湯煲私房火鍋 (已結業)

估唔到上環區都開左間高質樓上火鍋店而家打邊爐嘅餐廳都係主打湯底，今次咁岩搵到間用老火湯做湯底嘅梗係要去試試佢啦。今日點左個花鵰醉雞煲($328)，平時食開嘅醉雞煲，花鵰味都係唔太出，因為時間掌握得唔夠好，令花鵰味會揮發左。呢到嘅店員會幫你睇住，時間掌握得剛剛好。飲完兩碗湯都已經好滿足。醬料方面除左有平時食開果D之外，佢哋仲有自家製左一款蝦蟹醬，真心好味。呢到主打手工餃，我特別鐘意一款川色麻辣牛肉餃，唔洗點調味都自帶麻辣味。仲有即炸響鈴都十分推薦，除左可以落湯煮，仲可以點泰式酸辣醬直接食。