。我們三人叫了一個豬骨湯底，並選上三種不同的牛肉。「安格斯牛小排」牛肉味濃郁；「澳洲M6和牛」豐腴；「日本國產黑毛和牛」油花均勻，口感鬆化。另一方面，「羊肉片」、「雞件」和「美國豚肉」肥嫩軟膄，各顥特色。刺身13類中，無論「鮑片」、「象拔蚌」、「三文魚」、「甜蝦」或「帶子」，隻隻鮮甜美味、肉質結實，彈牙兼有嚼頭。至於「花膠」、「墨魚滑」和「蝦滑」，件件爽脆腍滑。舖內有自助炸物站，挑選心水串物後，依據提示，便能享受自造的炸物。店舖今期向食客免費送贈一客炙燒和牛壽司，侍應即場燒炙，熟度由食客決定，很有滿感。甜品有「Movenpick雲呢拿」、「Dreyer朱古力」或開心果」、「Haagen dazs士多啤梨」三類選擇，能符合食客的不同口味，是火鍋+放題的完美終結。「稻八」位於大埔舊墟直街地下的一個舖位，離開太和車站不遠，食物水準不錯，價錢又合理，值得光顧。