新斗記 (已搬遷) 新店位置

五月九日星期五，一行七人再光顧（其中有些朋友為首次），分兩輪點菜，頭輪：乳豬半隻（皮脆肉嫩），辣酒花螺（細細粒，頗入味），啫啫生菜（咸香撲鼻，可惜份量太少），粟米班塊（分開上，汁鮮甜，肉香脆），生拆泥鯭粥（啖啖肉），豉油王炒麵（遠近馳名），尾輪：雪菜魚滑豆卜（味清啖，肉鮮嫩），乳鴿（非常入味），蝦子柚皮（鬆軟），干炒肉片河（不太出色，可能太飽），生炒骨（一口咬盡半肥瘦），好友共聚，嚐盡美食，每人不過百七蚊，人生如此，夫復何求！

上次食完之後就已經勁想快d再嚟過, 終於等到了. 今次一行6人, 都有叫番上次有叫嘅乳豬, 豉油王乳鴿, 生炒骨, 豉油王鵝腸, 第一次食嘅粟米斑塊, 啫啫唐生菜煲, 啫啫雞煲, 豉油王炒面. 乳豬今次叫錯咗個例, 好似唔係幾夠食, 但例同1/4隻嘅分別就係前者切得大小不一,後者精美得多. 豉油王乳鴿, 生炒骨, 豉油王鵝腸同上次差唔多, 都係咁好味, 粟米斑塊係超脆, 佢哋係用新鮮魚肉炸,所以肉質好鮮, 個粟米汁簡直係一流, 跟住生菜煲好香, d 汁好濃, 蒜片又多, 不過個份量好似少咗d, 一人一條之後剩番幾條.......啫啫雞煲裡面咁多料,最鍾意就係d豬潤, 勁 "淋", d 雞都好滑. 豉油王炒面炒得好爽, 唔肥膩, 不過大家都因太飽嘅關係而食唔晒, 記得上次個綠豆沙勁好食, 都好掛住, 可惜今次佢話送晒, 只有生果盤, 但西瓜唔甜,食咗一塊無食 lu! 不過最後提示, 星期五或假期前一定要訂位, 否則我諗有排等.差d唔記得講有個侍應帶住黑色膠邊眼鏡, 服務態度認真麻麻, 小心佢上菜!!!!!

一行九人，訂左8:30pm，但差唔多9:00先安排入座，餓死左!即刻坐低點左8個菜:馳名豉油皇乳鴿：2隻，一上碟已覺得個賣相好靚，他們並不是一開四，而是一開六，食落口有好濃好香的豉油老抽味，而且肉汁鮮嫩，又真係出奇地入味喎!乳鴿有肉食唔係瘦猛猛，食到lam lam利!!粟米斑塊：斑塊同粟米汁分開上，令斑塊唔會林晒，而一食就知魚塊有魚味，一定唔係急凍魚柳，炸得香口之餘，又能保持魚的鮮味，而且配埋個粟米汁，有口感!友人話d汁可唔可以當粟米”巾”飲tim!可想而知!琵琶釀豆腐：本來以為普通貨色，無甚特別，典知食落口，d魚肉勁香勁好味!彈牙又香口!我都忍唔住食多舊!真係估佢唔到!金銀蛋莧菜：呢個真係普通貨色，中規中舉，叫做有菜食!不過金銀蛋是足料有餘的。1/4乳豬：不得不叫的招牌菜，自設火爐自家燒，等位時見火氣十足，厲害!上檯滿有期望，皮是脆的，皮肉分開，不過肉斬得過碎，食得不夠暢快，本人比較喜歡連皮帶肉的乳豬，口感較充實是也!生炒咕嚕肉：賣相佳，用藍色碟盛上，形成藍橙對比顏色!不過酸，不過甜；不過肥，不過瘦，一句講晒：掂!豉油皇炒麵：用芽菜炒，爽口不油膩，good!o者o者生菜煲：一上檯，侍

