火水爐冰室火鍋

营业中

休息中

早幾日整佐月餅，係時候又到派餅順便約朋友聚聚既好日子了，今次揀佐呢間係廣華街附近既雞煲，經openrice訂座仲有花膠送既！講番呢間野食先，係10點前得兩個價錢，一個258一個298，我地又唔係食得多野，揀258得啦，首先黎既係餐前小食？呢個有少少驚喜，每人一粒炸燒賣兩粒炸魚蛋，之後就黎雞煲啦，連埋一個計時器，侍應姐姐話叫我地響都唔好掂佢，佢會黎幫我搞既🤣🤣好貼心丫，期間我地睇緊張點菜紙，種類其實唔算多，但佢樣樣材料都好新鮮！！野飲方面得4款汽水，要飲其他野要另外加錢了，佢野飲唔係自己出去拎，而係同侍應生講既。食完雞煲就打邊爐啦，我地揀佐沙嗲湯底，基本上都夠味唔駛點醬料既。食第一round我地已經飽哂啦，冇再加單，勁推介佢既牛小排，好好食！！每一個餐都會有一份海鮮，好新鮮丫，個墨魚滑超級好味。食哂所有野之後，仲有個甜品送既，但呢個我覺得麻麻地，紅豆怪怪的...我唔係打手黎既，有睇我咁多篇食評，有讚有彈既，但呢間絕對列為可翻兜之選。

本來比佢裝修吸引而一路都好想試，一行6人諗唔到食咩行開旺角就即管試試，火鍋湯底同食材一般，$300人頭唔係貴但以食物既質素性價比相對較低，飲品只有汽水，其他好似蒸餾水都要額外加錢，對於本身唔飲汽水既人唔係咁方便，不過大家都無咩太介意，因為都一心知道呢到係食環境同享受個懷舊氣氛，但最唔高興既一點係，用餐時間2.5小時，最後30分鐘，15分鐘，10分鐘同5分鐘都有同一員工打攪提醒用餐時間，真係另到成個氣氛破壞晒，最後仲有2分鐘時就同我地講夠鐘請我地離開，成年人大家有紀律，真係無必要做到咁小氣，本身都準備走，但好不忿不停比人催促，本來用餐時間6點半到9點，但未夠鐘已經比人提幾次，員工解釋有客人訂枱9時開始，所以要準備收拾，仲同我地講呢個係老闆既安排，佢地員工知唔係咁好但都無辦法 ....總之我同一班朋友都話，可一不可再。

同朋友旺角行街 當然順道食埋晚飯人大了有工作在身 都比較難一大班人約聚會想試呢間火鍋店好耐內裡裝修都別有風味以懷舊復古為主樓下入口玄關位已佈滿懷舊戲院特色"即日上映的橫額"惡搞舊式電影宣傳海報上到樓上見到一整幅火水爐組成格間牆牆格仔地磚和一個舊色儲物櫃最具特色應該係牆身(本身想黎個合照但店內太多人了)店主將以前夜總會招牌裝在牆身裝飾而且餐具有鐵盤戰鬥碗、木筷、鐵醬油樽…都有著70年代嘅懷舊味道兩人去食$258安格斯海鮮火鍋套餐有雞煲、海鮮、肥牛、黑毛豬…其他配料都可以任添份量多足料 惹味好飽肚！未上雞煲前先來個炸物炸魚蛋燒賣小食即炸脆口！再上雞煲 足料惹味雞肉份量多肉質嫩滑 配上濃郁醬汁配料有花膠、豬皮、豆卜、芹菜、西芹及洋蔥每一款配料都很入味特別洋蔥 很清甜爽口差不多食完雞煲就點打邊爐鍋底、配料、肉類、丸類、菜…選擇了兩款鍋底宮廷藥膳鍋+$18藥膳養生火鍋藥材豐富有紅棗粒、龍眼肉、 篸…湯底愈煮愈濃郁 味道不錯推介！星州肉骨茶鍋+$18帶有淡淡藥香味 不太濃內有油炸鬼粒、原個蒜頭及肉排味道ok！海鮮拼盤有蠔、青口、蝦、蜆、魚片及墨魚滑青口蜆肉鮮甜美味蠔夠juicy味道亦不錯墨魚滑比較

