新斗記 (已搬遷) 新店位置

爸爸媽媽同小弟慶祝生日, 地點當然由我選, 揀了一輪, 都係來這裡. 始終粟米班塊係小弟的至愛食物之一, 好想試試這裡的水準如何.一大早訂了位, 六點來到, 都已經相當多人. 好旺.就跟一眾食家的評語, 叫了以下五樣.豉油皇新鮮鵝腸$58: 9分, 先來的係鵝腸, 豉油味適中, 跟底下的芽菜一齊食剛好. 鵝腸本身好爽口, 整體係幾突出的了, 係鵝腸唔夠肥美, 比較幼身.粟米石班塊$98: 10分, 跟著來的就係重頭戲. 石班塊同粟米獻汁分開上, 起碼令到班塊唔會變淋. 其實只有七件, 平均一件要十四元, 都幾貴, 但係班塊真係好靚, 薄薄的粉炸得相當香脆, 魚肉係完全唔腥, 幾新鮮. 食落口直頭係辣口的, 係非常熱辣辣的. 用粟米汁來送飯當然係指定動作.或許沒有老店的水準, 但係這個粟米石班塊係理所當然的十分之作, 了不起. 不知道粟米蘇眉的水準又如何?鎮店鹵水乳鴿皇$78: 10分, 買到成$78一隻, 比一般買二三十元的乳鴿有好大距離, 但係都係值得的. 這隻乳鴿皇份量十足, 四個人分, 一人都有兩件肉, 都算足夠. 不過肉質唔會因為太大隻而變老, 肉質都幾嫩滑, 鹵水味度剛好.

剛剛才認識"新斗記"話說前身新兜?長樂街Peter仔印象深刻，新斗換件戰衣再戰長樂街，值得去試吓。地鋪加一樓規模有勢，裝修亦不馬虎，推算食品應有番兩度。乳豬例牌--個師傅三更半夜仲係門口度Road Show，唔叫就笨啦，唔肥卜卜脆。招牌掌翼--好入味。豉油皇炒麵--個樣立立令，宵夜實指定。一雙大啤，Happy Ending。

舊年十二月好友J 生日....一行10人黎呢度食飯慶祝.....食左好多野: 豬仔腳....掌翼....美國桶蠔....羊腩煲....椒鹽鮮魷.....糖醋雞球....豉椒炒蜆....O者O者唐生菜煲...豉油王煎蝦....食物味道中上...其中桶蠔同煎蝦最好味....一諗起D桶蠔就流口水....其他都好味...所以上星期日母親節又黎食....今次比上次仲要好味....食左:蟹皇蛋白翅- 碗下有蠟蠋仔"慶"住..咁就唔會涷....蝦籽柚皮- 本人第一次食...我唔鐘意果種質感...怪怪的...但大人話整得好....粟米石班塊- 粟米分開上...班塊完全冇雪味..仲好脆口....我用哂粟米汁去撈飯....豉油王煎蝦- 食過翻尋味...味道依然...但D蝦冇上次咁大隻...金牌乳豬- 聽見大人話好好味...我先敢人生第一次食左一小件...又唔錯喎O者O者芥蘭煲- 好惹味....可惜份量少左D....生炒排骨- 由於之前食物份量都略少....所以後加一個生炒排骨.....唔知係咪漏單....等左好耐又催左三次先有....一上檯....比之前果D大碟....賣相吸引...而且超好味....外脆

小時候在前身新兜記食味道在新斗記再次品嚐食物水準不比以前差值得一試菜色有:煎蓮藕餅川敕雞鼓油皇炒麵等等

昨晚1行6大1小來食頭輪(訂位時已講好要8.30pm交檯),叫:1)燒乳豬:個皮果真好脆,無嘜肥膏,d肉都嫩。走時從地下的玻璃窗見到廚房師傅在燒乳豬,好好樣咁2)粟米班塊:班塊與粟米獻分開上。魚新鮮熱辣,又軟身,炸粉薄,外面挺,撈埋粟米獻同吃,好味不過不失有1)孜然寸骨:上檯時好熱,只嫌香草味唔濃同撈唔"暈"2)蝦子柚皮:柚皮好"綿",但仍有小小根,無嘜柚皮或蝦子味3)乳鴒:唔細隻,所以d肉有d老4)蠔油菜心(當晚無魚湯白菜)5)3個白飯6)紅豆沙(送)-服務1般,基本上無嘜笑容,部份都幾cool添-入坐沒多久已滿,走時樓下好多人等。但唔太明白酒家有什麼咁個人之處。叫做試過啦