只有乳豬24-03-2008見到咁多好評!一於去試下…一行11人下午6時到達!門口果然有師傅係到燒乳豬,令我十分雀躍! 但唔知係咪早得齊呢…個塲好似好靜!我們點了…燒乳豬半隻= 名不虛傳! 皮脆無肥又有肉食!係全晚亦都係唯一個我最欣賞的菜!粟米班塊x2 = 好食, 炸到剛剛好, 大件有肉! 但轉左一個圈之後就唔夠熱! 個粟米汁拎左去淋飯…簡單得黎好好味豉椒炒蜆= 個汁咸左少少同埋只有微暖金牌折肉泥鯭粥一窩= 唔係咁好食! 點解呢? 好水好稀唔棉, 好大陣銀杏味未能突出鮮味!銀山醋排骨= 個汁好食但排骨可能奄得唔夠味, 個賣相都好靚,用錫紙包著的生炒骨= 只係食到一件, 可能唔係咁真…肉就乾左少少,個汁就剛剛好包著唔會水汪汪馳名燒鵝半隻= 唔會燒得過龍, 脆皮又有肉汁沙薑雞半隻= 沙薑汁好好食, 隻雞都好滑辣酒煮花螺= 我只食了一隻, 因為好辣(其實係嘴唇同利尖有麻辣既感覺) 但其他朋友仔都接受到!楊洲炒飯= 香又足料,唔會炒到好多油,賣相好有滿的感覺啫啫唐生菜煲= 早夾就剛剛好, 遲左就會燶少少同埋有黑色一點點靚仔x 5 = 淋左D成晚都唔係好多人(對面有幾張枱都係無人坐過) 但服務態

14/3/08 晚飯農曆年過後，十分難訂枱，終於可以去一次，食品當然有水準，豉油皇鵝腸($63)，爽不肥膩，鹵水乳鴿皇($78)，夠味，上菜還瞹，但薑蔥魚頭煲($68)，燶咗的，用鯇魚頭，無咗香滑個舊白色肉，薑蔥蟹(1斤$144)，普通，(當然不及新同樂蟹煲咁香!)我最欣賞及驚喜，當然用雞碗飲啤酒，好似俠女!

經常聽新斗記很好吃, 連公司的大廚都讚好, 今次可以來一嚐啦招牌的乳豬真不便宜, 例牌都要七十多元, 不過味道果真不錯, 皮脆肉滑, 色澤均勻, 而且不太肥亦不是番叮的貨色, 可惜貴了點吧.另一個招牌貨豉油皇炒麵的確不錯, 彈牙靚麵而且上色做得很好, 不油不膩, 味道十足, 材料不太多, 只有少量芽菜, 但食味很好辣酒煮花螺的味道不太辣, 八角味太重, 螺肉太細而且煮得不夠時間, 肉質很硬, 真真令人失望, 蒜頭炒豆苗郤是令人最嚇人的, 味道正常, 份量正常, 但是收費不正常, 一碟炒豆苗要$78, 雖是時價, 但都無可能比一碟乳豬例牌更貴, 要怪只怪自己没有問價吧………….大家小心

尋晚好彩有訂位,去到十分多人,首先立即叫乳豬1/4隻,豉油王鵝腸,乳鴿,生炒骨,上湯芥蘭,例湯1 煲(清補涼煲豬環),最後送綠豆沙或蕃薯糖水. 上菜時間都算快,先鵝腸,極爽脆又唔肥, d味唔太咸,到例湯,好濃,無味精,d湯渣都好好味,到期望的乳豬,果然係招牌菜,好脆,一d都唔肥唔咸,(本人前晚石澳都有食乳豬,但d肉咸少少同埋肥d)係食到唔停口.跟住隻乳鴿d肉好淋,無渣,d汁仲好香.生炒骨簡直無得頂,咬落去勁脆口,個粉又薄,啖啖都係肉,全無肥肉,唔似其他d小菜館,青椒多過骨.放好耐先食都唔淋.超正.最後上湯芥蘭好甜, 條芯皮批走少少.好味!大家都成餐飯都好少講,only聽到"嘩呢個好味"同"個都好好味"到大家食得8899先開始傾計,好飽.但之後佢話有甜品送,但大家都想試,好在大家都唔放棄,因為個綠豆沙唔係好甜但好香,結果個個都食晒.已經PLAN定下次幾時再食,今朝都仲好回味D菜, 下次一定要叫半隻乳豬同試粟米斑塊.

