拉麵台風 (已搬遷) 新店位置

都唔係第一次到訪拉麵台風，次次都係食湯拉麵，而撈麵又真係第一次食！拉麵仲係煙韌彈牙，而豚肉都係醃得好入味，用碗入面嘅少少汁都混合黎食，充滿豬骨湯嘅鹹香，亦有濃濃嘅肉味！

港島人難得過來荃灣，一早「瞄準」此處的人氣王拉麵台風作為晚餐。店員會在排隊時遞上點餐紙，慳返等候時間，又特別為女食客遞上橡根綁頭髪及掛釣掛手袋，貼心的服務認真扺讚!招牌拉麵-魚介豬骨湯拉麵 ($78)湯頭甘香濃厚，啖啖盡是豬骨的精華，帶點魚的鮮甜。麵是屬粗身一類，爽口彈牙。义燒入口鬆化，而且都是瘦肉，沒太多肥膏，夠健康!友人點的黑色暴雨拉麵($85)很有驚喜。湯底有黑蒜油，黑芝麻和辣椒粉。未食拉麵已有黑蒜油陣陣的香氣，喝下更覺湯底濃洧，辣椒粉的微辣令湯底味道更豐富。如果説湯底是拉麵的靈魂，拉麵台風的拉麵面形神兼備，值得推薦!

每次經過荃灣都會見到你架拉麵店門口有好多人排隊，今日趁有啲時間就入咗去試吓。6點嚟到門口嘢排咗八個人，我哋都嗱嗱聲排隊，鋪頭入邊嘅位置不多，所以我哋都好快揀完就急不及待等師傅煮麵，大約等左20分鐘左右就有得食啦。黑色暴雨拉麵＄85湯底有黑蒜油，黑芝麻再加啲辣椒粉，飲咗第一啖湯底好重蒜油味，帶點辣味，撈埋旁邊嘅魚粉，會加一點鮮味，湯底亦比一般拉麵店杰身。面底揀咗軟身，呢個軟硬度好啱我，麵條給晒湯底嘅味道，完全係一口食晒面加湯底嘅精華。我加多左一隻糖心蛋，咬落口嘅時候蛋黃慢慢流出來，個感覺好正。叉燒屬於瘦底，啱晒我哋女仔食，識落唔會覺得油膩。走嘅時候門口仲有人排隊，但係絕對值得等。

拉麵兵團又再出發，今次吃到荃灣，就是為了一訪名店拉麵台風第一次到訪漁場台風時，就已經愛上了那重口味跟高ＣＰ，得知拉麵台風是本店，雖然千里沼沼，但也得來試一下 今天６點鐘就來到台風，正正就是晚市開始的時間而且店內已經有人在吃！而且不消３０分鐘，這店就已經ＦＵＬＬ了！ 有別於漁場的早豚晚沾，台風由早到晚都有拉麵跟沾麵，還有種自創的撈麵跟蕃茄湯，非常有趣！ 跟漁場一樣的設置，有髮圈提供給大家扎頭髮，而且還是＂可以取走的＂！ 有日藉師傅坐鎮的拉麵店，特別令人放心 點了每日只限３０碗的沾麵，不一會就上來了，湯底沒有想像的濃，有點像ＴＥＴＳＵ的中等濃稠度，味道香濃富魚介味，不過豚骨味略欠。麵底份量足，而且是冷身，口感非常彈牙有嚼勁，沾起湯來味道剛好，不會過咸，不錯。叉燒肉是肉粒，切得非常厚，但非常易嚼，但由於肉質比較瘦，所以沒有入口即溶，也比較清淡。個人卻十分喜歡這配搭，而且份量也相當多！另有半隻蛋，外皮色澤很淺，入口卻是有醃過的味道，只是有些淺黃色的部分，即是太熟了，沒有流心筍尖沒有渣，一讚，蔥是生蔥卻沒有很辛辣，二讚，少有地竟然有生菜絲，可以補充纖維，三讚另有檸檬中和油膩感，也是不錯店員可幫