上星期五同個Friend嚟食晚飯，訂咗位七點，唔駛等就有卡位坐，唔錯!兩個女仔叫了例牌乳豬，豉油皇鵝腸同一鍋泥鯭粥。乳豬唔駛多講，皮好脆及無肥肉，不過略嫌份量少，我地碟例牌只有五瑰乳豬皮咁大把! 真係要慢慢食至得。豉油皇鵝腸味道比較淡，不過配住芽菜嚟食又幾爽口! 泥鯭粥粥底好绵，好味道! 本人就唔鍾意落花生一齊煲啦!要改善嘅地方: 抽氣系統真係麻麻，一煲煲熱鍋嘅油煙，以為自已食緊韓燒! 仲有洗手間好唔掂，地滑又冲唔到廁，真係打晒折扣!最後要講吓甜品，知道唔係枱枱有，便姑且一試。果然經理話糖水巳送晒，幫我地埋單!?? 打個轉我就見到隔離枱有阿姐送上熱騰騰綠豆沙，咦? 係咪熟客先至有糖水送架????

男友在意想不到的情況下摘冠，比賽後由粉嶺駕車至新斗記吃個慶功late dinner。錯失了上次爐兄在這裡搞的局，我倆都感到十分遺憾，估不到相隔不久就有機會來，令人格外期待。爸爸在新兜記年代已幫襯過此店，今晚重來，摩登的裝修給他一種耳目一新的感覺。參考了爐兄的菜單，我們點了以下菜式，整體上水準偏高，爸爸笑言食完膽固醇含量亦隨之激增。- 即燒乳豬($58/例)，皮極脆，脂肪已被除去，口感輕盈- 滷水鮮乳鴿($68)，滷水味濃，厚肉，充滿鴿香，推介- 花尾躉炒球($188)，魚肉不夠厚身彈牙，鹽和胡椒粉蓋過了魚鮮味- 豉油皇鵝腸($58)，豉油味剛好，鵝腸爸爸嫌不夠爽- 泥孟粥($68/鍋)，鮮味非常，內含碎魚肉，陳皮多些會更好- 魚湯北京白菜($56)，白菜夠嫩，爸爸喜歡再淋啲，我認為剛好除已點菜式外，尚有數款特色小菜想試，價錢公道，服務亦唔錯，very likely有下次。最後，侍應本想送我們糖水，但剛好賣哂，於是我們決定轉戰男友地頭-土瓜灣，繼績覓食。下文待績…

以為係新兜記原班人馬, 所以特登原班人馬16人去食乳鴿同埋蝦子柚皮, 結果原來同以前好唔同.鹵水乳鴿肉好淋, 味道都ok, 不過冇以前咁濃味同埋鮮味, 色澤都淺色咗好多.豉汁鵝腸爽口味道適中, 不過印象中以前鵝腸大條d, 口感好d, 而家比較幼身, 好似食咗陣風咁.燒乳豬第一次食, 好新鮮, 仲聞到炭燒既味道, 皮好脆, 但肉味略為鹹, 缺乏鮮味, 同埋等咗好耐, 有成個鐘.蒸魚, 唔記得係咩魚, 都有兩斤幾, 幾大條, 初時食都覺得好好味好滑, 心諗:咁犀利?咁大條都蒸都咁滑, 點知原來入面唔熟, 個侍應仲話係特登咁蒸d肉先會滑. 大佬, 條魚有1/3係生唔食得, 我不如叫條細魚. 番蒸既結果梗係"鞋"好多啦.菜方面唔錯, 豆苗鮮甜, 魚湯時疏湯味好鮮.有叫琵琶豆腐, 羊排, 鹵水鵝掌翼, ok冇咩特別. 小食方面鴨胸唔錯, 都分唔出係中式定係西式煮法, 又似煙又似煮.七點半叫餸, 唔知點解好多嘢都冇晒, 連最想食既蝦子柚皮同埋送既甜品都冇晒.十六人包房, 最低消費2500, 結果2800賣單. 環境招呼尚算唔錯.

