火水爐冰室火鍋

营业中

休息中

平日生意很火熱，難得呀妹book到位，一於帶埋囝囝打邊爐。囝囝第一次打邊爐，非常興奮。我怕他太興奮，容易淥到要他坐入面。當晚又高朋滿坐，隔離枱也是個family gathering，有幾個小朋友。也有不少型男淑女來捧場。每人$258 的安格斯海鮮火鍋套餐，大部分食物及飲品都可任叫，小朋友細食其實不化算，大人就很抵食。首然，來了頭盤「炸燒賣炸細魚蛋」，再來一個份量十足的鮑魚雞煲，一人有一隻鮑魚啊~火鍋方面，因為囝囝在場不能吃太濃太辣，選了正氣「香茜皮蛋湯」作會鍋底。海鮮套餐有蝦有生蠔有青口有魚片有魚滑有蜆。雖然是任吃，但我們不想浪費(這裏要罰款的; 每克$50附加費)，没有點太多。我認為must items 是:生蠔美國安格斯牛肉黑毛豬片不知你有否同感呢？

朋友生日又好耐冇食火鍋 就揀咗呢間咁有特色嘅火水爐 餐廳嘅裝潢好有傳統風格好適合打卡 就例如呢度有一排嘅火水爐咁每位258就可以有海鮮拼盤同任食安格斯牛 而且訂座仲會送雞煲添 性價比都幾高呢度啲碗碟都好有傳統風格架先上既係雞煲 我哋揀咗BB辣 真係啱曬我哋呢啲想食辣但又唔食得辣嘅人雞煲仲有人均一粒嘅鮑魚 呢個係成個雞煲嘅精髓 好飽滿多汁彈牙 真係好正而雞肉都唔錯另外都有小食例如炸魚蛋同炸燒賣 都幾特別因為食完雞煲覺得有啲重口味就揀咗清湯湯底 諗住慢慢食火鍋先上既係海鮮拼盤 有好多款式 全部都係人均1份包括蝦 魚片 蠔 蜆 青口 同埋墨魚滑全部都好新鮮 不過個人最鍾意都係蠔 好鮮甜美味另外都可以任點安格斯牛 黑毛豬 唔同嘅丸同菜等等 最鍾意都係安格斯牛 好嫩好有牛味 我哋encore左幾轉最後食完仲有甜品 係雜果紅豆涼粉冰 份量一啲都唔少架 我哋四個人share就啱啱好 味道都唔錯架

雖然是大熱天時，但打邊爐癮一起，便什麼也不理，想吃便吃！吃厭了連鎖餐廳，朋友便推介了這間。餐廳很容易找到，門口有個大大個霓紅燈牌，而且佈置成70年代的戲院模樣，頗具特色。裏面也有不少圖畫在牆身，用以打卡不錯。我們二人選擇了"安格斯海鮮火鍋任食套餐" , 會包一份海鮮拼盤，然後肉類和其他配料都是任食的。 點完餐後，店員告知，原來事先訂座會送鮑魚麻辣雞煲！ 幸好有預先訂位，否則就"蝕晒本" ! 本以為送的不會太特別，但質素卻很不錯！ 選擇了BB辣，花椒的麻加少量辣味，令雞肉和各種配料都很惹味，尤其是豆卜和洋蔥，吸收了醬汁的味道，很好吃。除了雞煲，在打邊爐前，還有一個小食，是炸魚蛋和炸燒賣，很久沒吃過，正好可以懷念一下。吃完雞煲，就會換湯底打邊爐，我們加了$28,選擇了鴛鴦湯底（ 星洲肉骨茶鍋，宮庭藥膳鍋）藥膳鍋近期很熱，我也吃過不少，但肉骨茶鍋做打邊爐湯底，真的是第一次，很特別呢。這個湯底，完全就是一鍋肉骨茶，連排骨和油炸鬼都有！ 而且，湯底味道很濃郁，排骨煲得入味軟腍，更驚喜的是：油炸鬼很脆！ 藥膳鍋也不錯，藥材的味道頗濃郁。兩款湯底雖然本身都有其獨特味道，但卻不會搶了各種食物的鮮味。基