我們的童年，是用火水爐的日子，生活簡單卻快樂，食物單調卻回味。懷舊的設計, 帶領我們回到從前，食具摺枱是復古風😍食材卻是新穎高質，今古共融，呢個感覺太正喇😘揀咗$258安格斯海鮮火鍋套餐，任飲任食，先食🐔雞煲再打邊爐🔥，開懷暢飲一個價錢，食幾多點幾多零舍盡情😍😍😍哈😘竟然有餐前小食，炸魚蛋、燒賣真係貼地，圍住個爐篤粒魚旦，食住燒賣等水滾，心情大好💕先來個🐔雞煲，BB辣醒胃又醒神，雞煲唔止有雞，仲有大大片花膠，紫洋蔥芫荽料頭香噴噴，雞肉超惹味，煲底嘅枝竹、豆腐卜、豬皮仲精彩，超強吸汁力，好味到痴線😆😆😆食完雞煲換個靚湯，正式烚下烚下。未試過星洲肉骨茶湯底，凈飲湯已經無得彈，香料味十足，配合靚牛🐂，食落有食羊腩煲嘅感覺，真係好呀黑毛豬片🐷、珍寶肥牛🐂、安格斯牛小排🐂都靚到飛起，大大片新鮮薄切，油脂分布平均，解凍溫度相當好，隨意的起，輕輕一勺就食得，啱曬我哋啲心急人，嘭嘭聲全部都要追加🐷🐂海鮮拼盤，一盤有齊生蠔、海蝦🦐、藍青口、大蜆🐚、脆肉鯇🐋、冰鎮上枱好有睇頭，墨魚滑白雪雪，片下淥下🔥，恰下恰下，逐様食下😋，場面熱鬧😍😍😍。有圖有真相，海蝦鮮，大蜆肥，這個粟米貢丸幾盞鬼，肉丸爽脆，粟米粒甜

香港六、七十年代，煮食大多數用「火水爐」，以火水為燃料，棉芯的長短控制火力，在當時來講，比起燒煤、燒炭，其實已經非常方便，今天新生一代，應該很陌生吧。這間「火水爐」冰室火鍋，採用了懷舊的設計，門面模仿著六十年代戲院售票處，很是吸引，沿著樓梯上去會看見模仿當時電影廣告牌宣傳裝飾，令人彷佛走進了時光隧道。喜歡懷舊的朋友一定會欣賞他們的一景一物，在那個年代常用的藍白雞公碗，和一些富有中國色彩的鐵碟，當然最特別就是排列整齊的整幅火水爐，還有地上舖著「紙皮石」，客人們都忍不住拍照留念。我們揀選了$258海鮮火鍋任食套餐（還有早鳥價$238和遲開飯價$228），湯底未到前，會有前菜小食，炸魚蛋和炸燒賣。再混好自己喜歡的醬汁是吃火鍋指定動作，配料給我的感覺是新鮮、即製、乾淨、企理，而服務員也十分禮貌和親切，效率高。先來熱身嘅「麻辣花膠雞煲」，客人可以選不同辣度，大致可分四級，我們選了BB辣，花膠大大片，加上麻辣誘人的香味，看著我們的筷子🥢此起彼落，十分惹笑。湯底我們選了「星洲肉骨茶鍋」，沒想到材料是這樣認真，絕不欺場，我還特意嗜了一小碗，絕對真材實料，無花無假，用這個湯底火鍋，我還是第一次嘗試，喜歡

