尚上下夏 - 養生雞煲火鍋 (已結業)

岩岩去完個長旅行返香港，好耐冇同屋企人食飯，所以約左佢地出尖沙咀打邊邊！之前試過山林道既高流灣，覺得好好食可惜超貴，今次就試下山林道另一間既火鍋-尙上夏下雞煲火鍋。喺佐敦地鐵站行去尙上夏下大概5分鐘，位置好方便。 呢間火鍋主打雞煲，另外都有好多其他湯底可以揀，店員推介我地可以點雞煲鴛鴦鍋，先食雞煲後加湯底打邊爐，試哂兩款口味！最後由老媽子發板，點左個 一邊係雞煲（唔辣）加龍蝦湯底，另一邊係瑤柱翅群雞湯底。等左一陣我地個鍋就上枱喇一黎到已經聞到好香, d雞好滑啖啖肉，最正係d芫茜呀洋蔥呀嘅佐料，入哂味好yummy! 食完哂d雞之後店員就幫我地加龍蝦湯打邊爐。一邊係雞煲汁加龍蝦湯，另一邊係翅群雞湯，一邊香濃一邊清清地，兩種唔同味道，正！ 配料方面我地叫左手切極品牛、桶蠔、手打丸類、餃子、菜呀等等，全部都好新鮮, 特別係個手切牛，牛味超濃好好食！成碟比我地極速清光 另外要推介個海龍王拼盤，因為唔係人人like海鮮，所以我地只係叫左個二人份量，$398 入面有8款海鮮，桂花蚌珊瑚蚌帶子鮑魚大蝦蟶子花甲花膠，全部都新鮮好味，分量一d都唔細，以呢個價錢同質素真係好抵食！

近排天氣又凍返，所以要打邊爐暖下胃，見到有間火鍋店個名幾有趣，尚上下夏，又有養身雞煲火鍋，就揀咗呢度。Menu都好多選擇，有海鮮，有牛肉，全部都係散叫，湯底選擇有八種咁多，又有單鍋同鴛鴦鍋揀，揀配搭都幾多。不過飲品種類較少，而佢哋提供嘅飲品只係得熱茶。打邊爐前有醬料提供，而醬芥係$12一位。呢度嘅雞煲有得揀雞嘅唔同部位，鍾意食肉嘅可以揀雞髀雞胸，不過我哋就揀咗半隻雞嚟試吓。雞煲單鍋(雞半隻) $138因為諗唔到另外再揀咩湯底，所以大家決定淨係要單鍋。雞煲入邊好多香料，有莞茜、洋蔥、八角、花椒、豬皮同娃娃菜，辣度揀咗BB辣，又唔算好辣，不過越食越辣，仲帶少少麻辣，雞煲內的雞肉幾滑而且啖啖肉，雞煲味道好濃好惹味。入邊嘅豬皮吸收晒雞煲嘅精華，好入味又爽口。手切極品靚牛皇 $298揀咗碟最靚嘅牛，又真係幾靚喎！好多雪花紋，切開細細塊，放落湯底煮好快就熟，入口唔會好韌，而且好有牛味。海龍王併盤(四位用) $698因為我哋有六人，所以就揀咗個海鮮拼盤，入面有珊瑚蚌、蟶子皇、新鮮鮑魚、花膠桶、生猛海蝦、帶子皇、桂花蚌同花甲皇。拼盤一黎到真係好壯觀，勁大盤而且鋪滿新鮮嘅海鮮，珊瑚蚌好滑，蟶子皇可能煮得

近期天氣極度反常，又相約三五知己一起打邊爐。朋友介紹尖沙咀山林道近期有新一間「尚上下夏」餐廳名頗特別，的確令人留下深刻印象。內裡地方不算大太，大致上二人至六人為主。 首先店員會遞上醬芥提供，內含：香蔥、花生醬、蒜蓉醬、麻油、辣椒、豉油等，與一般酒家一樣會收費，此店每位$12。 尚上下夏以養生雞煲為主，但此店都會迎合不同客人的口味有鴛鴦鍋及單鍋的選擇。如果選擇雞煲的朋友更可選雞全隻、雞半隻、雞胸半份或例牌、雞脾半份或例牌、雞脾拼雞胸半份或例牌等，價錢由$98-198不等。 本人建議喜歡多肉少骨可選雞胸肉，我們一行六人決定選雞半隻$138方便又快捷。辣度選擇以BB辣至大辣不等，BB辣確實穩陣之選。如果唔夠辣亦可自行調較辣度。單鍋的雞煲內含芫茜、花椒、八角、洋蔥、豬皮等，第一口雞嫩滑無比不過愈食愈麻辣。吃不到辣的朋友記得選BB辣呀。雞煲附有少量豬皮都是第一次，豬皮完全吸收雞煲內的精華。顏色上已經滲透至啡色，好爽口又麻辣的豬皮令人食得口癮；原來添加了豬皮是那麼匹配的。 手切極品靚牛皇（大） $298選擇了全店最貴的牛類，真的沒有令我們失望。牛皇大大碟，每一片都有雪花紋而且

