尚上下夏 - 養生雞煲火鍋 (已結業)

天氣開始凍，又係時候約三五知己出黎聚一聚，班麻煩友一d話要邊爐，一d又話要雞煲，我就一句車埋去話：Why not both?最後搵左e間系天文台道既尚上下夏既養生雞煲火窩。老友大多數係尖咀，佐敦返工，所以都算就腳，未去到門口已經排晒長龍，好彩book左位，人齊直入。 凍凍地，要整個小食暖暖胃，試左個糖心皮蛋豆腐同埋個滷水鴨舌。感覺幾好，鴨舌有好傳統果種滷水味，皮蛋係堅糖心會漏果隻但戲肉真係個雞煲，d 人成日話雞煲雞煲，一定係d雞最好食，我個人覺得如果無左d洋蔥，蒜頭，薑，酒，辣醬既濃郁味道，雞煲根本就無靈魂。所以我會先食配料後食雞，要讚既係配料好入味，辣味屬於快退形，所以就算唔食得好辣都應該頂得住，但原來雞都唔野小，佢好滑，好入味，最重要係無咩碎骨，所以評價甚高，會返食。咁雞煲完就當然要打埋個邊爐啦，基本上d肉呀，丸呀都好好食，食火鍋手切肥牛係必點，牛味濃郁且口感一流，大大碟十分超值有重點推介既係響鈴同魚片，響鈴黎到既時候係熱同脆既，真係自家製 魚片新鮮彈牙，感覺好似係中山脆肉鯇，真係堅好食，唔夠飽再追加左個薯粉和烏冬，薯粉索晒D汁，十分惹味。每人都係200左右，好味，抵食。

同家人過來尖沙咀打邊爐。想食特別小小又野味的邊爐， 當然是一式兩樣的雞煲然後加湯底打邊爐。先叫了一份雞煲，微辣。雞件非常嫩滑，份量又多又大件。食完成隻雞已半煲， 還聽到隔離枱的不段讚好味。 食完雞煲，有小小油， 然後換個清淡湯底打邊爐 - 豆腐牛奶鍋。成個湯底白滑滑的，牛奶味濃，可見好足料。 打邊爐必選手切頂級安格斯， 叫了份大的，份量足，無冰鮮味，放入鍋五秒左右就可以入口，入口即溶，品質好高。朋友喜歡食海鮮， 叫了脆魚鯇， 魚皮位爽脆，魚鯇位就彈牙，層次好分明，配埋牛奶清湯底，魚味好突出。 最後叫個蔬菜拼盤， 配合牛奶鍋， 將鮮甜味帶出。 總括而言，整體火鍋料理都很新鮮，質素非一般任食打邊爐可比。

最近天氣開始轉冷，於是同家人過來尖沙咀打邊爐。這家店是先雞煲，然後加湯底打邊爐。雞煲首先上了一份雞煲，微辣。雞件非常嫩滑，份量又多又大件，醬汁又非常惹味，甜甜辣辣，辣香味齒頰留香，越食越辣，不過又非常爽。豆腐牛奶鍋食完雞煲，然後換個清淡湯底打邊爐 - 豆腐牛奶鍋。牛奶味濃，再加點鮮菜，豆腐，味道很清很滑。落點生菜，將惹味雞煲清清味蕾。手切頂級安格斯必點的火鍋料理，份量足，無冰鮮味，放入鍋五秒左右就可以入口，入口即溶，牛味好濃郁，必食推薦。脆魚鯇魚皮位爽脆，魚鯇位就彈牙，層次好分明，配埋牛奶清湯底，魚味好突出，正。整體火鍋料理都很新鮮，而且份量很足，質素非一般任食放題可比，如果想吃雞煲又火鍋，值得推薦一班朋友過來吃。

