尚上下夏 - 養生雞煲火鍋 (已結業)

等咗咁耐, 終於都到冬天. 身為地道香港人的我, 當然要食下雞煲暖暖胃啦. 今日幫襯的尚上下夏係由一位食家同事介紹的. 所以都幾有信心.首先黎個雞煲, 同事一早已經同我地講咗呢度有得揀雞全隻, 或者係雞脾雞胸等等. 我個人比較懶鍾意啖啖肉, 所以叫咗個雞脾煲. 我同朋友都鍾意食辣, 所以挑戰中辣! 一上枱已經好香, 連埋陣陣辣味真係好吸引, 雞件入味而且有雞煲應有的濃陏味道, 雞件咬落嫰滑, 辣味亦都有層次, 做得唔錯!再黎打邊爐就叫咗個龍蝦湯底, 龍蝦湯加埋雞汁餘香好夠味, 就咁飲咗一啖已經覺得好正. 我地叫咗響鈴同埋豬皮黎索湯汁, 響鈴做得好好, 佢賣點係即炸, 食落去比平時個d脆, 而且好鬆化, 喜歡食響鈴的朋友記得唔好錯過. 另外一樣小妹推介的就係手打丸. 我叫咗個手打四寶丸, 做得好彈牙同埋好夠鮮味, 尤其係鯪魚丸同埋墨丸 - 鯪魚丸加入咗陳皮, 令到本身魚味濃陏的鯪魚球更香; 而墨魚丸本身好彈牙, 裏面食到有墨魚粒粒, 口感好豐富. 而牛肉方面, 佢地的靚牛皇都係上料, 切出黎的牛肉片有厚度, 食落好Juicy同埋好夠牛味.總括而言, 呢間尚上下夏雞煲同埋火鍋都做得幾出色,

天氣已經開始凍, 今日同男朋友去二人世界食雞煲! 我地去返之前幫襯過的尚上下夏(個名好易記所以特別有印象)食雞煲火鍋. 本身想Book 星期五, 不過已經無位, 所以改咗星期四去食.去到7點半唔算太晏但已經好多人, 我地一坐底已經食指大動了. 叫咗個半份雞脾($138), 一心諗住留個肚然後叫好多打邊爐野食. 點知上到枱先知原來好大煲!! 我地叫咗小辣, 佢地個辣味做得好好, 辣中帶麻, 又帶有少少微甜同少量咸味. 食到成個雞煲味道都好豐富, 食到辣味但又唔會太嗆. 而且最正就係佢可以要"淨雞脾肉" , 全部啖啖好嫰滑我地食完個雞煲已經有D飽, 但又好想打邊撈, 叫咗個二人海鮮拼盤同埋靚牛皇仲有蔬菜拼盤. 點知一上枱就比個海鮮拼盤嚇親, 事關真係好大碟, 成隻海鮮船咁上枱真係好誇張, $398好抵食, 全部D料都好新鮮, 我最鍾意佢個鮑魚同埋花膠桶, 鮑魚夠新鮮爽口, 而花膠桶就完全吸晒湯汁精華, 感覺好補. 我地兩個估唔到D野食咁大碟, 當然食唔晒要打包啦. 下次都係叫多幾個朋友黎食先得

呢幾日忽然凍左,一凍就好想打邊爐,為左滿足我2個願望,就同老公再黎食雞煲點解話2個願望,其中一個係食雞煲, 一個就係打邊爐啦我地叫左一個大份雞胸配雞脾,啖啖肉, 簡直係食人唔LUR骨甘, 好正,雞煲入面有D豬皮, 索哂D汁, 好惹味雞胸同雞脾一D都唔鞋, 好好味,老公話如果再多D洋蔥就好啦,食哂D雞後,我地叫左個群翅雞湯,好足炓,有舊雞, 再加兩舊群翅雙拼桂花蚌同珊瑚蚌,個人比較鐘意食左邊果隻多D, 兩個口感都好爽, 唔洗烚太耐, 一卷埋,一縮細就差唔多食得豬腩片, 好有豬味無論打邊爐定係韓燒都甘好食,唔會好UN鬼馬墨魚, 上次黎都有食佢,墨魚滑蟹籽+油炸鬼,烚既時候, 最好將墨魚滑果邊向下,又係唔洗烚好耐就食得,呢到有樣野幾好, 就係有得飲支裝可樂,同埋大大枝既羅漢果水,仲有叫左D手工啤, 相比出面D餐廳,價錢都幾抵飲, 有得飲新味HOEGAARDEN