約咗兩個閨蜜放工去尖沙咀行街，呢排天氣好凍，所以想去打邊爐，佢地推介去山林道食雞煲火鍋，我見好耐冇食過雞煲啦，所以就walk in 試吓有無位啦！就係呢間啊！可能係平日嘅關係，我哋去到嘅時候都仲有枱！好彩咋！嗱嗱臨搵個位坐低，就叫嘢食啦！好肚餓啊！ 呢度出名係雞煲，食完雞煲之後再加其他湯底落去打邊爐。我哋叫咗半隻雞，留返個肚試多d其他配料！因為佢地其中一個唔係太食得辣，所以叫唔辣就返佢！ 餐廳提供嘅配料種類都好多，我最愛就係雞煲配午餐肉架啦！我係海鮮怪，最鍾意打邊爐食海鮮！我哋點左個海龍王拼盤，入面有八款海鮮，啱晒我哋人少少但又想試多啲款式嘅人！我個friend喪鍾意食桂花蚌，所以又額外叫多一碟！又點左四寶丸響鈴韮菜餃同埋d菜！個雞煲超正！雖然叫唔辣，但係食落去有輕微麻麻哋嘅感覺，d汁好香濃，最緊要係唔會太咸！最驚喜嘅係雞煲入面放左豬皮，d豬皮吸晒雞汁嘅味道好好食！另一樣要讚嘅係個雞煲香濃得黎唔算油膩，唔會好似其他雞煲咁上面有一層油！唔錯唔錯！ 食晒啲雞之後我哋就加湯打邊爐啦，清清地加左個芫茜湯，個海龍王拼盤好大份，我哋開頭以為份量會好少，所以仲額外加左桂花蚌㖭！點

我同老公都係名符其實既邊爐怪，一年365日都愛打邊爐，至愛喺屋企買d靚料恰下恰下，又愛周圍試新嘅火鍋店！今次去開佐敦做body check, 就去呢間火鍋試下！揀呢間主要係因為睇到openrice有好多好評，老公又話唔想行太遠，見呢間火鍋店好近我地做body check間診所，又近地鐵站，所以就試下囉！我地6點去到岩岩開門，我地係第一台客人，趁冇人影返一兩張相先！ 餐廳唔係好大，我地坐喺入面，雖然冇乜華麗裝修，不過叫做企企理理，坐得都算舒服！老公諗都唔諗就話要點雞煲，個職員同我地解釋佢地既雞煲可以點全隻雞、半隻雞、雞脾、雞胸，雞脾同雞胸係已經去骨同去皮，食完雞煲之後再加湯底打邊爐。 懶到出汁既老公一聽到去左骨，即刻話要揀，懶得就懶！最後我地點左雞煲（雞脾拼雞胸）再加番茄湯打邊爐！第一次食冇骨既雞煲，啖啖肉真係爽！ 雖然我分唔清邊舊係雞胸邊舊係雞脾 , 不過整體d雞都好滑，d味都調較得好好，我個人覺得味道好過一品雞煲，對我黎講一品個味太甜了！食完雞煲之後加左番茄湯打邊爐，我地叫左龍躉斑片，好新鮮好甜，如果份量再多d就正喇！ 我地仲嗌左炸魚皮、黑柏葉同埋蔬菜籃，炸魚皮好香口，黑柏葉我

