尚上下夏 - 養生雞煲火鍋 (已結業)

一家人相約聚會，最合適吃火鍋，一家人烚下烚下特別感覺溫馨，地點位於尖沙咀山林道的尚上下夏養生雞煲火鍋，鄰近地鐵站，地理環境方便，靜中帶旺，環境相當不錯，歡聚閒談的好地方。 地方環境舒適，乾淨整潔，氣氛不錯，給人放鬆的感覺，繁華的背後，能夠停下來暫時忘憂，用餐更輕鬆暢快。 餐牌分門別類，十分有心思的設計，詳細介紹店中的美食，食品的種類都很多，食物質素良好，上菜速度頗快，另有很多不同的醬料提供給客人選擇，享受火鍋的滿足滋味。 皮蛋莞西湯 $68店中設有多款的湯底可以自行選擇，我選擇了皮蛋莞西湯，淨湯底單鍋，熱騰騰的湯底出場了，撲鼻的皮蛋莞西味道，香氣四溢，皮蛋莞西湯底的材料非常足料，看到湯底內有很多的皮蛋及莞西，美味可口，口感衝擊味蕾，不能抗拒它的誘惑。 四寶丸 $78招牌四寶丸包括有貢丸、芝心丸、辣牛丸、墨魚丸等，大大粒的丸，鮮味出眾，芝心丸咇了肉汁出來，煙韌彈牙，貢丸及墨魚丸，肉質嫰滑有彈性，辣牛丸少辣很入味，正合我的口味，吃得滿足。 鮮蝦雲吞 $62鮮蝦雲吞咀嚼後第一個感覺是有咬口，香滑紮實，蝦肉保持新鮮結實，煙韌彈牙有咬口，容易消化，令人食指大動。 魚皮鮫 $62魚皮鮫鮮嫩剔透，肉

之前試過幾次walk in都無位 所以今一早訂左位星期五去尚上下夏食雞煲過左立夏 天氣好熱 好在尚上下夏冷氣夠大 夏天食雞煲都無問題其實我好中意去山林道食野以前都曾經食過尚上下夏 不過食完依間野好難番轉頭因為佢既雞煲可以係無骨架 今次我地就叫左雞脾同雞胸小辣依間野真係好適合想食雞煲又唔想咬骨既人 叫左個鴛鴦雞煲 一邊要四川麻辣 一要沙嗲湯底本身我都好食得辣 所以小辣對我來講無咩野 但係唔食辣既朋友可以叫佢小小辣除左無骨外 D雞真係好入味 辣辣地再加食落會麻 真係好正食完成晚都回味無窮!!!!!食完雞煲就打邊爐 都係好平常咁叫左平時打邊爐既野食提提大家佢個響鈴同千頁冰豆腐真係必叫 不過響鈴即炸關係 真係等到你唔記得自己order左佢先到仲有佢地個牛真係手切 朋友教識我係手切先會係「蝴蝶雙飛」牛肉食完一碟唔夠 再叫多左碟成間野整體都唔錯不過係街叫野打邊爐係貴既不過間中去食下都ok

假期前夕當然要同好友相聚~雞煲同好會，有人介紹無骨雞煲~當然有興趣啦，即刻訂位開飯~去到店前，見到宣傳養生鍋~好似幾有特式~ 不過健康唔係我杯茶~惹味雞煲先係我最愛~四個人，點左大份” 雞脾配雞胸” (小辣)待應提點先知，原來重可以揀一款湯底~心中不禁懷疑雞煲辣味，同其他湯底會夾嗎？友人點了足料龍蝦湯~少不了混醬一環~~但後尾發現，雞煲&湯底都好濃味根本用唔著漏醬 XD雞煲大約10分鐘後上台~真係件件夾起，都大大件雞肉~ 完全無骨！雞煲不停加熱，雞肉要做到嫩滑就無咩可能~不過雞肉唔係乾柴~ 合格啦~醬料香濃帶辣勁，雖然只點小辣~但依然偏麻偏辣~~如果唔食辣的朋友要留意~~由於太美味~ 好快就清空左雞煲~加入濃濃湯底，又真係好香龍蝦味~不過龍蝦湯上飄著大量紅油，提醒我今餐有幾罪惡~配菜點了牛頸脊、手打四寶滑、鬼馬墨魚、響鈴、百頁豆腐、栗米等百頁豆腐吸盡湯底~已經成為我火鍋必點配料~~鬼馬墨魚，油炸鬼一半香脆，一半索湯~加埋彈牙墨魚滑~~ 推介俾大家~牛頸脊脂肪偏小，所以入口牛味較濃~但相對地亦較易韌~小妹自己偏好脂肪較多的牛肉~所以只食左2、3塊~總結：雞煲十分出色，配料只屬不過不失~不

