新斗記 (已搬遷) 新店位置

據悉此店的乳豬十分有名趁放假難得很難請得動的父母又肯出九龍便一家人來試試人多多但裝修仍算舒適不過爸爸還是嫌迫狹了點即燒乳豬半隻上桌之時的確很香咬落也實在脆得誘人不過有一小部分輕微燒焦了豬仔的肥膏也不少三件到肚已開始覺滯記得趁熱食鹵水乳鴿鴿子很大應是老鴿才真不過很厚肉而且肉汁和鹵水渾然天成地豐富也算不錯者者唐生菜窩很大菜卻不多味道也沒有街坊版的榮興小廚吸引雙冬豬仔腳扒時蔬沒有多吃不過豬仔腳很的式冬菇也很入味最後的生炒骨反而做得最好炸的很香脆紅汁也非常濃郁比外間吃到像炸粉團的那些高了一班以上可見好的生炒骨確是傳統老店的象徵服務不很好叫極不應也要催才上菜桌上的大雞碗時刻提醒閣下它是老店請忍讓如此一來單論食物和價錢還是值一個笑的

o尋晚同朋友興祝生日，地點係由壽星女自己揀既…一踏入新斗記上到二樓便衝來陣陣香味，經我四野搜索原來係o者o者唐生菜煲傳出o黎既香味，一坐低未同朋友商量，二話不說就自把自為點左呢個o勒，個煲香得o黎又有番咁上下好味，食落除左有陣陣蝦醬既香味仲夾雜著惹味既醃汁，唔怪得都叫啦^_^ 跟住我o地叫左乳豬1/4隻，o的乳豬好好味，o的皮好脆而且又唔太肥，果然係新斗記既招牌；然後我o地又叫左一隻鹵水乳鴿，乳鴿o的肉都好滑，通常其他食店出品既鹵水食物都鬼咁咸，反而呢樹整得食幾好食而且味道適中（Good）；我o地仲叫左蛋白薑粒蒸蟹飯，呢個飯一o的都唔油，初時以為有薑粒會好辣，點知又唔係o咼，有薑既香味但又一o的都唔辣o咼，而且真係用成隻蟹o黎蒸架，果然沒有欺場啊；至於生炒骨呢…o的骨甜甜地唔太瘦又唔太肥，o的肉地好嫩滑，絶對值得推介；跟住仲有經理推介既粟米班塊，即叫即炸，汁同魚分開上，到食既時候先點o的粟米醃，所以入口時件班塊仍然脆卜卜同熱辣辣，我個朋友仔仲差o的燙親添=P 而且o的炸粉又唔會太厚，實在冇介紹錯啊；我o地仲試左金銀蛋波菜同埋海埑頭添，呢兩樣o野都好好味啊，尤其個波菜好嫩一o的都唔un，

昨天去咗試, 不過並不太特別, 食咗乳豬, 乳鴿, 粟米班塊, 小唐菜餅, 蔥菜蠔仔餅,豉油皇鵝腸,啫啫菜煲, 泥猛粥, 水蟹粥, 泥猛粥就夠味, 而水蟹粥就好淡, 感覺係煲好咗的白粥, 然後放隻蟹落去,粟米汁同班塊是分開上, 所以最後都沒有食過碟粟米汁, 只食咗塊班, 係乳豬同生炒骨比較好食, 乳豬皮好化, 生炒骨就肉如粉好均混, 味道最好食, 可以試吓, 不過都是一般.

總覺得老字號的小店做的小菜比集團式的好,於是星期日晚上便來這間重生的老店試試第一次,當然要試試招牌菜:一豉油乳鴿: 乳鴿相當大隻,肉質亦非常鮮嫩,豉油咸度適中二乳豬: 的確非常脆皮,不過我不喜歡皮肉分離的做法,豬本身亦不夠”乳”,略肥了一點,味道亦略咸;最好食的乳豬,始終是旺角鳳城三粟米班塊: 粉漿好薄好靚,班塊也算是新鮮,不過魚汁分離的做法當然也爭到不少分數四金銀蛋莧菜: 相當大一碟,不過好像煮得不夠,不太入味,如果將皮蛋咸蛋煮得更溶更爛會更好五魚腸煎蛋: 我本身不太食淡水魚,只嚐了一小口,沒有意見六泥鯭粥: 完全無骨,亦相當鮮甜,不過略為不夠綿雖然絕對不算最好,不過已經幾好了;加上價錢合理,份量又足,值得一來

