拉麵台風 (已搬遷) 新店位置

魚介豬骨湯拉麵 $78黎到荃灣，心血來潮想食拉麵。我今次嗌左魚介豬骨湯拉麵😆湯底濃稠較杰身，似沾麵湯底，非常濃郁但魚介味欠奉，味道平平無奇。麵條偏硬較粗身。份量嗌左普通但已經非常飽肚。叉燒有兩大塊，可惜厚身兼鞋口，冇乜味道。溏心蛋都係麻麻地。見到網上好評如潮，店鋪外經常大排長龍，可惜呢間拉麵鋪並唔係我杯茶。湯底同配料味道一般，食到一半已經要用難捱黎形容，每啖都係煎熬。唯一可取之處只有份量多，可以食到飽。總結：可一不可再🤦🏻‍♀️

成日黎荃灣既小弟其實一直都好想試D間拉麵台風,但次次都大排長龍, 令小弟都有少少卻步, 但今次因為早放少少, 見到前面只有兩個人等緊, 即刻黎排下先!D個拉麵台風位於荃灣路德維對面, 天橋其中一條樓梯一落就係, 方便排果陣見到有幾款拉麵, 竟然有我係日本食過念念不忘的沾麵, 即刻問下帶位小弟我仲有冇得食, 因為我早黎仲有! 正呀喂!可以有TAILOR-MADE服務去煮你碗麵!入到去係BAR枱形式咁坐, 你可以坐係度見到兩個靚仔廚師係度煮, E, 咪住先, 女朋友仔仲咩係度心心眼!?有日本特色的裝飾! D張應該係放大左既東京車票!沾麵(加大左叉燒同加紫菜)-$83+$25+$10=$118D碗沾麵一上枱已經好震撼, 個份量超大, 麵都超多, 我見到隔離四個著住校服既中學生個個都叫左加底我即刻比左個佩服既眼光佢地, 個麵真係好好食, 夠實在, 煙靱, 係我最鐘意既麵質黎, 將D個凍麵放落去熱騰騰既湯度, 冰火之間既融合, 令每一條麵都掛左個少少辣, 幾濃郁既湯, 好好味, 因為我真係超餓, 我加大左個叉燒, 最後係有五六塊極大既叉燒, D肉大大塊, 超滿足, 其他配菜既半熟蛋, 紫菜, 竹

作為一個吃貨既我!! 不時都會去荃灣，因為呢度食物選擇好多，重點係多平民食物!! 今次就選擇去一間荃灣街坊成日讚抵食既「拉麵台風」，每次跟過都見到有長人龍。今日見到只得4-5個人排緊，唔算多人，所以就揀佢作為是日晚餐~排緊隊果陣，職員已經派定張點餐紙比客人填，好讓師傅準備定。由填完到入座、拉麵上枱都只係25分鐘，時間可以接受啦魚介豬骨湯拉麵(硬麵) $78睇到openrice好多人都推介呢款拉麵，所以二話不說就揀左佢見到碗拉麵，真係好驚訝!! 估唔到真係咁大碗，而且係配厚叉燒!!! (出面大部分都係薄叉燒) 仲有D筍、半隻溏心蛋，以$78呢個價錢，分量真係好多好豐富!首先梗係試左個湯底先啦，嘩~真係好杰好將口!! 有魚介味，不過唔算重，可能我食開重口味好多人因為筍既怪味而唔中意食佢，而我本身都麻麻地，但呢度既筍反而無乜怪味，處理得唔錯厚叉燒肉味濃郁，好淋，食落可謂啖啖肉，唔會似食左陣風~終於輪到麵啦，由於我一直都偏好有咬口既食物，因此麵既口感揀左硬。…不過呢度既拉麵比較粗，當口感揀左硬既話，個人覺得似半生熟既麵FEEL….我唔中意佢既麵質紅色暴雨拉麵(硬麵) $83其實佢既配料同魚介豬

木嘴呢日又黎到荃灣區覓食，貴為拉麵控既我就緊係試下呢一區既拉麵啦。星期六既12點幾去到，有幾個人排隊，等左差唔多15分鐘就入到去。入面係細鋪仔，有10個位左右。由於佢張凳鬼咁高，坐左上去之後基本上唔可以自己郁到張凳，所以d staff會等你坐上去之後幫你推凳，過程就好似坐住輪椅等人推一樣。第一次黎到，驚死既我就食番最穩陣既魚介豬骨拉麵，朋友就食每日限量30碗既沾麵。落完order見我前面果D師傅係度整麵，都係日本人樣，又係講日文，作為一個表面愛國內心卻很誠實既廢青，見到係日本人做大廚確實對呢餐非常期待。魚介豬骨拉麵幾濃味，岩晒重口味既木嘴。麵我揀左硬麵，但係比想像中更硬，所以搞到我有少少食唔落，咬到牙骹有啲軟。叉燒好大塊，而且有兩塊，易咬好食。沾麵朋友都係揀左硬麵，我試食之後覺得比我果碗拉麵淋少少，反而呢個硬度對我黎講就岩岩好。而個沾汁都好濃味，沾麵沾黎食就一流啦。半熟蛋都係咁啦，係木嘴既嘴中都係講唔出咩深層次既味道，都係覺得唔錯咁樣囉。重點係，我同朋友食到後期都覺得好飽食唔晒，木嘴雖然細食，平時都未至於一碗麵都KO唔到。覺得神奇之際，仔細一睇先發現原來MENU蚊滋咁細粒字寫住比拉麵份

