火水爐冰室火鍋

营业中

休息中

好耐無同男朋友打邊爐，所以就上網搵左呢間打邊爐任食，擦番餐勁既😂😂😂呢間舖頭最吸引人既一定係佢既裝修，無論係招牌、樓梯、牆身、地板，都係行懷舊風，好有八、九十年代既感覺😍😍牆身除左有壁畫，仲痴左啲舊既電影海報。地板係用舊式餐廳既綠白地磚，好復古😍連碗碟都係用啲舊式既鐵/瓷碗碟。預先book位會送花膠麻辣雞煲。係上雞煲之前會先有小食，有幾粒魚蛋燒賣比你頂住肚先😂😂 上左雞煲之後，侍應仲會set個計時器，幫你計住仲有幾耐就食得，好貼心👍🏻仲會幫你撈埋個雞煲👍🏻我地嗌左小辣，男朋友食食下話好辣，但我就食到唔覺辣🤣個煲都好香，雞肉幾結實，一煲都有好幾塊花膠😋👍🏻食到咁上下就轉煲，變做打邊爐。我地揀左招牌沙嗲湯底，有啲花生碎碎係入面，幾香濃👍🏻海鮮拼盤有蝦、蝦滑、青口、魚片、蠔同蜆。其他肉類、菜、配料都幾多選擇，絕大部分都唔洗加錢，得兩種高級啲既肥牛要額外收錢。而野飲方面，汽水免費任飲，亦有其他收費飲品，例如凍檸茶。可能因為我地太遲食野，已經餓到唔餓😂所以我地食完雞煲，再叫左一輪打邊爐配料之後已經飽曬，無再追加😂係埋單前仲有甜品送，係雜果紅豆涼粉冰，一碗兩個人share黎食，當飯後甜品就啱啱好😋

跨世代既設計 懷舊既感覺 食既係設計 食既係懷念feel 好岩一班朋友 成家人黎 聚一聚 肥牛滾兩滾 畫面幾咁溫馨今日叫左雞煲火鍋套餐 如果訂位有送鮑魚😋經常都full booking book 左都要等一陣 更何況walk-in 一定要訂位呀!依到玩法係牛肉任食汽水任飲 綠色既係落餐紙可追加食物每檯都有餐前小食燒賣魚蛋 如果加埋沙嗲就無咁dry個雞煲好濃 似沙嗲濃湯火鍋包無加水煲內有鮑魚 豆卜 同洋蔥 豬皮洋蔥 好食 煮到好軟好入味雞肉都唔太乾唔鞋仲嫩食到咁上下就轉火鍋 火鍋湯底可以揀有一盤海鮮海產 個墨魚滑爽滑彈牙 一定要追加飯後仲有個糖水什果涼粉紅豆冰 加埋一齊係依個環境食好香港風味

知道呢間餐廳開咗一段時間，成日都見到好多朋友會嚟打卡影相。我今日都終於帶機會嚟試下喇！餐廳叫得做火水爐，有個爐字都知佢地係打邊爐嘅，今晚就食雞煲火鍋任食套餐，先食雞煲後打邊爐。打邊爐最緊要整一個適合自己口味嘅豉油啦！我地溝溝下嘅時候，店員突然放上一碟小食，有炸燒賣同炸魚蛋，仲有好緊要嘅辣椒豉油，唔錯唔錯！話咁快雞煲已經放係我地面前，原來仲有鮑魚添㗎！我地就叫咗少辣，雖然唔係好辣，但依然十分惹味，麻味十足！而啲雞都相當嫩滑！食完一轉雞煲之後，店員就幫我地轉左沙嗲湯底打邊爐。火鍋配料都相當豐富，基本上大部份都係任食。最緊要係食材嘅質素都幾好！我哋食完帶埋單嘅時候，店員同我地講叫我地等多陣。原來仲有一個甜品送！雖然只係一個好簡簡單單嘅刨冰，但係都食得出相當用心製作，而且好多料。喺打完邊爐嘅時候食一個刨冰，原來都幾夾！雖然食物種類唔算十分特別，但係食得出餐廳全部都好俾心機製作。以呢個價錢有呢個質素都係一個十分唔錯嘅選擇。

