尚上下夏 - 養生雞煲火鍋 (已結業)

一大班朋友最好約打邊爐，一齊烚吓烚吓傾計。之前已經試過呢度嘅雞煲覺得唔錯，今次就同朋友嚟試吓普通嘅淨湯底火鍋。呢度一共有八款湯底可以揀，仲可以要鴛鴦鍋。今次我哋就揀咗瑤柱群翅雞湯。湯底非常足料，飲落清甜，我哋每人都飲咗一大碗先正式開始打邊爐。呢度用咗大排檔嘅格局，但係絕對衛生乾淨，材料仲非常新鮮。首先要咗個餃子拼盤，有鮮蝦雲吞，韭菜豬肉餃，同埋魚皮餃三款。四個字可以形容曬，全部就係皮薄餡靚！然後要咗份響鈴，每條都好大份！即炸嘅響鈴超脆，唔會有油益味，淥幾秒就好啦！跟住要左份鬼馬墨魚，其實係將墨魚滑釀咗喺油炸鬼上面。油炸鬼同響鈴一樣都係好新鮮好脆，墨魚膠亦非常之彈牙，上面仲有少少蟹子增加口感，好好食！打邊爐又點少得牛肉呢？我哋要咗碟手切頂級安格斯肥牛，脂肪比例分布平均，牛肉味濃，而且就算要細碟份量都好多，好抵食呀！最後要左d澱粉質，稻庭烏冬好滑，配埋雞湯食一流。

今次去到位於佐敦嘅 尚上下夏 - 養生雞煲火鍋，呢度最特別就係大排檔格局，食雞煲飲啤酒，講野大聲d都唔怕，夠哂氣氛，但又可以嘆住冷氣食喎！我地叫左個三食雞煲，一邊雞煲，一邊湯底打邊爐，食完雞煲可以再加自選湯底打邊爐，一餐食夠3隻味！講番重頭戲，我地叫左小辣雞脾肉，我從未食過雞煲嘅雞件可以咁嫩口，仲可以要求走骨走皮，服務好到加01！而味道方面非常惹味，唔係坊間死麻死辣，餘韻帶點甜味，重點係食完唔會勁口渴！不過如果食到辣嘅我建議揀中辣，感覺侍應哥哥太睇少我地兩個女人仔喇！其次我地叫左蕃茄湯同沙嗲湯，前者香濃清甜，後者帶點麻勁，兩種都好適合打邊爐手切頂級安格斯牛肉打邊爐點可以冇肉？手切厚薄適中，淥5秒左右，剛剛好，牛味香濃！千頁冰豆腐用嚟吸哂d汁食一流，，又香又好味手打三色丸超彈牙，仲可以一次過食哂三款口味韭菜豬肉餃皮薄餡靚，每隻都包都漲卜卜，食落勁滿足雜菜籃食完咁多肉，緊係要食番d蔬菜，雜菜籃夠哂豐富，又有唔同種類，唔駛諗！必食二人餐都只係$698 ，仲送兩支飲品/啤酒店內部份員工為聽障及智障人士，希望可以幫助佢地重投社會，咁有愛心嘅鋪頭真係好需要大家支持呀

支持小店！想食雞煲但又太懶，唔想有骨落地咁點算？咁都俾我哋搵到雞煲走骨！我哋叫咗半份雞脾併雞胸，好大煲！好似食極都仲有咁。雞脾肉同雞胸肉都係冇骨㗎，啱晒我哋呢啲懶人，啖啖肉夠晒過癮，一打開個蓋就聞到香噴噴，雞煲好香好惹味，落咗好多配菜一齊煮。我地叫左小辣，不過食到最後越煲越辣，不過食雞煲要辣先過癮！食完雞煲就咁加水就開始打邊爐，羊肉卷都幾大份，羊肉都唔太蘇，不錯！花腩片，肥瘦均勻，入口即溶。仲叫咗唐生菜同出前一丁～

