湯煲私房火鍋 (已結業)

家陣高質素嘅火鍋店越開越多，要突圍而出的確唔容易！呢間火鍋私房菜收費唔平，但食物質素的確好好！先講今晚嘅湯底$288黑蒜姬松茸脊骨湯味道非常香濃，十分足料！未開始打邊爐已經飲咗兩碗湯，非常滿足！呢啲頂級本地手切牛真係好正！厚薄適中，油脂豐富，肉味重！我覺得點豉油同麻醬食好正同行食友就覺得豚肉更加好味。各有所好啦！響鈴大家都盛讚！新鮮炸起，香脆、熱辣辣，作為小食就咁食都好好味！同其他打邊爐鋪頭嘅響鈴真係唔同㗎！我地點左大魚頭！真係好新鲜、好大個！煮15分鐘先食得，意想不到地好味，魚唇真係超級滑自家製嘅墨魚滑都唔好錯過！真係非常之爽口彈牙！加左少少花瓣裝飾，成碟食物即刻高貴左好多～連蔬菜都咁樣裝飾左，食起上嚟都開心啲！仲有推介自家製嘅酸梅湯，酸酸甜甜唔會好甜！最咪仲有甜品送，好飽好滿足

今次去左一間位於上環嘅湯煲私房火鍋。先講一講價位，坦白講呢間火煱絕對唔係係平，如果兩口子嚟食唔想食麵食飽嘅，都要預左起碼一千落樓。但係想呢度交出嚟嘅貨又絕對對得住呢個價錢。先講一下呢度嘅坐位都算係幾寛敞，2個人都會比4人枱。環境都乾淨企理。而且仲見到一啲設計上嘅小心思，例如呢個勺就無咩係其他火鍋舖見過。我地叫左個黑蒜姬松茸脊骨煲，伺應會先比一碗湯底比大家飲一飲先，飲落去感覺好順喉，仲要唔似有味精果隻燥熱，都好似幾真材實料。醬料方面都唔少，店員特別推介一個師傳特制嘅類似XO醬嘅醬。都幾香口，而且唔辣，配肉類唔錯。安格斯肥牛相信睇相都知幾肥美，唔算太厚身但係食到牛味。而且解凍都適宜，食唔到雪味。牛脷片無肥牛咁有驚喜但係都牛味都出。小籠包驚喜之作，肉質幾新鮮，而且幾多汁。肥美雞腸份量一啲都唔少，食落好滑，更唔中有啲都幾爽口。墨魚滑感覺就唔係太突出，唔算差又唔算好

估唔到上環區都開左間高質樓上火鍋店而家打邊爐嘅餐廳都係主打湯底，今次咁岩搵到間用老火湯做湯底嘅梗係要去試試佢啦。今日點左個花鵰醉雞煲($328)，平時食開嘅醉雞煲，花鵰味都係唔太出，因為時間掌握得唔夠好，令花鵰味會揮發左。呢到嘅店員會幫你睇住，時間掌握得剛剛好。飲完兩碗湯都已經好滿足。醬料方面除左有平時食開果D之外，佢哋仲有自家製左一款蝦蟹醬，真心好味。呢到主打手工餃，我特別鐘意一款川色麻辣牛肉餃，唔洗點調味都自帶麻辣味。仲有即炸響鈴都十分推薦，除左可以落湯煮，仲可以點泰式酸辣醬直接食。