今日黎到火水爐打邊爐，一踏入餐廳，彷彿置身於70年代。牆上掛滿舊戲院招牌，壁畫，海報，走懷舊風格，影相打卡一流！我同朋友叫左個安格斯海鮮火鍋任食套餐，預早book左位仲有花膠雞煲送，大中小辣任均選擇。雖然雞煲係送嘅，但用料絕對唔馬處，有大大塊花膠，吸收曬醬汁既豆卜同嫩滑既雞件。雞煲濃而不膩，不錯☺️打邊爐首先一定係混醬。冬瓜蓮子百合鍋，新鮮百合加上清心蓮子，再以金華火腿及冬瓜熬煮而成，清熱解膩。冬瓜清甜，湯底愈煲愈濃郁，用黎淥海鮮更加係甜上加甜，錦上添花。而冬蔭公湯有新鮮大蝦做配料，酸度很低，都幾辣，重口味之選。海鮮款式豐富，有青口，蝦，蠔，魚，蜆等等。當中我最愛魚滑，口感超級彈牙，好似食緊墨魚丸咁。魚肉夠曬嫩滑，蘸上豉油真係一流。蠔，肥美飽滿。當中不得不提既就安格斯牛，牛味都幾濃郁。烏冬係日本急凍烏冬，爽口彈牙。而豬肉都幾好食，肉質唔會好鞋。丸類既選擇都好豐富，個人推薦粟米貢丸。最後仲有甜品附送，仙草同紅豆非常夾，打邊爐咁熱，食返個凍冰冰既刨冰就岩曬啦👍🏻

雖然炎夏天氣悶熱，但熱衷火鍋的我，就全年無分季節，事關各方人士總可在一系列的配料找到自己喜愛的食材。今晚玩懷舊風，和一眾爲食團友來這間爲於旺角的火水爐來開餐。火鍋店走懷舊風格。一排火水爐做裝修，切合餐廳主題。今晚決定食這個安格斯海鮮火鍋任食套餐。先用枱上的蔥蒜、金蒜、芫茜、辣椒、芝麻醬為自己的醬汁調味。火鍋湯底就選了招牌花生沙爹鍋。先吃一個花膠雞煲，花膠捻滑入味，為進入火鍋晚餐前先來一個熱身。餐前小吃還有熱辣辣的魚蛋和燒賣。招牌花生沙爹鍋，果然真係味濃，食物經湯底燙過已非常入味，調好的醬料也不需用了。安格斯牛肉與花生沙爹鍋，天作之合。油條用來火鍋，好特別，是另一番味道。👆🏻海鮮拼盤有蝦、蜆，鯇魚、青口，蠔，非常豐富。👆🏻冬瓜、蘿蔔、冬菇、芋絲、金菇、午餐肉、魚蛋，食材新鮮。這裡特別的地方，是每種食材，都是預每人一件的份量，個人意見覺得此安排非常好，因為可以多試不同種類的食材，如試過想再encore可以再叫，解決眼寛肚窄的問題，從此減少浪費食物👍🏻。響鈴都很鬆化喔。👆🏻還有這個飯後甜品，有紅豆、涼粉、雜果和碗底的刨冰。味道清新，不太甜，把胃部最後的小小空間也填滿😁。

上OpenRice 搵到呢間火水爐冰室，裝修好懷舊年代，環境好靚，地方細細放到10多張圓枱，食物好新鮮，好好味！價錢好合理！服務員好細心！播放音樂！一邊食野一邊聽歌，食飽仲有糖水送埋！值得推介，一班人食宵夜好選擇！