星期六天，約咗幾個佬到荃灣打保齡……咦，荃灣？？嘩，我要食拉麵台風呀！！聞名已久，今天終於可一嚐啦！！常規的拉麵有五款，其中沾麵每日限售30碗，所以今天一早十二點前來到，等佢開門。等麵時，一直睇住師傅整拉麵，原來伊台風的芝士，是火焰燒過的。黑色暴雨拉麵（夏季限定），加了黑蒜油、黑芝麻和麻辣椒，我朋友竟然喺大熱天時揀咗佢？？既然係夏日限定，我冇理由唔試吓佢。一大啖湯入口（我食拉麵，一定先試湯底），黑蒜油和黑芝麻很濃香，繼而入到喉嚨時，陣陣的麻辣椒終於出來啦，放心，不會太辣，感覺相對傳統的黑湯拉麵，知道上多了一種層次。由於不是我食，其他的感覺，下面再寫。沾麵，正宗日式沾麵，將凍麵沾上熱辣辣的湯汁，入口，真正滋味無窮。為咗食嘢，可以幾盡？星期六一大早，由觀塘入到荃灣，為試一日30碗的台風沾麵！！唔駛上枱，單喺等拉麵時，見師傅整麵，碗碗都份量十足，唔只拉麵，連叉燒同配菜都大份過人。咦，點解沾麵見唔到叉燒？？唔駛咁擔心，因為呢度在某幾款的拉麵，不是給一塊塊的叉燒，而係俾一粒粒的。叉燒粒大大粒，但又不會韌。拉麵我選了偏硬身，配上餐廳用的粗身拉麵，咬感真是大滿足，再沾上用豬骨製成的濃濃濃湯，爆滿足。

好難得來到荃灣，見OpenRice講呢一間拉麵餐廳唔錯就所以就過咗嚟試吓。夜晚大約八點，呢度都仲要等位。因為餐廳比較細，位置亦都好狹窄，所以要等都唔出奇。我哋嚟到呢度等左大約七至八個人到啦，就入得去。排隊的時候店員會俾咗張菜單你先點拉麵，入到去就即刻上菜。店員會好細心問長頭髮嘅你需唔需要橡筋綁住，以免頭髮hi到啲湯汁。拉麵價錢大約八十幾至九十幾不等，只有幾款可以選擇。我就揀咗辛辣拉麵，味道濃郁而且份量多，面可以選擇軟硬程度同埋多少，其實女仔揀大應該都會食唔晒，因為最後我都實淨少少。

星期日, 無無聊聊, 最好食碗麵 ....於是就到了位於 荃灣-大河道 的 拉麵台風, 吃拉麵, 這間 台風, 所賣的不是台灣麵, 而是日式拉麵和沾麵, 而且是真正由 日本人 廚師主理, 質素有保證 ~點單紙 ~魚介豬骨湯拉麵 $ 78 : 這個 魚介豬骨湯拉麵 絕對是這家店子的招牌貨之一 .... 未吃麵, 必定要先喝一口湯, 其湯頭味道濃郁鮮香, 質感濃稠而不膩, 亦不會過鹹, 用心熬煮的湯就是這樣的好喝 ~半熟蛋, 色澤誘人, 蛋黃呈流心狀態 ~叉燒 : 肉質軟綿腍滑, 亦帶點咬口感, 肉味道濃香, 也頗厚切的, 好吃 ~拉麵 : 我點的是( 硬麵 ) , 麵質Q彈爽口, 粗幼適中, 掛湯力強, 這個麵跟湯頭, 兩者十分配合 ~我把麵湯也喝得光光, 足以證明這個湯實在是很好喝, 絕對是非常好吃的一碗拉麵 ~本篇完 ~

Miss O’ 知道係荃灣有間日式拉麵小店叫拉麵台風，之前朋友食過覺得唔錯，今次帶埋Miss O’去再幫襯。依間拉麵店係日本人開嘅。之前朋友食要排隊嘅，今次可能成3點先去，所以只係等左2、3分鐘就有位。等緊嘅時候店員會先比張點餐紙你選嘢食。Miss O’ & friend 選擇左魚介豬骨湯拉麵同伊台風。魚介豬骨湯拉麵湯底都幾濃同杰身, 紫菜上面放左啲魚粉，佢有指示教你唔好一開始就撈匀啲魚粉，要先飲湯食啲原味嘅麵先，然後再落魚粉咁就感受到唔同嘅滋味。伊台風係番茄湯底再加燒過嘅芝士碎，芝士冇溶係湯度，所以可以同啲麵夾住食。佢嘅湯底唔太酸，不過都係杰身，啲芽菜幾好味。總括黎講，佢啲湯底幾濃味同杰，糖心蛋就略嫌唔夠甜同入味。店舖地方比較細，客人都要坐高枱，坐得唔太舒服同迫。店舖燈光有啲暗，感覺乾淨程度一般，不過碗麵幾好食，餐廳侍應態度幾好。另外，佢啲麵嘅份量好多，細食嘅你建議order少麵。

