拉麵Jo

营业中

休息中

一直放在袋嘅米芝蓮推介，加上朋友強推，真係唔食唔得！店舖小小，感覺温馨。真係黎得啱時候，有Free coke promotion。見到呢幾個貼子，肚仔特別餓，心情特別興奮。正宗日式bar枱設計，與師傅近距離接觸。店員唔正宗的廣東話，特別有親切感，原來係日本人。可以免費加芽菜、醃菜、蒜頭。Free的樽裝可樂，order滿$90就有。天氣仲咁熱，食我的favourite - 冷麵：粗麵/叉燒/半熟蛋/海草/紫菜絲/木魚汁 ($85)木魚汁加左白芝麻香香的，先係冷麵湯汁加上wasabi和葱，再加拉麵食，十分爽口，冰凍湯底的感覺很refreshing。喜歡配料的配搭，海草蠻有特色，而叉燒肉質也很不錯，半熟蛋係流心的，非常有質感。蔥花牛舌 ($68)燒得好香口，有嚼勁，ichiban!蒜油豚骨拉麵：幼麵/日本黑蒜油/叉燒2件/椰菜/青蔥/竹筍/木耳 ($85)，加半熟蛋 $15，加椰菜$10。嚐一口湯頭，黑蒜香味好重，加上豚骨底，湯頭濃厚而不稠，細麵咬勁食得出小麥香。拉麵的配料不少，整體來看好豐富，叉燒偏肥，不會過膩，算肥瘦分佈均勻。椰菜燙的熟度恰當，能吃出菜本身的甜味，非常新鮮。半熟蛋不鹹，咬

難得同同事happy hour完，又唔想成日食西餐，見到li間充滿日式風格既拉麵店，一於就去試下～～～之前呢個位置係一家雪糕店，之後就轉手做左食肆了!雖然叫『拉麵jo』，但其實佢哋有得食沾麵，拉麵同沾麵相比之下，本人比較喜歡後者～～～因為可以跟著自己口味來享用～～～咁啱見到佢哋做緊限定沾麵，冇理由唔試架嘛～名古屋辛味沾麵 $96我哋問老闆名古屋辛味其實係咩？老闆解釋其實有啲類似我哋四川擔擔面咁，不過就冇擔擔麵嘅花生香，沾麵帶點口感，沾上辣油湯汁所以味道變得更加惹味，令人愈食愈上癮～～特製沾麵 $104呢款份量較為多既係同事叫既，呢個完全深得我同同事歡心❤ 因為佢哋嘅魚介豚骨湯底非常之濃郁但唔會太咸，湯汁濃杯程度適中，見到麵底麵可以掛到湯，沾滿上麵身上非常適合，另外佢哋嘅叉燒肥瘦適中入口即溶，食落都唔係覺得好油膩，岩晒我地呢d胃食但又怕肥既女仔～～～另外一題，佢地既溏心蛋流心的確做得唔錯～～～不過我係個好中意食溏心蛋既人，如果可以再流d就更加好喇!自家製餃子去到拉麵店，我哋必定叫餃子食，因為可以試到一間拉麵店除咗拉麵以外既食物水準，必定係餃子。個人對餃子算係有要求的! 因為干時自己都會包

其實平時成日都同朋友去銅鑼灣行街，食飯都食都唔知食乜嘢好，所以我哋就上網搵一啲比較傳統嘅拉麵小店，見到依間餐廳嘅評價都唔錯同埋環境都幾正宗所以就諗住同朋友試吓。餐廳嘅位置都比較偏僻，但係位於銅鑼灣其實都幾方便，地鐵站行大概五至10分鐘到。餐廳嘅位置唔算太多大概有四至五張枱，入到去會見到拉麵師傅喺度煮緊拉麵，因為鋪頭比較細，所以會有啲似日本嘅拉麵小店。同埋拉麵師傅同埋餐廳老闆都係日本人，所以入到去嘅感覺就好似返到日本咁，餐廳而家做緊幾款唔同嘅拉麵限定不過我自己都比較鍾意食傳統湯底比較濃郁嘅拉麵，所以我就叫左一款沾面， 沾面都分咗冷同埋溫嘅而我就叫咗冷沾面，因為我比較鍾意麵質比較彈牙，所以凍就會口感比較好。不過冷沾麵食到後尾可能就會有少少凍，因為面本身係凍。講返個湯底，因為自己比較鍾意食濃郁同埋厚身嘅味道所以餐廳嘅湯底就非常之適合我，而且面嘅份量都幾多同埋叉燒嘅味道都認真唔錯，叉燒非常之厚身同埋燒得啱啱好非常之香，我個人來講就非常之滿意。然後就叫咗一支橙汁，本身以為係普通嘅汽水，點知原來都係嚟自日本嘅橙汁，味道都幾香甜感覺唔錯