水火爐係朋友介紹，我地11人黎到呢邊食飯，有點期待。它以懷舊冰室設計，水圓摺檯、所用的碗筷等都係50、60年代，氣氛唔錯。$295任食有質素的牛肉及豬肉（可選擇散叫），仲有多種火鍋配料，確是不錯，值得一讚係服務很好，不會漏單，服務人只反應快而有禮，滿足要求，非常好！要提的是，你如果訂左7點，即使未人齊，未叫火鍋，就是必須入座計起2小時30分內食飯架！由於我地有大部份人遲到，經驗所得，寧願訂遲些，好過早到入座！一般醬料提供，另有醬料費$15/人即炸魚蛋及燒賣，𣊬間清盤，好！鴛鴦鍋+28我地叫左麻辣同肉骨茶味，由於同我座的位置距離太遠，食唔到，同座食客話Ok, 但會愈食愈咸每人1份海鮮贈送大家都話好新鮮，好好食，如果再叫要按收費的火鍋配料基本配料都有齊，個人特別喜歡生麵，他們會煮埋比你，再撈一撈雞煲的汁，好鬼好食！汽水任飲，啤酒另計！花膠雞煲Openrice訂位會贈送，食完雞煲可轉其他湯底，不過用唔著，因為呢個雞煲太入味啦！雞件好味，花膠夠多，汁夠濃，但又有同一短點，就係愈食愈咸，雞件份量多，唔會因該贈送而hea食，唔錯！臨走有甜品，好好好食！其實我地食到夠鐘都仲食緊，食唔哂，我地掛住傾計

為食妹最鐘意同朋友四圍食~今次出左旺角~黎左呢間裝修好特別既餐廳食雞煲、打邊爐~佢既所有野都好懷舊，入到去個感覺好似去左d拍戲場景噤，好特別呀！佢連d碗碗碟碟都係懷舊style~好正呀！話說個雞煲我地叫左個BB辣，佢好惹味，但就愈食愈覺得咸..其實整體都算好食既。打邊爐時間~為食妹同朋友嗌左個宮廷藥膳湯底補一補~哇！個湯底一放上黎就聞到好香~~~呢個湯底好推介呀！~~~打邊爐最緊要係個湯底同d野新鮮~呢間餐廳d海鮮真係好新鮮~d牛肉豬肉又好食~食完成餐仲有甜品送~~係一個懷舊甜品~係一個紅豆涼粉冰黎，好食！！！題外話~汽水係任飲既~店員見到我地飲完就會即刻問我地仲要吳要~服務好好！抵讚！呢間餐廳一定會有下一次~~~~

說實話，當我經過火水爐門口看到這個牌的時刻，我有懷疑過餐廳是否轉了。原來不是沒有火鍋了，只是午市這裡會變成了麵舖。這餐牌是 火水爐 x 陳仕偉 好到底麵館，陳仕偉是星級廚師，也是好到底麵館第二代。燕餃水餃麵餐 $66麵餐都跟飲品和菜，麵也算大碗。水餃頗大件。內有蝦肉、豬肉、木耳等餡料，口感爽中帶脆，味道亦不錯。麵條條條分明，口感爽滑有彈性，入口有香無鹼水味。湯底鮮甜順喉，味道不過鹹。金牌上湯雲吞 $40一碗八粒，大小恰到好處，皮薄餡多。蝦肉和豬肉的比例剛好，口感油潤不膩，肉質鮮嫩，蝦肉爽彈。招牌蝦籽撈麵 $40蝦籽很香，而且份量沒在省的灑在爽彈麵條上，再加少許大地湯微濕地入口，更覺美味。秘製豬手 $48燜到很入味，豬手軟稔易起骨，肉的部分入口鬆軟，皮層啖啖膠質入口溶化。整體來說質素不錯，不算便宜但份量不少，沒有很重味精感，吃完不涸喉。

同朋友慶祝生日，佢指定要去呢間食嘢，佢話試過一次，值得再去！我哋揀咗佢$258嘅安格斯牛套餐，坦白講，我覺得係抵食嘅，雖然我對海鮮冇乜大興趣，但係見到佢盆海鮮，都覺得唔錯另外佢個牛小排都好好味，唔會好多肥膏！去到最後佢有個甜品俾我哋食，係紅豆冰涼粉加椰果加雜果，所以感覺係好抵嘅！另外要帶讚嘅係佢哋嘅服務態度，成間鋪頭嘅員工都好有禮貌，落單又唔會漏單，又成日自動自覺加水！唯一要彈嘅就係嗰度得圓枱，我哋一行八人，要兩張圓枱拍埋，係坐得冇咁舒服囉！但係如果三四個人的話，喺嗰度吹水吹一晚都冇問題嘅！最後報一報價錢，我哋一行八人，七大一細，埋單$2300