好耐之前食過旺角間台風, 事隔年幾喺朋友介紹下, 再次試呢間位處荃灣大河道嘅拉麵台風, 嗰日晚上八九點, 都仲係咁多人排隊。為咗省卻等候食物時間, 店員會喺排隊嘅時候俾紙落單, 一般可選一碗拉麵加一罐飲料。一入到去坐位不多，店員都好熱情招呼我哋。一早預先已經放定冰凍嘅可樂在枱上，喺出邊等左咁耐位，有啲熱，就即刻飲一啖啦好涼快！留意到店舖裏面嘅師傅都好用心煮麵，滿頭大汗。而且我知道呢個師傅應該對動漫有啲認識，長枱上面都係佈滿龍珠嘅公仔，充滿日本風格。不消10分鐘，拉麵就已經去到我面前。呢次我就揀咗試夏季限定嘅黑色暴雨拉麵, 標榜係黑蒜油x黑芝麻x麻辣椒嘅完美配搭, 辣度適中，相信唔係好食得辣嘅朋友都應該食到, 而湯底夠濃好香蒜味, 完全滲入拉麵底同半熟蛋。叉燒有咬口，唔會太硬，比較薄身。成碗拉麵嘅份量都非常之多，正常一個女仔係食唔晒嘅。男士或許夠飽，唯一不足係拉麵偏硬, 建議大家喺落單時選要較軟嘅拉面。咁就可以食得比較輕鬆。另外仲有半隻糖心蛋，黃色嘅蛋黃將流入湯底裏面，入口更濃滑，口感好豐富啊。呢度雖然小職員但係佢哋可以留意到我哋嘅一舉一動，我朋友由於着白色裙，不小心被拉麵既湯踐到，職員

最近因為天氣太熱，好少食湯麵類既野。但今日同朋友經過呢間見到唔大間既店面不過好多人排隊就算天氣有幾熱都好都想試下店鋪既座位都係bar枱設計，不過好處係可以望住廚師煮野食裝修都係好細間日本拉麵feel我地一人叫左一碗麵😻佢地有好多唔同野揀，麵既軟硬程度，湯底既油膩程度都可以選擇設合返唔同人既需要朋友呢碗係魚介豬骨湯拉麵，個湯有好濃既豬骨味，不過我覺得食哂成碗會有d膩我自己就叫左一個黑色暴雨拉麵，有黑蒜油、黑芝麻、麻辣椒，有微微既辣味比起朋友個碗我更鐘意自己呢碗，刺激味蕾雖然湯底睇落係黑色好恐怖，不過大家可以放心！食落唔會好油同真係好味架

聽朋友兩次講話， 佢睇openrice介紹，荃灣佢屋企附近， 有一間日本拉麵好好食， 佢哋一人一碗華食豬骨拉麵同埋骨膠原我聽到一頭霧水都唔知係咩嚟嘅 淨係知道係日本拉麵好好食，竟然關門了十分失望！！！ 今次中午十二點等到開門有得食因為未開舖已經有好多人喺門口排隊，星期一至五閒日，一開舖就已經坐滿客人，點完餐還要等 7～8分鐘，bar 枱對住廚師見佢拉面很好認真, 咁耐 d 都值得，溫泉蛋好食，好滑剛熟好多料好豐富，食到我好飽，拉麵又好彈牙，啲撈麵冇湯底, 我叫2號)骨膠原撈麵(無湯)$78 佢畀咗張紙我√好細心可以揀自己嘅口味 面量普通口感：硬醬汁：多香油：多走蔥1.魚介豬骨湯 $782.骨膠原撈麵 $783.紅色暴雨 $834.去台颱風 $885.黑色暴雨拉麵 $85下次再幫趁，試勻晒志得