小時候住在木屋區，十分討厭用火水爐煮食，因為熄火後的氣味實在令人難以接受！但長大後又好似想找尋昔日的回憶，所以想到「火水爐」試一試！一踏進樓梯，就好似立即步入昔日香港般，而且播放著張國榮的音樂（像時光倒流⋯⋯）看到menu主打是「花膠」滋陰養顏，價錢由$38起，所以值得試試！花膠鮑汁雞脾米線：視覺效果👍，花膠比足料（大大件），原隻雞脾上，只是鮑汁很少⋯⋯鮑汁雞脾湯麵：鮑汁味好濃👍配上原隻雞脾，十分不錯！花膠蟹膏蒸肉餅飯：整體上十分不錯！

究竟我有幾鍾意打邊爐🤣🤣真係打極都唔厭😂😂最近見到旺角開咗間新嘢！見出面裝修幾特別🤙🏻一開頭係雞煲，兩個人食都幾多食完即刻要咗個沙嗲湯底，要肥牛，無肥牛嘅火鍋真係唔係火鍋🤣🤣🤣🤣真心正！另外，佢會有個海鮮拼盤！鮮味十足🤙🏻🤙🏻但我想講作個任食火鍋太多嘢食，選擇夠哂多，真係好多嘢想試都未試肚仔就飽🤣呀～ 差啲唔記得介紹呢個🤣 前菜呢個炸魚蛋🙌🏻堅好味！但最慘呢個無得任叫😂😂😂

去“火水爐”打邊爐我已經恨咗好耐，之前只食過午餐，今次難得家人同朋友都有興趣，我就馬上打電話去火水爐訂位。好啦~終於可以嚟打邊爐喇~火水爐而家做緊每位$258蚊，安格斯海鮮火鍋套餐，任飲任食，只有部分食物及飲品需要加錢，基本上可以食到飽。未打邊爐之前，就有鮑魚雞煲，份量十足。每人仲有一隻鮑魚添，鮑魚爽口彈牙。雞件啖啖肉， 相當入味，未開始打邊爐就已經好滿意啦!餐前仲有懷舊小食，炸陳皮魚旦同燒賣，配辣椒豉油，so yummy !!我哋order咗一個香茜皮蛋湯，因為小朋友在場嘅關係，湯底清清地就可以了。講得係“安格斯海鮮火鍋套餐”，梗係會有海鮮啦，你睇下個海鮮拼盤，裏面就有蝦，螺片， 魚片，生蠔，等等，多到呢～好澎湃囉。海鮮都係每人一份，餐廳一啲都唔孤寒。火鍋配料選擇都好多，我哋叫咗美國安格斯牛排、美國珍寶肥牛、黑毛豬片、脆炸響鈴、炸魚皮、老油條、午餐肉、豆腐、玉米貢丸、爆醬章魚丸等等…蔬菜都好多選擇仲非常新鮮。基本上所有火鍋食材都好新鮮，最驚喜是老油條，係餐廳自己新鮮炸出嚟架，好厲害呀～另外肉類都好優質， 美國安格斯小排好味到不得了，連黑毛豬片都很嫩口。飯後甜品係“紅豆涼粉雜果冰”，用