到過這店幾次了, 每次都會叫招牌燒乳豬和生炒骨, 今晚都不例外. 之前試過豉油王蝦, 都好味, 但今晚想試下其他菜式, 點了豉椒炒蜆, 油爆龍躉球, 啫啫芥蘭煲, 後來再加了啫啫生菜煲. 自備紅酒一支.龍躉球好新鮮, 肉很滑, 好鮮味. 乳豬保持水準, 皮很脆. 生炒骨就有點退步, 炸得太利害. 炒蜆味道不夠濃, 不夠辣. 菜當然好味, 所以叫了兩個. 以前沒有送甜品, 現在多了這優惠. 今晚的甜品是芝麻糊(或可揀紅豆沙), 即食開粉的, 所以只是一般. 只有兩個菜失少少水準, 其他的都好味, 店員服務不錯, 會再來食的.

一眾親友到此跟家母賀牛一. 七個人,一共點了八個菜1) 乳豬半隻: 皮脆,郤不熱.有點失望,但芝麻皮依然吸引..大家不停擧筷2) 豉油皇鵝腸: 爽,豉油冶味,跟芽菜共食,口感佳3) 粟米班塊: 脆.不油.但沒有魚味.太乾身.不如傳說中好味,有點失望4) 菜甫蠔仔煎蛋: 蠔仔不腥,較一般的大,菜甫不太咸,味剛好,有嚼勁5) 蒜泥炒小白菜: 不過不失6) 豉油皇炒麵: 不油,乾身,有點脆,上準之上7)豉油皇竹節蝦:必食之選,蝦新鮮,爽,有膏,豉油皇味鮮,8)生炒排骨: 另一必食之選,酸味剛好,不如街外的只是粉加茨一大堆,豬肉也是肥瘦剛好.另送綠豆沙,水準也是上上之作,臭草香,不太甜.服務不錯,點了菜後不消半小時已經全部上桌.服務生也有問必答,不如外界的只懂說:等等..轉頭來......結帳一共:HKD1176, 此如好食府,果然名不虛傳,以後一定再來!

Dad's b-day and had a dinner there few days ago.I think the best dish is the Roasted little pig. So crispy!! Service is not bad...But the dishes not even an average! We'd a Garlic Fish Head in the claypot...was burnt! damn... Other dishes seems like cooked by my ex...sorry girls!The worst is the Ventilation on the 2nd floor is so bad...Smokey and cloudy in the whole dining area. Smell like a dish on the body when I got home.....

聽朋友介紹，話新斗記好出名，故慕名而來，果然沒有失望﹗叫左：半隻乳豬──夠香脆，正﹗炸子雞──不俗鹵水乳鴒──超正，特別係個汁﹗泥鯭粥──夠香夠綿生炒骨──不會漿住哂，ok~粟米班塊──不是街邊食開的，幾好~一定會在幫襯﹗

一家人提早做節。媽媽好想嚟呢度食，當然係卻之不恭la..一行十幾人，可以一次過叫晒想食嘅嘢，一樂也^0^全隻片皮乳豬當然一定要叫。肥膏部份已先片走，芝蔴皮燒得脆啪啪，底層瘦肉夠鹹香，依然出色。嚟到呢度唔叫呢味，等於白嚟...鹵水嘢又係招牌貨。望落色水淡淡，但食落卻相當夠味且一點也不死鹹。基本上有呢個膽，是但放D乜嘢入去鹵都相當不俗。是夜叫咗三隻乳鴿，肉頗嫩，配合埋個出色嘅鹵汁，相得益彰...生炒骨亦做到掛醬效果，碟底甜酸汁剩得不多，嗅落去不太刺鼻，不會過酸或過甜；肉表皮炸得微脆口，粉漿不過厚，肉亦帶點肥，不會太嚡口。絕對係水準以上嘅生炒骨，比太子志記或土記和味館都更出色...花尾班兩食就相對地麻麻。始終都係原條清蒸啱我D...啫啫生菜煲頗惹味，亦夠新鮮滾熱辣，但可惜煑過咗籠，有點燶，蝦醬亦下得不夠...豉油皇花竹蝦味略鹹，用嚟送飯比較好。蝦足秤，亦算新鮮彈牙...柚皮做得不苦不澀，啤水功夫做足，值得一讚；若果蝦子再重手D就更香更惹味....再追加嘅招牌粟米石班更係出色。以前係用蘇眉嘅，家陣降grade變做石班，一樣掂--- 炸粉不厚，絕不會蓋過魚味；口感鬆化，醮上另上嘅粟米汁，唔會咁易

