拉麵台風 (已搬遷) 新店位置

喜歡在lunch 時候去台風。一如既往，我點了魚介拉麵。曾試過沾麵，但覺得比較油膩。lunch hour 會送一份蛋或叉燒，我還是喜歡蛋。客人可以選擇麵的硬度，蔥和香油的份量。我個人認為普通的硬度十分適中。叉燒味道剛好！他們貼心為客人推櫈，但略嫌櫈子太高不適合著裙的女性客人。禮貌一流！

同男友喺荃灣搵食，搵到呢間食評都幾多就諗住試試。大概等左15分鐘就可以入去。但係我哋被安排坐嘅唔係吧枱位， 而係被安排坐左去再入啲近廚房門口嗰個位，未坐低已經聞到有一陣怪味，好似洗咗條毛巾好耐都唔乾個陣up味，比較難聞。當時食慾已經大減至七成，想調位，但已經落左單。 麵來到，材料豐富，但係所有味道都唔係幾夾，全部味分開左，湯有湯味，面身較粗，但唔入味，冇味道。辣芽菜都無味。只有蛋好食。同埋佢份量係足夠嘅，唔使加面底都夠食。因為環境真係唔太好，而且不斷聞怪味嘅時候，成個麵嘅味道唔知係唔係因為咁而有影響，所以唔係覺得個麵太好食，因為我男朋友嗰個位係正正望住入去廚房洗野嘅位置，所以真係會影響食慾，嗰兩個位真係出事位，真係建議唔好再安排比客人坐嗰兩個位，一係就搵一啲屏風遮住佢。

這日和朋友去日本旅行前談行程，決定來此食個台風拉麵，先準備一下日本的氣氛今次叫的是魚介豬骨湯拉麵原來還有三款特色拉麵呢，骨膠原撈麵，紅色暴雨拉麵，伊台風，看來都很吸引，下次再試至於選擇的單張上大部份選擇我都選了適中一來已覺香氣撲鼻，湯底一定很足料食落更覺滋味，叉燒亦幼滑可口，與拉麵口感也很配合美足不足是店子小，所以等位也等了一段時間食完也很想去日本再作比較，看看會有甚麼差別，會否大碗些? 又更好食?不過這餐已很滿足了，真想看看是否還天外有天，人外有人

又黎食拉麵啦！差不多款款都試齊，係時候寫下評語啦！ 揀左最鐘意既3款：1. 骨膠原撈面話明骨膠原口味，面頭真係有膠質狀，食落都幾香口，撈面但又夠晒汁，唔乾～2.伊台風濃濃既蕃茄味 再加芝士，第一次食呢種口味既日式拉面，幾創新！ 味道好夾3.沾麵Last but not least，呢款係我最愛！ 又想食撈面又想湯面，呢款撈完d料，食之前沾下熱湯，麵真係幾特別！ 可惜面唔夠掛湯呢間拉麵店面好有日本風，可以圍住廚師 一路睇佢整一路食，真係好有屋台feel!

同朋友一齊睇完戲決定食返夠本，呢間台風出名份量非常多， 就算男士黎都未必食得晒，而且質數唔錯！ 大約排左１０分鐘度，店員會先派點餐紙， 填寫後入座就有得食，唔洗再等！ 煮麵的是日本師父，味道夠正宗，份量大家眼見果然唔少吧， 而且可以再自選加叉燒和蛋等等配料， 根本上一定飽到上心口！ 肉質肥瘦適中，如果可以的話，再燒一燒一定更加野味， 這款雨色暴風雨真的算辣，而且更可以再選辣度， 有勇氣的不妨挑戰一下，而我最欣賞就是這裡的流心蛋， 每次都要另點多一隻，麵與湯底融合，濃郁的豬肉香加入辣油後更加野味！

我在葵涌和荃灣的食店，進行星期日美食探險之旅，終於到了最後一站，去到荃灣的日式拉麵沾麵店「拉麵台風」。不過由於「拉麵台風」午市跟晚市之間有兩小時的休息時間，所以店舖休息期間會落下半道大閘，外人不知情的話，或許會以為店舖關了門，這樣隨時可能令店舖賺了一個客人的生意的。當然，「拉麵台風」可能都知道你可能誤會，所以特意在店舖門口的半掩鐵閘面前，加上一個寫着「休息中」的小型告示牌，提醒你「拉麵台風」中場員工休息，請稍候片刻，等待晚市開始時再來幫襯吧！「拉麵台風」提供的拉麵款式，一眼無遺，盡在店門口前的大型餐牌上。跟「一X堂」或佐敦恆豐「無X」一樣，「拉麵台風」都有「魚介豬骨湯拉麵」供應。「拉麵台風」的拉麵款式不算特別多，但是做事專注，反而有利保持食物質素穩定，更容易留住客人。除了「魚介豬骨湯拉麵」之外，「拉麵台風」還有幾款下次可以一試的拉麵款式，例如「骨膠原撈麵」、走麻辣路線的「紅色暴雨拉麵」和味覺為先，有蕃茄和芝士作材料的「伊台風」，我對「伊台風」興趣比較濃烈，是下次可以點的拉麵。除了「魚介豬骨湯拉麵」、「骨膠原拉麵」、「紅色暴雨拉麵」和「伊台風」之外，「拉麵台風」最為人所以注意，就是每日只