在旺角街頭, 外面看上去以為係就舊戲院, 走過樓梯往上一層樓, 原來係親民風的懷舊裝修火鍋店-火水爐! 和朋友放工後來到呢間餐廳, 裡面裝修好有心思, 有生鐵打造"夜總會"招牌, 火水爐牆, 舊冰室地磚和木摺枱, 實用加上本土味道極濃!點了安格斯牛肉海鮮拼盤套餐, 先來的是雞煲, 有唔同辣味程度給客人選擇。 點了BB辣, 雞煲上得好快, 面頭放上鮑魚, 店員擺放好預先set好的計時器, 五分鐘之後就可以起筷！雞煲醬汁經過細心調教, 香辣惹味, 樣樣齊集, 雞件大小適中, 成熟程度煮把握得好好! 其他配料, 有豆斗, 豬皮和洋蔥。接著換了新鍋, 火鍋來了!選了冬瓜蓮子百合鍋, 分別點了響鈴, 水魷, 蜂巢豆腐, 墨汁墨魚丸, 龍蝦沙拉丸; 海鮮拼盤方面有鮮蝦, 青口, 蜆和生蠔! 整體好新鮮, 蝦和蠔好甜!火水爐的肥牛和豚肉係我的最愛! 美國珍寶肥牛, 脂肪和肉紋理分明, 厚身超滿足! 黑毛豬片, 肉未濃香, 爽滑彈口!食物款式豐富, 精緻; 每一種食材都好新鮮而且質素好高。 平時打邊爐濃味的湯底, 通常會蓋過了食物的味道; 但今次來到火水爐, 用冬瓜蓮子百合湯底, 更能食出食材的原本味

行經過煙廠街，遠遠已經睇到三個好突出的霓虹燈字：火水爐，配搭門口的滿滿八十年代風格設計，加上見到佢有個任食安格斯海鮮火鍋任食套餐，我同男朋友即刻忍唔住衝左上去喇~~~😂上到去，雖然已經過晒食飯時間，但餐廳已經逼爆晒人，仲有排隊嘅人龍！不過等左唔係好耐總算有位！餐廳內嘅格調貫徹 懷舊風格，非常有特色。店員會先上雞煲，仲有個餐前小食-炸魚蛋同燒賣，好有香港特色且味道唔錯！雞煲嘅汁幾香濃，帶點麻辣嘅味道，雞肉好大件，肉質仲好鮮嫩，咬落啖啖肉😍重點係仲有好有咬口嘅飽魚，好少有~食完店員會上自選湯底，我地揀左香茜皮蛋清清地，皮蛋好足料，唔似平時出面食開有啲火鍋店得一兩塊~安格斯牛小排牛小排嘅牛味較濃，肉味重啲，食落幾滑口，而且大大塊！美國珍寶肥牛油脂分佈幾平均，雖然係任食，但質數都唔差~老油條炸得香脆，不過我更喜歡浸到半軟食，口感更佳 味道更好😌海鮮拼盤雖然係隨餐附送，但一啲都唔馬虎！種類幾豐富：有生蠔、蝦、鯇魚片、蜆肉、魚滑、青口，全部都幾大隻，而且食落鮮甜好新鮮👍🏻丸類同蔬菜水準都可以，新鮮而且無雪藏味，亦唔會細細粒。食完竟然仲附送個甜品：椰汁紅豆冰，打完邊爐熱辣辣食啱晒，真係透心涼呀☺

我一直都以為「火水爐」得晚市，原來依家下就都開，食鮑汁撈麵/飯！QT點左個「花膠雞髀鮑汁撈麵」，分量同用料絕對夠晒睇頭！夠晒大大碟，唔係單單碟大而係堅係份量大！花膠好大塊，可惜炆未夠Q軟,有進步嘅空間，雞比以滷水方法烹煮，夠大隻夠淋冇話滷過龍而口感偏老，不過不失！最正係兩隻特大花菇！夠入味菇第夠厚肉！麵底冇鹼水味但唔夠蛋香但口感爽彈補救到！整體而言可以再進步多點點更好！最期盼係依個甘復古懷舊嘅大排檔feel可以食到最復古懷舊嘅味道食品！唔需要用上太多矜貴嘅材料，但可以煮出懷舊好味嘅人情味！

