尚上下夏 - 養生雞煲火鍋 (已結業)

今日同老公突然好想打邊爐，隨意在附近找到這間餐廳，雖然店鋪格局有點奇特，但見評價都幾高，所以決定試下⋯⋯坐底發現原來可以選擇雞煲或打邊爐，但最後都是選擇鴛鴦鍋打邊爐。各色的醬料任意選擇，不過收醬芥($12/位)Menu其實好多都相同，是有點難明⋯要花少少時間研究下⋯最後選擇了龍蝦湯底和豆腐牛奶湯底，因為其實不是太肚餓，所以沒有叫好多配料。當然肉類是不可缺少的啦！我們叫了頂級安格斯和花腩片，起初都覺得安格斯牛肉好貴，但當見到這盤賣相精美的牛肉之後，好似都值得了⋯都算厚切，而且食落好重牛味同唔韌，而我覺得肉類配搭牛奶湯底味道會比較突出。花腩片食落都好有驚喜，味道和黑豚肉差不多，menu上花腩片和黑豚肉雖然只相差幾蚊，但我覺得其實食花腩片都好滿足！四寶丸: 因為可以食到各種丸類，當中最好味是牛丸(重黑椒味，非常火辣)和芝士丸(燒過的表皮煙韌，芝士味濃郁)。粟米: 彷彿去打邊爐不可決少的配搭，雖然menu寫粟米片，但來到是大大舊粟米，而且有6舊，2人食都夠晒。放到最後食⋯吸收晒所有龍蝦湯的精華加上粟米本身好甜，好好味。最後⋯最推介的是一定要來一碗龍蝦湯！因為龍蝦湯底吸收了牛肉腩肉的味道，飲上來

已經食第N次個雞煲仍然係咁好味!除有大/中/小辣度選擇外哩間雞煲店仲可以比你揀......成隻雞/雞脾/雞胸今次揀左全雞脾肉一邊小辣 + 一邊中辣辣與不辣各有所好!食到咁上下就開始加湯啦每次0黎到都係揀哩兩款(左邊) 白色果邊係美顏豆腐牛奶湯依舊鮮甜香濃, 一上鍋朋友都爭相喝一口(右邊) 紅色係四川麻辣湯加係中辣雞煲果一邊陣麻辣味真係由鼻攻番上0黎hey朋友...明明人家就有很多選擇!下次別再那麼長情....試試新味道好嗎?自家制即炸響鈴真係脆卜卜好好味店員教先將未下湯0既雞煲醬汁淋上響鈴與平時浸湯之食法果然更能帶出響鈴本身的酥脆口感味道果然一流!鬼馬墨魚哩個真心強力推介如果0黎哩間雞煲只能order一樣配料我一定會選擇佢!滾0既時候係有技巧0既, 留意啦!!要將墨魚膠果面放湯唔好滾太耐呀, 一陣間就好拎佢起身啦!唔係唔見左舊墨魚唔好怪我!店家也不負責啊!食哩D濃味煲,點可以小得咁索味0既千頁冰豆腐?次次都叫,但都唔知佢真名係咩為左寫blog....我決定一探其真相!原來叫花甲皇!失敬! 失敬!四川苔粉無你點幫我將哩餐劃上完美句號呢?爆胃都要將你完成!其實每次0黎我地叫0既食物都係咁上

話說小妹同男友都好鍾意食辣, 好多時出去行完街食飯都鍾意搵辣魚同埋辣雞煲. 不過係香港搵到好味的辣野唔多. 以我地常幫襯的只有幾間. 不過今日試咗呢間尚上下夏, 就會加埋入我地常幫襯的名單當中.呢間雞煲火鍋係尖沙咀山林道, 男友駕車去都好方便, 出面有代客泊車. 朋友話呢間唔多位, 所以早一個星期已經Book 好, 去到七點幾果然已經滿座. 我地主攻雞煲, 所以叫咗個鴛鴦煲, 一邊係小辣, 一邊係中辣, 試一試佢個辣度. 我鍾意佢有得揀全雞脾同埋雞胸, 全部啖啖肉易入口, 感覺上又會抵D, 每邊叫半份都係$138/半鍋. 雖然係叫半份, 但份量一D都唔少 (見圖). 上枱之後等佢焗多幾分鐘已經急不及待要食, 雞件食落夠滑而且好入味, 因為配料夠多, 所以雞件味道都好豐富, 洋蒽, 八角, 花椒, 莞茜等等, 令到成個煲都充滿香味. 重點係, 佢個辣做得好好, 入口唔會嗆喉, 食落辣味先會慢慢滲出來, 會越食越辣, 但唔會辣到入唔到口, 而且麻味適中. 各方面都配合得好好. 佢配有豬皮, 娃娃菜等吸味食材, 等到最尾先食, 特別入味.呢間雞煲做得真係幾出色, 難Book位係有佢道理. 下