喜萬年之前兩日,一眾人佐敦長樂街新斗記開局.名正言順"二月五日我和某人在某地."席上連埋小弟,有五位將會列陣在兩天後的大局,稱之為"喜萬年打比預賽"亦不為過.舊舖新兜記吃過一次,新店比舊店更加華麗堂皇.地下的魚缸,琳瑯滿目的珊蝴魚,真正魚樂無窮.搞手一早在二樓安排貴賓房,兼安排菜單,十多人吃得安心,有勞了是夜搞手V小姐.十四人分十二味,打頭陣的鎮店鹵水乳鴿皇,未吃已經索到陣陣鹵水香氣,鹵得很入味,肉質亦佳.差點連骨頭也吞下.老火湯為馬蹄胡椒豬肚湯,湯呈奶白色.味道都幾咸.原隻炭燒乳豬,皮燒得脆如薯片,味道很香,但沒甚多肉吃,因為一早已經"片"走,所以在新斗記吃乳豬,只能吃其皮,沒有其肉吃.同外間的有所不同.十多人分,吃得過癮.花竹大蝦用豉油皇煮之,大大隻的花竹,肉質爽甜.豉油味亦完全滲進蝦內.窩貼小棠菜,香脆又彈牙,比三姐的更好.如果同人講用幾百銀來一客粟米班塊,十居其九會比人話你黐線在茶記吃個都係廿幾銀乍嘛.)但無論新兜記,或新斗記,幾百銀一客的粟米班塊,一樣是長年鎮店之寶.四舊水可吃到蘇眉或者老鼠班塊,是夜要將就眾人的預算,退求其次用石班,都係不用二百銀一客.外層粉漿不厚,吃落口感

星期六, 我地去新斗記食...!! 我地6:30pm 去攞位, Book 就7:00pm! 但好快有位!! 唔洗等! 我覺得, 唔好比太大期望~~!! 食物一般,但尚算可接受! 服務同環境都唔錯!! 1) 燒乳豬件(例牌) - 皮好脆, 唔肥!! 唔怪之得係店既皇牌!! 真係好好味!2) 豉汁鵝腸–我覺得豉椒炒鵝腸會野味的~~~ 味道比較淡!! 一般啦! 3) 白菜豬肺湯–平時自己唔會煲豬肺, 因為好難洗! 今次有得飲緊係要試下啦!! 個湯好足料, 好好味! 我連湯渣都有食! 正! 4) 蒜香無骨魚–其實係九肚魚~~我覺得冇乜特別! 仲要咸左的~!! 有的似椒鹽九肚魚! 5) 冬菇豬腳仔扒時蔬–豬腳仔炆得好淋, 好入味!! 唔錯! 6) 瑤柱蛋白炒飯–冇驚喜! 同埋我食到的鹽未溶~~咸左的!

這篇食評寫於07年1月1日清晨6點。試想，一個人為何熬夜後不去睡，給一家食店打一大段食評？不是極愛，就是極恨，又或者是經歷太神奇。我呢，三者皆有。神奇1︰忽然有位訂位時表明2030到，但之前試過準時到達後仍然要等45分鐘才有位，於是反客為主，早30分鐘到埗，示意人已在，請知客代為安排，好讓家人2030來到時即可就位，而知客亦已在訂位表上打上記號，將本人排在輪候榜上第10位。20分鐘後，眼見其他同時到達的食客經已有位，於是問個究竟，卻看見登記簿上那個記號不見了！再三追問之下，知客又在瞬間安排到樓上就座了！而當時二樓有三張尚未收拾的桌子，過了15分鐘仍然無人處理，樓下卻有十多人在等候。到底我們的位子，是怎樣變出來的？神奇2︰綠葉扶持牡丹是晚菜式如下—鹵水乳鴿︰這麼大的乳鴿，肉質卻相當嫩滑，而滷汁淡雅得來卻是餘韻陣陣，香味相當有層次，不俗。生炒骨︰是不是上次點了咕嚕肉，才分得一碟沒有骨頭的「肉」？這次叫的是生炒骨，於是有骨下地，而且蠻多。又或者因為是生炒骨，所以肉質亦不夠上次點的咕嚕肉好，肥瘦相間的驚喜消失了。原來生炒骨與咕嚕肉是暗語！啫啫生菜︰量少、汁少，但惹味，不過…棵菜熟未？砵酒焗蠔︰

