張公館

营业中

休息中

🌟燒味雙拼 $188燒味其實真係冇得輸，上次係另一間食嘅叉燒真係非常印象深刻，今次當然都唔可以錯過咁正嘅燒味。雙拼分別係有燒肉同叉燒，燒肉本身個皮係好香脆，份量唔算多但係每一件都好好食。叉燒更加唔洗講，非常軟腍又香甜。另外佢仲配有海蜇，感覺同出面有d唔同嘅係個口感有種實淨嘅感覺，不過咬落都係爽脆嘅。.🌟紅燒乳鴿 $68乳鴿上台果又香又熱辣辣已經令人流曬口水，乳鴿外皮經高溫油炸已經好香脆，而且經腌製過味道都好份味，好快比我地食到乾乾淨淨。.🌟墨斗卵粿 $138呢個係潮汕一種特色小食，用新鮮墨魚嘅蛋去製作，外面呈金黃色入面就白色，可以配辣椒醬食用，食落感覺墨魚味都重，而且口感都好有咬口，係一個好值得大家試嘅特色小食。.🌟秘製醬乾炒九肚魚河粉 $198想講見到真係眼前一亮，我已好耐冇試過食到九肚魚，依家出面好多餐廳都唔供應，呢度竟然有得供應之餘仲要係我從未試過嘅整法。個秘製醬食落好香，河粉炒得好好，唔會太油但又唔會痴埋一舊。九肚魚就外層皮薄香脆，內裡綿滑真係好唔錯😍.🔸整體評價🔸餐廳基本上菜式都係好精緻同令人滿意，服務質素方面亦都比一般中菜館好，有需求就好快得到回應，而且好忙都唔會唔記得幫你

今日跟同事去飲茶食點心，呢間酒樓位置於商廈內，全海景，環境不錯。約咗個客去飲茶食點心，揀咗V Point 29樓呢間張公館，高樓層，大海景，坐得舒服環境又好。燒味雙拼叉燒拼燒腩肉，份量很足夠，配有海蜇絲，海蜇絲脆爽開胃，叉燒很有驚喜，用蜜汁燒得軟冧入味，燒腩肉有脆皮，肥瘦均勻。脆脆笑哈哈腸粉入面有脆脆同鮮蝦，賣相吸引，一碟有六件，粉皮又薄又滑，口感細膩，蝦肉質素高，入口彈牙，包住脆脆口感層次好豐富。魚翅灌湯餃湯底有好多乾瑤柱，鮮味十足，一隻大湯餃非常足料，食材高質。懷舊豬潤燒賣夠晒懷舊，兩大片豬潤香口又入味，燒賣大粒。酥皮菠蘿叉燒包有菠蘿嘅菠蘿包，叉燒餡澎湃，酥皮十分香口。生磨蛋白杏仁茶/碗甜品好有特色，杏仁味勁濃郁，底有豐富嘅蛋白，口感層次豐富。桂花五色糕賣相好吸引，桂花味突出，中間有生果粒粒，口感清新。

就算係weekday lunch都要去食好野! 呢間餐廳仲有靚景 邊歎美食邊歎景😍平日無咩機會飲湯水 即刻叫左兩個燉湯來飲!羊肚菌松茸竹笙花菇菜膽燉湯 ($98)呢個湯就算無落肉去燉都好清甜好好飲～ 好鐘意食D羊肚菌🤩杏汁豬肺湯 ($98)朋友就叫左呢款來試～佢話杏仁好出 飲落好滋補🤣脆焗鮮鳳尾蝦多士 ($136)呢個係兩件既價錢～好好味 真係即叫即整 上碟新鮮熱辣辣 外層脆卜卜 入面有好多蝦肉 再點埋甜辣醬真係好正！ 脆脆笑哈哈 ($68)我會形客佢係高級版既炸兩haha 個腸粉皮好in un但一d都唔會過厚! 好出色 而入面就係有炸皮既蝦滑 好好食呀～🥰本身仲叫左個豬潤燒賣不過等左好耐都無 最後cancel 左~🥲🥲