今日師兄升職, 就叫咗我地一齊去食靚料火鍋慶祝! 之前都有睇電視介紹過山林道呢一帶好多火鍋店, 而且大部份都係正野, 一直都未有機會食. 今日師兄就特登請我地去食雞煲火鍋喇!呢間尚上下夏雞煲火鍋同出面格局唔同, 裝修簡潔而且係方枱設計, 感覺乾淨衛生. 食物方面, 可以揀無骨雞煲 (驚喜!), 我同其中一個同事唔係好食得辣, 所以叫咗個鴛鴦雞煲, 一邊辣一邊唔辣, 一邊要淨雞脾, 一邊要淨雞胸. 佢個雞煲做得好入味, 而且雞件夠滑. 食落好香好惹味, 辣同唔辣個邊都食得好開心, 哈哈. 打邊爐的配料都好多選擇而且好新鮮, 手打四寶丸好大粒, 食落好鬆化彈牙, 我最鍾意佢個墨魚丸同埋豬肉丸, 好夠鮮味! 牛肉方面, 佢有兩個價錢, 師兄叫咗個貴價牛比我地食, 食落好有牛味, 脂肪好平均而且口感唔會鞋烚烚, 好好味呀!! 另外仲有打邊爐必叫的響鈴, 呢間D 響鈴係自家即炸的, 咬落比出面食到個D脆好多, 因為係即炸會帶有少少油, 佢下面有吸油紙吸收咗多餘油份, 上枱時等D油索走晒先再食會更好味.埋單時比我想像中平, 一人唔洗三百蚊(師兄請的~多謝晒!) 但食物質素真係good good,

員工服務態度好好-因為咁岩坐著冷氣位，我地話調枱。佢地十分樂意幫我地，而且仲幫我地搬曬啲野過去，完全冇黑面。-朋友唔食莞茜，打開蓋見到咁多有啲驚訝。雖然我地冇叫到員工幫忙拿走，但竟然有員工留意到我地，主動幫我地拎走佢，十分細心。-食到一半自然會有啲熱，員工可能聽到我地話有啲熱，主動話我地熄左部冷氣，如果真係熱開聲，開返比你。-食完埋單職員依然好好笑容，服務態度好好。食品美味-開始時睇餐牌覺得比想像中貴，因為湯底都要收一個比較貴的價錢（窮學生😂），點知食物一黎就覺得這個價錢幾值得。-點了一個$198單鍋雞煲全隻小辣，個汁好食到一個點，啲雞啖啖肉，但重點係啲豬皮，吸曬啲汁超級好味道，搞到我地個個都爭住食。-之後加左個雞湯變打邊爐，味道不錯。另外佢個芝士丸值得一讚，平時我唔鐘意食外面啲芝士丸，因為覺得有陣腥味。但呢間果啲有金黃色既皮，入面啲芝士好濃郁，仲有啲黏牙，實在太好味🤗總括：價錢的確貴（消夜時間7折），但食物質素和服務十分良好。

雞煲已經興起多年, 但全脾雞煲真係第一次試. 雖然我自己好鍾意食雞煲, 但因為唔係太鍾意"論"骨, 同埋雞煲裏面D頸位, 雞翼尖等等個D位通常都食唔到, 所以變咗份量無咁多感覺唔抵食. 不過呢間居然有得淨係揀雞脾或者雞胸, 成件事就唔同晒喇!我地叫咗全脾雞煲小辣, 雖然叫半份 ($138), 但份量都唔少, 足夠兩至三個人食. 雞件入味夠滑, 而且炒得好香, 最重要係真正啖啖肉, 唔洗"論"骨開心好多. 佢雞煲裏面D配料都幾多下, 就咁眼見就有花椒八角, 芫茜蒽, 大蒜等等. 不過可以建議大家, 食呢個雞煲記得記得記得一定要食佢個煲裏面個D豬皮同埋娃娃菜, 本身雞煲個陣香味會被娃娃菜同埋豬皮索晒, 係成個煲的精華所在!另外一提, 佢地的滷水腎都做得好入味, 滷水汁甘香帶有點甜味, 做得唔錯! 同埋佢一開始會比一盤醬料客人, 裏面有乾蒜同蒜蓉, 喜歡蒜味的就唔好錯過.