估唔到係尖沙咀近佐敦嘅鬧市入面都會有一間座位設計同格局都幾懷舊嘅一間雞煲鋪頭，而且味道都幾好食。一開始佢會有唔同嘅醬料同埋調味料俾你揀，入面嘅沙嗲汁簡直就係伯樂，配埋火鍋嘅食物感覺特別好食。開胃菜就叫咗海蜇海蜇食落都幾新鮮，而且彈牙有口感，調味方面都夠酸同有少少辣都唔錯嘅，可以試吓。雞髀半份嘅雞煲，我覺得呢間最好嘅位置就係佢餐牌嘅設計可以俾你揀想要全隻雞或者係雞嘅某一個部位，而我哋就揀咗雞髀。因為雞髀係最嫩滑，而且上台嗰陣雞肉嘅份量一啲都唔小，而且一開始嘅醬汁都幾入味唔需要點其他豉油已經非常之好味，夠晒辣同埋有少少偏鹹。所以味道係十足。雞煲入面仲會附送左差唔多10片嘅豬皮，豬皮給晒雞煲入面嘅汁， 而且豬皮都非常之爽滑彈牙。美味三拼餃，魚皮餃嘅質素就同市面上嘅差唔多，而雲吞就偏小，不過入面都食到有一支兩隻細嘅鮮蝦。韭菜餃方面就係最出色雖然調味有少少偏鹹但係入面嘅韭菜同豬肉係撈勻晒一齊而唔係分開，而係韭菜味都幾香濃下一次應該會直接叫韭菜餃食更好。健康雜菜籃，入面有唔同嘅蔬菜例如粟米小棠菜，菜心，生菜等等，菜心同埋小筒菜，菜芯都算係幾乾淨，生菜都幾新鮮爽口。粟米如果佢可以再切細究少少會更加好

晚上諗唔到食咩行到山林道 見到雞煲好吸引一於試下 入到去大牌檔嘅感覺 但侍應服務幾好 不停refill茶 又會主動幫手搞下雞煲 調下火 加沒湯 最後主動話我地知 有app 有優惠咁由於得2個人叫唔到好多野 雞煲揀左半隻雞小辣 湯底揀左美顔牛奶豆腐鍋 雞煲等可來能要耐少少 見佢牆上話即整嘅 我食完大家應該唔會失望 一上雞煲好香 等佢滾左就可以食 侍應會幫你搞好 我地其實唔係好食得辣啦 諗住小辣頂得到嘅 點知其實都幾辣 加上不停煮住食到一平我地就加湯 打邊爐 等d湯沖淡下d辣味 但雞煲絕對好足料 又有好多配菜 豬皮等 打邊爐料就淨係手切頂級安格斯 小 同招牌手打四寶丸 好推介呀 牛一上就知唔會好差我唔太識分啦 最意外係四寶丸呀 其實除左墨魚丸之外我就麻麻地其他丸嘅 但佢4款都好好食 墨魚丸彈牙到我食完再食 豬肉丸好驚喜無平時硬實實 好新鮮口感好好 大家試下就知我有無誇張啦 好推介！

前幾日，又係我地一班朋友嘅每月聚會，我哋揀咗去食養生雞煲，我哋揀咗依間尖沙咀嘅尚上下夏雞煲火鍋店，個名都好得意又好記。我哋叫咗個雞髀拼雞胸嘅雞鍋，另外仲叫咗一啲打邊爐嘅材料，所以我哋而家淨係等食就得啦。個雞煲終於到啦，免頭仲有好多芫荽同埋蔥，所以好香，搞到我地全部都好肚餓添。再焗多陣就可以食得啦，要搞下個鍋如果唔係就會癡底。入面有雞胸同埋雞髀，所以會食到啲肉質有啲會好實，有啲又會好嫩，各有特色。食完雞煲之後我哋就加湯打邊爐，呢個係手切頂級安格斯，睇得出脂肪嘅含量係好少，所以肉質比較結實，而且仲好重肉味添。我哋仲叫咗烏冬，烏冬吸收湯底嘅精華，所以好入味。

今天又來到尚上下夏補一補食雞煲，依間係我心目中全香港最好食的雞煲！近期發現很久沒有吃雞煲，所以今天便和老公到了這餐廳一起共進晚餐。餐廳經常滿座，一坐下店員便會拿上醬料盤，一如以往我最喜歡這裏的蒜蓉加麻醬！下單後沒多久雞煲便來了！這個雞煲又辣又慢又香，而且最重要係冇骨！我同我老公就最鍾意食雞髀拼雞胸兩個人吃一個雞煲（例）的份量，其實已經會令大家有半分飽，所以我們叫的火鍋料不是太多。今天只點了冰豆腐、芝士丸、羊肉、娃娃菜等。冰豆腐很大塊，由於面積夠大，吸盡湯底精華，非常之好味。另外吃火鍋一定要有飲料，每次也要點竹䉀茅根水才能生津解渴。我們兩個人真的很久沒有吃雞煲了，這餐真的非常之滿足。