今日係放假日，梗係要瞓到自然醒，然後出旺角shopping等老公收工食dinner啦！出到旺角四點幾，心諗六點半食dinner要留肚，所以求其買左10蚊魚蛋食就算，到六點半老公竟然話要加班，激死我，又熱又餓，佢叫我乖乖地八點左右行去佢公司附近帶我食好野，無辦法啦！焗等佢八點鐘準時落到黎，見我黑口黑面，就話帶我去間好特別嘅任食打邊爐，去到門口，又真係幾特別咼！好似舊式戲院咁架！我即時影左幾張相同大家分享下係唔係好懷舊戲院feel呀？我覺得好正內在環境佈置走懷舊風，播著懷舊英文歌，燈光暗暗的，幾好feel，枱係圓接枱，我細個屋企就係用尼款枱，好有回憶另外要讚一讚尼度冷氣好夠，仲有大個三電視分佈店內，每個角落都可看到我地揀左$258的安格斯海鮮火鍋套餐，任食任飲餐紙上的飲品食物，選擇都幾多亦非常清晰先奉上調味盤同餐具供我們調醬料，餐具好靚呀！好鍾意尼種style之後店員問我地雞煲要幾辣，我話bb辣ok了，雞煲上左，店員教計時器十分鐘加熱雞煲，尼個時候店員先送上炸燒賣同魚蛋，好味咼，又熱又脆，有誠意我地仲叫左兩罐zero飲住先爽呀！計時器響⏱⏱⏱夠鐘食得喇！一開蓋熱辣辣好鬼香，味道調得好惹味，

今晚去左旺角區一間以懷舊為主題既火鍋店，店內佈置、裝飾、餐具均充滿70、80年代風味，跟沿路由地鉄站行過黎一街電器、藥妝店形成很大對比！係度可以暫時忘記現實，回到舊時開心一點既香港先即日放映，你揀邊套地方唔逼，坐得都寬敞舒適，最重要冷氣夠，我諗唯獨呢點就唔似70年代我地點了每位$258的套餐，限時兩個半鐘，比多數任食只限兩小時來得大方多半個鐘爭好遠，可以慢慢享受包汽水任飲、火鍋配料任點、海鮮拼盤！我地提早訂座重有雞煲送很快雞煲便上枱，肉質結實嫩滑，啖啖肉，麻辣味刺激又惹味👍雖然是送的但跟平時付費吃既質素一樣！雞煲吃完，我以為是加湯再火鍋，但原來是整個煲換掉，可以再選擇其他湯底的！安格斯牛小排肉味非常濃郁，油脂適中，口感柔嫩海鮮類非常鮮味！整體食物質素都非常唔錯，較平時任食所吃到的高質！吃完火鍋還有甜品，味道都唔比出面糖水舖遜色加上食足兩個半鐘，真係絕對超值✨

之前在網路上經常看到這家以火水爐為名火鍋店，今晚約齊好友，便訂了位。入口處裝修得好似八、九十年代的戲院售票處，而樓梯亦掛滿了電影海報，店內播放80年代音樂，仲有一排火水爐裝飾。這裡提供海鮮火鍋套餐，每位$258。包雞煲、一盤海鮮拼盤，任食安格斯牛肉、西班牙黑毛豬、丸類、蔬菜、麵條、餃子、炸物，及汽水任飲。如果唔鐘意套餐，可以選擇散叫，不過我們覺得套餐比較低食。侍應首先送上小食頭盤，內有炸魚旦及燒賣。隨後就會上花膠雞煲，由於我不能吃辣，所以雞煲只是微辣，不過雞煲味道好香濃野味，因為有大量羗、蔥、紅洋蔥、蒜頭、芫茜、花椒，而花膠好淋。吃完雞煲，就可以吃火鍋，我們揀了沙爹湯底，沙爹湯味道好濃郁。用沙爹湯來滾安格斯牛肉就最正，肉類吸收了沙爹的味道，如果配合烏冬或公仔麵仲正，可惜太多野食。😂😂😂海鮮拼盤有脆肉鯇魚、沙白、生蝦、蠔、 青口、墨魚滑，每種都好新鮮，配合沙爹湯㡳，就最好味。我們仲有點水餃、金菇、冰豆腐、香腸、腐竹。冰豆腐吸湯能力一流，是火鍋必選的。響玲和油炸鬼，又是另一必備火鍋配料。吃了雜果紅豆涼粉，今天就好滿足了。