鐘意打邊爐嘅我，經朋友介紹原來尖沙咀山林道有新一間叫「尚上下夏」不但好好味，而且佢用料亦好新鮮當然要去試下啦！而佢餐牌有好選擇，海鮮、有牛肉、丸類等等雞煲單鍋(雞半隻) $138雞煲入邊好多香料，有莞茜、洋蔥、八角、花椒、豬皮同娃娃菜，呢度嘅雞煲有得揀雞嘅唔同部位，鍾意食肉嘅可以揀雞髀雞胸，而內裡豬皮亦都好好食，因為吸哂佢啲湯汁非常惹味。海龍王併盤(四位用) $698海鮮拼盤有好多種類，有珊瑚蚌、蟶子皇、新鮮鮑魚、花膠桶、生猛海蝦、帶子皇、桂花蚌同花甲皇。睇到花多眼亂，珊瑚蚌好爽口，蟶子皇亦好鮮甜。鮑魚雖然煮咗好耐，但都唔會韌。花膠就好滑，滋潤又養顏。招牌手打四寶丸 $98全部四寶丸都是手打，有墨魚丸、鯪魚丸、蝦丸、豬肉丸，而且不用醬料已經好好味，個人就好鍾意佢個墨魚丸，因為食到好新鮮且彈牙。午餐肉 $48打邊爐點少得午餐肉，一碟有八至十塊，而且非常厚身，抵食。健康什菜籃 $68有好多唔同種類嘅蔬菜，又有菇又有菜。稻庭烏冬 $48烏冬好滑溜，食落又有少少彈牙。

尖沙咀返工的朋友說山林道有一間火鍋店, 每次行過都嗅到很濃的藥材味, 今次就來會一會它~先點了一個雞煲~雞煲(雞脾拼雞胸) (大份) (HK$198.00)每一啖都是肉, 少少骨也找不到 。對比其他連鎖雞煲店, 這裡的細心值得一贊 。特別的地方就是內裡有豬皮, 吸收晒辣汁的味道, 十分惹味 ~味道方面, 又甜又辣, 味道香濃。另外, 由於是明火關係, 不用開著火來保持溫度, 否則會"痴底"。雖然我們點了一個小辣的, 但是還是覺得太辣。但對於愛辣的朋友, 可以試一試這裡的雞煲。湯底~足料龍蝦湯 (HK$48.00)原先想試一試藥材味湯底, 但是吃罷雞煲, 發覺藥材味不太適合我們 待應建議試一試龍蝦湯底。紅紅的龍蝦湯上場, 倒入雞煲中。原本未放入前, 可以嗅到龍蝦湯的香氣。但可惜一放入雞煲中, 除了辣的氣味外, 龍蝦湯變得很淡。唯一敗筆之處就是雞煲香濃的汁太過濃郁, 蓋過龍蝦湯的味道。"成也雞煲 , 敗也雞煲 "手打三色滑(墨魚滑/ 鯪魚滑/ 蝦滑) (HK$98.00)三色滑份量不算太多, 但勝在可以一次吃3種款式。每一粒都起晒膠, 十分彈牙 ~鬼馬墨魚 (油炸鬼墨魚滑)