拉麵JO其實係銅鑼灣一段時間, 今日突然靈光一閃, 就決定去食先!叫左個我鍾情既豚骨拉麵, 先來一口湯，溫度足有點燙嘴，偏白色的湯底豚骨味濃郁但不會覺得鹹也不算油膩，配合筍條和蔥花，整體就是清新濃厚麵條入口帶隱隱小麥香，煙韌具彈性更具嚼勁，麵味不會被濃郁的湯汁蓋過最出色的是叉燒，重點是入口肉味香濃又軟滑，不放湯純吃也感覺出色湯汁超濃留在麵上不會流走，導致極級的掛湯能力筍條無論是味道和爽脆度皆上乘，增加整體的清爽感溏心蛋有別於溫泉蛋，軟滑的蛋白，一切下去，半熟的蛋黃流出，非常誘人, 令人垂涎三尺, 蛋味香又濃, 值得一再去食先!!

日本野黎講,拉麵一向都係我既心水,朋友介紹我食呢間拉麵店,話佢個店既沾麵唔錯入到去先知,原來係米芝蓮!!!特製沾麵呢款係呢度既招牌沾麵熱辣辣的濃厚魚介豚骨沾麵湯,以熱石鍋呈上遠遠都聞到魚介既香味入囗超級濃郁,拉麵粗身,而且佢既掛湯能力好高而啲叉燒都有三大塊,而且係半肥瘦,咬落軟熟,好腍身,冇牙都食到隻蛋既流心效果都尚算不錯最尾啲汁加水當湯飲,不過味道太咸,飲左幾啖冇飲啦叫左碟炸雞外表平凡,卻是非常外脆內軟炸粉超薄,而雞肉非常嫩滑,仲好JUICY

日本拉麵店越開越多，登龍街更加成為左拉麵街，但香港人咁識食，質素未夠好或者唔啱香港人口味嘅拉麵店自然比淘汰。開咗咁耐都仲留得低嘅質素確實要有咁上下。今日同朋友一時興起要食拉麵，選擇咗呢間遠離繁囂嘅拉麵Jo，你間店都開咗好一段時間。素聞此店由日本人經營，一入到店內，店員哥哥安排左我哋坐卡位，睇一睇哥哥嘅名牌，係日本人名喎！唔怪得廣東話總係帶點可愛嘅味道~《豚骨拉麵＄82》酷愛豚骨湯底嘅我當然係點豚骨拉麵啦！另外再加一隻玉子。先睇一睇湯底，奶白色好對板，入口順滑而豚骨味濃郁；拉麵方面選用左幼身麵，掛湯能力唔錯而且食到最後仍然保持到煙軔口感。叉燒方面共兩大塊，夠厚身但未算入味。玉子$15: 流心，非常滿意因為朋友點沾麵嘅關係，店員哥哥附上一張沾麵教學圖～朋友食嘅辣味沾麵亦相當吸引， 沾麵非常彈牙，辣汁香濃而唔太辣。餃子永遠都係我嘅最愛非常推薦右手邊嘅白桃飲品，每一啖都食到白桃肉粒粒，非常有口感而且桃味香甜！

數年前到訪過拉麵JO感覺良好在銅鑼灣左穿右插總算到步店內日籍經理廣東話講得很標準菜單極之簡潔拉麵只有湯底和蔥選擇 其實由廚師來決定最好的味道更好這次就點了醬油豚骨湯底配幼麵普通薄切豬肉仍然水準十足醬油湯底要比想像中稠一點芝麻增添了額外的香氣喝下去甚為順滑溏心蛋微甜效果理想味道適中又不會油膩拉麵爽滑掛得起湯之餘沒有化成糊狀蔥是齊切成段食拉麵時偶爾感受到口感變化朋友的名古屋辛味拉麵惹味就穿了就是台灣担担口味以豬骨湯作基底配上辣肉碎甚匹配明太子薯餅軟糯鹹香吃起來有點像日式年糕一咬開就湧出源源不絕的明太子醬餃子捏得精巧一樣就滿肉汁雖然選擇真的很少但勝在有師傅細心調味不用刻意追求重口味恰到好處就是美味第一誡

位於銅鑼灣的拉麵Jo，是一間由日本人開設廣受好評的拉麵店。今天相約拉麵控朋友吃晩餐，看他辛苦工作一整天，吃完拉麵後，便帶他去吃甜品吧。特製沾麵$104拉麵JO招牌沾麵，想吃好久呢，未吃已令我囗水直流。熱辣辣的濃厚魚介豚骨沾麵湯，以熱石鍋呈上，熱氣泡不斷，香氣四溢。沾麵湯花16小時熬製，呈深黃色，濃香滿溢，入囗超級甘甜，濃郁而不稠，香濃而不膩，我和朋友都超喜歡呢。麵條是工場每天新鮮製作，沾麵條是白身粗麵，麵質爽彈，囗感煙靭，粗身富嚼勁，唯麵粉香不濃。麵條掛上湯汁，非常美味哦。自家製餃子$42餃子可選$22三隻或$42六隻，餃子微微燒煮，外皮煙靭，內裡肉質腍滑，味道不錯呢。明太子炸年糕$48最愛吃明太子，每當有明太子的東西都要一試。炸年糕一客三件，年糕囗煙靭，內裡是明太子醬，好好吃呢。