黎到旺角煙廠街33號呢頭, 見到呢間門面裝修得咁懷舊既火鍋店, 令人懷念昔日輝煌既香港😢入到去坐低更加覺得好正, 格仔地磚, 圓木枱, 牆上既裝飾擺設, 令我好似行左時光隧道穿越時空添😂魚肉燒賣你可能成日食丫, 但呢個係炸既魚肉燒賣, 同埋炸魚蛋, 好香脆可口架🤤叫左$258呢個安格斯海鮮火鍋任食套餐, 電話訂座仲送你豪華鮑魚麻辣雞煲添, 好抵呀嫩滑既雞肉配上特色風味麻辣醬, 食落非常正😍食完雞煲之後就揀湯底打邊爐喇, 竟然有冬陰功湯底😮好足料架, 用冬陰功做湯底食落仲好清新添😍當然唔少得就係比你混醬, 睇下d 碗真係好old school 架😂$258呢個套餐基本上食完個雞煲都飽左七成, 海鮮拼盤份量足夠, 2個人食剛剛好👍安格斯牛, 黑毛豬都係任叫架, 仲有其他丸類, 菜類啦🤤食完仲有個甜品比你清清個味蕾, 紅豆蓉唔會太甜, 抵讚配埋芒果同椰果, 感覺即刻refresh 晒😂

火水爐冰室火鍋裝修80年代戲院 夜總會 夜上晚既感覺播既歌都80年代既英文歌💃🏽適合多人聚餐258$ 雞煲 火鍋🍲套餐 訂位有鮑魚😋經常都full booking 一定要訂位呀👍🏼牛肉任食 汽水任飲 綠色落餐紙可追加餐前小食 燒賣 魚蛋雞煲 個湯底 好濃 少似沙嗲濃湯有鮑魚 豆卜 同洋蔥 豬皮洋蔥 好林 好入味雞肉juicy 唔乾唔鞋 到火鍋 有一盤海鮮海產個墨魚滑有驚喜 爽滑彈牙肥牛係啖啖肉 小小肥炸魚皮係唔小得既🤤飯後仲有個糖水什果涼粉紅豆冰 雖然全部都係罐頭野 加埋一齊食好香港風味涼粉下下火🤗為一餐畫上句號

朋友生日，想食耐啲傾耐啲，都不外乎係打邊爐嘅選擇。但想要係平凡之中又不乏趣味性，就揀左呢間火水爐。顧名思義，裝修緊唔少得火水爐，仲有花碗，懷舊得黎又新潮特別有唔同配料醬汁比大家選擇餐前小食，燒賣魚蛋炸得好脆先黎個bb辣雞煲，入邊仲有鮑魚架😱雞肉嫩滑，而且仲有索晒汁嘅豬皮，好惹味🤩食完重口味雞煲之後，就點左清湯打邊爐，入面已經配有清甜嘅蘿蔔同粟米。一開波我哋就落咗啲青口，蠔同峴差唔多滾之後就落埋珍寶肥牛同安格斯牛海鮮全部都好鮮甜，特別係蠔，粒粒都脹卜卜一咬就爆汁；兩款牛都好唔錯，全部牛味好重而且唔會好肥呢個黑毛豬幾有驚喜，肉味濃而無豬so味丸類同菜都有幾多選擇，而且新鮮唔錯。我哋大戰左幾輪之後已經個個搞到捧個肚，但估唔到仲有甜品送！佢係一個涼粉沙冰，食完熱辣辣嘅邊爐最後用佢黎降溫，為呢一餐畫上完美句號🤤

想試左好耐架喇!之前一直未有時間過黎係廣華街的火水爐打邊爐其實門口已經裝初得好懷舊之不過當日落住大雨我都無影到太多的相門口係懷舊戲院的裝修之後一層樓梯上去就係架喇上到去分左唔同的area 有夜總會 大排檔 甚至連當舖都有但我中意的係收銀處有一個大大大大花盆係放唔同的火柴盒仲有一排舊式的火水燈 真係好特別吖!!! 大家黎到記得記得要book 位!記得要卜位!記得要卜位!記得要卜位!很重要所以要說3次點解呢? 因為你卜左位係可以用相同的價錢嘆埋佢的鮑魚雞煲係唔需要加錢架! 卜左就送! 係咪好抵呢當然重點一定係要好食喇係好好食!!! 真係好好食我唔係太中意雞打邊爐, 因為全餐都係咁就實在係太濃味了但係淨係雞煲就唔同加左佢係麻辣 真係勁開胃囉我們只係叫左bb 辣佢唔係咁辣 唔食得辣都接受到見到嗎? 仲有2隻鮑魚仔添架!仲好冧 ~ 焗下佢入下味好正 !而且個煲仲有少少甜甜仔 又唔會太麻啲雞件size 啱啱好 件件都滑一滑特別個洋蔥 ... 好好好好好食!除左啲茜 , 我地2個人竟然全煲清光光而且service 好好  會幫你間唔中撈下 計下時保証你食到最好的質素 仲唔會痴底食完之後到個邊爐喇我地