完成一天工作體力耗盡，需要一頓豐富的晚餐好好慰勞自己，眼闊肚窄的我知道是一種錯覺，需要的是眼前一亮的食物，重質不重量，即時想起一間餐廳，可以滿足我的要求惹味番茄湯有蕃茄，薯仔，芹菜，洋蔥等等材料豐富，湯底已經份量十足，味道鮮甜，我喝了兩大碗海龍王拼盤一共有八款海鮮：珊瑚蚌，桂花蚌，新鮮鮑魚，帶子皇，花甲皇，蟶子皇，花膠桶，8寸虎蝦，每一款都帶天然光澤，並非一般急凍貨色，蟶子皇接近火鍋煲的直徑，8寸虎蝦霸王級身材，一見到如此陣容，嚴陣以待耐心等候煮熟的過程，鮮甜爽口彈牙健康什菜籃一共有六款蔬菜：皇帝菜，唐生菜，菜心苗，白菜，娃娃菜，粟米，全部新鮮爽甜，配合蕃茄湯底是完美配搭今晚食物依然令我眼前一亮，本想重質不重量的前提下，沒有點太多食物，但已足夠令我幸福而回，身心靈完全滿足

上星期尖沙咀下班後約了舊朋友，在天光道看到這間火鍋店裝修十分有趣，看到網上的評價也相當不錯，於是便一試他們的款式選擇不少，有提供餐前小食以及火鍋配料聽從店員的建議點了他們自家製的湯底，龍蝦湯以及瑤柱群翅雞湯，翅雞湯非常足料，嘗一口已經覺得是老火湯的味道，另外龍蝦湯亦非常特別，有點像羅宋湯但有濃濃的蝦香味牛柳粒亦非常新鮮，充滿肉香味，而且份量亦不少，我和朋友二人點了小份量亦有如此脆肉鯇非常新鮮，肉質非常爽脆萵筍份量很多，我和朋友兩個人結果都吃不下非常推薦千頁冰豆腐，他能把湯底完完全全吸入豆腐裏頭，非常適合打邊爐

今天朋友聚會，選了這間外表平凡，但內里充滿驚喜的雞煲。朋友們大愛雞煲，我就愛養生湯底。雞煲足料，雞嫩滑，豬皮爽脆，入味，不辣的口味也很惹味。到了邊爐的環節，要了養生湯底。雖然外表不吸引，黑漆漆的，但內涵才是最重要。藥材足料，湯底甜甜的，很補的感覺。我們叫了手切極品靚牛皇，黑栢葉，鬼馬墨魚，即炸響鈴，手打四寶丸。手切極品靚牛皇，新鮮，薄切，非常有牛味，燙幾下就可以吃了，出奇的夾的湯底。黑栢葉，爽脆，不是每間餐廳都有，真的是幾秒就行了，太久會老了。鬼馬墨魚，特別，店員提醒我們不要燙太久，吸了湯汁，有脆脆的感覺，墨魚彈牙。即炸響鈴是我第一至愛，上桌時已經是熱辣辣，店員介紹我們淋上少少的雞煲汁，脆，入味，熱辣辣，超正。這間店真的非常有內涵，下次聚會一定會再選這間。

當我正在煩惱今日食咩好的時候，點事又提出打邊爐，真是個打邊爐痴。如是者又在尖沙咀附近搵食，到了山林道其實選擇都不少，剛巧發現這間裝修很有懷舊風，就入了去。先來一客雞煲，是半隻雞，不算大隻，但兩個人都足夠的。因為我叫微辣，所以對我來說，辣度剛好。醬汁都很濃，尤其是雞煲有豬皮放了入去，豬皮吸滿了所有醬汁，非常美味。牛肉點了手切極品靚牛皇，一上台就知道店家沒有騙我們，紋理清晰，肉質鮮嫩，品質非常不錯。整體來說，今天的一餐非常滿意。