細佬結他表演完畢 為左慰勞佢咁多個月辛勞的練習（佢自己話😂）三個家姐決定帶佢去食餐好既。佢係邊爐怪 家姐提議去尚上夏下 佢之前食過 咁近近地 就試下啦。好彩六點就到 已經有一半滿座。侍應全部都好友善 好好笑容 依家有笑容既侍應香港難求架 哈哈。先要決定湯底 就先雞煲後龍蝦湯吧。雞煲最驚喜係預先配有豬皮 索曬d汁 好正。同埋雞煲竟然可以重點揀鐘意既雞部位 對於我呢d超鐘意雞胸既朋友 真是好正。不過我冇揀雞胸 因為其他人唔太喜歡。雞肉好入味 肉質幾嫩滑。有曬花椒八角洋蔥芫茜蔥 小辣 少少麻麻的口感 惹味。 食完雞煲 加上龍蝦湯底 龍蝦味唔會太濃 淥其他配料唔會搶左d味。 先試黑柏葉。 侍應再三叮嚀我們淥5秒就夠 佢話咁就夠曬爽口。確實爽口彈牙。不過淥五秒就唔夠入味 好彩有好多醬料搭救。鬼馬墨魚（油炸鬼墨魚滑） 好新穎。將蟹籽墨魚滑個一面淥幾分鐘 墨魚滑又爽口又彈牙 有一粒粒墨魚 好有咬口。油炸鬼仲脆卜卜 好好味：）手切極品靚牛皇 超正。牛肉味非常濃厚 肉質結實而嫩滑 肥膏平均分佈 我們點了細碟既 但份量都唔少喎。午餐肉 其實都是罐頭食物 但雞煲我地四

天氣持續寒冷，一班朋友食飯大家都提議打邊爐。 呢度主打雞煲同火鍋，有好多唔同種類既火鍋材料。 未叫野食已經拎左各色各樣既醬係枱面等我地自己配搭番個口味。咁多人當然樣樣都叫樣樣都試下。 雞煲（半隻）雞煲都好足料，揀左少辣，雖然係越食越辣，不過呢個少辣係幾惹味，雞既口感都唔錯，同埋吸收晒辣味。 海龍皇拼盤有珊瑚蚌，新鮮鮑魚，生猛海蝦，桂花蚌，蟶子皇，花膠桶，帶子皇，花甲皇，好多海鮮係入面。鮑魚都幾新鮮，因為煮熟左之後都仲係幾爽口。蟶子同花甲都好大隻，同帶子一樣煮熟之後都冇咩點縮水，帶子夠淋又滑。海蝦都幾夠份量，食既時候啖啖肉之如，仲好爽口，絕對唔係死蝦。 手切極品靚牛皇手切牛肉都幾靚，見到肉既紋理同埋脂肪均勻分佈，放入煲裡面好快已經熟左，咬落去都好有肉感，但完全唔韌，牛肉味道香濃。 炸魚皮都幾大碟，魚皮都算完整，唔會太多碎位。食完雞煲之後加湯落去仲有辣味，所以用炸魚皮放落去可以吸左雞煲既精華，十分惹味！ 鬼馬墨魚個名夠晒鬼馬，原來係油炸鬼上面加上墨魚滑，個款都幾特別。浸熟左之後會食到上層係爽口既墨魚，而下層係浸淋左既油炸鬼，兩樣同時一齊口感都幾得意。 招牌手打四寶丸都幾抵食，因為一次過

舊同事成班約咗去尖沙咀食雞煲火鍋, 放咗工就即刻飛奔過去喇! 尖沙咀係大家的中心點, 所以都好方便, 而且有同事食過話呢間D雞煲唔錯, 所以我地4個人今日就去食呢間喇.我地4個人都食辣, 就叫咗個辣雞煲全隻, 份量都唔少, 而且配料好多. 雞件亦都好滑好入味. 朋友之前食過鍾意佢D豬皮, 今次仲額外加咗一份豬皮落落雞煲度, 果然成個雞煲的主角頓然變成係豬皮! 是關佢本身個汁料夠濃夠辣, 豬皮落落去索晒D精華, 而且煮到淡晒, 真係好正!佢d火鍋料都好新鮮, 而且湯底多選擇, 我地揀咗食家推介的"龍蝦湯底", 我地鍾意個味道濃味, 所以都要求D雞汁保留住, 再加龍蝦湯, 嘩個湯真係超級濃味, 合晒我地心意!叫咗桶蠔, 帶子, 四寶丸, 凍豆腐, 響鈴. 我自己就極力推介響鈴同埋四寶丸. 響鈴係佢地自己即炸的, 比起出面買個D脆好多同埋香好多, 呢隻響鈴放落湯一秒就夠, 同個湯完美結合! 四寶丸樣樣都好味好同彈牙, 但推介墨魚丸同埋鯪魚丸, 好鮮味!最後黎個四川苕粉 (即係薯粉), 又係索湯之選! 為今晚的晚餐劃一個完美的句號!