今日行旺角，路過一間好似冰室又賣緊火鍋嘅鋪頭，覺得好特別，就決定入去試下新嘢。一入到去已經被懷舊電影海報吸引，裝修好驚喜。成個餐廳係懷舊冰室，有埋收音機、油燈，唔知老闆從哪裡淘返黎。侍應好友善，一坐低即刻送上小食、調味碟。連飯台、碗碟都係行懷舊風，都幾得意。我地選擇了$258海鮮任食火鍋。個餐牌寫道好多嘢，原來真係好多嘢食。【餐前小食】係炸魚蛋、燒賣。細細粒開胃。然後係【鮑魚雞煲】，鮑魚一人一隻。鮑魚爽口，雞煲好惹味，小辣但比較麻，但越麻越香。雞肉嫩滑，真係好入味。洋蔥、青椒都煮得好林。我地以為雞煲食完直接加湯打邊爐，原來係要換鍋底上火鍋。好有心思。$258又食雞煲又打邊爐，真係抵。我地揀左【招牌沙爹湯底】。沙爹味濃厚，煮乜都惹味。未寫點菜紙，已經上了【海鮮拼盤】。幾隻大蝦，有魚滑，大大隻生蠔，魚片，好豐富。啱啱食了雞煲，現在有大量海鮮，好似唔洗另外叫嘢已經飽了。我地鍾意食牛，又追加了【安格斯牛小排】同【珍寶肥牛】。牛肉肉質細嫩，肥瘦均勻，香味難擋，又不會塞牙，仲可以無限追加，希望有兩個肚！【爆汁魚丸】原來係魚丸入邊包牛丸，係堅爆汁。餐廳安排一人一個丸，不會浪費，好好呀！【響鈴】同【炸

朋友生日飯，搵咗間好有舊香港風格嘅地方食雞煲火鍋，網上book位仲可以送鮑魚，二百幾蚊位任食，抵！環境好多人講過，就省略喇，餐前小食有魚蛋燒賣，夠晒local!雞煲辣度揀咗小辣，煮好先試塊豬皮，好咸，雖然雞肉嫩滑，鮑魚彈牙，但成個雞煲過咸，汽水都要隊兩罐先止渴，真係有d失望🙍🏻火鍋加少少錢叫鴛鴦鍋，麻辣同清湯，配料任食。先講配料，款式算多，仲有油炸鬼(點餐紙名係老油條)，食法同響鈴一樣，不過始終油炸鬼再炸過，熱辣辣脆卜卜，比響鈴更好味！😋送嘅海鮮拼盤亦斤兩十足！可惜麻辣鍋都係過咸，無論加幾次滾水都係咸，食食吓大家都放棄，改食清湯。餐後仲送甜品，全晚服務亦去到有求必應，隨傳隨到嘅地步，希望老闆調整吓麻辣嘅味道，等我哋再幫襯！

好友們同我興祝29+x生日，今次食評家朋友推介左旺角o既火水爐鮑魚雞煲打邊爐店內佈置充滿懷舊色彩，營造到好似大排擋咁，不過就真心好鬼嘈，嘈到同坐隔離既朋友傾計都要大叫先聽到😵坐低講左幾包就喉嚨開始痛了😷入席後黎左份餐包左既道地魚旦同燒賣，熱辣辣，燒賣皮係有d脆架先黎食左鮑魚雞煲先，鮑魚一人一隻，有點難咬，個煲味道幾濃食左雞煲後就係食打邊爐啦，種類都多，幾岩食，我地叫左餐肉，各式丸，餃etc,又發揮心急想食一品鍋本色，一野倒晒啲嘢食落去之後黎左個海鮮拼盤，有蠔，有蝦，有青口，有蜆，有墨魚滑，有魚片我淨係食咗蝦，青口同墨魚滑，係個蝦比較好食，不擔不提係有碟油炸鬼，可以好似食響鈴咁浸一下之後食好好味好脆，又識多咗一個食法，下次可以試吓因為個煲太濃味啦，大家都不停要飲好多汽水，不過都OK嘅有時食嘢食物唔係最緊要，同咩人食，食得開唔開心先係最主要個餐仲包左一個紅豆雜果涼粉冰，可以做我個生日蛋糕，又係一個新款式