《懷舊style🌻任飲任食火鍋》由門口到店內都係懷舊既設計好靚~Staff既服務都好好😊💰$258 安格斯海鮮火鍋任食8:30pm前埋單$238~9:00pm後$228訂座會送豪華花膠麻辣雞煲(不過我唔食得太辣,所以揀左唔辣🌝)叫得豪華版雞煲…原來入面有兩塊花膠超大塊😱食完雞煲..換另一個爐打邊爐🥘我揀左$18宮廷藥僐鍋🌱火鍋料有40幾款咁多..4款汽水任飲🥤海鮮及材料都新鮮。走時飽到攬住個肚 都要影下四周既懷舊style😂。

今次嚟到位於旺角嘅呢個食店行到去煙廠街，就會留意到大大個招牌寫住火水爐上一條好復古嘅樓梯，就到達食店。一上到去，到處都係影相打卡位。因為滿有懷舊氣息，感覺就像主題餐廳一樣我就揀咗一個幾特別嘅位黎打卡影相背景係寫住夜總會😬😬😬今次點左。。。。🍜花膠鮑汁雞髀蝦籽撈麵+花膠湯🍲識我既人都知我食得好養生😆除左養生..還要養顏👧🏻好大塊花膠😍超大隻雞脾🐔好味地址➡️旺角煙廠街33號朗廷軒1樓#抵食 #火水爐 #花膠 #花膠麵

搵食搵到煙廠街❤今次同朋友去咗一間用懷舊戲院做主題嘅餐廳《火水爐》☺ 聽到個名就諗起婆婆以前都用火水爐煮食❤ 好有親切感❤餐廳外面掛住大大張好似戲院海報嘅廣告，原來係餐廳名😍好有心思😍 下面好似售票處咁嘅格局😍 打咭打咭😂一路上樓梯都繼續見到有戲院海報，差啲唔記得咗自己係上去食野😂上到去😍 無論牆壁設計，枱櫈擺設都好懷舊❤ 睇得出店主花過好多心機❤哈哈，掛住睇差啲唔記得咗叫野食😋由於我地book咗枱，所以有《花膠雞煲》送😊 無錯! 係花膠雞煲❤ 花膠完全吸收晒BB辣嘅味道❤ 咬落去就發覺自己已經有滿滿嘅骨膠原😁 由於店主用計時器控制時間，所以雞肉滑嘟嘟🤠 相信都係試咗好多次得出呢個黃金時間😎呢度有4個唔同嘅任食餐😏 我地決定咗叫安格斯海鮮任食火鍋餐😋 湯底加咗$18要冬瓜蓮子百合鍋😋一路打邊爐一路食埋啲冬瓜蓉, 即刻覺得自己無咁熱氣😍叫得海鮮餐就梗係有海鮮送🎈青口※海蜆 ~ 無沙鮮甜🎈蠔 ~ 大大隻好肥美, 但如果溶咗啲雪先攞出黎會梗好😊🎈海蝦 ~ 啲肉好紮實彈牙, 完全冇霉嘅感覺 😋🎈鯇魚片※魚腩 ~ 我比較鍾意食魚腩因為少啲骨😋🎈蝦滑 ~ 通常有蝦滑都可以扮廚師😂火鍋配菜都有好多款