自從雞煲興起之後, 已經成為咗我地成家人每年冬天必到之地. 我地最Enjoy 佢個感覺係一齊夾下夾下, 烚下烚下, 大家好Close 咁一齊食返餐暖笠笠的晚飯.雖然已到12月, 但仲未有凍的感覺, 不過我地已經忍唔住要去食雞煲喇! 聽同事講呢間尚上下夏唔錯, 我就定決定帶屋企人黎試下. 呢間雞煲屬於中等價錢, 但用料新鮮同埋真係幾好味, 以相同價錢黎講, 係尖沙咀未必搵到同樣質素.講返個雞煲先, 呢度有樣好處就係可以要鴛鴦煲, 對於一大班人黎講的確好好. 媽媽唔太食得辣, 所以我地就叫咗一邊中辣, 一邊小辣. 我地仲揀咗全部雞脾, 好正呀! 佢D雞做得幾滑, 同埋最緊要係夠入味, 咬落去入到個心都有味道, 汁料方面佢唔會較得太傑身, 唔會痴立立, 但味道非常足夠, 洋蔥甜味加埋辣汁同埋雞味, 味道好覆雜又出奇地夾.我地5個人, 打邊爐個時就叫咗個海鮮拼盤同埋菇類拼盤. 估唔到個拼盤真係好大, 而且全部都係鮮料, 鮑魚, 蝦, 蟶子, 花甲, 帶子全部都係大大件無搵笨, 4位用的海鮮拼盤, 我自己覺得5-6個人都夠食, 真係好豐富! 食完海鮮仲叫咗個雜菇籃食, 清下腸胃, 呢個都係好大份

平時收工收得晏, 好多時放工已經係宵夜時段, 我同同事都鍾意周圍搵下邊度有宵夜特價可以食, 尤其係星期五.今日我地黎到呢間尚上下夏食雞煲火鍋. 首先見到佢宵夜有折, 而我地睇過佢D食評都唔錯. 所以決定一試. 山林道好多食肆, 競爭激烈, 但呢間舖頭仍然有人等位, 所以應該唔錯. 我地一早打咗去book 10點, 但因為早咗到, 所以同其它人一樣係門口等一陣.每晚10點後有折, 今日係星期五有八五折 (閒日有七折, 好抵!). 2個人佢地都安排到4人座位比我地, 坐得好舒適! 諗住唔望餐牌叫個小辣雞煲先, 職員同我地講有得揀部位, 我地望一望, 嘩正, 有得揀淨係雞脾肉 , 而且唔洗加錢, 當然唔會走寶.其實成間舖頭充滿雞煲味已經好吸引好肚餓 ,上枱時望到d雞更加想食, 佢個雞煲好多配料, 汁醬係比較深色少少, 食落雞件好入味, 麻辣味加埋其它配料味道, 層次都幾豐富. 最重要係, 佢全部係雞脾肉, 非常嫰滑, 入口好香好正. 不過大家要小心食到D花椒, 一咬爆咗就會好辣. 食到咁上下, 我地發覺裏面原來有豬皮, 豬皮索咗D雞汁非常惹味, 食到食唔到口. 食完雞煲就打邊爐,

天氣終於開始涼, 我同朋友出去搵食的目標又轉返去雞煲邊爐喇! 自從香港興起雞煲邊爐後, 每年冬天都會總會食好多次, 今佢補身又暖胃, 雖然天氣仲未係好凍, 但我已經忍唔住要食喇!呢間尚上下夏之前已經食過, 記得上年都唔洗等位, 但上個星期打黎book 位有幾日已經full 咗, 唯有等到今個星期先食. 鍾意呢間雞煲的原因係因為佢D雞好入味又夠嫰滑, 辣得黎又味道豐富, 的確係一試難忘.今日我地5個人, 同樣地叫咗個鴛鴦雞煲, 今次我地只係叫咗半份雞脾同半份雞胸, 想留肚食邊爐. 兩邊都係叫小辣, 就返大家口味. 雞脾就好嫰滑; 雞胸就啖啖肉, 各有各特色. 但兩款雞同樣都好入味, 佢個醬汁係可以滲到入去雞肉裏面, 每一啖都有香辣味道, 好正!食完雞煲就打邊爐喇. 我地叫咗蕃茄湯底同埋龍蝦湯底. 雖然雞煲食完仲有少少醬汁係裏面, 但加埋落去湯底度個味道又唔怪, 而係覺得個湯帶有雞香味. 我地5個人懶得諗, 叫咗一個牛魔王拼盤同一個海鮮拼盤. 牛魔王拼盤份量都好多下, 而且每一款都好有牛味, 均屬靚料. 而海鮮拼盤配料都好新鮮,好豐富, 我最鍾意佢地個蝗子同埋新鮮鮑魚. 好鮮味好甜.