用一試難忘形容，完全無誇張店鋪不大，內裏只得5款麵選擇，今日選了最基本魚介豬骨湯，湯濃而鮮甜，豬骨湯煲足12小時，長年累月的。這裏其實我長期幫趁，因為一支公，最好坐一排過單坐位，我無可樂不歡，當然亦叫了一罐。這裏入座每人派一張餐紙，order自己喜歡麵，麵量口感也可以選擇，有蔥無蔥，醬油，紫菜都另外選，以顧客為先，師博像日本人，我見到鄰座的糖心蛋，實在忍不到加$12叫多一隻，蛋黃橙紅流心很美味豬骨湯很濃，但不會過咸，拉麵外滑而煙韌有咬口，無over cooking, yummy!义燒軟腍，筍件惹味，辣芽菜清新健康，蛋入味咸咸地，好正!生蔥另成碗麵口感同香味提升，我建議大家唔好走蔥呀!紫菜上面魚介粉，提升了湯麵鮮味，靈魂所在。午餐時間超多人，所以各位早些來等位

平時唔多去荃灣，今日剛好要係附近工作，梗係要搵下荃灣有咩美食，最後聽朋友介紹去左試台風。台風店面可以用不太起眼的小店形容，空間唔太，師傅就係正面前煮拉麵。一入去就聽到店員溝通用日文，連隔離嘅食客都咁岩係日本人，八卦一問原來老闆係日本人，本來係東京開店，後來黎左香港發展，一聽即刻對店入面嘅拉麵更期待!講番食物，選擇唔算多，一共五款，但款款都好吸引。少少題外話，因為本人超鍾意手繪風，所以台風由裝修到餐牌風格都好岩我心水!個人習慣食拉麵前是飲啖湯試味先，魚介豬骨湯有驚喜，濃郁但唔油膩，而且有鮮味，相信都幾足料熬製(因為食拉麵好怕會遇到肥膩又死咸嘅湯底)，麵質老土咁講句真係幾有口感，而且拉麵偏粗，岩岩好可以掛住濃厚嘅湯底，好好味因為午市可以免費加一樣配料，貪心嘅食肉獸當然加多半份叉燒，點知份量真係多到嚇左嚇...店內嘅叉燒貌似冇滷過，好原汁原味之餘一D都唔肥膩，食到豬肉本身嘅鮮味，雖然本人私心鍾意入味D。下次會加多份蛋，因為對日式拉麵嘅糖心蛋毫無抵抗力。友人點左每日限定嘅沾麵，做得沾麵湯汁當然更濃，熱辣辣加上麵，同樣好食店家幾細心，麵質到湯底配料都可以自己揀，而且店員全部都好有禮貌，下次口痕想

都住左係荃灣十幾年啦，當然成日都會周圍搵野食啦。其實荃灣都算幾多野食，平又好貴又好正有好劣又好都好容易搵到。呢間拉麵店到好似都開左唔短既時間，不過成日經過都見到排長龍所以反而一次都未試過。適逢今日放假中午同媽咪經過見到，啱啱開門都係得兩三個人係門外排隊，咁就緊係要即刻來試一試啦。同好多拉麵店一樣，呢度點餐係畫紙仔，有提供一啲個人化既選擇，例如麵要多定少、要唔要走蔥等等。舖頭寫住沾麵係每日限量30碗，既然係晏晝過黎，咁就一於試個沾麵啦！因為第一次食，唔知呢間店既口味如何，所以大部份嘅選擇都揀咗適中，當然要加碼叉燒啦，我係食肉獸嚟架嘛。鋪頭唔算大，可能都係容納十幾二十個人左右，大家都係平排咁坐係吧檯位置望住師傅整麵，座位除左點餐紙之外，仲有一啲插話介紹大家點樣去品嚐佢哋嘅拉麵同沾麵，啲插畫畫得好得意呀，又會教人食麵既正確方法，咁就唔會浪費左碗麵啦。等緊碗麵黎既期間，店員都好細心比左兩個掛鈎我同媽咪，因為係坐吧台嗎其實都無位可以放袋本身都係放係自己大脾上面，有呢個掛鈎就方便得多啦，等我可以專心影相。另外長頭髮既女仔，店員會遞啲橡筋俾你扎頭髮，不過我本身有帶橡筋所以就無要到。沾麵 $83等左大