餐廳喺上環永和街世瑛大廈樓上舖，喺無限極廣場對面，對於我呢個九龍人嚟講真係有啲難搵。 不過係朋友推介嘅私房火鍋店，幾難搵都要嚟試吓。不過難搵嘅好處就係夠私密，今日落大雨人流唔多，可以靜靜哋打邊爐。坐低第一件事梗係揀湯底啦，呢度出名係用燉湯做湯底，唔揀返個靚湯就嘥晒。【清香椰子雞煲$288】椰子雞煲主要用椰子椰青水做材料，煲滾後放入半隻鮮雞。 打開煲蓋後即刻清新椰香味四溢，趁雞肉啱啱熟就先食，如果唔係煲耐咗就老晒。 雞肉非常鮮嫩，仲有沙薑同青檸汁做調味，呢度啲沙薑好新鮮，雞肉蘸少少就已經有提味效果；青檸汁就酸酸甜甜，又是另一番風味。 一路飲住清甜椰湯一路食靚雞，好滿足。店員推介一款師傅自家創作醬料，由蝦膏蝦醬蝦米蝦子蟹膏，濃郁蝦味帶點微辣，好惹味。【蘇格蘭安格斯肥牛(半份)$188】一卷卷咁擺碟，相當精緻。 雪花紋均勻密佈，淥幾秒就食得，食落肉味油香都好豐富。【日本白金豚腩肉$138】來自日本岩手縣嘅最頂級豚肉，部位係梅頭肉。 顏色超粉嫩，厚切但由於係靚肉，淥一陣就食得。 食落幾有咬口但肉身有豬肉少有嘅嫩滑。【自家製蝦丸$108】未見過咁大粒蝦丸，一粒等於出面兩粒，而且係由蝦膠同大量蝦肉

上樓嘅私房小菜食得多, 但上樓嘅私房火鍋就真係第一次食｡雖然係上樓火鍋店, 但室內環境一 D 都唔擠迫, 而且樓底夠高, 感覺開揚｡Menu 上食材款式都幾多｡青檸梳打可揀少糖或走糖, 青檸嘅酸味令人非常醒胃 !!什菜豆腐白湯煲奶白色嘅湯底, 用上大量蔬菜同豆腐熬成, 充滿住濃厚嘅豆腐味, 就咁飲已經係老火湯嘅味道｡蘇格蘭安格斯肥牛可以揀半份或全份, 今次 Order 左半份嘅份量, 但一 D 都唔少｡ 安格斯肥牛色澤紅潤, 大理石紋清晰可見, 有咬口得黎仲牛味濃郁｡即炸魚皮打邊爐緊係要叫番碟炸魚皮啦 !! 魚皮即叫即炸, 出到黎仲係熱辣辣, 咬落份外香脆, 大推大推 !!脆肉鯇魚片薄切嘅鯇魚片, 絕對可以用 “爽、脆、鮮” 黎形容｡味噌大根黑豚餃第一次見到有呢款餃子, 餡料用左味噌醃成嘅黑豚, 再加上大根粒黎增加口感, 真係一食難忘呀 !!廣東雲吞爽口彈牙, 而且入面有大大粒蝦肉｡百靈菇芥蘭苗

呢間火鍋店主打老火湯湯底同即叫即打肉丸，今次一試覺得食物水準認真唔錯，不過等候野食時間比較耐同服務唔算好殷勤，價格亦較貴。💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣牡丹蝦刺身💲88 一隻💭賣相好靚而且鮮甜💭但價錢實在太貴💭1隻要價$88，而且同平時外面食開既無咩分別💭刺身真心唔推介💭建議大家focus反打邊爐算⠀⠀⠀⠀⠀⠀⠀⠀⠀⠀⠀⠀⠀⠀⠀2⃣椰子雞煲💲288（推介👍🏻）💭個雞份量唔算好多💭但係湯底的確好鮮甜💭雞亦好嫩滑，非常推介3⃣廣島蠔 💲138 & 金菇菜💲68💭全部擺盤都好靚，有鮮花配搭💭廣島蠔同金菇幾新鮮💭金菇唔似平時超級食材買既包裝金菇4⃣蝦滑 💲108（推介👍🏻）& 蝦丸💲108💭蝦滑比較抵食，份量好多💭同蝦丸味道無分別，只係形狀不同💭但真係好新鮮好彈牙好好味食完後會送返個賣相精緻既甜品，分別係椰汁糕同桂花糕。兩款都好好味，非常真材實料，椰汁糕仲食到椰肉，為呢餐畫上一個完美句號。