朋友係要久不久就要約會架，天氣開始轉涼所以揀選食店都會係火鍋為主，今次我們吃雞煲加火鍋。餐前小食滷水鴨舌糖心皮蛋豆腐，賣相很精緻。雞煲我們點了小辣，香噴噴熱辣辣全雞煲到喇，雞肉鮮嫩醬汁惹味，最特別就是這裡會加埋豬皮，豬皮咬下非常彈牙吸曬雞煲醬汁。之後到火鍋點了養生藥膳湯底手切頂級安格斯（大）師傅手工了得每片都是一樣，牛肉色澤均勻鮮嫩。特選黑豚肉油脂分布平均，薄薄一片肉質鮮嫩唔會韌。生劏白鱔片，新鮮夠爽脆肉質鮮甜。自家製即炸響鈴，口感真的有別一般響鈴，這裡即叫即炸非常鬆脆又沒有油膩感。手打香蕉墨魚丸（獨家）新食法墨魚丸內有香蕉好搞鬼啊！味道出奇地夾墨魚丸夠彈牙。健康什菜藍，有幾款不同疏菜同粟米。鮮淮山，好少地方有新鮮淮山吃，放落火鍋可以吸收埋湯底精華。美味三拼餃 （鮮蝦雲吞、韭菜豬肉餃、魚皮餃）清熱滋潤竹庶茅根 ，夠冰凍啱晒吃完火鍋可以潤下喉嚨好舒服。

天氣開始轉涼🌬所以想去食雞煲暖下🥘就去左尚上下夏⬆️⬇️ 今次叫左大份雞脾併雞胸雞煲🐥啖啖肉🤤味道亦相當惹味👍🏻洋蔥同豬皮炒得好香😋食完雞煲之後就再叫多幾款火鍋料打邊爐🍲我地叫左瑤柱群翅雞湯🐓同龍蝦湯🦞叫左碟手切頂級安格斯（小）我地兩個人就點左碟細呀，牛肉鮮嫩🐄黑柏葉非常爽口，蝦膠釀鮮冬菇係用大粒肥厚嘅冬菇包住鮮香爽口彈牙嘅蝦膠😍另外叫左四寶丸🍢 韮菜豬肉餃🥟薯仔片🥔唐生菜🥬稻庭烏冬，四川苕粉🍜 涼拌酸辣雲耳🌶最後楩係嗌翻1渣洛神花解下膩，酸酸甜甜，好好飲

秋風起就是打邊爐的好時間， 我有人來到尖沙咀陣間上上下下，。拼命着覺得很優雅， 馬刀店舖發覺他很接地氣， 好平民的一家餐廳。 但入到黎聞到好香， 令我對食物有期待。首先叫了個雞煲， 全雞小辣。 雞煲好入味，雞嫩滑。食完雞叫了個豆腐牛奶鍋打邊爐。 拍了一啖湯底， 很清甜。 我們叫了不同的餸， 牛柳粒和手切頂級安格斯。食肉獸表示肉質好味。再叫了美味三拼餃， 包括鮮蝦雲吞， 韭菜豬肉餃， 魚皮餃。 餃子肉質爽口很新鮮。 喜歡食魚的朋友叫了脆肉鯇魚腩和桂花魚片， 手打陳皮鯪魚滑 墨魚滑 蝦滑， 份量都好多， 比一般餐廳掋食。 最後叫了個健康雜菜籃， 還有難得一見的牛骨髓。 牛奶豆腐煲加菜簡直絕配。呢間好味雞煲打邊爐， 食物好味， 秋天冬天值得推介。

幾個舊同事今晚都在尖咀附近, 即興打邊爐, 同事說要試試這間看來有點土炮但見到又經常滿座的尚上夏下裝修有點七十年代, 果然土炮 feel聘用了弱勢人士, 原來是良心店子一入店其實已經聞到鄰座的雞煲好香, 即時點菜肚子打鼓, 先order 滷水鴨舌及皮蛋豆腐雞煲夠辣, 香味撲鼻; 不吃得辣的我一邊喊救命卻仍然忍不住口繼續吃吃吃; 差不多吃完雞煲, 在猶豫將藥膳湯加入雞煲會不會影響湯底味道;  不過店員就建設藥膳煲味濃也會帶藥膳味, 反而加入雞煲中可以中和; 我們就乖乖聽從建議吧 藥膳湯底一上枱即時開餐, 忘了影相; 最先來到的生劏白鱔片好爽口, 不太愛魚的也連連吃了幾片特選黑豚肉手切安格斯牛放在藥膳湯中非常惹味, 果然如店員所講, 藥膳湯底頗濃, 即使混和雞煲湯底仍有香濃的味道, 所以加入的牛或豚肉也變得非常惹味; 響鈴即時炸起, 略略一浸已經好好吃雜菜藍, 淮山及三拼餃特別的手打香蕉墨魚丸, 原先都有點疑惑味道會不會奇怪, 但熱辣辣的墨魚丸非常彈牙, 包裹著裡面的香蕉味道突出, 是夜的驚喜最後還點了稻亭烏冬及四川苕粉