又是一間雞煲海鮮打邊爐，又是俾朋友拉去，但今次呢間有咩唔同呢🤔？除左環境懷舊之外， 最大特式就係呢度嘅雞煲係豪華版😍是有鮑魚的😋雞煲本身辣辣地，店員冇特別提醒， 所以唔食辣或有小朋友的，記得自己問可否走辣啊。啲鮑魚都好大隻下，算足人頭， 保證一人有一隻😁。雞佢就斬得比較大件，所以好好肉。食完雞煲，在等火鍋湯滾時， 有燒賣魚蛋小食俾你食住等。每次食呢類型嘅打邊爐，我通常都係食完個雞煲就飽哂， 盡管每次都叫自己要留肚😅。不過香口野就好難抗拒喇，魚皮同老油條都非常新鮮好味， 我地湯未滾就已經當零咀差唔多食哂lu~火鍋餐嘅海鮮拼盤比我想像中細，而且種類都唔多，不過佢嘅生蠔非常鮮甜， 一啲腥味都冇，我一般唔鐘意淥生蠔都覺得好味😋今晚因為我地女生較多，所以肉類唔咁點太多， 只點了兩款牛，一款豬肉類水準唔錯，特別係最後嗰碟黑毛豬肉，輕輕滾幾下就食得，又軟又滑👍。菜同丸我都唔多好，但每次必定要點午餐肉，可惜呢度嘅午餐肉比較削，唔係我地食開嗰款，好彩份量少啫。食到最後，有甜品時間喎，佢嘅甜品竟然係什果涼粉紅豆沙冰😍😋食完咁多油膩飽滯嘅野再食番碗沙冰，成個人即刻涼快舒爽左😆。佢呢度嘅任食打邊爐雖然種類唔係

充滿‘麻甩’味既一間餐廳，日頭係冰室，夜晚係大排檔式火鍋。裝修別具風味，套用舊式茶檔既桌椅碗碟，播放五六十年代既英文流行曲，好似坐左時光機返返以前咁。$258/位，包任食安格斯牛同黑豚豬肉，送麻辣鮑魚雞煲、餐前小食、汽水任飲、一般火鍋配料等。送既餐前小食係炸魚蛋燒賣，薄裹生粉再炸，香脆又不至於成口粉。麻辣鮑魚雞煲係預先煮好再加熱，雞件入哂味又唔鞋；鮑魚有桔仔咁大，煙韌彈牙，可以再入味啲揀左小辣，有辣味但嫌唔夠過癮，麻味唔算重，建議可以揀中辣以上。湯底揀左招牌沙嗲和冬瓜蓮子百合，前者濃郁惹味，後者清甜下火，食到後期冬瓜蓉完全融化入湯中，令湯底更加鮮甜，想打邊爐又唔好濃味人士必選推薦肉質稔軟有牛味，幾乎不帶肥膏，一人encore左四碟黑豚豬肉（右上）肥瘦均勻，入口油香重，同樣嫩滑爽口。大隻，鮮美帶海水味，不帶沙、不腥。手包雲吞皮薄，內餡係蝦蓉混入蝦籽，鮮甜有咬口，皂水味唔重。墨汁墨魚丸好香墨魚味，好彈牙～最後仲送左甜品 紅豆菠蘿涼粉糖水意想不到既配搭，菠蘿微酸中和左紅豆既甜膩，酸甜冰涼，清熱消滯。留意返飲品只包汽水，餐廳本身亦無茶水提供，要飲就要額外俾錢買～

Book咗枱，每人免費送咗1杯巨峰梳打加1隻鮑魚仔，任飲任食，限時150分鐘。壞舊裝潢設計，適合影相打卡。👑 招牌鮑魚麻辣雞煲揀咗少辣，店員會貼心咁幫客人計時，夠鐘就會幫手撈一撈個雞煲，聞到都流晒口水！辣辣地嘅雞煲好惹味，雞件都幾多，洋蔥圈非常入味！推薦 👍🏻👑 手切頂級肥牛海鮮火鍋套餐我哋揀咗招牌特濃沙嗲鍋配手切頂級肥牛，肥牛嘅質量好好，好鮮味，沙嗲鍋味濃，配上各種丸類、海鮮、響鈴、烏冬等，冇得輸！