見倒哩度咁多like就嚟試下。個雞煲都幾咸，食完啲雞後再加湯打邊爐都仍然係咁咸，所有放落去嘅餸滾完都係同一隻味，完全唔需要點豉油，食唔倒食物本身嘅味道 ...仲要限時交枱，冇下次 ...

自己本身都好鍾意打邊爐, 以前做學生個時專搵D平平地百零蚊任食同成班friend 一齊去烚下烚下, 而家出咗黎做野有收入, 就想食返好少少. 呢間尚上下夏其實已經幫襯過幾次. 因為每次都鍾意叫個雞煲再打邊爐, 所以打邊爐的火鍋料每次都試得唔多, 所以每次都會試D新野.雞煲當然唔洗講係正啦, 佢做得好入味, 唔會淨係得個辣字, 而係辣得黎越食越想食. 邊壚湯底都做得幾好, 勝在夠多選擇, 鍾意點配搭都得. 我個人黎講覺得龍蝦湯同埋牛奶湯都唔錯.今次主要係想講佢個響鈴, 響鈴係香港都興咗好多年, 脆脆地點湯黎食真係幾正. 平時D響鈴我已經好鍾意, 今次食呢個即炸響鈴真係不得了, 佢個皮比起其它響鈴薄同埋長, 卷得亦都比較多圈, 換句話講佢可以吸收湯的接獨面會增加咗, 自然就更加好味. 佢上枱個時其實仲暖暖地, 我鍾意原味試一試先, 食落口脆到不得了, 真係脆卜卜, 同平時係街市買到個D分別好大. 第二條試下點湯黎食, 因為呢隻係比較薄, 所以一放落湯一秒就啱啱好. 香味同脆味口感夾埋真係好正! 當然唔同湯低又有唔同味道啦, 建議放咗其它食材先食響鈴, 等個湯濃D就更加滋味喇呢間尚上下夏價錢

山林道是一條小食街，無論是中式，西式，火鍋，日式，燒烤等等，應有盡有。但是我對雞煲火鍋的熱情，是不會變心的， 無論天氣怎樣，是熱還是冷，我也會選擇吃雞煲， 何況今晚天氣開始轉涼呢。二話不說，藥膳雞煲吧！這裡可以選擇用雞肶 或是雞胸， 要令雞胸滑不留口，是需要一定的烹調技巧，我愛吃雞胸，只因雞胸的雞味會比起雞肶肉濃， 但要做得比雞髀肉滑，並不是每個地方都能做到，意想不到的，這裡真的做到。 藥膳雞煲帶強烈的香味， 我自己較喜歡藥材香氣， 感覺好像在秋冬吃這些味道比較滋保。 其他火鍋的食材，都很新鮮，其實海鮮火鍋食材只要新鮮，便一定好吃，再加上藥膳湯底的強烈香味，推介。另外想說一下他們的麻辣青瓜級麻辣藕片，辣度逼人， 作為飯前小吃，十分醒胃。 藥膳雞煲加上麻辣青瓜，真是令我熱血沸騰。