最近的氣溫都徘徊在28,29度~但是也擋不住我想吃火鍋的渴望.....上星期就跟幾個好朋友去了山林道的尚上夏下吃火鍋!!!店子的面積不算很大,,,,但也算是坐得舒服~星期一晚上入座率也有八成滿, 相信如果在周末來的話, 還是預先訂位比較穩當。湯底和火鍋配料的選擇都很多, 喜歡吃雞煲的朋友更可以先吃雞煲後吃火鍋~點餐之後,,,,店員就送來醬料盤~客人可以自己調配喜歡的火鍋醬料!!我們點的是鴛鴦鍋, 瑤柱群翅雞湯和香濃沙嗲湯....牛魔皇拼盤...有靚牛皇、牛小排、牛柳粒、牛白肉（牛胸）、黑柏葉、牛脷托～手切靚牛皇, 肉質軟嫰, 牛味濃郁~牛柳粒脂肪分佈平均、咬下去滿口油脂香, 一點也不會韌!!!牛白肉我還是第一次吃, 十分爽脆.....有點像吃雞軟骨的口感**平日真是很難吃到沒有經過漂白的新鮮黑柏葉~店員說只需輕灼5秒就可以吃了!!!口感爽口、彈牙**超正呀.....招牌手打四寶丸分別是墨魚丸, 蝦丸, 豬肉丸和鯪魚丸, 每款4粒~這個沒有太大的驚喜!!養生雜菌籃滿滿的一籃, 有冬菇, 金菇, 秀珍菇等等....非常新鮮~千頁冰豆腐, 一定要留在後段的部份吃喔!!!吸盡了火鍋湯底的精華~

朋友係邊爐怪, 適逢佢生日, 就約埋幾個朋友一齊同佢慶祝喇. 其中一個朋友都係雞煲邊爐怪, 佢就帶咗我地去尖沙咀山林道呢間雞煲火鍋試下.山林道出咗名多野食, 邊爐都好多選擇. 今次揀呢間除咗佢食物唔錯同價錢合理之外, 最重要係佢有得揀鴛鴦雞煲, 是關我地其中一員唔係好食得辣, 而生日個位就好鍾意食辣. 有得揀鴛鴦鍋, 就兩位都開心喇望落裝修簡潔乾淨, 閒日都唔少人幫襯, 無Book 位的話應該要等位. 我地叫咗鴛鴦雞煲, 又真係幾好味. 雞件炒得好香好入味, 唔會咬落去白雪雪, 個雞汁做得好好, 超多配料, 望落有芫茜, 八角, 洋蔥, 薑, 辣椒, 花椒等等等等, 食落味道好豐富而且好有層次, 真係做得好好! 呀, 仲有一樣驚喜係, 佢可以揀淨雞胸同雞脾, 我地叫例牌都係一邊$98, 幾抵食.打邊爐呢個環節我地就叫咗個海鮮拼盤, (唔記得影相), 個海鮮船好大隻, 份量好多, 全部都好新鮮, 尤其蟶子皇同花甲皇, 配我地個雞湯 and 龍蝦湯都好正!是晚食到飽一飽, 糖水都食唔到了~ 好滿足!

好久沒吃雞煲了, 因這間餐廳位置方便....方便我五湖四海的朋友們到尖沙咀這間餐廳吃雞煲.......餐廳頗容易找到....大老遠都看到這個招牌進入餐廳已聞到濃濃香香的雞煲香味...我們一坐下便立即先叫了一個雞煲...特別的是...這裏提供的雞是<雞脾拼雞胸>~~~~我的天!!!這雞煲香味真的香得不得了~~~煲肉雞肉很多....而且每件雞肉夾起來都係肉...無骨的......大家都不用擔心會有骨碎.....不愛吐骨的朋友有福了~~~而且雞肉本身頗滑.....而且很入味.........吸收不少汁的精華....(值得留意的是這間餐廳提供的雞煲辣度比較辛口,怕辣朋友....要注意了!)由於本人吃辣程度一般, 所以另外要了一支<沖繩黑糖酸梅湯>酸梅湯不算很甜...但很生津解渴....而且又大支又冰涼.........爽!!!!吃完雞肉.....剩下雞煲汁.....當然要再加湯.....再開始下半場...我們點了<足料龍蝦湯>...因為我們都很好奇......雞煲辣汁配龍蝦湯會是如何的效果@@我們用這雞煲辣汁配龍蝦湯所熬出來的火鍋配料, 聞起來有