火鍋是香港的傳統菜式，自問自己也很愛吃，只是已經有一小段時間沒吃了，無意中發現到上環有一間私房火鍋，平常真的好少去上環，總感覺這區沒有什麼好吃和好逛的。以前男朋友在上環工作，所以對於那邊的路也算略懂一二，湯煲私房火鍋雖然就近地鐵站，入口卻在一條小街道處，向來對於橫街窄巷的衛生感到懼怕，但為了吃好東西，還是需要經過的。場內環境十分寧靜，給人的感覺很好，我到的時候只有一枱客人，環境以白色為主色，坐也坐得好舒服。燈光也充足，有點黃黃的燈光，柔和得來又不會令人感到睏倦。說到是私房火鍋，價錢當然比起一般的火鍋放題昂貴，一般的火鍋放題大概二百多元，散點的私房火鍋，每人至少要花五百元，但無可否認，質素大多也是有保證的。食材的種類跟一般的散點火鍋店也差不多，就不多說了，只是想說一下老火湯煲的湯底，只是一個湯底也要二百多元，如果是不好喝的，應該會被人罵到2046。本來醬料就沒有什麼好說的，店員卻為我們介紹一個很特別的醬料，叫蝦蟹醬，他說是廚房的師傅自家調製的，裡面有蝦膏、蝦醬、蝦干、蟹膏、蟹籽等材料，真是第一次吃這種醬。有很濃郁的蝦肉味，個人認為蝦的味道比蟹佔更多的部分，吃完後。味道亦在口中徘徊很久店員

Tastes: 4 /5Environment: 4 /5Service: 5 /5鴛鴦煲包括有麻辣同莞茜湯煲 莞茜湯煲有少少偏淡 湯底唔太夠味 另外清甜嘅椰子雞煲就夠味啦 由杞子、人蔘、當歸等煲成 飲落去都幾滋潤 配料方面雞件同蔬菜拼盤最合我心意 佢嘅雞件都幾滑同幾新鮮而且帶有少少白酒味 食落去幾有米酒既香味 另外蔬菜拼盤材料 啱晒素食主義者 有唔同種類既蔬菜選擇 仲有肥牛都係打邊爐不可缺少嘅一環 肥牛食落肉質都幾肥美 加上鎖住湯底嘅汁 更加惹味 另外係炸物方面炸魚皮同響鈴 都炸得幾鬆脆 其中響鈴有特製嘅泰式辣醬 都唔錯架 四個人total就要$2011 價錢有少少偏貴即係$502/1人 不過除咗莞茜湯煲偏淡之外 總體黎講都算唔錯嘅

啱啱放工 途徑見到有私房菜湯煲 於是就入咗小店去try try啦 今次就嗌咗個鴛鴦煲 湯底分別係四川麻辣煲同埋芫茜皮蛋煲 四川麻辣鍋都比較適合鍾意食辣嘅朋友 皆因辣味都幾濃郁 而且充滿麻辣既香味 另一方面 莞茜皮蛋煲 用料就普普通通 只有單單2個配料作湯底 呢點就有啲失分啦 不過清湯湯底都算係幾清甜 但如果換作人蔘雞湯 相信味道會更佳 係配料方面 個人較為喜歡手切安格斯肥牛 牛肉嘅紋路睇落都幾分明 應該係屬於手切牛 賣相都唔錯 肉質相算肥美多汁 食落去都覺得幾新鮮！

今日同老細去食飯佢帶咗我去食 私房火鍋我哋叫咗鴛鴦湯底 沙嗲湯配麻辣湯兩個湯底都飲得出好足料好濃麻辣湯底越煲越辣調味料有好多選擇 呢度有個特別嘅自家製蟹醬 好夠鮮味配料我哋就叫咗蘇格蘭安格斯肥牛好滑 油份都好夠肥美雞腸 同鵝腸有少少唔同充滿着油香自家製蝦丸爽口彈牙 好清楚食到啲蝦肉 而且充滿鮮味味增大根黑豚餃原來係即叫即包 個皮好彈牙 餡料都好好食可能因為個皮係自家製 所以就算煮得耐都唔會爛小籠包 第一次食點心打邊爐 入面係小籠包嘅餡料 好好食粉絲同白飯粉絲索晒啲麻辣湯 好正白飯都食得出係靚米 好有飯香

