影片
港铁太和站 B 出口
继续阅读
开饭介绍
供应日式火锅，设九洲猪骨、北海道牛乳等多个日式火锅汤底。较为特别的是，餐厅设有自助炸物锅，客人可拣选心水炸物款式后，再自行蘸上炸浆及米糠，放入锅内炸约20秒左右就制成天妇罗。另有海苔、咖喱等天妇罗调味粉供应。
继续阅读
营业时间
星期一至日
16:00 - 00:00
公众假期
16:00 - 00:00
公众假期前夕
16:00 - 00:00
以上资料只供参考，请与餐厅确认详情
相关文章
打边边有，串烧有，日本小食有，刺身有，对于钟意多选择既我来讲简直系「正」！食物质数亦都keep到，职员亦有礼貌！从以前到依家间唔中都会帮衬，等你地休息好了再重新出发，加油！ Ciao
继续阅读
打边炉炸物放题，小朋友好开心，可以自己整炸物，牛，猪，鸡都好新鲜，嘢饮任饮，有汽水啤酒，有雪糕雪条任食，性价比高价钱合理😊，服务态度良好👍可回头再帮衬嘅食肆🥰🥰🥰
继续阅读
我哋一行八人入去食饭，分咗两张四人枱，但系喺隔离所以都OK，就开始点餐，点餐前因为冷气风太大，我就叫职员可唔可以调细一啲，点知佢直程熄咗部冷气，但系我觉得还可以就由佢，跟住我同朋友各自分开两张枱都点咗两个汤底，佢就同我哋讲：「你哋系加埋只得两个汤底架咋㖞」态度已经系唔太好，咁我哋就话系咪可以加钱，佢就答：「加$18啰」，跟住我哋就话咁好啦㗎啦，但系跟住睇到一个麻辣汤底，打算转之际佢就语气极差话：「𠮶个系另一样嘢嚟㗎㖞要加$30，同你哋呢个套餐唔同」！完全冇解释有咩唔同，咁我哋都算啦照旧四个汤底。点知佢将两张枱嘅汤底掉转咗放，我哋就话可唔可以调返转摆错咗，佢竟然同我哋讲：「你哋掉位啦，你哋两张枱啲人对调咪得啰 」但系当一刻我哋已经食紧的前菜同埋饮紧嘢，佢竟然命令式要求客人对调都唔帮我调返两个汤底，仲要系超级冇礼貌咁同我哋讲，跟住我同朋友就同佢理论一番，冇理由佢唔帮我调汤底要我哋全部人掉位，最后佢帮我攞起其中一张枱两个汤底，但系同时间另一张枱已经有两个汤底，佢仲点样对调呢😑？根本上佢全心玩嘢🙄其实佢系咪只系将一个攞起同另一个先对调，再将另一个攞起再对调已经搞掂啦，跟住最后系有另一个男职员过嚟问发生咩事，佢帮我哋搞掂，另一位女职员就话佢讲嘢不嬲冇尾音，但系佢唔止冇尾音仲系好冇礼貌🙄跟住我哋食到中途突然间又要我哋其中一个小朋友起身去度高，唔明白点解一入门口唔度左高先或者埋单出去先度高呢，呢间嘢啲职员都几奇怪🤔另外嘢食方面，只有一种牛喺入口比较林，但系都冇牛味，其他都系咬唔到，刺身应该唔新鲜，返到去即刻肚疴，我哋已经系澳洲和牛餐，加埋一每人都$410 ，但依啲质素真系太差🫣
继续阅读
唔系连锁既打边炉放题都食过几间，呢间算系几好几值得再翻悼~净系出面水吧自助区都有成2X款野比你自己拎，有丸有午餐肉，仲有D少见既好似油扬、秋葵呢D，都几正~再行入D见到佢有小食，除左有我最爱既螺肉之外，竟然有咖哩鱼蛋同萝白!! 虽然唔系几够3辣，但胜在够入味，应该唔系攞货返黎，诚意满分呀!作为一间放题，牛肉可以话系决胜负既关键。好在佢呢度都叫过关，叫左果只200日澳洲谷饲牛同牛颈脊，两种肉都几有牛味，而且唔系入口即柴既僵尸肉，D雪花都真系坚既雪花，食落有油香有肉香，2百几蚊就有呢个质素，仲想点啫~除此之外仲有个自助既天妇罗吧，有晒工具同材料系度比你自己玩炸物天妇罗，都几过瘾~临走前先发现原来佢加$30蚊可以无限追加刺身!!!蚀左啦今次…真系下次再黎过
继续阅读
而家打边炉放题真系多到好似7仔咁总有一间喺附近，今次偶尔去左大埔食呢间稻八。同朋友2个拣左200日谷饲牛放题，平时其他餐厅都要3百几4百左右，呢度只系要298。如果好食既话下次再黎试佢个和牛盛合~拣完汤底先发现原来佢有得改鸭血汤，都系留待下次啦咁~等紧水滚就叫返两碟刺身来顶住肚先~佢D三文鱼系几好既，至少唔会霉同好大阵腥味，同日式放题果D质素有得挥!出面蔬菜同小食小助吧都几多野拣，除左有一般既娃娃菜、萝白、肠仔等等，仲有莴笋、午餐肉同埋好多唔种类既丸~真系几多野拣~酱油架都系另一亮点，日式边炉出名净系用豉油同少量配料，呢度除左一般既芫茜葱之外，仲有D特别既配料系出面好少见，例如胡椒盐、辣萝卜蓉等等……混好个酱岩岩好牛肉就送到啦~ 作为298黎讲佢D牛肉都真系几靓，出左几碟D雪花纹都几均匀，肉味又够浓，唔似有D放题出埋D牛一系就柴一系就无味~除左牛之后，佢D鸡睇落都唔错，全部都系切晒鸡柳咁样一啖一件既，如果女仔黎食都几方便。其实呢度仲有个好特别既食物，系DIY天妇罗!我见好似几好玩，不过今次食边炉食到好饱，留待下次先玩啦HAHA
继续阅读