今日要見新朋友,覺得打邊爐係一個好選擇,烚下烚下唔熟都變熟。黎到山林道呢間尚上下夏,店鋪唔大,但幾光猛,裝修主打白色都幾舒服。睇下MENU,湯底都幾多選擇,單係雞煲都有得揀食雞胸定雞脾。因為唔想食雞煲,店員就推介我地試瑤柱群翅雞湯,另一邊我地就揀左沙嗲湯。瑤柱群翅雞湯好濃,而且足料,一撈就見到大大件雞肉,而且仲食到瑤柱,沙嗲都好足味醬料選擇都幾多養生什菰盤,賣相好靚,而且份量都幾多,總類亦唔少招牌手打四寶,有墨魚丸,鯪魚丸,蝦丸同豬肉丸,墨魚丸同蝦丸都好好味,非常彈牙,一食就知真係手打先有咁既口感千頁冰豆腐,雙重芝心丸,打邊爐最鍾意食芝心丸,一食就知餐廳有無誠意,因為CHEAP既芝心丸入面既芝士會好膠,亦無拉絲效果味道又假,但尚上下夏既芝心丸係上等貨式,外面爽口,入面芝士香軟,加分手打蟹子蝦滑,鬼馬墨魚,尚上下夏既丸類都相當出色,呢兩道都好好味,好彈牙牛魔王拼盤,好似TEA SET咁,一共有6款:靚牛皇,牛小排,牛柳粒,黑牛柏葉,牛白肉(牛胸),牛脷托黑牛柏葉燙5秒,牛白肉1分鐘就食得,牛白肉第一次食,覺得好過癮,靚牛皇,牛小排,牛柳粒都好有牛味,而且都唔硬,好味整體黎講,用料新鮮用心

從友人口中得知, 山林道 有一間雞煲店, 出品贏盡口碑, 大獲食家們讚賞 .... 當天特來嚐一嚐 ~調味架擺放著四款火鍋必備的各種調味料 ~Menu & 點單紙 竹蔗水 $48味道清甜潤喉, 乃吃雞煲火鍋必喝之飲品 ~雞煲, (雞脾肉 半份) 加豬皮 $138汁底香濃, 麻辣之中又帶甜, 層次感強, 油份少, 味道也平易近人地順喉 ~豬皮吸了湯汁的精華後, 腍滑入味又爽口 ~選了雞脾肉, 因此不用吐骨, 肉質嫩滑而入味, 滋味非常 ~吃完雞煲, 便放湯 .... 打邊爐養生藥膳湯 $48藥材味道濃郁, 味道芳香清幽而且帶有甘甜, 有夠特別 ~自家製響鈴 $58自家製, 即叫即炸, 新鮮熱辣辣又脆口, 放湯稍灼數秒便可吃 ~新鮮滑牛 $78牛肉片片厚薄相稱, 盡顯廚師的刀功, 色澤紅潤而且富有光澤, 質感嫩滑, 牛肉味濃厚 ~ 手打豬肉丸 $88粒粒圓渾重手, 肉味濃香, 爽口彈牙 ~這間雞煲店, 食物夠特色又美味, 服務態度良好, 價格親民 ~ 本篇完 ~

雖然雞煲已經興咗一段時間, 但一直無機會試. 今日舊同事約出黎Gathering, 就揀咗食雞煲. 終於可以試下喇.同事揀咗尖沙咀山林道呢間"尚上下夏- 養生雞煲火鍋". 餐廳以白色為主調, 大部份係四至六人枱, 因為係方枱, 唔洗迫埋迫埋, 坐得都舒服食物方面除咗雞煲, 火鍋配料都好多選擇, 而且不乏新鮮海鮮, 都屬靚料我地叫咗個鴛鴦雞煲. 我自己鍾意食辣, 所以食中辣個邊. 食落去雞味豐富無雪味, 而且咬落都好夠滑同埋入味, 我鍾意佢做個辣, 唔會辣到完全入唔到口, 而且味道層次都好豐富, 麻同辣的比例適中, 亦帶有甜, 甘的味道 (有八角同埋洋蒽等配料), 做得非常唔錯.雞煲上枱時職員會提一提等幾分鐘先食, 而且主動幫我地攪下個雞煲, 都幾貼心. 食完雞煲會加湯打邊爐, 呢度D湯底好多選擇. 我地揀咗藥膳湯同牛奶湯. 藥膳湯藥材味濃郁, 就咁飲都唔錯. 牛奶湯都好滑, 裏面D豆腐好好味!火鍋料我地就叫咗花甲皇, 蟶子皇, 帶子, 羊肉卷同埋靚牛皇, 海鮮類好大粒同埋都好新鮮, 羊肉同埋牛肉都好有肉味, 焯一焯就食得. 唔洗點醬都好夠味! 第一次食雞煲感覺唔錯, 下次會再幫襯