Such a busy week...seriously need some comfort food to cheer me up. Finally managed to come again for dinner. Tried their limited edition of Nagoya Spicy Tsukemen $96, the broth was right on point, not overly strong but with a hearty pork flavor. It was just a little bit spicy to my liking. The minced pork was flavourful. Glad that the noodles wasn't too thick & definitely satisfied my cravings on tsukemen 🤓 Perfectly complemented with the tender chasiu & soft-boiled eggs 🍳 Another signature was

一個人係銅羅灣唔知食乜野好，上openrice 見評價不錯，就黎試吓食。夜晚～8:30去到門口有幾個人排隊，好快就有得入去。（原來係米之蓮喎！～）叫左個沾麵，上錯咗個辣沾麵，原來落錯單。反正都鐘意食辣就無所謂喇個麵上到黎賣相平平，但係一食落真係個汁極香（感覺有好香嘅魚味）而且夠晒辣。麵稍硬（可能係因為係粗麵？） 叉燒半肥瘦，咬落軟熟，整體幾好食。$98加左隻蛋就普普通通。$15佢有建議最尾啲汁加水當湯飲，不過因為唔想飲辣湯所以無叫佢加水。 提提大家食沾麵要加麵要預先講佢知，如果唔係食完之後無得加。會再返黎

拉麵Jo係銅鑼灣嘅一間拉麵店，細細間咁有啲似日本嘅傳統小店。今次去食左佢嘅沾面😋佢嘅面係粗面，煮得岩岩好，唔會太軟又唔會太硬，十分有口感🖒粗幼不一咁，唔知係咪手拉架呢~湯底亦都好濃，吸引人不斷繼續食👅

行完書展去醫肚，終於食到拉麵jo喇！！！ 原來係2014-2017米芝蓮推介嘅餐廳呀！！我叫左個蒜油豚骨拉麵，湯底好濃好香，係幼麵黎喎，麵好彈牙,不過食到一半有d滯。而友人就叫左個惡魔拉麵，係平時食開嘅粗麵，辣辣地好醒胃，不過蛋都冇隻，如果想食要加錢。但真係真心好味，食滿$90仲送一支可樂！

拉麵之中真係得呢間可以令我百試不厭! 店前既紅紅大燈籠，好易認😀今日仲早，人客唔算多所以唔洗等位!蒜油豚骨我每次都點，今次試下豚骨睇下邊個好味啲!但一定要加蔥!!炸雞必點呀!!餐廳除左食物好味，最鍾意係佢日式既開放式設計，同拉麵師傅只有一枱之隔，睇住佢煮麵切叉燒，變得十分期待😍拉麵十分鐘左右就上啦!豚骨湯比較清，豬骨湯底十分濃，但味道不及蒜香豚骨湯底香!今次既半熟蛋有點失準!中間有部分已經全熟，比較喜歡有流心既蛋醬效果麵質係咁多拉麵店之中我最鍾意既粗幼度!而且滑身有彈性今日既叉燒偏肥，肉香之餘充滿油脂味!入口即溶既口感非常好炸雞係我每次必點既小食!每粒都大過乒乓波，而且表面只有薄薄一層粉，入邊既雞肉彈牙多汁，juicy! 最好味係佢既芥末蛋黃醬，帶有淡淡芥末香但又唔攻鼻，仲蛋黃醬既香滑，同炸雞非常夾

拉麵風潮早已過去，汰弱留強，能留下的總有其原因。拉麵Jo由日本人營運，從湯底、食材、和服務都是認真和專業，貫切日文TQM的精神。豚骨拉麵豚骨湯底呈乳白色，濃稠面上並沒有太多油，明顯是熬製很久的原故。燙熱的湯要等一會才能喝，這時拍照就剛開好，湯很順滑，濃濃的豚肉香氣。叉燒煮得很嫩，竹筍爽甜，麵質有嚼勁亦爽口，好吃。最喜歡喝一口充滿青蔥的湯，把青蔥嚼碎，青蔥的香氣從濃濃的豚骨湯底散出，形成強烈的對比😋😋面底看似不多，可是吃著喝著便飽了，喝不了整碗的湯，對廚師失敬了🙇🏻

起客人面前將各格面的醬汁及喬頭等四樽放入一樽用，仲要有d跌左起枱面再徒手執返入樽，好無衛生。拉麵一般，服務態度惡劣，8：00pm幾去好似趕收工甘，已經執定收檔，無招呼。