是日約咗姊妹三人食雞煲, 諗諗下都係選擇黎返上次幫襯過的尚上下夏, 幫襯兩次都係因為佢個雞煲認真夠辣夠香. 仲有一點值得一讚, 就係佢可以揀淨脾或者淨胸同埋有鴛鴦煲, 一班人食都唔洗就住就住今日有位姊妹唔食得辣, 所以我地叫咗一邊辣一邊唔辣, 而左右兩邊都係叫咗淨雞脾. 佢D配料好多, 可能就係因為咁, 所以D雞味道好豐富同埋好入味. 配料(見圖)有洋蔥, 芫茜, 薑(好似係), 娃娃茶, 豆冠, 八角, 花椒等等, 調校出黎的醬汁有甜味, 辣味同埋香味, 而且佢D雞切得唔大件, 每件雞都好入味同埋都好滑, 而且我地揀咗雞脾, 件件都啖啖肉.雞件份量都唔少, 我地食完個雞煲已經半飽, 下半場打邊爐D料雖然好多選擇, 但認真食唔晒, 所以食得唔多, 小妹下次都係約多幾個猛男一齊食喇!

我同老公都係辣鬼而且好鍾意打邊爐, 雞煲火鍋當然都係我地最愛啦, 今日比我地搵到間真係好辣又好過癮的雞煲, 就係呢間位於尖沙咀的尚上下夏. <- 個名好易記我地叫咗個大辣雞煲, 雖然佢有得揀淨雞脾同埋雞胸, 但老公鍾意"啜"骨頭, 所以我地叫咗全雞, 貪佢原汁原味. 因為人多侍應話要等耐D, 我地就叫咗D小食食下先, 叫咗個麻辣海蜇開開胃, 佢做得唔錯, 麻味同埋辣味都突出, 而且酸味都調校得唔錯! 唔洗三兩下手勢我同老公已經搞掂咗!等咗十分鐘左右已經有雞煲食! 一上枱見到份量唔少, 配料都好足充足, 有洋蒽, 莞茜, 香蔥, 娃娃菜等呢D基本配套, 而驚喜係, 佢加咗D豬皮係裏面! 我地聞到D辣已經好興奮, 真係要一讚係佢D雞做得好入味, 而且食落口除咗辣味, 仲食到香味, 麻味, 甜味等等唔同味道, 辣得好有層次, 而每件雞件切出黎的大細啱啱好, 所以每件雞都好入味, 同時雞肉都keep 得好滑. 而重點係, 佢個豬皮將成個雞煲D辣汁吸晒落去, 好!好!味!呀!我地唔夠喉, 仲叫咗四川薯粉同埋加多咗份豬皮落去索汁, 真係好刺激, 食到最尾我地兩個都頂唔順, 結果叫咗侍應加湯

之前已經打過篇食評讚過呢道D野食食物依舊好食新鮮 值得再推 但今次講既係服務同收費話說上兩次3人行，侍應小姐已經講過3個人如果叫2人餐係要叫多D野既只係未白紙黑字話要叫多幾多2月份又去食過 又係3個人想叫2人餐再叫個海鮮拼盤去到見倒原先5XX既SET 加左價變688不過都無所謂喇 照咁點先 但侍應話：2人餐只可以2人食用，白紙黑字寫左係度，以前就係有客blablablaaa...由於另外2個朋友係第一次食 都想試多D野總之最後 係變左單點哂個SET既野（除左麵食）再另叫2個餸 我唔知以前有幾多客 可能係多人group 但只叫2人餐定點喇，所以餐廳覺得應該SET D RULES去保障生意但認為更好既辦法係SET MINIMAL CHARGES/HEAD 而唔係唔俾人叫2人餐果種用單點方法去叫套餐既ITEMS 既感覺真係太差 唯有話自己抵死，成個都3人行 LOLBTW，之前去食雞煲係有豬皮，因為入哂味，好好食，我就推介俾朋友一定要食（雖然大家都辣到勁飲野－－－我地叫左中辣）點知係個煲左搵右搵都無，係咪唔小心定加左價又減料 （今次仲要係單點wo）？有D失望