今日同屋企人輕鬆下出街食飯, 諗起好耐無食雞煲火鍋, 見到山林道有間雞煲火鍋好似幾好食, 一早打電話去訂好位. 去到7點幾, 雖然係閒日, 但見佢都坐滿客, 相信味道一定唔會差得去邊!我地只有三個人食得唔多, 但又想試多幾款口味, 我地就問下侍應可唔可以一邊雞煲(半份), 然後叫兩個湯底打邊撈. 雖然個餐牌無得咁樣揀, 但個經理好好人話幫我地入單, 但就要上咗其中一個湯先, 因為如果一邊雞煲, 一邊無野就會燒燶, 我地當然無問題啦! 等咗一陣, 一邊雞煲一邊湯底已經上枱喇!雞煲上枱個時好香, 配料都好豐富, 雖然我地淨係叫半份但望落個D雞份量都幾多. 我地叫咗唔辣, 食落個味道好有層次, 有少少似三杯雞 + 啫啫雞煲, 好難形容但感覺好正, 食完一件又一件. 食食下我地發現咗有樣寶物, 就係豬皮! 佢地原來加咗D豬皮落去, D 豬皮索晒雞汁真係好好味. 其間侍應都有不時行過幫我地搞下個雞煲等佢唔好痴底. 到食完個時佢就幫我地加埋半邊湯!湯底方面我地叫咗半鍋雞湯, 半鍋藥膳湯. 雞湯主要用黎焯蔬菜類, 而藥膳湯主要用黎焯海鮮同埋肉. 雞湯好濃郁, 我地就咁飲咗半碗都唔覺口渴, 感覺幾好.

因為係尖沙咀返工, 我地同事習慣每隔一排就放工出去覓食輕鬆下. 而山林道係我地其中一條最鍾意的食街. 因為選擇夠多, 而大部份食肆質素都唔錯.上星期已經有同事吹雞去呢間度打邊爐, 諗住早兩日book 位無死啦, 點知都full 晒, 結果去咗第二度食. 今個星期我地又心掛掛想食, 今次早多幾日book 位, 終於比我地book 到!呢間餐廳係地舖, 面積唔大, peak hour 的時候真係幾多人, 所以當日都坐得迫D, 但為咗食好野, 我地都絕對唔介意 ! 我地4個人叫咗個鴛鴦雞煲, 一邊小辣一邊唔辣. 一邊雞胸一邊雞脾 (有D驚喜因為可以就咁叫淨雞脾或雞胸). 一上枱個雞煲好香好吸引, 食落口唔算太辣, 帶有微微麻麻地感覺, 但好香口. 雞件炒得夠香同埋入味, 配料D味道都浸晒入去雞件度, 正呀!個雞煲份量都幾多, 我地4個食完已經半飽, 所以邊爐呢一part 叫得唔多. 但印象深刻就係個靚牛皇, 佢D脂肪好平均, 好有牛味! 而且係厚切, 令到佢咬落非常有質感又夠juicy, 極力推介必食呀! 我地仲叫咗新鮮鮑魚同埋蝗子皇, 兩者都好新鮮好甜美, 用來打邊爐真係非常正. 而水餃都

同班兄弟聚一聚, 雞煲+邊爐絕對係不二選擇. 之前已經食過呢間一次, 今次食雞煲都係揀返佢. 事關有幾樣野真心覺得呢間做得幾好.第一佢有得揀鴛鴦煲, 有人食辣又人唔食辣都可以分兩邊, 唔洗就黎就去, 又唔洗叫兩個煲食唔晒.第二佢有得揀淨脾或者淨雞胸, 講真次次食雞煲都有一大堆野唔食得/唔係好鍾意食, D雞腳呀, 雞頸呀, 雞pat pat, 雞翼尖個D, 其實有1/3都食唔到. 呢度好就好在可以比多少少錢要全脾 or 全胸第三呢度D雞煲做得好入味又唔會油. 有次特登入新界食雞煲, 咬落去個心白雪雪無味, 完全無味. 但呢間食過兩次都無咁ge 問題, 每一件雞件都入晒味, 好正. 同埋佢D配料都算幾多, 所以味道都好豐富.今次我地就叫咗鴛鴦煲, 一邊小辣, 一邊挑戰大辣, 兩邊都係啖啖肉雞脾, 大辣個邊真係好激, 佢地呢隻辣係起初入口唔會有好大感覺, 而係當你吞咗落肚, 佢D 辣會再由個口裏面浸出黎, 而當你每食多一件, 就會再憎加D 辣度, 非常刺激過癮! 大家都掛住挑戰大辣, 好快已經清晒, 後黎再食埋小辣個邊, 個口已經好辣, 感覺上個辣度同大辣無分別.第二round 打邊爐, 都