係附近做野,放左工同d同事約埋來呢間試下,點知一行四人,食到一肚氣落樓,一去到門口,見到鋪入面幾圍檯都無人,但係個知客就話呢d係大檯,4個人要等一等,點知一等就要等成40分鐘,個幾張檯都未有人坐,(真係好心你啦,都無生意又留起d檯來做嘜)個知客終於知衰啦,就招呼我地入去坐低,問個侍應有嘜好食,個侍應就話最出名係乳豬同乳鴿,我地諗住叫住呢兩味先,點知個侍應黑晒面話:「係咁多啦!」真係受氣...又無話到一陣唔加野,跟住等左45分鐘仲要再三催促呢兩味所謂既招牌菜終於上檯,首先係個乳豬,話就話即來即燒,點知熱都唔熱下,d皮又唔脆,好似食緊皮鞋咁,最搞笑係d皮燶成咁,都唔脆又得個肥字,真係想肥死人咩......再來係個乳鴿,真係仲衰過街邊d燒臘鋪,鹵水唔入味不突止d肉質仲鞋度咩咁,等左咁真係唔抵,食完呢兩味都咁失望都唔想再加野啦,睇見隔離有糖水送,就多口問阿姐係唔係有糖水送,點知阿姐話:「你地食得咁少野,係無糖水送既!」心諗阿姐你估我唔想加野咩,你d野好食先得架,呢一餐雖然食唔飽,但係成肚氣..........你地如果想去幫襯真係要帶定d乾糧,知無.....

八月之後, 當然係到九月. 一看通訊錄, 竟然有四位弟兄姊妹生日, 於是又搞一局. 係六七八九月都有慶祝生日. 大家覺唔覺太密? 有得食, 小弟幾時都唔嫌多. 食過北角, 女高音同青衣, 今次係來食乳豬.之前的節目係去探姊妹G, 同BB女影完大合照之後, 馬上下一站. 難得的係弟兄J兩公婆首次一齊出席我們的飯局, 希望以後日子你們可以繼續留係這個大家庭. 加上弟兄C兩公婆又可以一齊來, 頌揚仔都食住出席, 大家都係好熱鬧的.不久前先同家人來過, 當然知道要有乜係一定要叫. 又因為人多, 成17人, 都有好幾樣主打係x 2.鎮店鹵水乳鴿皇$78 x 2: 9分, 先來的係乳鴿, 人未齊鴿先到, 等人齊已經凍了. 當然, 我們坐的位置係相當大風的. 兩大隻乳鴿, 望落去份量一點也不少. 或許凍了, 感覺上係沒有上次般出色. 鹵水味係欠了點, 定係未混, 小弟吃那件係稍為淡了一點. 不過肉質依然係好嫩滑. 值得再食的.金牌即燒乳豬$298一隻: 9分, 人多, 當然係成隻上. 看上去應該都有廿幾三十件皮, 小弟上次吃過, 只要一件好了, 唔知邊個食得最多? 未入坐前已係樓下見到師傅係玻璃房度

早前和朋友食過，感覺幾好；之後和辣椒女的家人再來，想試多幾樣食物。我們叫了乳豬(1/4隻)、炸子雞(半隻)、粟米石班塊、鹵水鵝掌翼、手抓羊排和雙冬豬仔腳扒時蔬。乳豬(1/4隻) - 外皮保持一樣的脆口，很出色，海鮮醬味道也幾好。炸子雞(半隻) - 外皮炸得微微過，但就很脆口，肉質唔算太肥，還有少少雞味，但就比較上韌了點，但總括來說，還是幾食得過。粟米石班塊- 粟米湯和石班塊分開上，這樣令石班塊不會這樣容易變淋，味道和口感也增加了不少，粉漿唔會過厚，魚肉還可保持鮮嫩又好味，用來送飯食也很出色；雖然價錢比一般食店的貴上很多，但味道也好上幾級。鹵水鵝掌翼- 鹵水很入味，肉質嫩滑好食。手抓羊排- 帶有少少辣，但唔算利害，羊肉味道幾好，但就偏肥美，但份量偏少。雙冬豬仔腳扒時蔬- 這味比較一般，雙冬真係得兩件冬菇，真誇張；茨汁太濃，好在豬仔腳幾入味，總算補回不少分數。價錢唔貴又好食，但記得一定要先訂位及早到；如不是，要等幾久就真的很難說了。

