影片
更多
2017-07-24
147 浏览
好耐之前食過旺角間台風, 事隔年幾喺朋友介紹下, 再次試呢間位處荃灣大河道嘅拉麵台風, 嗰日晚上八九點, 都仲係咁多人排隊。為咗省卻等候食物時間, 店員會喺排隊嘅時候俾紙落單, 一般可選一碗拉麵加一罐飲料。一入到去坐位不多，店員都好熱情招呼我哋。一早預先已經放定冰凍嘅可樂在枱上，喺出邊等左咁耐位，有啲熱，就即刻飲一啖啦好涼快！留意到店舖裏面嘅師傅都好用心煮麵，滿頭大汗。而且我知道呢個師傅應該對動漫有啲認識，長枱上面都係佈滿龍珠嘅公仔，充滿日本風格。不消10分鐘，拉麵就已經去到我面前。呢次我就揀咗試夏季限定嘅黑色暴雨拉麵, 標榜係黑蒜油x黑芝麻x麻辣椒嘅完美配搭, 辣度適中，相信唔係好食得辣嘅朋友都應該食到, 而湯底夠濃好香蒜味, 完全滲入拉麵底同半熟蛋。叉燒有咬口，唔會太硬，比較薄身。成碗拉麵嘅份量都非常之多，正常一個女仔係食唔晒嘅。男士或許夠飽，唯一不足係拉麵偏硬, 建議大家喺落單時選要較軟嘅拉面。咁就可以食得比較輕鬆。另外仲有半隻糖心蛋，黃色嘅蛋黃將流入湯底裏面，入口更濃滑，口感好豐富啊。呢度雖然小職員但係佢哋可以留意到我哋嘅一舉一動，我朋友由於着白色裙，不小心被拉麵既湯踐到，職員
為咗省卻等候食物時間, 店員會喺排隊嘅時候俾紙落單, 一般可選一碗拉麵加一罐飲料。
一入到去坐位不多，店員都好熱情招呼我哋。一早預先已經放定冰凍嘅可樂在枱上，喺出邊等左咁耐位，有啲熱，就即刻飲一啖啦好涼快！
留意到店舖裏面嘅師傅都好用心煮麵，滿頭大汗。而且我知道呢個師傅應該對動漫有啲認識，長枱上面都係佈滿龍珠嘅公仔，充滿日本風格。
不消10分鐘，拉麵就已經去到我面前。呢次我就揀咗試夏季限定嘅黑色暴雨拉麵, 標榜係黑蒜油x黑芝麻x麻辣椒嘅完美配搭, 辣度適中，相信唔係好食得辣嘅朋友都應該食到, 而湯底夠濃好香蒜味, 完全滲入拉麵底同半熟蛋。叉燒有咬口，唔會太硬，比較薄身。
成碗拉麵嘅份量都非常之多，正常一個女仔係食唔晒嘅。男士或許夠飽，唯一不足係拉麵偏硬, 建議大家喺落單時選要較軟嘅拉面。咁就可以食得比較輕鬆。另外仲有半隻糖心蛋，黃色嘅蛋黃將流入湯底裏面，入口更濃滑，口感好豐富啊。
呢度雖然小職員但係佢哋可以留意到我哋嘅一舉一動，我朋友由於着白色裙，不小心被拉麵既湯踐到，職員都細心遞上濕紙巾，幫忙抹去污跡。
結帳剛剛好每人＄100，真是令人大快朵頤！
张贴