這間位於銅鑼灣的中菜館，環境寬敞，高居臨下，俯瞰270度維港景色，品嚐各款高質海景點心，是適合商務宴客，家庭聚餐的地方。現只需下載餐廳Apps 免費登記成為會員，即可以優惠價享用多款精選美食。🦋魚翅蟹肉灌湯餃 會員價$98真才實料之作，選用真魚翅及蟹肉入饌，皮薄餡靚。🦋鮮蝦帶子粉果 $78🦋脆焗鮮鳳尾蝦多士 $68🦋酥皮菠蘿叉燒包 $20隻餐廳點心選擇多元化，既有傳統款式，亦有創意得意點心。鮮蝦帶子粉果皮晶瑩皮薄，鮮蝦帶子同樣新鮮。蝦多士香脆可口，蝦膠彈牙。酥皮菠蘿叉燒包，金黃渾圓，外皮香甜，搭配微鹹甜潤叉燒內餡，大人小朋友都討好。🦋燒味雙拼 會員價$188燒味雙拼賣相吸引，有脆皮燒腩仔、蜜汁义燒及麻油海蜇。甜品🦋桂花五色糕 $58🦋橙絲清心丸綠豆爽 $38🦋生磨蛋白杏仁茶 $48這家的甜品巧手精緻，桂花五色糕色彩繽紛，未食已經心心眼。橙絲清心丸綠豆爽，清熱降火，口感過癮。生磨蛋白杏仁茶，杏汁香氣濃郁，甜而不膩，值得推介。🦋茶位$20🦋小碟$18

懷舊豬潤燒賣以前有吃過但是近排酒樓都不再賣左可能是豬潤的處理太麻煩，這一間整到不錯吃起來沒腥味同好滑。魚翅灌湯餃一看就知是功夫菜，就同名字一樣在裡面真是可以吃到少少的魚翅。個湯底就是鮮甜，因為是有用大骨慢煮之後再加上魚翅的鮮味。酥皮菠蘿叉燒包一個字就是酥。吃的時候個酥皮不跌下來就是不錯的，裡面的叉燒是選稍微肥少少的，所以吃的時候就會覺得有肉的香味。我一個人就吃左兩個。櫻花蝦蘿蔔糕是每一次我都會點的，因為蘿蔔糕是體現出一間店的功夫，所以我來講這一間的口感是偏厚少少所以吃起來口感好地，味道上又不會太濃味所以整體上是可以點的。翡翠明珠球就比平常吃的時候再多脆少少因為佢額外加咗竹笙，但是看起來真是不錯。燒味雙拼是我點左最驚喜的一款，先講燒肉，個皮是好脆，咬起來是可以聽到卡茲的聲音。我個人非常喜歡吃，再點上少少的黃芥末增加它辣味吃起來就會好有風味

最近好想飲茶食中菜，平時返工唔會飲到，放假又完全起唔到身，所以決定改變策略，放工去飲茶～記得之前聽朋友分享過銅鑼灣有間飲茶食點心嘅餐廳，就係張公館！餐廳主要提供廣東菜，仲有一啲特色潮州菜式；環境方面，裝修雅緻，座位好闊落，仲望到成個維港夜景，好正啊！.我地揀咗普洱，餐廳好貼心地會幫你用蠟燭熱住壺茶唔怕凍咗，仲有涼拌木耳同醃漬蕎頭做前菜，整體食物質素高，味道正宗，員工服務都好好，所以成餐飯都食得好開心，會再encore！.💎$188 燒味雙拼有蜜汁叉燒、燒腩仔同海蜇蜜汁叉燒軟嫩juicy，肉味香濃，燒腩仔皮燒得好香脆，海蜇入味有咬口！.💎$68 紅燒乳鴿乳鴿皮脆肉嫩，完全唔會燒到好乾，保持到肉汁，好入味，仲會提供膠手套好方便～.💎$138 羊肚菌姬松茸水中花燉湯用料好豐富，有羊肚菌、姬松茸、花菇、菜膽同竹笙，中花係切成花狀嘅豆腐，特別滑，而且豆味香濃，成個湯好清甜，係養生之選.💎$138 濃雞湯浸春筍絲第一次咁樣食春筍絲，切到一條條好爽口鮮甜，仲吸曬濃郁嘅雞湯，好似食緊麵咁，好特別！.💎$138 墨斗卵粿最鍾意呢道特色潮州菜，第一次食好驚喜，食落好軟嫩彈牙，而且好香墨魚味，配埋個酸酸辣辣