看到某飲食雜誌介紹後決定試一試這裡出名的乳豬. 果然名不虛傳, 做到脆皮鬆化, 走肥膏, 肉瘦的境界, 稍有少少美中不足是鹽塗得不太均勻, 有些過咸, 有些則過淡. 另外點了醬汁牛肉及啫啫生菜. 醬汁牛肉完全不行, 味道不只死咸, 而且最怕那種被梳打粉招呼過的質感. 啫啫生菜上桌時熱辣辣, 蝦醬香味撲鼻. 可惜份量偏少, 2個人也不夠吃. 其實賣60元的菜, 份量可以大方一點. 下次可試試出名的生炒骨

星期六食完，第二晚又無煮飯，咁四點幾打去book枱，呢晚真係旺d，要到八點先有枱。駕車去到佐敦附近，因為塞巴士，結果要老婆先去攞枱。老婆去到嘅時候，見到一班邵氏年代嘅名星係門口度等位。自己同阿b就要塞多兩個字先到，一到就衝咗入去，見班名星唔到。呢次因為有阿b同行，所以叫咗：1. 是日例湯- 生熟地煲唐排好香、好濃、好多油...係好古老嘅手法，飲咗，唔係太解渴，岩老一脫人多d，阿囡唔係太鍾意。2. 豉油皇乳鴿好香、好濃、隻鴿幾厚肉、d肉都算滑、豉油皇好/太足料...醎咗d囉，用啤酒送好d，阿囡又唔係太鍾意。3. 粟米班塊班塊炸得好香好脆，但係依然帶有魚味。唔知係咪食咗個乳鴿，個蛋花粟米汁就比較淡口，不過阿囡就未鍾意吓。4. 豉油皇炒鵝腸好香、好濃，鵝腸好脆、仲好有鵝腸味，無用梳打粉漂到無晒味，而且仲有脆口芽菜毯低，好正。不過同乳鴿又係同一個問題，醎咗d囉，用啤酒送好d，老婆食到咀唇有d裂，唔食得多，最後要我去KO呢碟。5. 千歲豆腐其實係豉頭豆豉豉油皇帶子蒸豆腐。豆腐好香豆味、帶子都好新鮮、豉頭豆豉又好香...不過都係醎咗d囉。呢晚叫嘅餸都比之前個晚貴，可惜個配搭唔係咁好，阿囡又唔係咁岩

咁嘅標題，係因為去完最一晚，老婆第二晚又忍唔住要再去多次...第一晚得兩個人食，一早就book定七點半，早咗三個字到，結果都係等到七點半先有枱。一坐低，但見廚師推介個廿幾樣餱全部都係香口好味，繂之叫咗：1. 啫啫唐生菜煲呢個真係好香！因為d蝦醬好靚，係咁俾個煲興住，想唔香都難！話時話，d菜原棵上，都好靚好甜，而且蝦醬份量剛剛好，唔會喧賓奪主。個煲係第一度菜上枱，上嘅時候d菜係未得嘅，咁我就用咗十分鐘，係咁係度兜亂，等d菜唔好一棵生、一棵過焦黑，有得食、有得玩，令到我呢亭坐唔定嘅大細路啦！2. 生炒骨呢個又係好得！d肉皮脆肉嫩，每一舊都俾d汁完全覆蓋，而d汁個味又剛剛好，唔太甜、唔太酸，perfect！3. 果皮蒸泥猛唔個唔識講，其實係唔錯，只係熟咗少少、鞋咗少少、果皮少咗少少。如果唔係外母蒸泥猛蒸得超好，呢個真係算唔錯...4. ?唔好意思，連食兩晚，而且呢排真係出去食得太多、太好，呢個真係失咗憶，唔記得。5. 芝麻糊好香、好濃，因為加上米去磨，所以有埋米香，而且入口唔算太杰，唔錯。第二晚，又無煮飯，食咗d乜...且看下回分解。

訂了八時的枱，七時五十五分到達，八時四十分才入座。其間帶位小姐不停說客人已埋單，在執枱。眼見熟客就優先。點了馳名乳豬，真的很好吃。生炒骨、柚皮、啫啫唐生菜、泥鯭粥都好食。為咗啲嘢食都想再去，但係諗起訂咗都要等咁耐就要再諗諗。