又到秋冬季節, 雞煲同打邊爐又點少得呢? 雖然香港地乜都有得食, 但講到好味雞煲火鍋始終廖廖可數. 同朋友講起, 記得上年去山林道食過一間雞煲幾好味. 就上Openrice 搵啦, 一搵就搵到了!今次去到, 湯底同埋火鍋配料比上年有更加多的選擇, 而雞煲方面, 同樣地可以選擇鴛鴦煲同埋揀部位! 呢樣真係好貼心. 我地四個人, 叫咗個鴛鴦煲, 一邊辣一邊中辣, 兩邊都係要淨雞脾. 由於當晚都幾多人, 要等廚房炒雞煲, 我地就叫碟鴨舌食住先, 鴨舌醃得幾入味, 而且肉質幾新鮮幾有趙口, 但越食越開胃, 越食越肚餓!好彩雞煲及時上枱,聞到已經流晒口水! 係陣陣雞香同埋辣香, 同上年一樣配料絕不馬夫, 有洋蔥, 芫茜等必有的, 仲有我最鍾意的豬皮!! 我地等佢滾咗一陣已經開動, 有樣野值得一讚就係雞件唔會切得太大件, 所以每一件都入晒味, 就算咬到中間都好夠味. 而本身佢地個調味我都覺得好好, 唔會一味得個辣字, 而係食到甜(唔知係咪洋蒽), 香, 麻, 辣 仲有好多種味道, 層次好豐富我地膽粗粗叫咗一邊中辣, 初時食大家仲話無乜野, 點知後黎先黎料, 越食越辣, 越辣越想食, 尤其係D豬皮,

朋友聚會, 想搵間好味嘅雞煲, OPENRICE見哩間個名幾特別而且都好多好評, 就決定一試. 原本我地有6個人, 可惜有兩個前一晚話嚟吾到. 咁早一晚同餐廳講得4位. 點知到食個日, 朋友話多一位出, 咁我一朝早打去同餐廳講吾好意思, 最後CONFIRM5位, 睇下安吾安排到. 點知女店員不停話我改嚟改去, 又話我地得咁小人之類嘅說話. 其實我都吾想, 都覺得吾好意思, 但做飲食又係服務業, 係咪因為咁就可以咁去怪責D客人呢. 不過算啦, 安排到便可.我D朋友到先, 去到時朋友已經同我講D人服務態度好差, 同好惡. 佢地叫左個雞煲. 湯底原本唸住食完雞先叫, 但吾知點解店員又逼佢地要叫左一個先. 其實之前食親雞煲, 都係食完雞再加湯, 亦吾一定再叫湯底, 但哩度就有D吾同. 咁朋友就先叫左個藥膳湯底我地叫左一隻雞, 由於佢一定要我地叫一個湯先, 咁雞就放晒係左邊. 我地都覺得吾似有一隻雞嘅份量. 至於味道係吾錯嘅. 朋友覺得好辣而我就覺得接受到. 食完雞佢就落埋另一個湯底, 我地叫左瑤柱群翅雞湯. 兩個湯底分別各自再要加$38雞湯OK, 但藥那邊就完全吾掂, 所以成晚都冇人食, 結果

呢間雞煲真係好好食一個月內去同唔同既朋友去左3次，呢D叫做食過番尋味？真係太好味，所以久久不寫一篇食評都要黎讚下佢！9/11 同1個女仔朋友去第一次10/17 同2個女仔朋友去第二次10/25 同2個男仔朋友去第三之三次都叫左 ＄5XX 既二人套餐 （試哂成個set既options，except龍躉片，不喜歡魚tongue）終於係第三次先係食得完分量上菜時覺得唔多，但食落原來女仔係3個人都食唔完雞煲既雞好好食，最好係佢加少少＄就可以轉哂雞脾肉肉嫩，而調味超好，因為加左好多洋蔥係個煲度，麻辣中帶甜小辣因為帶甜關係，唔食辣既都應該無問題中辣我覺得岩岩好，夠過癮，又未至於辣到伸利果D不過食得辣既人就直接叫大辣喇配料都好好：菇好大碗 （人地平時一碗菜，就唔夠食既⋯⋯但同樣一碗菇就3個人先食得完烏冬係好味烏冬(你明的）彈牙吸味，好食過薯粉好多牛有牛味（廢話）響鈴唔同其他，即炸有D膩但都係好好食其他generally 都不錯湯底，中藥不錯，SATAY 偏奶少少，但OVERALL都仲有雞煲個味托底。總之好食喇！（3次都無影相 而且影黎靚極有個譜喇）希望下次同一班FRD去可以叫套餐以外既野食，試多D！