一班女仔約會唔係要好優雅去食西餐，也可以跟男士們一樣咁麻甩，柴娃娃話去打邊邊！雖然天氣開始轉熱，也無捐一班麻甩之友的邊爐興致！山林道特別多食店，女仔們的食量沒男士般大，所以我們一致就贊同去山林道這間食店用餐！位置都方便易搵，門外好光猛，唔會認錯！店內的座位不算好多，不過就設有室內及室外的座位！看看食材選擇都幾多，開始選食材時就需要先選湯底～因為我們有人食辣有人不食辣，所以就決定點了個鴛鴦鍋湯底（HK$54），分別是瑤柱群翅雞湯及香濃沙嗲湯！落齊Order之後，侍應就遞上一盤調味料，可按自己的喜好製作自己喜歡的醬料！先上個鍋，將佢稍為燒滾，不過湯底一上枱時明顯只佔鍋的一半！我自己就比較喜歡香濃沙嗲湯，微辣令人食欲大增，而瑤柱群翅雞湯也不錯，湯底有香濃的雞味，清甜而不膩，不錯！粟米（HK$45）打邊爐必食的都是粟米，雖然粟米是平價的食材，不過放在自己喜歡的湯底內，粟米好鮮甜多汁！手打四寶丸（HK$98）四寶分別是墨魚丸、鯪魚丸、蝦丸及豬肉丸，每款都有三粒，四寶丸都係人手打成的，所以味道很鮮味，質感彈牙爽口，當中最喜歡就是蝦丸！什菇籃（HK$69）雖說打邊爐多數都要食靚肥牛，不過多為一眾愛美

來到初夏雖然已經過左打邊爐的季節, 但同朋友相聚, 有咩好過圍埋一齊吹水傾計同烚烚下.今次首選位於尖沙咀山林道的尚上夏下.面對多個特色湯底, 突然患上選擇困難症.最後揀左侍應姐姐推介的瑤柱群翅雞湯 + 香濃沙嗲湯 (鴛鴦鍋湯底$68)醬料選擇蠻多的但要先用醬油碟取左自己需要的醬料, 待全部人都有混醬後, 侍應就會提走醬料架. 不過有需要時都可以向侍應要求再次取醬料.不得不說瑤柱群翅雞湯真的很不錯, 湯底有濃濃的雞香味.每次打邊爐都必定會有蔬菜, 因為淨係食肉會好”寡”我地偏向菇菌類的, 所以一個養生什菰藍HK$69 + 粟米片 HK$45 已經好足夠來尚上夏下的目的就是要食特色火鍋靚料先來一客招牌手打四寶丸(墨魚丸/鯪魚丸/蝦丸/豬肉丸) HK$98 和一客手打蟹子蝦滑 HK$78手打丸同蝦滑口感都非常爽口彈牙, 又數蝦丸最有鮮味這種爽彈口感只有人手打才會有的效果鬼馬墨魚(油炸鬼墨魚滑)HK$58原本以為口感會好奇怪, 因為油炸鬼”滾”過之後會發漲同變稔但最後出來的效果是出奇的夾墨魚滑口感爽滑, 有很重的墨魚味, 而油炸鬼則完完全全吸收左湯底的精華,整塊送入口, 又是另一種口感.之後就

又到搵食部隊四出覓食的時候，是夜相約在山林道，大家都對雞煲情有獨鐘呢！當然要先點些啤酒吧！大路的藍妹，清酒是有的，想要特別一點的又有，例如日本／愛沙利亞手工啤酒等，各人都能有各人所喜歡的雞脾拼雞胸：不久，最令人期待的雞煲來了！這裡的最大賣點是，你可以自選想吃什麼部份，普通連骨的雞有，淨雞胸有，淨雞脾肉有，雙拼也有，人生還有什麼比"有得簡"好？懶到出汁的我們當然要試試雞脾拼雞胸，貪其啖啖肉，不用吐骨最方便！真爽！除左方便，有驚喜的是即使有雞胸肉在內，內質仍然是嫩滑的！好勁！我們點的是小辣，可是我們都一致認為是偏辣的，各位要小心哦！吃完雞煲後可以自選一款湯底（加＄３８－＄４８），我們選了同樣濃味的龍蝦湯，邊吃的時候聞到一點點的龍蝦味，很有趣手打三色滑：有墨魚滑、蝦滑，還有一款忘記了：Ｐ三款滑拼在一起，要先吃完一款才能下另一款呢，魚滑很彈牙有咬口，不錯千頁冰豆腐：索味之選１號，１份有６件，冰過的豆腐雖然不像新鮮滑溜，但會變得像海綿一樣非常索湯汁，浸完的豆腐會變得淋身，好吃！鬼馬墨魚：是油炸鬼上加了墨魚滑，記得要掉轉先將墨魚滑那邊浸住湯，讓油炸鬼不會浸得過淋失去了脆度，彈牙的墨魚滑加脆的油炸鬼

