拉麵台風 (已搬遷) 新店位置

每次經過荃灣都會見到你架拉麵店門口有好多人排隊，今日趁有啲時間就入咗去試吓。6點嚟到門口嘢排咗八個人，我哋都嗱嗱聲排隊，鋪頭入邊嘅位置不多，所以我哋都好快揀完就急不及待等師傅煮麵，大約等左20分鐘左右就有得食啦。黑色暴雨拉麵＄85湯底有黑蒜油，黑芝麻再加啲辣椒粉，飲咗第一啖湯底好重蒜油味，帶點辣味，撈埋旁邊嘅魚粉，會加一點鮮味，湯底亦比一般拉麵店杰身。面底揀咗軟身，呢個軟硬度好啱我，麵條給晒湯底嘅味道，完全係一口食晒面加湯底嘅精華。我加多左一隻糖心蛋，咬落口嘅時候蛋黃慢慢流出來，個感覺好正。叉燒屬於瘦底，啱晒我哋女仔食，識落唔會覺得油膩。走嘅時候門口仲有人排隊，但係絕對值得等。