離家自立搬左岀去住之後，超掛住媽媽啲老火湯。。。。今日來的這間湯煲私房火鍋，湯底全部自己煲，全部都係落足料嘅老火湯，堅持不加味精，令我好有家嘅感覺！就以今日叫的這款老鴨湯火鍋為例，材料十足，每個湯底都有半隻鴨，大量冬瓜，煲好之後可以先喝兩碗，再吃掉鴨肉，濃郁的湯底瀰漫着陣陣鴨香，果然是老火湯呢！吃多兩件大量冬瓜正好消暑，我最喜歡將湯渣肉點醬油吃，煲左好耐嘅鴨肉竟然沒有鞋口，還挺鮮味。飲左兩大碗湯，好好味，就到加湯打邊爐環節，值得俾like嘅原來這裡加嘅湯都會因應不同湯底加番原本的老火湯，不是加水或清湯，這樣湯底就不會淡呢！我們吃了些鴨肉，也就半飽了，所以只點了幾款特色的來嘗嘗。店長也推介了這裡的炸響鈴，說是即叫即炸的，一上枱香氣四溢，果然即炸就是不一樣，那又薄又脆千層的口感，一吃下去，令我忍不住慢境享受，以為拍緊薯片廣告(>^ω^<)，再點埋滿滿的甜酸醬，超好味！牛肉也點了嫩滑牛肉，和想像中有點不一樣，不過口感倒是嫩，而且牛肉味超棒，也很不錯呢！十分愛吃丸丸的我，推介這裡的手打蝦丸，是即叫即打的誠意之作，等一陣都抵！平時岀面好多整定，粒粒雪到硬曬仲一陣雪味。這幾粒不但用

天氣變幻莫測，想不到過了立夏還可以這樣凍。知道老媽子一向喜歡打邊爐，L 特意選了一間位於上環港鐵站附近的小店預祝母親節。既然媽子平時為家務勞心勞力，要吃就有要求。醬料齊全，特別那自家調配的XO辣醬舌頭下有不同層次的味道。但最「混醬」的是食完晚飯才發覺一大碗醬汁差不多從未用過，皆因食材新鮮，滾熟了就吃到其原有的鮮味。。        響鈴不需放於落湯內，即叫即炸不油膩。香脆而且充滿豆香，點上甜酸醬中和了油膩感。宮崎黑豚腩肉不算太濃的肉味，但放在滾湯裏很快就吃得。口感亦仍然非常嫩滑。脆肉鯇魚腩的魚骨相對大條所以很易去骨，而且肉質很結實又快熟，是打邊爐的好伙伴。湯煲酒牌內更有多款紅、白酒及汽酒供應，豐儉由人。當然亦不可缺少的日本啤酒及黑啤、亦有令人開胃的酸梅湯。最正的當然是有電視可以邊打邊睇 Bingo 啦！內裡亦有半開放式的包廂，更有大電視賽馬直播。竹笙鮮甜爽脆水晶野菌包及鳳城水餃雙拼，當中以鳳城水餃最好吃。皮薄餡易多，水晶雜菌包亦都非常特別。亮晶晶的外層包著很多不同的菇類，咬下去的感覺非常有趣。媽子覺得這一餐吃得很開心，皆因芫茜皮蛋湯亦真材實料，好味又有益，先飲湯再打邊爐有下火的作用。吃