第一次寫食評，就係差評--_--"一枱八人，點了兩個鍋，當中藥膳就。。。比想像中的苦，，，伏了，全部的配料都係苦藥味。不過算，係自己揀，冇得講。但店中的配料不多，份量少，所以係唔值這個價，吃了不太多但竟每人二百五元。實在有點嘩然！沒有下次呢，因為論味道，沒有甚麼特別，只係得牛好點。論種類：絕對少，論味道：好平凡，論價格：貴的。論環境：抽煙系統差到不得了，未入去己見裏面白濛濛，滿是四川雞煲味，心諗，又唔知要沖幾多次身了。論服務，又係麻麻。

小妹同友人都好鍾意食雞煲, 傳統雞煲食法係叫一隻貓/半隻雞, 然後揀辣度, 最後加水/雞湯黎到打邊爐. 今日友人帶埋小妹同兩個朋友來試呢一間雞煲比較多玩法, 係一個新體驗!係正正山林道, 地鐵佐敦行過去5分鐘就到, 係地舖黎, 感覺光猛乾淨雞煲有得揀"全隻", "半隻", "淨雞脾", "淨雞胸", 價錢一樣都幾公道, 我地四個人揀咗雞胸拼雞脾, 啖啖肉! *鴛鴦煲有個好處, 就係有得揀辣度, 我地揀咗一邊辣, 一邊唔辣就返朋友!我地雖然只係叫咗細煲(例牌), 但份量一D都唔少. 而且雞煲裏面好多配料, 夠晒香濃. 雞件亦都好滑好入味, 讚!提外話, 我地開餐前叫咗個滷水鴨舌, 竟然出奇地好食. 上枱時有微溫, 鴨舌忟得夠淋同埋入晒味! 是晚驚喜!食完雞煲已經半飽, 我地叫咗莞茜湯同埋蕃茄湯打邊爐, 全要都係渌下D蔬菜黎食清下腸胃, D菜吸收咗雞煲同湯料精華非常好食! 好似Shabu Shabu 咁, 我地最尾加咗個租稻庭烏冬黎食, 配埋個湯都非常好味!

去完尖沙咀教堂參加友人婚禮 老公話近近地去山林道搵食。日本菜 雞煲火鍋 西餐 應有盡有 有選擇困難症既我 俾老公揀。佢話食呢間 之前同事介紹過。 環境很家庭式 小小的店 侍應好友善 湯底選擇好多 掙扎左一陣食唔食雞煲 但我感冒未清 老公話唔好食雞 所以就咁叫左惹味蕃茄湯 清清地 蕃茄味好香濃 又夠甜 岩曬淥海鮮。 海龍王拼盤二人份量好岩我們 有八種款式。賣相擺到好靚 一隻海鮮船的造型。 帶子 鮑魚 花甲皇 蟶子 都幾大隻 鮮甜。珊瑚蚌 桂花蚌 爽口清甜。海蝦超大隻 肉質彈牙 好甜。花膠桶索曬蕃茄湯底 好香。成個海鮮拼盤又夠曬份量 用料又新鮮 好正。 今晚唔想食太多肉 所以另外只配搭了少少蔬菜類 有皇帝菜 金菇。 皇帝菜唔係成日有 所以即刻揀 哈哈 菜同金菇都洗得好乾淨 皇帝菜好新鮮 爽脆 又夠甜。 仲有冰豆腐 大大件 索曬d蕃茄汁 yummy!雖然唔係食左好多款式 但海龍王拼盤都夠曬飽 最後仲加左個手打烏冬 捧住個肚走。