中午相約朋友去到荃灣見面，順道一齊食晏，今次又選擇了<拉麵台風> , 門面唔大，要留意小心被隔離的5 金店融合了！ 我和朋友都不自覺地走過龍！ 鋪內的位置不多，待應都安排得井井有條，先著我們在門外排隊，另外給予我們order紙，圈出我哋想食既食物， 我和朋友花了一d 時間討論食d 咩好，由於全店只賣幾種麵，我哋都好快揀好！不經不覺就排到我哋入去店內！店內裝修好似日本的拉麵店，上菜速度也頗快！ 我今次點了紅色暴雨拉麵，因為我比較大食！也加了差燒！ 說真的食晒碗麵之後有d後悔加差燒，因為本來的份量也真的很多，我估我今晚晚餐也不用食了！最後再講下碗麵的味道，無預期的辣，喜歡吃辣的朋友可以叫大辣，不過少少辣都幾惹味，另外要讚下佢既魚粉配搭，令到成碗麵更好食！ 同平時既日式拉麵有明顯分別，非常好食！

星期六晚與友人行過見無咩人排隊（平時大排長龍）就去一試當時時間尚早，所以有機會試到沾麵，友人啦左伊台風，等左陣就被安排到bar台坐枱上已經放有水，而且係檸檬水可以望到廚師煮野、佢每煮一個麵都有計時間。坐底一陣麵就送上沾麵既湯底十分濃烈岩岩上個陣湯好熱，好正，拉麵比想中大份，食到好飽可惜湯凍得好快，食到一半湯已經涼左，可能因為拉麵本身凍，加上天氣凍個人覺得係香港黎講呢間拉麵係數一數二好食既拉麵、值得一試友人嗌個款伊台風拉麵都好吸引，有芝士同蕃茄，下次會試下呢款

沾麵 $83呢間野好耐冇黎食了, 因為印象中記得佢地湯好濃, 我覺得係去到杰既程度, 今次黎係想帶屋企人試下, 今次既湯底好似冇以前黎食咁濃, 而家岩岩好, 面係粗面, 加上份量多, 我食淨左好多呀, 下次要叫少面先得了.,沾麵配上叉燒粒, 我會混和湯汁同叉燒粒一齊放入口, 岩哂重口味既我了. 沾麵限量的, 想食要早d去等位呢

成日經過見到都好多人排隊等位，見店內只有高腳椅，地方不大。因為今晚找不到理想食店所以去試咗呢間。排隊時有個路過先生好大聲同佢老婆（我諗係）講唔明點解呢間店咁多人。當時我同朋友講，試下咪知囉，點知試完，原來仍然都會唔明白嘅。碗麵一上枱感覺好大份量，試下個湯好濃，有兩片厚叉燒帶點肥肉，半隻生熟蛋，另加15元有多一隻，麵好多。湯底73元 + 1隻生熟蛋15元 = 93元碗6點幾前食無加一收費。個麵好大，完全食唔哂。第一次去唔知有幾大，但下次可以叫少麵。我要麵軟d，但都仍然好有口感。 可能個麵太大而影響整碗麵溫度下降，真係唔夠熱。當日室外天氣20度。紫菜上的應該係魚粉，因湯實在太少，所以魚粉根本不能撈入湯內，最終意外地一口粉。半熟流心蛋可以再入味一點就會好好味。一路食一路諗，日本咩懸的湯麵係咁呢？我係叫湯麵，不是撈麵啊。店內好靜連廚師互相交流都勁細聲，沒什麼雜聲，感覺氣氛較悶。得知造湯麵的日本人識少少中文。無位放袋，但佢有提供卦勾。長髮女生可有免費一條橡皮筋束起頭髮。橡皮筋可帶走的。

之前食過好多次都覺得好食，唔似港式拉麵舖，呢間啲拉麵比較粗，湯底感覺好多骨膠原，食完好滿足，不過今次黎食，唔係以前個師傅煮，無咁好食囉。麵質雖然圈左普通，但食落都幾硬，而且個湯唔係好夠熱，如果可以加湯就好，食到尾唔係好夠湯。

