張公館

营业中

休息中

張公館 - 精緻中菜廳今日黎到銅鑼灣一間中菜廳，環境裝潢典雅有氣派，主打多款精緻既中式佳餚，而且位於商廈高層，飽覽美景。杏汁豬肺湯 $98羊肚菌松茸竹笙花菇菜膽燉湯 $98兩款非常足料嘅燉湯，一款非常清甜嘅菜膽燉湯；另一款係濃郁嘅杏汁豬肺湯，兩款飲完成個人都暖笠笠。蜜汁西班牙叉燒配燒腩仔 $238叉燒配燒腩仔，經典嘅配搭，口感軟腍嘅西班牙叉燒配上脆卜卜又唔會太肥膩嘅燒腩仔。脆焗鮮鳳尾蝦多士 $68/件非常有誠意嘅蝦多士，厚度十足嘅鳳尾蝦肉， 彈牙紮實，香脆滋味。蜜汁銀雪魚 $128/件魚皮煎得香脆鬆化，魚肉幼嫩，加上惹味蜜汁。燕麥黃金北海道大元貝 $148/2件鹹香嘅鹹蛋黃金沙醬加上有口感嘅燕麥配上大大粒嘅北海道元貝，味道豐富，而且有層次。鮑片蝦醬啫啫唐生菜煲 $188夠晒鑊氣既炒唐生菜煲，仲有爽口嘅鮑片。瑤柱蝦仁蛋白紫米飯 $198炒飯炒得粒粒分明，乾濕度剛剛好，加上瑤柱、蝦仁和蛋白，口感味道滿分。

Caca今次黎到飽覽高空靚景嘅張公館飲個靚茶🥰，呢度環境好開揚，茶壺一直座熱，保持住水滾茶靚，望住無敵海景歎茶真係好chill呀😌！👧🏻Caca今次食乜嘢？🥢懷舊豬潤燒賣 $48 - 燒賣同平時不一樣，豬肉同豬潤都係啖啖肉，好原汁原味。🥢魚翅灌湯餃 $98 - 一打開非常足料，食落口感豐富，以細火端上保持溫度，好有質素。🥢椒鹽九肚魚 $98 - 香脆可口嘅外皮，同內裡軟熟無骨嘅魚肉，大人小朋友都好啱食。🥢脆脆笑哈哈 $68 - 呢個笑哈哈係特色腸粉，外皮脆脆，內有彈牙大蝦，口感特別。🥢酥皮菠蘿叉燒包 $58 - 好欣賞呢個叉燒包，熱辣辣食又香又酥軟。🥢生磨蛋白杏仁茶 $48 -食飽飽飲個杏仁茶，香滑又養顏。🥢桂花五色糕 $58 - 五色糕清甜消膩。

朋友介紹銅鑼灣有間飲茶，景觀唔錯，食物高質嘅酒樓，今日特登同朋友過嚟幫襯一下，酒樓裝修高雅，座位寛敞舒適，有好多大玻璃窗，景觀很開揚，睇風景打卡一流，睇餐牌有好多選擇，花多眼亂，坐低一陣已經送上茶水和花生蕎頭，招呼殷勤，服務主動親切，（會員價）懷舊豬潤燒賣 - $48呢間酒樓有呢種懷舊點心食真係好開心，已經唔係好多地方有賣，豬潤大塊，厚切有口感，蝦亦大隻彈牙，脆脆笑哈哈 - $68腸粉皮又薄又滑，包裹著的油炸鬼裡面填滿了蝦和蝦膠，真係好好食，即使影完相先食，個油炸鬼都仍然好脆，內裏的蝦和蝦膠都好彈牙，個人認為呢道點心係必點必食！養顏紅棗糕 - $48紅棗味道濃郁，口感軟糯唔黐牙，不會太甜，酥皮菠蘿叉燒包 - $58外皮焗得非常酥脆，皮薄足料，有菠蘿有叉燒，酸酸甜甜，賣相吸引，大人細路都一定鍾意食，椒鹽九肚魚（半份） - $98椒鹽九肚魚半份也很大碟，新鮮炸起，金黃酥脆，一口咬下去，外脆內軟，好有鑊氣，非常惹味，（優惠）紅燒乳鴿 - $68紅燒乳鴿擺盤漂亮，打卡一流，皮脆肉嫩，乾身不油膩，而且味道不像坊間會醃得過鹹，（會員價）魚翅灌湯餃 - $98魚翅灌湯餃好大份，有竹笙，有瑤柱，灌湯餃