約了朋友食飯，見這食店的食評幾好，就決定來試試。看完餐牌，感覺[廚師推介]內的食物全部也在我們的選擇中，心想：應該會幾好掛。食物最後決定了金牌即燒乳豬(例)、千鈓 米酒雞、菠蘿生炒骨、鎹 鎹 唐生菜煲和果皮蒸泥鐈 。金牌即燒乳豬(例) - 雖然係例牌，但份量比例上還是少了點；乳豬肥瘦剛好，皮肉又脆又香口，的確很出色，但內部的肉有點偏鹹，如用來送飯食，還是幾好味的。千鈓 米酒雞- 酒香味很濃，很吸引，但可惜雞肉份量很少，不是雞頭、雞頸、就是雞pat pat，雞翼和雞迏 就一早不見有，連雞胸肉都唔多，實在有點搞笨的感覺；好在湯底幾好味，如可以加多一點雞肉，相信會更加引的。菠蘿生炒骨- 甜酸味剛好，生炒骨又唔會太肥，很脆又入味，相信如某位食友在，一定唔會點失望。啫 啫 唐生菜煲- 炒得很香、未食已很吸引了，唐生菜很新鮮很爽口，但味道有點過鹹又唔夠入味，有點菜還菜、醬汁還醬汁的感覺；唔可以說唔好食，但就像缺少了什麼似的。果皮蒸泥鐈 - 果皮味蒸得好香，魚汁送飯一流，魚肉微微過了火，但因泥鐈 新鮮，魚肉感覺還是很滑很香魚味；當然泥鐈 主要得一條主骨，沒有太多細骨，口感當然令我更加喜愛。食物質數

星期天一家人唔知去邊度食飯，家姐話試下長樂道個間新斗記。一行人七點出發　七點半到左．．因為冇橫牌既關係．初初都搵唔到間野。門口有個好大既板寫住是日海鮮等等．．等左一陣，去左樓上坐，感覺上環境太擠迫，油煙很重。家姐食過幾次　推介生炒排骨跟住我地分別點左　乳豬　蘇眉兩味　ｏ者ｏ者通菜煲蠔仔粥　生炒排骨真係正　ｄ皮好脆　唔會太酸同埋佢冇落菠蘿炒．．因為會出水．．所以冇落　令到排骨乾身爽脆　一絕蘇眉兩味　唔錯　條魚夠新鮮　火侯恰到好處蠔仔粥　略為淡左小小　蠔仔也不多　一般乳豬　ｄ皮的確係脆．．但黎既時候成碟野都涷哂．．感覺不太好．．比旺角鳳x 的乳豬還是有點距離總括而言．．食物不錯　但環境一般．．冷氣機仲會係咁滴水賣單999 因為要左蘇眉條魚都差唔多600蚊

呢間野我都唔係都一次去ga la ...真係好得ga呢間野唔book臺可以話係唔洗指意有位食飯...最好就早一日book定臺...好爆的!!食物水準一流..d野食"編"濃味一d..order + 評(1 ~ 10) :-燒乳豬: 好正, 皮脆肉香爽滑,,有肉味..唔太肥膩-藕餅: 咸左d ,, 佢唔係磨榕d藕而係切細粒+肉..但係肉ge比例多好多,,似肉餅多d -,--南乳齋煲: 好食,,唔會話太咸..-豉油皇大蝦: 一流..未到臺已經嗅到d香味..蝦夠新鮮..調味剛剛好..差d連殼都食埋佢-炸子雞: 好滑,有雞味.. 唔會炸過火..正-咸酸菜炒大腸: 我覺得咸左少少,但都ok ge ...-唔記得咩咩.大豆芽芽菜炒肉絲: ok得-豉椒炒涼瓜: 唔都好冇食,, 冇食..我唔食涼瓜ge ^,^-泥鯭粥: 唔得頂呀!! 唔太鍾意食粥ge我都贊不絕口..極鮮甜.粥底好綿.有白果.腐竹.陳皮香..一流直得一去再去...

Hi, I would like to recommend this restaurant to everyone. I like this restaurant because they make food with hearts. They insist to provide good and fresh food only. The suckling pig is freshly grill only when you order, the "Goo Low meat" is one of the best in town. The "Grilled prawns with soya sauce" is a must order. beers are cold and price is reasonable. A bit pricy but for this quality of food? it's worth every pence u pay.