今日放工同一眾友人到尖沙咀食晚飯，其中一位朋友提議到山林道覓食，山林店食肆林林總總，競爭性非常之大，要有能力立足於此地，相信食物質素都係比較高而且帶有特色。最後我哋一行六人選擇主打雞煲火鍋嘅「尚上下夏」，店名特別，而且裝潢亦有特色，帶有舊式大排檔的風味，空間寬敞，冷氣溫度亦充足，打邊爐唔會食到出晒汗。點選了兩個煲，兩個都係半隻雞，一個叫咗蕃茄湯底，另一個叫咗藥膳湯底，雖然湯底顏色不討好，但食落非常入味而且足料。雞肉入味，麻味十足，辣味亦令到整個雞煲更惹味，配上芫萎、洋蔥及豬皮等配角，令味道更上一層樓。火鍋配料方面，點選了最頂級的牛肉，牛肉味道濃郁，淥至7-8成熟已經可以入口，而我亦習慣唔會沾醬料先試吃，因為咁樣先能夠試得出牛肉本身的味道。響鈴為必試食品，原因係即炸，皮脆而薄，配上雞煲裡頭的雞醬，十分出色。一試難忘的鬼馬墨魚，蟹子沙律醬加油炸鬼，配搭幾特別，這個新鮮的組合灼至1分鐘方可進食，味道幾吸引。另外還點選了不同種類的配料，價錢唔會太高，絕對合理。

舊同事相約到尖沙咀山林道一座教堂崇拜和聽道之後。我倆在對面附近的一間店名頗有趣的尚上下夏，懷舊養生雞煲火鍋店吃雞煲鍋。雖然這間火鍋店地方唔算大，佈置實而不華，但拎了幾年好評和必吃大獎。👍我們叫了店鋪推薦必食之一的雞煲,配料豐富，包括有紫洋蔥、芫茜蔥、大蒜、八角和桂皮等，又加了其中一款店鋪必食的豬皮，混了秘製醬油一同炒過令全煲雞窩十分惹味！雞肉質感結實又嫩滑，豬皮入味爽彈，連紫洋蔥也爽甜，吃完了雞再加個瑤柱群翅湯做火鍋湯底。韭菜豬肉餃，皮薄餡料豐富，韭菜味濃厚。吃過雞鍋內的豬皮好好味，我𠉴再encore 😋。

快到中秋，與朋友相約到火鍋店敘舊。走進山林道，這間雞煲火鍋的裝修十分引人注目。因為內裏的裝潢是刻意模仿懷舊的大排檔風格，有趣有趣。我們一行六人，於是便叫了兩個雞煲，各半隻。由於其中一位朋友不吃辣，我們一個叫了辣雞，一個叫了不辣。我是吃辣的，雞隻醃得異常入味，入口麻中帶點小辣，而且配菜有大量芫荽及芹菜，正合我的胃口。吃完雞煲後，便加湯轉做火鍋，一邊是藥膳湯底，一邊是蕃茄湯底，蕃茄湯底也下了頗多蕃茄肉。我們點一客手切極品靚牛皇，牛肉沒有燙得太熟，牛味重，吸了湯汁，亦蓋不住牛肉味。特別推介即炸響鈴，店員建議我們盡快吃，還要加上雞煲的雞汁，雞汁淋上去的一刻，聽到響鈴炸炸聲，證明真的是新鮮即炸，是我吃過最脆的響鈴。我們另外還點了：黑栢葉羊肉卷鬼馬墨魚皇帝菜 手打四寶丸手打三色滑加上兩樽竹蓆茅根和西瓜汁下下火，滿足了！

表姑在內地來港探親住在尖沙咀山林道盡頭的華麗酒店，約我們一家到附近一間尚上下夏養生雞煲火鍋店相聚。我們叫了個瑤柱裙翅雞湯，一大束群翅做湯底料，令濃湯鮮甜無比！牛魔王拼盤是其中之一鎮店之寶，賣相無得輸，有靚牛皇、安格斯、牛柳粒、牛白肉（牛胸）、黑牛柏葉、牛脷托等，共有六款，入囗嫩滑牛肉香氣燶厚，表姑略嫌黑牛百葉和牛白肉煙韌，但我覺富口感。蟶子皇足足有隻碟咁長先甜肉質特別鮮味。我自愛的粉軟凍芋頭確是名付其實的一款菜式，竽心香濃充滿口感！懷舊可樂是其他店舖少見的，但這𥚃除了各種啤酒和飲品之外，也是主打飲品之一。