當日來到山林道，找到這家頗有特色的火鍋店店內很有七八十年代懷舊的感覺因此店以雞煲作招萊，當然要支持一下，點大份小辣的雞脾雞煲雞煲非常入味，少有用雞脾做雞煲，非常嫩滑入味，比雞件有過之而無不及食完雞煲當然是火鍋時間，點了韭菜豬肉餃，皮薄而韭菜味突出然後是四寶丸，貢丸香而滑火辣牛丸彈牙又有點香辣芝心丸濃厚爆炸魚籽球鮮甜至於鮮蝦雲吞，同樣皮薄餡靚而蝦亦新鮮手打蝦丸爽滑彈牙我們還點了四川苕粉，配合雞煲湯非常入味，只感一絕結帳前看到周一還有此優惠

上星期相約了朋友於佐敦吃晚飯，經過尚上下夏火鍋店，就決定趁天氣開始轉涼打邊爐。發現尚上下夏來自安安飲食集團，即刻對食物嘅質素打左支強心針，皆因之前去過火鍋撚同烏龍燒覺得食物都好出色！尚上下夏餐廳不大，座位不算多，想食得更有風味的客人可以選擇坐在餐廳出面，我和朋友選擇了坐在室內，有冷氣較舒服。因為兩人都不太餓的關係，今次沒有點雞煲，只點了火鍋，湯底選了較少見的龍蝦湯🦞同養顏的豆腐牛奶湯🥛。一端上枱，已經聞到濃濃龍蝦味，再試牛奶湯，相較之下，清清地，有陣陣的牛乳味。牛柳粒這是其中一個推介必點的，第一次火鍋點牛柳粒而非切片牛，雖然厚，但不會難咬，而且口感更佳。手打瑤柱墨魚滑打邊爐必食的，粗粗嘅瑤柱鋪在墨魚滑上，淥在龍蝦湯裏口感同味道都一流！芋頭芋頭是另一驚喜之選，尤其是浸了龍蝦湯的芋頭充滿了湯的味道，而且入口即融，又不會有根。沒想到邊爐的芋頭都那麼美味！冬菇、娃娃菜、柑桔蜜雖然都係平常打邊爐食、飲嘅嘢，不過都幾好味😋

認識多年的好閨蜜生日，我們到了尖沙咀逛街購物。食飯時間走到食肆林立的山林道，想選一間特色的餐廳慶祝生日～ 由於閨蜜特別喜歡食雞煲火鍋，所以我們走進了主打養生雞鍋的尚上下夏。我們幸運地被安排坐在卡座。餐廳除了一隻雞和半隻雞的雞煲可以選擇之外，還有雞髀肉可以選擇。去骨的雞髀肉食用很方便， 也很嫩滑，味道非常濃郁，有點過鹹。一又點了雲吞， 韭菜豬肉餃， 鮮蝦丸， 牛丸，貢丸， 四川苕粉，非常豐富。食物水準不錯， 蝦丸非常彈牙， 貢丸口感特別甜， 雲吞，餃子都新鮮好味道。餐廳內的裝修，桌子，椅子，都帶著一種懷舊的大排檔風，涼著冷氣食雞煲， 真的別有一番風味。

同朋友玩完健身，就唸住食返d好野增增肌，最理想就當然係雞肉啦，但係成日食烚雞肉又好悶wor ，於是就不如食下雞煲啦。朋友介紹話e間好好味，咁就試下啦！去到之後，都幾多客人，但係好彩唔洗等。舖頭裝修都算幾特別，有種老香港味道。咁坐低之後就係一個好例牌動作混醬啦，但係你會發覺都唔洗點樣點，因為都好夠味。跟我地首先就點左個雞煲先啦！我點果個係雞脾拼雞胸半份，全部都係無骨呀！咁滾左一陣之後香到爆，食得啦，雞肉好滑，無論係雞脾同雞胸都好滑，而香料十足，特別讚賞d洋蔥，炒得好香，咁我地清晒d野食啦，就到邊爐時間啦！店員就倒入瑤柱群翅雞湯，見到d湯都好足料，有雞件，群翅。滾一滾就開始邊爐啦。首先就試下碟手切極品靚牛皇，我地兩個人就點左碟細呀，牛肉d色望落去都好鮮，肉質有肥有瘦，滾左7至8秒左右就食啦，牛味好香，無根，真係極品。之後就花甲皇啦，好新鮮，size都算係大隻，再加上雞煲果d汁就真係好夾。鬼馬墨魚，一個自家製嘅油炸鬼再加墨魚滑，我都係第一次打邊爐落油炸鬼呀！感覺好新鮮，落湯煮一分鐘左右，好脆口，而且就索左d湯，推介。跟住就到什菜籃，蔬菜款式比較起其他餐廳度食真係多好多款呀！有菜心，娃娃菜，粟