旅行前夕，當然要食返餐好嘅，儲滿能量先出發啦！所以同朋友來到上環呢間湯煲私房火鍋，打返個靚邊爐!自家製蝦蟹醬呢個醬好香，一問之下發現係自家製，第二度食唔到，咁特別一定要試下!天麻川芎白芷魚頭煲 $328湯底絕對係火鍋嘅靈魂，靚嘅湯底配咩餸都好味，呢個湯好適合唔食辣嘅朋友，因為即使唔辣都好滋味一上枱就聞到濃濃的藥材香，魚湯鮮甜又唔腥，我淨飲都飲左兩碗。難得有唔辣但我仍然鍾意嘅湯底西班牙黑毛豬梅肉（半份） $128豬肉好嫩滑，啖啖香口，正!自家製牛肉丸$98自家製豬肉丸$88自家製墨魚丸$108自家製蝦丸$108自家製的丸類就是精緻，口感細滑，材料新鮮水晶叉燒包$88水晶奶皇包$88透明皮很薄透，小心別煮太久煮融了，掌握好時間的話很美味，口感也很特別。川式麻辣牛肉餃$88味噌大根黑豚餃$88必點推薦，很特別的餃子，平日吃膩了普通餃子的朋友不可錯過。麻辣牛肉餃很惹味，辣得有層次。黑豚餃很鮮美，配上爽口的大根，口感很好。即炸魚皮$87超邪惡，熱氣什麼先不管了菠菜面$78麵條很幼細又彈牙，也很吸湯。菜心苗$68最後以甜品西米布甸作結。湯底超級推薦，而食材也很精緻，雖然不算便宜，但很值得一試!

（湯煲火鍋）喺上環e出口附近， 位於商業大樓1樓位置，位置不太容易找，但勝在夠寧靜，可以同同事或者朋友吹水傾計。黑蒜姬松茸脊骨煲$288， 採用新鮮優質嘅材料製作燉湯做火鍋湯底，突顯食客尊貴嘅身份 。喺打邊爐之前，當然要飲返啲燉湯開一開胃先 ，自自然然我都飲咗成三碗先真正開始打邊爐。蝦丸$108，呢度嘅手打丸類我最欣賞， 嗰種香濃鮮甜度好難形容，但食落去知道係用上最新鮮嘅鮮蝦打到起膠，再用大量冰粒冰封，令佢嘅肉質更加爽甜。 牛丸$98， 牛丸除咗要用新鮮嘅牛肉手打之外，，（打法） 相當講究， 絕不馬虎製作。 麻辣牛肉餃$88，自家包製，咬落有嗰種川式辣味，麻香味並重。 午餐肉$58， 打邊爐必備配料。 日本名牌suntory生啤$58，下火神器。 附送甜品芒果布甸，懷舊芝麻卷，全部都係自家製，材料十足，好香芒果味，仲有大量芒果粒，布甸都唔會太杰， 份量適中。

響港島番工，中午果餐可以話係無啖好食。收工梗係要獎勵番自己。同左媽咪去咗一間叫湯煲嘅精品手工火鍋店。湯底好正，味道精緻。湯底我哋點咗椰子煲雞湯底。湯底有紅棗，椰子肉同啲有材料。而湯底嘅水係椰青水，唔怪得飲落份外清甜，又無味精，好有心思。本來諗住餐廳會將雞件放埋落湯底入面上，點知原來雞件分開另一碟俾我哋。一睇碟雞就知靚雞。仲有隻雞脾添，正。店員解釋，雞係清遠雞，皮薄肉嫩。滾水落6至10分鐘即可。一食，啲雞肉真係好嫩嫩到呢，滑嘟嘟啲皮都真心薄!兩母女食晒成碟雞勁滿足。再點咗碟本地手切肥牛。肥牛份量足料，而且半肥半瘦，油脂甘香又唔會過膩。肉質綿軟又無筋，牛肉味都好重，唔錯。媽咪中意食鱔魚，我就點咗點鱔片。師傅刀法好好，切得薄得黎又夠口感。而且平時多骨嘅鱔片佢都切到避晒啲大骨位。鱔肉雪白而且鮮甜，唔錯。甜品有紫芋糕碗豆糕，清甜滑溜。店員都好溫文有禮，解釋得好詳細，耐心教我地浸幾耐雞件先最好食。見我地想分碟又即刻幫我地攞碟。食物質素高，食材新鮮。連簡單嘅清水都係預備青檸水，好貼心。湯底又清甜滋補，解渴生津，服務滿分，係一間好有Heart嘅餐廳。