望住落地玻璃大海景感覺開陽舒服😌再嘆件點心飲杯茶，假期就是要這樣享受😎.懷舊豬潤燒賣 $48魚翅灌湯餃 $98椒鹽九肚魚 $98脆脆笑哈哈 $68酥皮菠蘿叉燒包 $58生磨蛋白杏仁茶 $48桂花五色糕 $58.好喜歡枱上玫瑰色擺設好有格調，茶壺有火暖住一讚，每啖茶都熱辣辣茶味香濃👍🏻來飲茶緊係嘆點心🥰燒賣加入豬潤滿特別好彈牙，灌湯餃大大粒足料食落暖粒粒，叉燒包包皮似菠蘿包有層酥皮，但入口鬆脆軟熟，餡料甜甜地好好食😋 脆脆笑哈哈好有氣勢，其實即炸兩，蝦彈牙油炸鬼脆口，皮夠薄，出色👍🏻.甜品杏仁茶靚靚中式碗上😍 味道濃厚不錯👍🏻 五色糕好有驚喜，底係楊枝甘露，中間係火龍果、蜜瓜，上面桂花口味！層次豐富，口味清新，食落煙韌又唔太甜，必試甜品！

 來到張公館就有一種回家的感覺！為什麼？無他，我係上海人，有錢的上海人叫自己的家做公館，而我又係姓張😃！仿古的擺設和空間感，令我有回到上海家裏大宅的感覺！雖然... 現實中我在上海是沒有什麼大宅的😂回到現實吧！看看今天女朋友點了什麼東西给我吃！1）脆脆笑哈哈炸兩釀了蝦膠，又脆又彈，口感豐富又𠕇層次！太好味喇！ 2）百花釀竹笙比較清淡嘅點心：竹笙內釀了蝦膠，再用蛋白埋芡，健康可口！ 3）酥皮菠蘿叉燒包雪山叉燒包內放了真菠蘿，名副其實的菠蘿包！菠蘿的酸甜中和了叉燒醬的甜度，酥皮包又香又脆！小朋友一定鍾意，更何況我都係一個小朋友！ 4）櫻花蝦蘿蔔糕因為從少很少有機會食蘿蔔糕，上海人過年是沒有的！所以大咗更加喜歡食！今日的蘿蔔糕內混了不少肥臘腸，煎香後令臘腸的油分滲入蘿蔔糕內，入口更潤滑。入面係清甜手切的蘿蔔條加上櫻花蝦的點綴，令愛糕的我發狂！ 5）魚翅灌湯餃豐滿的灌湯餃放在以元貝和雞肉熬成的上湯內，令人食指大動。我的食法是拌開餃子，看萶那一絲絲的魚翅，然後將中蝦肉、豬肉和冬菇的饀混和在濃濃的上湯內，味道鮮甜，畢竟它是灌湯魚翅餃嘛！ 6）清心丸綠豆爽 年紀越大，對甜品的興趣逐漸減少，但這碗清心

店名: 張公館地址: 銅鑼灣登龍街18號V Point 29樓銅鑼灣A出口，行4分鐘環境: 5/5價錢: 4/5味道: 4.5/5銅鑼灣V Point一向有好多餐呀，今次lunch黎到位於高層嘅張公館，一入去已經比開揚嘅景色所驚訝到，面向維港，落地大玻璃令景色一覽無遺😍脆脆笑哈哈❤️❤️❤️❤️❤️$68腸粉有6大舊，入面鮮蝦十分彈牙爽口，夠哂新鮮，加上脆卜卜嘅脆片，腸粉皮、薄脆同少鮮蝦完美融合😗酥皮菠蘿叉燒包❤️❤️❤️❤️❤️$58出面嘅酥皮食落似墨西哥包，但更香口酥脆，唔太膩，啱啱出爐夠哂熱辣辣，配上入面有真正嘅菠蘿🍍同叉燒，必叫！翡翠明珠球❤️❤️❤️❤️❤️$58賣相夠哂精緻，入面嘅蝦肉同樣爽口，上枱同樣熱辣辣，整體味道唔太咸，偏清新😙懷舊豬潤燒賣❤️❤️❤️❤️$48燒賣上面放上大大塊嘅豬膶，真係夠晒懷舊，豬潤唔腥，夠軟腍，燒賣爽口彈牙夠juicy😚墨斗卵粿❤️❤️❤️❤️$188係潮州小食，第一次試，食落口感QQ，帶有淡淡嘅魚味，點上辣椒醬就更惹味了🤩魚翅灌湯餃❤️❤️❤️❤️❤️$98呢款點心出面已經比較少見，有個火爐熱住就唔怕會凍哂，高湯夠清甜，灌湯餃用料豐富，有魚翅、竹笙等，加上左湯超入味🤩茶+小食$40@1位菊花茶同樣