逢星期日,  習慣和家人去午茶, 聚聚聊天好節目.  今次去  張公館, 位於 銅鑼灣  V Point  29 樓.  星期日客人特別多, 幸好哥哥已預先訂位.大玻璃窗,  面對維多利亞港,  眼界盡開, 醉人海景, 感覺舒暢. 店員招呼好,  先開茶, 送來餐牌及餐前小食.  水滾茶靚.  開胃小食有兩款:  酸蕎頭, 香辣蒜蓉雲耳仔. 大家細看餐牌,  齊選擇點心. 先送上 熱熱的蒸點: 翡翠明珠球 ~  賣相靚, 皮晶瑩剔透. 略帶韌性, 餡料很豐富, 鮮菜苗, 蝦肉. 吃得健康. 麻辣燒賣 ~ 肉質新鮮彈牙,  調味適中, 麻辣口感果然美味.  蟹籽脆卜卜, 真不錯.午茶好喜歡吃腸粉.   今日點了   脆脆笑哈哈,  熱辣辣的送到, 腸粉皮柔軟薄滑,  同內裡脆脆網皮口感做成強烈對比,  好有層次.  內餡 蝦肉爽口彈牙, 有肉汁,   豉油美味, 食得笑哈哈.潮汕美食,  香煎墨斗卵粿. 香煎墨斗卵粿早前在汕頭食過,  今次比較 張公館 做得更出色, 擺設靚, 好吸引.   墨斗卵粿有質素, 啖啖墨斗卵鮮美, 煎得香,  囗感正,   加上辣椒醬, 更滿意.濃雞湯浸春筍絲

位於Vpoint29樓，見到開揚海景，環境幾好嘅🫣 座位之間都足夠闊落。最盞鬼既係有得睇豬仔出浴🐖 其實係奶凍加花奶🤣 好有創意嘅甜品！✨燒味雙拼燒腩仔有香脆嘅外皮，叉燒肉質香軟，中間海蜇嘅調味醬汁啱啱好。✨紅燒乳鴿都幾多肉汁，充滿油香。✨墨斗卵粿有少少似魚片，但比起普通魚片更彈牙。✨羊肚菌姬松茸水中花燉湯冬天飲一定好正，暖笠笠，豆腐細心咁整成水中花嘅模樣。✨鮮蝦雲吞上湯生麵個湯比較淡味，飲落去幾舒服，雲吞裏面有粒粒蝦肉，新鮮彈牙。

打風過後天色非常晴朗，與親友來飲茶。今天安排的座位很不錯，可清楚看到維港。脆脆笑哈哈的腸粉皮好透薄，夾雜著脆脆油炸鬼，中心部分是爽口大蝦。魚翅灌湯餃是小蠟燭熱著，餃皮薄而煙韌，釀入一梳梳魚翅、豬肉、冬菇粒、瑤柱，矜貴美味。酥皮菠蘿叉燒包屬必點之選，叉燒包好鬆軟，叉燒粒和菠蘿粒互相襯托，清新度被提昇。翡翠明珠球造型創新，以竹笙做成網狀來包著明珠球。饀料是鮮嫩菠菜和原隻鮮蝦，完全沒有菠菜的澀味。燒味雙拼的燒肉偏瘦，可能為迎合注重健康的食客。個人就偏愛半肥瘦厚切叉燒，入口鬆化甘香。周末全場坐滿，建議要預先訂座，如果能訂到窗邊桌子就更好。

