尚上下夏 - 養生雞煲火鍋 (已結業)

去完尖沙咀教堂參加友人婚禮 老公話近近地去山林道搵食。日本菜 雞煲火鍋 西餐 應有盡有 有選擇困難症既我 俾老公揀。佢話食呢間 之前同事介紹過。 環境很家庭式 小小的店 侍應好友善 湯底選擇好多 掙扎左一陣食唔食雞煲 但我感冒未清 老公話唔好食雞 所以就咁叫左惹味蕃茄湯 清清地 蕃茄味好香濃 又夠甜 岩曬淥海鮮。 海龍王拼盤二人份量好岩我們 有八種款式。賣相擺到好靚 一隻海鮮船的造型。 帶子 鮑魚 花甲皇 蟶子 都幾大隻 鮮甜。珊瑚蚌 桂花蚌 爽口清甜。海蝦超大隻 肉質彈牙 好甜。花膠桶索曬蕃茄湯底 好香。成個海鮮拼盤又夠曬份量 用料又新鮮 好正。 今晚唔想食太多肉 所以另外只配搭了少少蔬菜類 有皇帝菜 金菇。 皇帝菜唔係成日有 所以即刻揀 哈哈 菜同金菇都洗得好乾淨 皇帝菜好新鮮 爽脆 又夠甜。 仲有冰豆腐 大大件 索曬d蕃茄汁 yummy!雖然唔係食左好多款式 但海龍王拼盤都夠曬飽 最後仲加左個手打烏冬 捧住個肚走。