呢間餐廳環境一流 闊落開揚 位處高層望住個海景飲茶食中菜 都咪話唔嘆杏汁豬肺湯 $98杏仁味香濃 入面有好多舊豬肺 味道香甜 要潤吓個肺羊肚菌松茸竹笙花菇菜膽燉湯 $98湯水好足料 入面充滿菇嘅香氣 好清甜脆焗鮮鳳尾蝦吐司 $68/件好大件 入口滿滿嘅蝦滑 好滿足蜜汁銀鱈魚 $256呢件銀鱈魚好好食 外皮好香脆 魚肉嫩滑 配上甜甜地嘅醬汁 好惹味脆皮鹽香雞 $298雞外皮薄身脆口 雞肉唔柴帶咸香味道上湯千層波菜 $188波菜嫩而千層豆腐就好有口感仲有豆香 生磨蛋白杏仁茶 $48入口杏仁味濃 非常細滑 底部仲食到少少燉蛋白 好滋潤桂花五色糕 $58桂花糕食得多 五色桂花糕就真係第一次食 賣相加分 除了桂花仲食到唔同層次感 配搭幾夾 味道豐富橙絲清心丸綠豆爽 $38糖水甜甜地 清心丸爽口彈牙 好消暑

假期想坐得舒服啲，我哋會揀去「張公館」嘆茶最喜歡這裏的環境遠眺維港，美景進入眼簾，令假日的心情大好。飯店內的仿古擺設，空間感和點到即止的服務，也令我們感覺自在。闊別幾個月點心選擇已經有所不同了，皇牌點心仍在，亦有些新點心加入。每一次呢我都會揀 「脆脆笑哈哈 」$68它正如我們食開嘅炸兩，不過因為炸兩內釀了蝦膠，又口又脆又彈，完全滿足到多重口感和鮮味。百花釀竹笙$58是比較清嘅一味點心，竹笙內釀了蝦膠再以蛋白埋芡，基本上油份極小，入口爽甜又健康。酥皮菠蘿叉燒包$58雪山叉燒包就食得多，裏面放了粒真菠蘿，感覺又起了變化，小許甜度叉燒餡和菠蘿的酸度互相平衡，酥皮包又香又酥脆，大人和小孩也喜歡的點心。櫻花蝦蘿蔔糕 $98蘿蔔糕內加入了不少肥臘腸，經過煎香後令臘腸的油分滲入蘿蔔糕內，入口更潤滑，更重要是食出清甜的蘿蔔𢇁，加上櫻花蝦的點綴，令愛糕之人食指大動。還有壓軸點心魚翅灌湯餃(會員價$98）賣相已經滿分，漲卜卜的灌湯餃放在以元貝和雞肉熬成的上湯內，以明火保持最佳溫度，拌開鉸子後魚翅一絲絲呈現，並混有蝦肉、豬肉和冬菇，味道鮮甜，百份百真材實料。清心丸綠豆爽 $38每次也吃一碗「蛋白杏仁茶 」$

望住海景嘆中菜❤️環境真係超級好，服務態度好好，食物更係高級又高質😙👍🏻鐵板西班牙叉燒 $288叉燒外皮香口，肉感飽滿，食落肥瘦勻稱，必食首選蜜汁銀雪魚 $128銀雪魚勁嫩滑可口，食落有肥美感，配上蜜汁香甜美味🤤，更加出色脆焗鮮鳳尾蝦多士 $68滑滑既蝦肉，蝦肉口感彈牙，滿滿既肉感鮑片蝦啫啫唐生菜煲 $188好惹味既菜或，生菜爽脆，鮑片口感亦夠爽彈，完全發揮到醬汁既惹味杏汁豬肺湯 $98杏香味好濃厚，飲落啖啖香甜，瘦肉更係煲到軟腍，潤肺養顏好物羊肚菌松茸竹笙花菇菜膽燉湯 $98好滋補既感覺，入面都好足料，爽口滑溜既竹笙更係出色，非常清甜滋潤豬仔出浴奶凍 $58可愛滿分💯，少女們必點生磨蛋白杏仁茶 $48蛋白口感奶滑，杏仁茶清香得黎唔會搶左蛋白既香氣，互相加分桂花五色糕 $19賣相靚，味道都好有層次