位於V Point 29/F的張公館，飽覽維港景色，地理位置方便就在登龍街，時代廣場走1分鐘便到達。閑日夜晚也全場滿座，大家記得要book位！上次來吃點心很滿意，上星期有朋友來港立即帶他們食好西脆焗鳳尾蝦多士第一次見咁大份蝦多士，脆身而不油膩，蝦滑份量很多，必食必食〔 湯品 〕杏汁豬肺湯・羊肚菌松茸竹笙花菇菜膽燉湯朋友說要補補佢，杏汁很濃，柔滑順喉。白肺處理得宜沒有異味，整體十分出色燒味雙拼・紅燒乳鴿兩款都是有會員優惠，燒腩仔夠脆身不油膩，肥瘦相間分明，叉燒但係點半肥瘦燶邊，蜜汁甜度剛剛好，乳鴿新鮮出爐，熱辣辣之餘十分多汁！秘製將乾炒九肚魚河粉重頭戲來了，上次點叫這個朋友也嚷着要試，鑊氣十足，味道依然，超多九肚魚！〔 糖水 〕生磨蛋白杏仁茶・橙絲清心丸綠豆爽可說是我在香港吃個最好吃的蛋白杏仁茶，絕對不誇張，只是$48超級驚訝，濃郁甘香非常細滑，最怕有杏渣的，底下還有清香幼滑的燉蛋白，比淨杏仁茶多了一種口感—————————————————張公館 (銅鑼灣)銅鑼灣登龍街18號V Point 29樓—————————————————#hkfood #hkfoods #hkfoodstagr

非常滿意的一頓晚飯，水準如此高，怪不得朋友指定要來，只是平日的晚上都全場爆滿，謹記訂枱啊！枱頭放著一個小牌，就依這個吧，然後再到openrice望望，跟著熱門菜式來點，果然沒有中伏，這餐的確美味！墨斗卵粿是潮汕美食，以墨魚的卵製成粿品。面層煎得金黃香口，內裡軟嫩有嚼勁，淨食或蘸紅辣椒醬皆美味。紅燒乳鴿也不錯，皮脆嫩滑。燒味雙拼有燒肉、叉燒和海蜇。當中尤其欣賞燒肉，面層香脆而酥鬆，肉質層次分明，看上去較肥的部份並不是咬下去會出油那種，如遇上出油肥膏，我是會將它咬出棄置的，但這兒是爽口的，潤而不膩，於是全被吞進肚中，超讚！至於叉燒和海蜇也是不錯的。羊肚菌姬松茸水中花燉湯在上枱時溫度足，感覺特別滋補。燉湯鮮甜足料，菌味濃郁，還有那水中花十分美觀。秘製醬乾炒九肚魚河粉是以九肚魚來炒河粉，真的較為少見，河粉質優，軟韌彈滑、炒得相當乾身，整體香口惹味。對生磨蛋白杏仁茶簡直印象深刻，十分肯定是到現時為止我吃過最好味的蛋白杏仁茶，我心目中全城最佳杏仁茶！燉盅底部有一層蛋白，非常香滑，杏仁味濃，稠度剛好，不會過杰或過稀，更重要是以這個超高質素只是$48一盅，下回光顧，我一人要吃至少兩盅啊！從未在其它中菜

❣️燒味雙拼 ($188)燒肉拼叉燒🐷厚切叉燒調味適中 肉軟燒肉外層香脆👅整體感覺不會油膩好吃💖.❣️紅燒乳鴿 ($68)乳鴿烤得剛剛好🕊️皮有焦脆感保留了肉汁 肉質不會乾🙌🏻香😋.❣️墨斗卵果 ($138)特色小吃墨魚肉煎餅🫓加入了清甜蔬菜🥗香墨魚味帶點甜味好吃.❣️羊肚菌姬松茸水中花燉湯 ($138)滋潤中式靚湯🍲精緻豆腐 還有足料羊肚 菌姬 紅棗等等🐑滋潤鮮甜🤤.❣️秘製乾炒九肚魚河粉 ($198)份量足足量香煎九肚魚🐟無骨 嫩滑富魚香味道挺香 不會很油😽.❣️桂花五色糕 ($58)賣相精緻😻五層不同味道的糕點椰汁 芒果 火龍果 桂花 斑蘭口感煙韌 味道豐富✅.❣️生麐蛋白杏仁茶 ($48)濃郁杏仁和蛋白香🥚♨️口感順滑 細嫩推薦給喜歡杏仁甜品的朋友🫶🏻.❣️茶介 ($20/位)/餐廳環境高雅舒適很適合一家大小或朋友聚餐👨‍👩‍👧‍