山林道尚上下夏的裝修有點懷舊，小時候的摺枱，牆上的九龍城皇帝模樣的字體丶侍應熱情的招呼和美味的火煱料，各方面湊在一起，感覺和諧和親切，實在是難得的。雞煲(半隻)微辣 $159 雞件嫩滑，紫洋蔥香甜，醬汁微微麻辣頗惹味。惹味蕃茄鍋 $39 蕃茄鍋加進雞鍋湯底內，味道層次變得更豐富。牛白肉(牛胸) $109 把牛白肉放火煱輕勺，牛脂在口腔內爆發，牛味濃濃，口感爽韌。桂花魚片 半條 $89 桂花魚片魚質雪白軟滑，甚少細骨，淡淡的魚香吸了點麻酸辣湯底正是老少咸宜。雪梨汁 一支 $78 以新鮮雪梨壓搾的雪梨汁，原汁原味，清甜解熱。

相約朋友去打美式桌球，之後一起吃火鍋。火鍋店位於佐敦站附近，交通方便。火鍋店的內部裝簡約，冷氣足夠，二人用膳，佔用四人座位，空間足夠。瑤柱群翅雞湯93元，魚翅香氣四溢，內有雞脾、雞翼、雞腳、金華火腿和少量薑片，味道不會太濃，很適宜打邊爐。健康什菜籃79元，有粟米和五款青菜，色澤鮮明，新鮮爽甜。頂級牛柳粒149元，牛味濃，有嚼勁。鬼馬墨魚60元，烹調時間一分鐘，墨魚滑肉質彈牙，油炸鬼香口。招牌手打四寶丸109元，蝦丸彈牙，墨魚丸爽口，鯪魚球有果皮味，豬肉丸惹味。稻庭烏冬49元，吸收了湯底及各款食物的精華，十分惹味。總結：食材新鮮美味

秋風起，涼涼地，最岩就係約埋老友去食雞煲打邊爐🍻今次我哋去左一個有冷氣嘆，又有懷舊大排檔風味既地方食雞煲。主角出場喇🐔雞脾肉雞煲，係呀！係雞俾肉雞煲啊😍走骨走皮嗰隻👍🏻呢度嘅雞煲可以揀半隻雞，全隻雞，雞胸，雞髀😋再配上自家甜醬油同埋你揀既辣度🌶，勁惹味呀🔥惹味得黎又甜甜地，唔會口乾口渴，雞煲入面仲有豬皮，好爽好入味，份量仲唔少添👍🏻之後加湯變鴛鴦火鍋🍲我哋揀咗蕃茄湯同沙嗲湯，有辣有唔辣，小朋友都食得。手切頂級安格斯牛肉🥩牛係打邊爐必叫既，呢碟油脂分布均勻，肉質嫩滑，好淋好有牛味😋仲有手打三色滑，可以索濃湯既千頁豆腐，勁足料既韭菜餃，最後唔少得既雜菜藍🥬🌽必食二人餐都係$698，仲送兩款飲品🍻🍹呢度雖然裝修簡單，但係坐得都幾舒服😌又唔會限時間趕交檯，個滑滑雞脾肉雞煲真係令人好回味😍下次想試吓其他湯底

朋友好鍾意食雞煲，今次試下呢間名字玩味十足嘅養生雞煲火鍋店佈局喺港式大排檔風味，但係換咗室內同有冷氣，唔使食到㷫烚烚先揀咗半隻雞，即叫即炒，所以要等。個雞煲一上，香氣四溢，非常惹味，肉質仲好嫩滑，唔會鞋口。配料有洋蔥，豬皮，芫茜蔥，好豐富食完雞叫咗養生藥膳湯開始打邊爐，湯底香濃，我覺得有啲似肉骨茶味道喎頂級牛柳粒，叫咗小份，肉質鬆化，牛味十足手打四寶丸， 分別係墨魚丸，鯪魚丸，蝦丸，豬肉丸，全部彈牙，新鮮好味雞煲嘅豬皮索曬啲汁好好味， 原來星期一係免費添加，唔蝕底加咗，份量仲好多添仲有韓國年糕作結束，完結今日懷舊雞煲夜