由以前細個唔食辣野, 慢慢比班豬朋狗友感染到好鍾意食辣野. 辣火鍋同雞煲就成為咗我地每次聚腳點喇. 今日其中一位辣辣隊員帶咗我地去尖沙咀山林道食辣雞煲! Yummy~星期六全院滿坐(好彩有Book位), 入到去已經聞到好香四川麻香味! 呢間雞煲有樣特別的就係可以選鴛鴦煲同揀部位. 我地成班都食得辣當然唔洗要鴛鴦煲啦, 一野就即刻黎個中辣雞煲全脾啦~ 佢個雞煲炒得係好香, 驚喜係, 件件雞肉都好夠滑同好入味. 即使食到最後, 雞件都唔會鞋烚烚, 真係值得一讚. 辣度方面, 我地4個都覺好足夠, 佢係辣中有麻, 而且帶有洋蒽, 八角, 大蒜同好多唔同配料的甜味, 辛味, 甘味. 辣得個層次好豐富. 我地4個都比個Like 佢呀!第二Round 打邊撈, 叫咗個藥膳湯底, 我地選擇保留個雞汁底, 再加D火鍋料落去焯. 我地叫咗水魷, 鵝腸, 羊肉, 牛骨髓, 雜菜籃等等. 羊肉上碟時係已經做好一卷卷咁, 焯一焯就食得, 好有羊味! 鵝腸係新鮮仲有肥羔痴住個款, 食落好彈牙而且唔會點樣縮水. 水魷切得好薄起雙飛, 食落新鮮爽口, 唔錯呀!呢間除咗雞煲, 火鍋料都好新鮮同埋唔係用Cheap 野,

尚上下夏主打養生雞煲 今次黎試一試有咩咁與別不同先！ 可以自己混醬 非常過癮～Å環境都幾涼 打邊爐都唔會覺得太熱呀 養生雞煲火鍋＋美顏豆腐牛奶湯 ＄178超入味雞煲 半隻已經好夠兩個人食 香料配菜十足 令雞味更突出 比起之前食過既雞煲做得更好 雞肉非常入味而且肉質都幾滑 唔錯！ 小辣已經好惹味豬皮吸哂d麻辣精華 入味到不得了～～而且爽口彈牙！ 飲埋水峰井黑烏龍茶 好解辣同解膩 爽呀～ 最後加左美顏豆腐牛奶湯再加料打邊爐手切頂級安格斯 (小) $148 打邊爐點少得涮牛肉 今次揀左Angus 少d脂肪 肉味幾香濃突出 而且薄切涮兩下就食得自家制響鈴係真係響 不過真係過於油膩 越食d油越出 扣d分！地址:尖沙咀山林道23號地下

今次打算到尖沙咀山林道一帶覓食，享受美食佳餚的情趣，找一個談天說地的好地方。自家制響鈴 HK$58今晚好想食野，先來快食得的響鈴，放下煱中一陣便可食了，爽口美味，推介之選。菜心苗 HK$49菜心苗清甜鮮味，要再ENCORE，讓人回味無窮。招牌手打四寶丸 HK$98招牌四寶丸當然要見識下，鯪魚丸吃起來熱度非常令魚的鮮味提升，咬下去精髓來，實在爽口感覺，墨魚丸都好重墨魚味，讚。鮮蝦雲吞 HK$62鮮蝦雲吞鮮味撲出來，沒有雪味，新鮮滑溜，感覺都不錯。芝士腸 HK$45芝士腸彈牙到不得了，不是一般店子可比美，確實好味呀。 

一家人很少來火煱店，剛好家人有空，便相約今晚去火煱店開餐了。姐姐要(皮蛋莞西淨湯底$68)，湯底看似簡單，實則可以下火清熱，皮蛋莞西都很多，莞西滿載整個渦。我要魚皮鮫(魚皮鮫 $62)，肉質一流，爽口好入味，大家爭著食。弟弟每次來(芝士腸 $45)芝士腸必食，最欣賞鮮嫰很彈牙，好味。大家一齊要(招牌手打四寶丸 $98)比想像中好味，墨魚丸及鯪魚丸最好食，彈性煙韌度高，肉質很爽，唔會太過熟，正。哥哥要(菜心苗 $49)，味道很開胃，蔬菜都很爽。最後媽媽要(出前一丁麵 $18)出前一丁麵放入煲裡，麵太久會煮淋的，滾一會便可，出前一丁麵帶出爽口彈牙，口感極煙韌，齒頰留香。