曾經午市到訪體驗不錯,享受美食之餘亦可於全落地玻璃設計下飽覽維港景色,確為享受.知道餐廳定時會更換優惠菜式,今次帶家人再訪,味道同樣出色!由於座位唔算太多,而且整晚賓客盈門,建議用餐前先訂枱較為保險🔸燒味雙拼($188)燒腩仔外皮香脆不油膩.叉燒用上西班牙豚肉,肉質柔軟,肥瘦比例剛好.而且更配有爽彈海蜇,清新開胃🔸墨斗卵粿($138)較新潮派潮州菜式,由新鮮墨魚打成,口感偏軟糯.再配上旁邊辣椒醬,盡顯風味🔸紅燒乳鴿($68)乳鴿為BB鴿,肉質更嫩滑.而且外皮乾身脆口,加上淮鹽更加惹味🔸羊肚菌姬松茸水中花燉湯($138)各式菇菌盡在燉湯中,香濃而清甜.水中花為豆腐,可見刀工一流,令燉湯觀感更錦上添花🔸碧綠雲腿白玉環($48/位)以金華火腿作調味,同時冬瓜炆煮得軟淋入味.底部放上菜苗同樣掛汁略帶鹹香🔸XO醬黃金淮山麵($198)整碟份量非常多.淮山麵幼身爽口不油膩,XO醬味不算太突出.有叉燒,蝦仁,韭黃等配料🔸生磨蛋白杏仁茶($48)🔸桂花五色糕($58)下層杏仁茶非常香濃,甜度適中,下層更有大量蛋白增添口感.而桂花五色糕賣相好同時味道有驚喜!🤩上層桂花並夾雜蜜瓜,火龍果,芒果,椰汁味,融

位於銅鑼灣登龍街V point 29樓既張公館可以飽覽維港景色 裝修典雅 坐得舒適試左午市點心 食物同服務質素都好好鍾意飲茶既絕對試得過🙌🏻🌟懷舊豬膶燒賣香港已經好少地方有得食 豬膶厚度十足 粉嫩爽脆 蒸得剛好 無羶腥味 肉餡亦吸收哂鮮味精華👍🏻🌟魚翅灌湯餃餃邊包得整齊細緻而餃皮薄且煙韌裏面餡料十足 口感豐富湯底味道鮮甜 仲有竹笙索哂湯既精華💯🌟酥皮菠蘿叉燒包外皮酥化 包裹住熱辣辣嘅叉燒餡料同菠蘿呢個配搭好新鮮🌟櫻花蝦蘿蔔糕蘿蔔糕口感軟糯 加埋櫻花蝦一起煎食落更香口😋🌟紅燒乳鴿乳鴿皮香肉嫩 肉味香濃香氣四溢🌟燒味雙拼叉燒肥瘦均勻 燒到有啲燶邊好香脆而燒肉既皮脆卜卜 肉質嫩滑多汁仲有口感爽脆既海蜇🌟蛋白杏仁茶蛋白好滑溜帶杏仁香氣滋潤清甜🌟桂花五色糕口感好豐富 帶桂花香味

朋友帶我去銅鑼灣V point 「張公館」食晚飯，餐廳位於29樓 可以一路食一路享受醉人美景❤️。🫧羊肚菌姬松茸水中花燉湯🫧菇菌健康養生 湯頭鮮甜潤喉👍🏿🫧紅燒乳鴿🫧皮香脆帶點焦香 肉質鮮嫩 火喉剛好👏🫧墨斗卵粿🫧爽口彈牙 魚蛋般口感🫧燒味雙拼🫧有叉燒、燒肉、海蜇🪼 叉燒偏瘦 肉厚軟腍燒肉皮脆卜卜🫧蜜汁銀雪魚🫧銀雪魚香甜美味 魚肉鮮甜 超鍾意😍🫧生磨蛋白杏仁茶🫧🫧什果西米露🫧點了兩款糖水 杏仁茶好滋潤🥰