新斗記 (已搬遷) 新店位置

一家人提早做節。媽媽好想嚟呢度食，當然係卻之不恭la..一行十幾人，可以一次過叫晒想食嘅嘢，一樂也^0^全隻片皮乳豬當然一定要叫。肥膏部份已先片走，芝蔴皮燒得脆啪啪，底層瘦肉夠鹹香，依然出色。嚟到呢度唔叫呢味，等於白嚟...鹵水嘢又係招牌貨。望落色水淡淡，但食落卻相當夠味且一點也不死鹹。基本上有呢個膽，是但放D乜嘢入去鹵都相當不俗。是夜叫咗三隻乳鴿，肉頗嫩，配合埋個出色嘅鹵汁，相得益彰...生炒骨亦做到掛醬效果，碟底甜酸汁剩得不多，嗅落去不太刺鼻，不會過酸或過甜；肉表皮炸得微脆口，粉漿不過厚，肉亦帶點肥，不會太嚡口。絕對係水準以上嘅生炒骨，比太子志記或土記和味館都更出色...花尾班兩食就相對地麻麻。始終都係原條清蒸啱我D...啫啫生菜煲頗惹味，亦夠新鮮滾熱辣，但可惜煑過咗籠，有點燶，蝦醬亦下得不夠...豉油皇花竹蝦味略鹹，用嚟送飯比較好。蝦足秤，亦算新鮮彈牙...柚皮做得不苦不澀，啤水功夫做足，值得一讚；若果蝦子再重手D就更香更惹味....再追加嘅招牌粟米石班更係出色。以前係用蘇眉嘅，家陣降grade變做石班，一樣掂--- 炸粉不厚，絕不會蓋過魚味；口感鬆化，醮上另上嘅粟米汁，唔會咁易