平時啲朋友問我荃灣有咩野食，我都會答佢地台風拉麵，因為係荃灣黎講都真係幾出名，店鋪都係日本人主理的。 慚愧的是 係荃灣住左咁耐都未黎試過 因為都被長長的人龍嚇怕😂不過今次終於嚟台風品嚐下出晒名既拉麵啦平日搭車經過都見到排晒長龍既，所以今晚我都預早時間排隊。呢間拉麵店好似去到日本傳統嘅拉麵店咁，唔同香港茶餐廳一般有卡位坐，所以基本上食客就要走啦，想gathering 傾一陣計的話 就唔太適合你啦🤔所以呢，雖然有長長的人龍，但其實要唔會等十分耐。排隊途中，店員已經會俾張紙我地揀定湯底、濃淡度、拉麵既軟硬度，仲有配料等等既。怕唔夠飽的話 仲可以加底（同行的daddy選擇左加底 最後十分十分飽地離場 😂哈哈）另外仲可以揀：另加配菜同飲品咁的。好多人既情況下，大概等半個鐘倒 就可以入去食啦。因為之前order 左 所以坐底無耐 店員已經送上排隊時落左order既拉麵啦😍十分鐘都唔洗就有麵食 聞落都已經覺得正！我揀左既拉麵款式係：魚介豬骨湯（$78），麵既份量：普通，口感：普通，醫汁：多（我重口味底），蔥：有。好食好食！！拉麵好彈牙，湯底夠濃又香，叉燒夠大塊而且無脂肪 啖啖肉好肉😋 糖心蛋亦都好出

冬至黎到荃灣 問咗個朋友 佢話野食去大河道個到多啲嘢食喎所以就走咗去大河道個邊搵食我係想食拉麵 見到有兩間 而我係揀咗門口多人啲個間排隊入去食入到去坐咗係枱前見到啲動漫公仔好得意因為我鐘意食芝士既 所以我係揀咗呢個伊台風黎食佢係有芝士 但蕃茄湯底黎 幾特別下芝士味唔算好濃 湯底好結 我覺得太結啦 就快變撈麵既感覺啦雖然味道係唔錯幾好味既 但由於湯底既預期太有出入變到好似撈麵既感覺 所以總括黎講都係一般般 而坐位呢 係都幾迫下 要個侍應幫你拉開張櫈先入到去坐再幫你推返埋就係咁喇 如果問我會唔會再去 如非必要 都唔會再去啦

今天早放學，諗不到食咩好，我朋友就帶左我去荃灣食一間荃灣友一定識的日本餐廳！呢間餐廳不是好多座位，座位好似bar枱咁坐。拎左位之後係門口等，等的時候會有職員來比紙你填，主要都是揀咩味(得四種味)，要不要蔥，麵硬不硬咁。咁岩坐的位就有得望住個廚師煮，廚師係日本人喲廚師會親自將煮好的麵比你，早前落車的職員會寫上你的特徵，當天穿了藍色衫，所以就寫了藍F流心蛋好好食，麵好多，好抵食！晚上吃的話會比較多人排隊，如晚上去需要早一點到喲。

台風在荃灣是數一數二有名的食店,吸引很多人專程到來品嚐。 店面面積較小,全部座位為bar台設計, 整個格局都洋溢著日本風。 台風的拉麵種類不多,這次我選了伊台風,還叫了增量叉燒。 這個麵是用較粗身的拉麵, 麵的硬度我選了普通,但已經比其他拉麵店做得煙韌,配著濃濃的蕃茄醬汁一起吃,真的很滋味。 而且份量偏多,一般的男士們應該不用加底也夠吃,女生可以選少1/3 到1/4。從照片可見,溏心蛋做得不錯, 蛋白已凝固,蛋黃依然是呈液態狀,一咬下去,半熟的蛋黃流出,口感一流。叉燒上放了灸燒芝士,有畫龍點睛的效果。 增量後的叉燒真的很多,但不知是否另加的關係,變了「碎上」,賣相立刻下降了。 小提示:吃完的收據請不要丟掉,因為三張收據可換一款追加食品,包括有叉燒,芽菜,溏心蛋和紫菜。

今日第二次去，剛好午飯時間，今次要排隊了，但只係等一個，排隊時就可以先点餐，今次就試個88連可樂，門口位哥哥仔非常有禮貌叫我出小小等，唔好塞住條街，又唔該又非常唔好意思，入到去好快有得食，一路食，一路諗下次要試咩麵，都係個句，未試過唔知点講，食過就唔使講，食啦。食到一半，聽見日文，我估係有客落單無寫飲咩，睇見哥哥仔又道歉又問返客人飲咩，好老實講，唔問唔俾，個客鬼知包野飲，睇見哥哥仔問完又日文道歉，你仲要無加一！？呢d咪服務囉！

荃灣愈來愈多好野食，呢間台風都開左一段日子， 細細間大約有２０個坐位左右，從當初無人認識， 到而家晚晚都要排隊，質數依然保持住，唔錯。 大約７點左右，排了１５分鐘入坐，這裡拉麵選擇款式雖然不多， 但細節位都可以自由控制，就是香油、辣度、麵的軟硬都可以自選。 我點了伊台風拉麵，以蕃茄濃湯作為湯底，再配上炙燒的芝士， 實在非常吸引，唐心蛋真正流心，而且有陣陣煙熏香。 肉片厚薄適中，比較偏瘦，適合女士，我也不想吃太油膩， 上面是燒溶了的芝士，搭上少量蔥花一起吃，非常滋味！ 麵質我選了適中，彈牙有咬口，完全吸收了湯汁的味道， 真的愈吃愈入味，湯底濃度可見已跟沾麵相距一點點，實在真材實料！