拉麵有好多口味 就搵一碗岩自己口味既的！自己總是最了解自己的需要😌 自己拉麵自己揀！由日本人主理的拉麵店🇯🇵=============================食完之前需要留意拉麵台風的「美味進食方法」，內有食拉麵秘訣，step by step，食出拉麵既味道！食拉麵既精粹 在於湯底！魚介豚骨湯 偽文青飛佛😍.•魚介豬骨湯拉麵 先飲啖魚介豚骨湯 已經夠味 味濃 再食麵 偽文青選了麵質感硬身 喜歡吃爽的 口感有嚼勁 而醬汁 香油 蔥則是普通份量 配上半肥瘦叉燒 叉燒軟腍 掌心般大 其實拉麵份量足 女仔食到一大半 已經好勁 下次要減麵量😂 （因我不是大胃D🙊).•紅色暴雨拉麵 加入秘製辣油 可以自選辣度 拌入魚粉會越食越濃味 喜歡惹味的朋友 可以再加蒜蓉 胡椒 味道就更濃更惹味！溏心蛋😍食拉麵總不能沒有它！下次要加多半隻🥚😂👍🏻

新工由炮台山轉來荃灣，簡直係地獄上返天堂！荃灣好多野食，咩菜都有！最重要係唔洗食連鎖食店。今日約左舊同事去拉麵台風lunch，同事都話哩間幾出名，平時見到好多人排隊。唔怪得之啦～入面得10零個位🤣！不過我唔鍾意坐高凳，隻腳fing fing下。店員好細心，送左條橡筋俾我食麵時紮起頭髮我揀左個骨膠原撈麵、軟麵、麵量普通、少醬、少油，Lunch會送飲品或者配菜。我唔飲汽水，所以揀左半份肉。 好大碗麵，下次要叫少麵。我唔鍾意d肉係碎碎的無咩口感。整體來講，我碗麵味道麻麻地，下次試其他

又黎到荃灣開餐 想食下搵麵 我會黎呢條街有好幾間拉麵開左係呢到附近最後我地揀左呢間😙😙個menu 整到好cute 仲會教你點食最正魚介豬骨湯拉麵 $78個湯底好濃厚 唔會太油 而且唔會過咸🤤🤤普通麵嘅份量好多 對女仔黎講完全食唔曬🙈🙈叉燒雖然得兩塊 但勁大塊 而且比較厚 正👍🏻👍🏻👍🏻糖心蛋水準亦都好好食整體水準唔錯👍🏻👍🏻👍🏻夏日限定 黑色暴雨拉麵$85個名起得咁正 唔可以唔試下啦😆個湯底係由黑蒜油 x 黑芝麻 x 麻辣椒 組成辣度中等 但個麻辣味真係好正 唔太多唔太少 好刺激👍🏻估唔到麻辣同拉麵都咁夾💖💖呢到服務都好好 見你有袋會比個勾你掛袋 仲會幫你拉櫈再泊好😂😂長頭髮仲會比條橡筋你紮起👍🏻👍🏻👍🏻

之前次次經過見到都有人排隊，今日中午經過無人排隊啵...我同朋友對望左下就入左去啦呢度既裝修風格帶有漫畫卡通既感覺，連meun都係畫出黎，啲公仔生動得黎又可愛依家好多拉麵店都有得俾食客自行畫選適合自己既配搭，而呢度亦都唔例外睇左一陣，我同朋友都揀好自己既心水呢度既沾麵每日限定30碗?!反正自己都中意食沾麵，就一於試下先不過食之前我地就先跟餐每人要左罐汽水先我地睇到呢度既麵量係出面既1.5倍，所以我地就揀左小一半麵量而要多個配料我揀左要多份糖心蛋，而朋友就選擇要多啲叉燒-我既“沾麵”HKd$83賣相好豐富，配料有齊兩款叉燒(粒狀及片狀)、荀、蔥、紫菜同糖心蛋！而麵質係偏粗身而有咬口，岩曬我湯底好濃郁呀，自己揀左小香油，所以都香濃得黎唔會好油膩粗身有咬口既拉麵沉落熱辣辣既濃湯~大口吃下......係一種豪邁既享受之後仲可以加湯加熱飲埋個湯底而朋友就揀左“伊台風”HKd$88原來係蕃茄芝士做湯底，聞到好香蕃茄味！！試左啖都係好濃郁架，蕃茄帶酸甜既味道仲令人覺得好開胃而呢款既拉麵既麵質就比較幼身，所以相對掛湯力更強雖然我地將麵量減半，但份量依然十足，我地兩個女仔食完係覺得勁飽！！（真係個“巨風