今晚同老媽子去登龍V Point食中菜，我哋被安排到望住窗口海景嘅位置🙌🏻餐廳座位都好闊落，檯與檯之間都好多空間。我哋叫咗兩個燉湯，兩個小食同兩個小菜已經超飽🫣🍤脆焗鮮鳳尾蝦多士 (2件) 蝦多士超大舊，勁好蝦肉喺面，而且炸得香脆，唔太油膩。🍯蜜汁西班牙叉燒拼燒腩仔 叉燒半肥瘦，蜜汁燒得好香，燒腩仔瘦咗啲，但個皮都好脆。伴碟嘅海蜇都好爽脆。🍲杏汁豬肺湯 🍀羊肚菌松茸竹笙花菇菜膽燉湯 兩個燉湯都好足料，估唔到係羊肚菌燉湯濃啲。杏汁豬肺湯啲豬肺洗得好乾淨，無豬嘅內臟味，杏汁嘅味好出。羊肚菌超重菇菌味，湯頭其實好清，有少少薑味調味。💫蜜汁銀鱈魚 (2件) 呢個好食，個汁教得啱啱好唔會太鹹。煎到外脆內軟，入面啲肉仲係滑嘅。🥬上湯千層波菜 千層係千層豆腐，不嬲鍾意食豆腐嘅我覺得好食。菠菜煮得啱啱好唔會太老。🥚生磨蛋白杏仁茶 我鍾意食呢個，有好濃嘅杏仁味配上蛋白又唔會太甜。🍡橙絲清心丸綠豆爽 媽咪就鍾意食呢個，綠豆爽爽地，加上清心丸煙煙靭靭。

已經很久沒有來過這裏，今晚想吃一餐比較精緻的粵菜，便想到這裏。京式片皮鴨半隻$188，片皮鴨的鴨皮香脆可口，鴨肉鮮嫩，沒有羶味。如果加上填鴨醬、蔥絲、辣椒絲和青瓜絲，再包裹着粉皮，變成了正宗的味道。這裏的粉皮每一層都會有紙隔開，加上下面有小蠟燭，保持粉皮熱騰騰的溫度，這個安排足以看到恰到好處的認真態度。墨斗卵粿$188，這個用墨魚肉製成的卵粿，煙煙韌韌，而又不會過硬，如果加點辣椒醬，可以去除油膩感之餘，又增加食慾。廚師非常細心，因為卵粿製作是用油煎，所以伴碟的青瓜和蕃茄，令到味蕾感覺清新。濃雞湯浸春筍絲$138，春筍絲切得很幼滑，入口沒有渣滓，只有清爽的口感。雞湯味道十足，又不會過濃，令到春筍感覺健康。碧綠雲腿白玉環$48，冬瓜和波菜吸收了上湯的味道，軟腍可口，加上適量的高質素火腿，將這個簡簡單單的菜式，變得更有層次感。蜜汁筍殼魚$256，當初看到這個價錢，都覺得很昂貴，不過看到這個筍殼魚之後，就會明白，廚師將筍殼魚最有魚肉的地方起骨，然後炸熟，外脆內軟，魚肉味道鮮嫩，這個算得上是手工菜。養顏紅棗糕$48，紅棗味道香濃，煙煙韌韌，爽口彈牙，非常美味。👍👍👍👍👍陳皮紅豆沙$38，打開碗蓋

🌷週末吃完西餐，週日早午餐就想去吃點心，幾日前預約好《張公館》，選擇它因為網上多人讚好令我想去探店，而且地點就腳。🌷準時到達食店，一開電梯門，感覺出事，看到較為雜亂的環境，與我一直睇到的有點距離，惟一令我覺得值就是窗外景觀。 服務員帶我們到一角細小空間，放了二張大檯，二張細檯，大檯是靠窗邊是好位，而我們坐是細檯的位置只能遠眺外面景色。服務員解釋有客人包了場，所以空間有限，曾閃過一刻想離開，雖然環境影響心情，期望食物補夠。點餐魚翅灌湯餃$99足料的灌湯餃，魚翅足半両懷舊豬潤燒賣$48豬潤較硬陳皮牛肉球$58牛肉嫩滑，配陳皮喼汁，提味脆脆笑哈哈$68脆口腸粉滑醬皇鳳爪$48硬硬的鳳爪，蒸煮時間不足酥皮菠蘿叉燒包$58表皮較薄，不太香酥《張公館》坐落高層有景觀，可惜內部太雜亂，不整潔，廁所更嚇人，就算食物景觀吸引，本人絕不會推介及再去。