天氣開始轉熱，即係意味住夏天就黎到，既然係咁就及早抓緊冬天嘅尾巴，黎個男人的浪漫，同啲兄弟去滾一滾 呢間尚上夏下喺山林道都算幾易揾，兄弟到齊就先黎整返個全隻雞煲，香料十足，有兄弟唔食得好辣，所以我地揀左個小辣，不過唔好睇佢小辣以為無料黎，其實都幾入味，辣得都幾過癮，雞件就比足，唔會好似其他舖頭喺雞煲明明叫全隻，但無雞翼雞頸同雞腳，而家每件雞件都厚肉同鮮嫩，叫得過！ 同班食肉兄弟食飯，眨下眼就清左個煲，嗱嗱聲加湯底就黎個手切極品靚牛皇，牛肉油花分佈好平均，喺湯度來回拖十下，已經食得，入口即溶，牛味十足，無得頂！ 招牌手打四寶丸，分別有墨魚，鯪魚，蝦同豬肉，墨魚丸同蝦丸都好彈牙，鯪魚丸夠香，豬肉丸唔會實晒，手打真係唔同啲 炸魚皮炸得夠脆身，配埋啤酒直頭一流，不過放入湯度浸一浸又係另一個層次 必食推介：海龍王拼盤，如圖所見，所有海鮮都大大件，又夠新鮮，鮑魚夠爽口，無縮水，蟶子皇有手板咁長，肉身夠厚，配合微辣嘅湯底帶出佢嘅鮮甜，花膠筒反應一般，可能女人們會瘋狂啲，不過都好有咬口好膠原下桂花同珊瑚蚌好似食極都仲有咁，爽口無chi牙，花甲王都係比一般嘅來得鮮甜是晚來得切抓緊

行過山林道，呢間尚上下夏點都要試下，舖面細細，小妹同友人s幫襯嘅時候唔算多人，但當底頭點完食物就坐滿咗，原來人氣都幾高呢度出名食雞煲，就睇下個雞煲係龍定鳳，小妹同友人s叫左半隻雞，因為要留返個肚食其他野，呢個雞煲上枱嘅時候香味四溢， 雞煲材料十足，揀咗小辣嘅我地每食一口雞都比佢嘅微辣刺激到個味蕾，從而增加食野嘅衝動雞肉亦無花無假，雞肉得黎好嫩滑，而煲入面有啲吸收左精華嘅嘅豬皮，好入味爽口，豬皮真係必食item食晒啲雞肉就梗係事不宜遲加湯滾一滾，呢個海龍王拼盤有鮑魚，蟶子王，海蝦，帶子，花甲，花膠筒，珊瑚蚌同桂花蚌鮑魚夠新鮮，滾完無縮水之餘爽口彈牙，帶子夠清甜，花甲大大隻，肉身好肥美，花膠筒嘅骨膠原夠晒多，仲要唔係碎濕濕，一隻過，夠晒豪！蟶子王大大隻之餘肉質爽甜無縮水，珊瑚蚌同桂花蚌都係一貫作風，夠爽脆海蝦真係實食無chi牙，蝦肉同殼好易分離夠晒新鮮，蝦肉彈牙層次分明，我地仲叫左個鬼馬墨魚一放落煲，墨魚滑自動反轉，小妹唔知隔左幾耐就夾上黎食，墨魚滑係夠爽，不過啲油炸鬼吸晒啲湯，重口味左小小，小妹一舊起就算啦，其他蔬菜類都夠新鮮肥牛夠嫩滑，食到呢度小妹個胃都滿咗lu...留返比其他戰士努力

去山林道做massage 老公黎接我。順便在山林道搵野食 本來想去好出名既'高'字火鍋 但當然如我所料 滿坐。隔離咁岩有間雞煲火鍋 既然斥起左打邊爐既筋 就索性入去試下囉。 地方小小的店 侍應好友善 主動介紹唔同款式的湯底 都好多選擇喎。我們揀左雞煲+瑤柱群翅雞湯。雞煲**小辣 雞件預先炒過 雞皮脆脆地 充滿花椒八角的香味。醬汁好濃好杰 非常之惹味。我係洋蔥怪 多多洋蔥香茜撈埋 老公直頭想叫碗白飯黎撈汁。😂瑤柱群翅湯** 又冇諗過咁足料 雞絲好多 有幾件大大的翅群 煲到後尾好腍好正。 而且湯底夠清 同雞煲剛剛好係兩種唔同既風味。手打墨魚丸**嘩 好正。足料 勁彈牙 而且粒粒墨魚係入面 好新鮮 推介。👍🏻👍🏻龍躉片** 係我火鍋其中一樣至愛 呢間既都幾新鮮 完全冇腥味 幾新鮮 肉質結實幾嫩滑 在瑤柱湯底下 幾鮮甜 唔油膩。頂級花腩片** 兩個人食得唔多 今日棄牛揀左豬。花腩片 睇落好靚 肥膏和豬的分佈好平均 肉質好爽口。豬肉味幾濃。麻吉燒** 見個名好得意 咪叫囉。初時以前係咸的丸子 原來係甜既 食落好像芝麻湯丸咁 個皮幾煙韌 流心的芝