一家大細唔想煮又要食好d， 今次揀左火水爐打下邊爐，豪一餐！前菜小食係燒賣魚蛋？可能大家會問有咩特別，仿特別在於將兩款小食炸到香口，趁熱吃！鮑魚雞煲，我們四人，一人一隻鮑魚，好彈牙！煲內應有四人份靚雞，味道香濃，肉質嫩滑。海鮮拼盤揀蠔、鮮蝦、蜆及斑片，樣樣都夠晒新鮮，特別係蜆，清湯都好味！我們要了沙嗲湯及芫西湯底，一款濃郁，一款清淡下火！炸魚片好食，香脆可口，浸幾秒就食得。本人特別推介呢粒黑色墨魚丸，比平時食的濃好多墨魚味，我encore 左三次！安格斯肥牛，有圖有真相，油雪可見多嫩滑！豚肉比平時食的簿而有豬味，而且都係好嫩，同牛有得比！甜點是紅豆涼粉，好味，紅豆超甜，涼粉下火，打邊爐岩晒！

夏天好適合室內邊嘆冷氣邊打邊爐！朋友介紹呢間懷舊風情的束火水爐，我地4位啊，唔該！店面夠晒懷舊，影相一留！醬料都唔少選擇，有六款，最愛炸蒜！前菜有即炸燒賣魚旦，夠特別,第一次咁食燒賣！炸到脆卜卜，內里軟冧冧，有口感。魚旦好香魚味，並非間間都做到！主打鮑魚雞煲，四人份剛好，我地叫了走辣，因為有朋友唔食得辣野！雞肉嫩滑，入晒味，好野味！鮑魚唔洗講，當然係新鮮啦！食完鮑魚雞梗係要轉戰打邊爐，可以自選湯底，我叫左沙嗲+皮蛋芫茜，超正！上左set 海鮮拼盤，有大蝦、大蜆、生蠔及班塊！大蝦好彈牙鮮甜，大蜆冇沙又大粒，生蠔煮完一d都唔細隻，班塊是我最愛，QQ的！友人見到可以另外叫芫茜，不得了，即叫！夠新鮮！仲有好多配料，響鈴、牛餐肉、芝士腸、丸等，食材都好正常，最梗要湯底掂！雪花肥牛油脂均勻，煮十秒就食得，入口融化，正野！魷魚ok!最後食埋大大碗紅豆涼粉冰，爽晒！

放暑假了, 朋友約見面, 我地揀左旺角打邊爐, 地點方便又可以傾計鮑魚雞煲有大/中/小/bb辣俾你揀, 雞件好滑好入味, 鮑魚估唔到都唔係細舊, 必食推介計時5分鐘後可以食餐前小食有魚蛋燒賣, 我鍾意炸燒賣, 可以添食海鮮拼盤魚, 生蠔, 帶子, 蝦 ,蝦滑。。等。。 件件都大份 , 最正係帶子同魚片自選食物推介老油條, 牛肉片, 豬肉片, 餃子, 雲吞, 魷魚好正。 甜品係涼粉加罐頭水果加大大粒紅豆。 朋友超鍾意呀飲品有汽水任飲, 包括可樂, 雪碧。。我地叫左啤酒。。用戰斗碗飲好搞笑。。但冇水提供要自己加錢買喇。。

想當年,小弟都經歷過用火水爐煮飯食既歲月過左今次之後,或者下次講起火水爐我唔會再諗起當年我只會諗起今次呢一餐既美味==============================聽講呢間野都幾爆所以一早訂左為但原來訂位竟然仲有鲍魚送正！先上左個雞煲先,可以見到入面有兩隻鮑魚好認真,雞煲我真係食唔少但呢間既雞煲我夠膽講句係我食過既入面最好食既雞煲極力推薦！！！！！！！！！！！！！！！！！！！！！！！！！！！！！我叫左小辣,都唔算好辣(應該比譚仔既10小差唔多)佢有少少辣味得黎會吊得出麻味麻辣咸香四隻味完美交融,互相吊出味道但又唔會互搶令我本身唔食雞煲既女友都食完一舊又一舊半隻雞兩個人話咁快就食晒真係好正點可以唔介紹鮑魚呢訂位一人有一隻我會建議如果怕難咬既朋友可以煮多大約5-10分鐘先食而我呢d鍾意有咬口既開左煲之後一陣就食左除左因為咁樣有咬口之外仲因為咁就可以食到鮑魚入面既鮮味加埋外層既雞煲味可以話係相輔相成另外入面既豆卜都係必食推介佢豆卜應該已經放左係入面煮左好耐所以已經入晒味每一啖都係雞煲入面既精華食完雞煲梗係要打個邊爐平時我就會選擇直接係雞煲到加湯就食但係見到佢有唔少好特別既湯底鍾意試