今日到荃灣買嘢開始覺肚餓，見到「台風」店舖但係食拉麵的，便吸引我行近去查看究景食台式還是日式原來有咁多款式好吸引呀呀呀，店員還教導我可按的人的喜好作岀選擇，尤其麵質、湯底、香油、葱......，立即填定 order 紙先我今日有幸食到沾麵，因每日限售30碗咋，份量很大，叉燒有四大塊，半熟蛋啱晒我口味每條凍麵沾上熱辣辣的濃湯，一口氣「𠽌」一聲，將啖麵𠽌到口中配罐冰凍的紅色可樂五款麵各有特式(我頭先都心大心細左一輪)店舖的坐位設計得幾特別，大約有十五、六個坐位，全部圍住師傅的，可以一邊食麵，一邊細看師傅煮麵的手勢

荃灣好多野食,聽聞呢度嘅拉麵好出名, 但係經過過幾次都要排長龍,入到去,比想像中細,有舊式小店嘅感覺,為左令我地坐得舒舒服服,每一個客人都設有一個扣,係可以將自己嘅袋勾起,坐位好多只有單邊,客人可一邊睇住師傅整麵 一邊食麵拉麵份量真的很多，而且還可以追加小菜、叉燒等配菜,叉燒雖然得兩塊 但勁大塊 而且比較厚普通麵嘅份量好多 對女仔黎講完全食唔曬看到一個叫紅色風暴的拉麵更為吸引我，不過我不是吃得很辣，所以店員就建議第一次點的話先試一試普通辣度,微辣的湯很香口，沾滿在每條麵條上...呢碗麵真係一試難忘。

魚介豬骨湯拉麵終於嚟到荃灣，可以試到好出名嘅拉麵台風。呢度嘅位置雖然比較難搵，但係真係值得試吓喎。魚介嘅香味，同豬骨湯嘅濃郁，係一上枱嘅時候已經可以清楚聞到。豬骨湯食落有少少黏口，啱啱好可以掛面，二拉麵可以俾你揀比較軟、比較硬or普通口感。我揀咗普通，硬度適中，我真係幾鍾意架！

好開心呀....今日同同事食到呢間台風拉麵....終於下就冇咁多人....可以排5分鐘就食到喇...一去到D員工就比紙我地...叫我地括食咩...我見到門口其實已經有介紹到佢地有咩麵架喇..到最後我嗌左個魚介豬骨湯 - $78蚊好在我冇嗌加麵底JA佢個麵多到嚇死人....終於明點解佢張紙會寫住小拉麵...=.=佢下就就已經有埋小食半價...咁我都嗌多左份叉燒...講講個拉麵先....軟度適中.....好有咬口....湯底就未試過咁得意...有魚味又有豬骨味....真係第一次試...同埋不得不提佢個蛋蛋同埋紙菜....蛋好腍身...紙菜超好味....真係超好味....其實基本上佢呢個價錢....份量咁多....真係2個人食都得..~ 

今日下午約咗個朋友喺荃灣交收，順便一齊食個lunch 😃朋友仔帶我去大河道食拉麵，佢話湯底不得了😍我地大約兩點鐘去到，都等咗幾分鐘先有位，我諗午餐時段應該會幾多人喺門口等位中，店員就比定張點餐紙我揀食物，慳返d時間麵量都有得揀多定小，可以唔使浪費食物👍🏻餐廳有5款口味，有埋餐牌介紹，唔使擔心唔知食咩全部位置都係面向師傅，好有日本feel 檯面有黑椒同蒜蓉自己加紅色暴雨，$83魚介豬骨湯拉麵，$78其實碗碗都既配料都一樣，只係湯底有所不同啫。叉燒十分之淋，又有肉味👍🏻半熟蛋煮得啱啱好時間，有少許流心感覺又唔會太生，仲好鬼香😝湯底真係好濃郁，我食個碗紅色暴雨少辣，辣度啱啱好，十分開胃🌶最緊要係麵質有咬口但又唔會太硬👍🏻小小拉麵店但食得出食用心制作

天氣轉涼，又係時候食拉麵啦，到了荃灣有名的拉麵台風，公司同事成日黎排隊食，自己則是第一次黎，小試牛刀，食個原味先。汽水（$12/ea），其實店內有檸檬水供應，但是晚好想飲汽水就加了，熱騰騰嘅拉麵配冰凍汽水真係好正㗎。黑色暴雨拉麵（$85）同事試左新嘅黑色暴雨拉麵，是黑蒜油+黑芝麻+麻辣椒湯底，飲落好香芝麻味，感覺有點芝麻糊，只有微微辣而已，哈哈，湯底係幾正喎。魚介豬骨湯拉麵（$78）自己點左第一款，上枱時超香呀。麵條彈牙爽口，完全無鹼水味，正。至愛溏心蛋，流心蛋黃勁好味。湯底勁濃郁，飲完係會黏住個口唇㗎，豬骨味勁重，魚介粉慢慢溶落湯底中，帶出鮮味來，個湯底勁好味。不得不提呢度個麵底比一般拉麵店大個，超大碗超級飽，食完一碗飽到上心口，哈哈。