上週,老公從Yahoo的時尚生活網站看到新斗記的有關豉油皇鵝腸的圖片,但由於此生活網站無論在圖片及食評都非常缺乏，於是再上我們慣性常用的openrice搜尋器來找尋其它好吃的東西圖片和食家吃過後的食評。當看到各食評家對新斗記的讚賞後，老公便決定請我的家人到新斗記吃一頓晚飯。訂位是兩個時段:六時及八時。還未到達前還以為新斗記是"得龍大飯店"的裝修格局，洗手間是地下濕滑，污髒非常的那類型，但去到後，原來發現是裝修略帶中國色彩，洗手間乾淨清潔，與我想像之中大有出入，可能自己潛意識一向認為有個"記"字大都是很早期商號名稱常採用的尾字，例如何炳記、謝記山窿魚蛋、鉅記、甄沾記、......然而卻忽略了他們也可以與時並進。地下那一層設有燒豬爐，看到師傅隔著玻璃燒乳豬,想必是餐廳的卓頭，讓一眾食客唾涎，試想!每檯order乳豬,餐廳便很和味了。我的家人到達後，便開始起菜,起菜的速度很有效率。金牌即燒乳豬--從乳豬的表皮看，氣泡分佈得很細密,聽說師傅在煤氣爐上加上了火山石的物體，令熱力提升，塗了油的乳豬皮上面的氣泡在熱力加強後,分佈得更密更平均。乳豬皮下的肥膏經己刮走, 入口有鬆化酥脆的感覺，但又不感覺

小弟中文打字極慢都忍不住要留言一則提醒大家人數少唔想招呼明明有位一入去登記話兩個人又要你等十幾分鐘早知唔等當時仲已經晚上十點過了人潮時間海鮮叫三款兩款無可能真係太好生意又或者真係咁巧合叫薑蔥蠔沽清叫聖子出口國暫停供應生意細唔送甜品三個餸一白飯埋單HK$271 又咁巧合贈送生果送完但旁邊一枱十人早一步埋單就有最後都出事埋單講明要收據"哦"完你都係無o左件事中肯D 食物味道OK 夠熱但上菜慢不過一定唔會再去狗眼看人低食到一肚氣

老牌食肆新兜記, 屹立於佐敦差不多二十年, 但礙於當時年紀小, 還沒有足夠的經濟能力去品嚐之, 後來因後繼無人而結業了.本來是覺得很可惜的, 因錯過了品嚐昔日的味道; 但慶幸早前從報章上得知, 因有舊食客不忍美食從此消失, 故此邀請了新兜記舊班子重新埋班, 借屍還魂, 好讓食客重拾昔日的美味. 本來是原用新兜記的舊名字, 後因其後人訴諸法律控告侵權, 因此易名為新斗記.一來到, 便被樓下向街的燒味部吸引著, 它們在即場表演烤乳豬, 途人路過時可以看到師傅在烤乳豬, 因此吸引了很多途人駐足圍觀哩.一進店舖, 便看見一排大大的魚缸, 內裡飼養了琳瑯滿目的海鮮, 很是吸引, 加上了摩登時髦的裝修, 給我一種很華麗堂皇的感覺.當晚人頭湧湧, 我們一坐下便叫了即燒乳豬及滷水乳鴿等食物.即燒乳豬–即叫即燒, 芝麻乳豬皮真是極之香脆, 燒得脆如薯片, 鬆化之餘又不太膩口, 豬肉亦醃得很入味, 即使不蘸醬料，已經甚有食味; 脂肪已被削去, 沒有多餘的肥膏, 食落只覺香脆而不覺肥膩, 肉質嫩滑, 有鮮味, 口感輕盈.滷水乳鴿–雖然乳鴿的size不小, 但肉質卻相當嫩滑, 滷水汁的顏色看似很淡, 但仔細