新兜記--- 一間屹立係佐敦十幾二十年嘅老鋪，自己有幸係佢執之前幫襯過...一個字: "貴"...老店重生，面目全非，但人龍依舊。就算訂咗位，依然要等成粒鐘...跟舊學生聚會，一大班老娃娃，食到杯盤狼籍...都唔使睇餐牌就先叫隻乳豬，再加滷水鵝翼及乳鴿...滷水味唔夠濃，鵝翼太瘦，乳鴿肉頗嫩，但只要個滷水唔得，D料點靚都冇用...退步了...乳豬即燒，正式皮脆肉嫩，係近排食過最好嘅出品。老娃娃們個個食到啜晒手指，跟住就豎起隻手指...所謂龍皇太子羹，查實就係海鮮豆腐羹。味道普通，豆腐算幾滑...生炒骨就係失敗之作--- 皮不脆，肉太肥，並冇"掛醬"感覺...芋頭油鴨煲--- 芋頭有D "生水"，過硬。淨係呢點已經唔合格...自己食唔起粟米蘇眉班塊，就叫個亷價版石班塊。炸粉厚薄適中，魚肉頗鮮而唔鞋，合格之作...豉油皇鵝腸--- 食得出係用靚頭抽嚟撈，鵝腸肥美。繼乳豬後另一出色之作...埋單唔算貴(相比起以前)...但要排隊就真係食唔過...

今次遲了一個多月才與兩位朋友慶生，今次是壽星仔主動提議，真係好，唔駛我傷腦筋。初時有點擔心，因為好多劣評。鹵水乳鴿-所謂招牌菜，覺得只是一般，有好多舖頭做得不會比他差。還是以前新兜記年代時做得好食D。煎蝦餅-算唔錯，又熱又彈牙，但蝦味欠奉。上湯浸蜆-上湯較鹹，但蜆肉唔夠入味。子薑梅子蒸魚雲-甜甜酸酸，仲有少少辣，好醒胃。而魚雲亦吸晒D精華，又滑又好味。蝦醬芥蘭煲-茶蘭好嫩又唔苦，蝦醬味就淡了少少。生炒骨-非常之掂，舊舊脆口，肉地又鬆化，甜酸汁度又適中，算是近期食過的佳作。雖然寫明係生炒骨，但咬下去是啖啖肉的。蠔仔粥-蠔仔唔多，比一般的蠔仔粥多飯少水。唯有失望是沒有飯後甜品奉送。幸好壽星仔食得好開心，勁讚好，佢好欣賞D白飯，仲連食兩大碗。

完全唔對路囉...都唔明點解佢要用新兜記做晃子!!!入到去都覺得唔對路, 間舖黑麻麻。個菜牌只有好少以前的菜式, 但係就有好多古怪外省菜式, 又有火煱。例湯話係杏汁白肺, 來到只是好普通的菜乾煲豬肺, 白都唔白下喎。乳豬又落錯單, 等左好耐...不過都OK。打著舊店的鹵水乳鴿, 須然賣平左, 但係乳鴿質量麻麻, 鹵水又普通, 斬到好多尖骨, 勉強囉。咁情況都唔想再叫野啦。埋單又要茶錢, 又要小食, 又加一...唉!!! 好彩唔比佢叫新兜記, 簡直侮辱左呢間店名, 又沾污我們的回憶。

去過呢度食團年飯.... d野食好多都辣既~d頭菜都ok但d野食就唔係好岩我因為都係辣. 我覺得個dessert咩"x花糕"好清~