凍天識食一定食雞煲火鍋, 暖胃又補身. 呢間尚上下夏係第二次幫襯, 兩次都無令我同班姊妹失望.雞煲除咗有得揀辣度之外仲可以揀部位同埋要鴛鴦鍋. 我地4個女仔今次揀咗要全脾, 一邊小辣一邊唔辣, 雖然要全脾, 但感覺份量仲多過要雞全隻, 啖啖肉, 好味!辣味做得唔錯, 幾有層次, 唔會一味得個辣字,仲帶有香麻味同埋少少甜味, d雞都炒得好香同埋入晒味, 最鍾意佢個豬皮, 超級索汁, 實屬精華所在!湯底方面, 我地揀咗蕃茄湯同埋雞湯. 侍應都幾細心, 有問我地想唔想撈起D雞汁先放湯, 我地想食埋D雞汁, 所以都保留咗係個鍋度. 所以一開始個湯已經好夠味, 之後打邊爐的食材焯熟咗都唔洗再點豉油!我地叫咗海鮮拼盤, 上到枱先知係好大的一盤.....d料好新鮮, 最鍾意佢個花膠, 好滑好吸味! 另外佢個花甲, 蟶子同埋帶子都好新鮮同好大粒, 帶子好甜同埋厚肉. 仲有連殼鮑魚大大隻, 好鮮味, 不過我地掛住傾計滾過頭, 下次要記得焯一陣就拎上黎食!雖然餐廳比較人多有少少迫, 但上菜速度都幾快而且都好企理, 我地4個人食到暖笠笠好滿足呀!

天氣凍到咁, 同班friend 約好放咗工就去食雞煲, 搞手今日Book咗係山林道食, 放工就搭地鐵過去. 去到7點幾, 呢間雞煲都差唔多坐滿, 好彩有訂位. 講返D野食先, 雞煲有得揀部位同埋鴛鴦鍋, 我地4個麻甩佬, 揀咗一邊雞脾, 一邊雞胸, 今佢夠啖啖肉, 一邊小辣, 一邊中辣. 雞煲黎講呢間雞件做得好入味. 份量都幾多, 4個人食都夠食, 值得一讚係佢D雞件夠滑, 咬落去肉汁都好豐富, 同埋有好多配料, 所以都惹味. 配料當中尤其以洋蔥同豬皮最正. 洋蒽本身厚肉都埋甜, 加埋雞煲D味道就更惹味. 而豬皮本身無味, 用黎索汁就真係一流! 起初食大家都好過癮, 不過中辣個邊食到最尾堅係辣, 食到大家雪雪聲. 第二Round 打邊爐除咗叫碟牛, 其餘主打海鮮. 碟靚牛皇我地叫咗細份, 不過都夠4個人食, 脂肪分布平均而且好有牛味, 食落感覺新鮮而且都好彈牙. 本來想N Call, 但怕食唔晒所以放棄. 講返海鮮堅係正 , 叫咗花甲皇, 蟶子皇, 大蝦, 帶子, 全部都係鮮料, 基本上加落湯度焯一焯都好夠味, 唔洗再額外點豉油. 最後叫咗個打邊爐必食的出前一丁, 索晒成晚雞煲邊爐

見好多雜誌介紹，又多好食評，即刻打去訂位。二人餐大約六百幾，食物非常一般，份量少，無樣好食。地方又殘又舊又污糟！客唔多，但不斷俾錯食物，連湯底都俾錯，結果雞煲食完逼住要轉個清湯打邊爐。 咁嘅價錢，質素真係唔得！

完全係隨隨便便行入去食，同女友坐低唔想諗就叫左個二人餐，有半隻雞既雞煲，牛肉、鮑魚、即做響鈴、蔬菜拼盤、薯粉同一人一杯嘢飲。雞煲非常唔錯，揀左雞批，個醬汁非常好味，而每一件雞都非常滑又同時入哂味，因為女友唔食辣，所以走左辣，都仍然非常濃郁滋味，要知道坊間有啲雞煲走左辣就好似廢哂武功咁。入面最頂癮係有豬皮，本人對豬皮一啲好感都無，因為食材本身同口感同味道都有啲核突，但呢度既豬皮係煮到入哂醬汁味，係入到透哂，真係好正。食完雞煲可以揀一個湯底，有好多花款，我地揀左乜乜翅雞湯，真材實料，鮮甜非常，真係好矜貴架，因為淨係會加一次，再之後再要加湯就係啲無名例湯，我建議先飲多幾啖堅嘢，先至叫佢再加，因為啲例湯真係不值一提。跟餐既配料有啲失望，牛肉有啲嚡，牛味又唔係好出，鮑魚唔會係新鮮貨，而響鈴雖然即整，但係卷既次數唔夠，煮完口感淡薄。有早知寧願單點算數，至少可以揀靚牛。另外，位同位之間有啲迫，咁啱嗰晚隔離兩個麻甩佬係咁飲啤酒講粗口，一路打邊爐一路聽住性器官用膳，真係難堪，雖然雞煲同湯底確係唔錯，但之後未必會再黎。