🍴🍽🍴🍽🍴🍽🥟🥟🥟🥟🥟🍴🍽🍴🍽🍴🍽-🥢魚翅灌湯餃 $168 🆙灌湯餃湯頭散發出濃郁嘅海鮮味，湯餃皮薄餡靚，餃邊包得好細緻，口感煙韌。餃嘅餡料有蟹肉同魚翅，湯入面另有竹笙、蝦肉、冬菇、乾瑤柱，非常足料👍🏻。🥢酥皮菠蘿叉燒包 $58 🆙菠蘿叉燒包係咁多款點心入面最鍾意嘅一款，最驚喜嘅係菠蘿叉燒包入邊真係有菠蘿！叉燒包熱辣辣，外皮好酥脆，包體柔軟，入面嘅叉燒餡料加埋菠蘿都係一個幾新鮮又意外地夾嘅配搭😋。🥢卡邦尼海皇卷 $58 🆙呢款中西合璧嘅海王卷外層係一絲絲嘅脆脆，內裏混入咗濃郁嘅卡邦尼醬同海鮮，鹹鹹地幾特別，喺非常有創意嘅菜式👍🏻。🥢櫻花蝦蘿蔔糕 $90 🆗蘿蔔糕加咗櫻花蝦一齊煎令到口感外脆內軟，食落香氣濃郁，但個人覺得比較油膩🫣。🥢懷舊豬潤燒賣 $68 🆗可能喺因為豬潤嘅處理比較繁複，所以喺酒樓比較少見有豬潤燒賣。燒賣非常大粒，面頭放咗兩塊豬潤，內裡包住好大粒嘅蝦，不過豬潤少腥同唔夠彈牙🫣。🥢蛋白杏仁茶 FREE 🆗準備埋單嘅時候店員送上咗蛋白杏仁茶，因為本身自己好鍾意飲蛋白杏仁茶，所以超級有驚喜！蛋白口感滑溜，散發出濃濃嘅杏仁香氣，食完感覺非常滋潤，如果杏仁嘅味道可以更加濃郁就好🙈

位於V point高層嘅高級海景中菜，食物質素同服務都十分好🥢懷營豬潤燒賣$48/會員價細個成日聽豬潤燒賣，食都係第一次，比想像中好食💚翡翠明珠球💰$58/3粒類似菜苗餃，皮少少厚，不過入面嘅菜好夾好夠味，都好啱我口味🥢魚翅灌湯餃💰$98/會員價等咗呢個出場好耐，不過慢工出細貨，好嘢係要等吓，灌湯餃大件，皮薄饀靚、真材實料🉐🥢上湯小籠包💰$48皮薄多汁，一個大粒好精緻😆脆脆笑哈哈💰$68係先生最愛嘅春風得意腸，入面脆卜卜，有蝦，出面係超滑腸粉🥢秘製醬乾炒九肚魚河粉💰$198第一次見有九肚魚炒河呢個配搭，店員話係潮式菜，原來食落出奇的好味，咱先河粉炒得夠鑊氣，好有豉油香，九肚魚食落冇骨啖啖肉，整體都好好食，有驚喜🉐🤍生磨蛋白杏仁茶💰$48最鐘意嘅中式甜點，杏仁茶味道香，蛋白用上燉蛋白方式，所以好滑，食完正餐儀論幾飽都要食😋🉐💚橙絲清心丸綠豆爽💰$38好清嘅糖水，有綠豆、清心丸💰$752/2ppl🚩張公館 (銅鑼灣)📍銅鑼灣登龍街18號V Point 29樓

週日和朋友到張公館飲茶，這中菜廳不只點心好食，嘆茶之餘還可以欣賞維港景色。前菜是醒胃喬頭和雲耳脆脆笑哈哈- 腸粉皮薄、中間炸粉好香脆，包裹着彈牙大蝦，賣相相當吸引。燒味雙拼-燒腩仔採用五層肉，皮脆肉爽；半肥瘦叉燒腍滑，帶有焦香味；並伴有爽口海蜇。魚翅灌湯餃-灌湯餃內有很多魚翅、瘦肉、蝦仁，瑤柱上湯更添鮮甜。酥皮菠蘿叉燒包-熱騰騰酥皮义燒包，外皮很鬆軟，餡料有菠蘿粒，叉燒醬汁充沛，甜甜的很美味。翡翠月明珠-翡翠球上面鋪上一片竹笙，頂部有魚子作點綴，餡料有菜苗、蝦仁，清新可口。鮮蝦翡翠帶子粉果-粉果皮晶瑩通透，釀有帶子和大蝦仁，鮮味爽口。