尚上下夏 - 養生雞煲火鍋 (已結業)

平時食雞煲至驚食油多過食雞，而尚上下夏既雞煲就整得幾好！叫左小辣，個煲除左花椒八角，紫洋蔥，仲有豬皮，娃娃菜同芫荽添，香味十足。雞可以比你揀部位，我地就揀左大份雞胸加雞比！平時損骨多過食肉，而家又唔洗食雞頸，仲去曬骨，所以啖啖肉，雞胸仲要唔鞋！當你食完之後，就可以加湯繼續打邊爐，呢度唔係加清湯，係自己揀多個打邊爐湯底，我地揀咗芫荽皮蛋湯，好足料，入面有好幾舊大皮蛋同大量芫荽。之後仲嗌左響鈴，響鈴係自己即炸架，厚得黎好實在好有口感，唔係出面現盛買一夾就散果隻，索晒啲湯好好食。羊肉都幾好食，唔會好蘇。由於煲湯底唔係超油膩，所以唔會搞到打邊爐啲料索到全部油，好少食雞煲可以唔洗成咀油，可以再黎呀！

一家人食飯就最啱食雞煲，個個都係邊爐精，今次去咗間好有室內大排檔嘅感覺，我哋四個嗌左半隻雞，雞煲好足料仲送埋豬皮可以吸晒啲味正呀。講返隻雞先，平時好怕冰鮮雞啲雪未，今次隻雞又嫩又滑，加埋配料食係絕配。湯底方面我哋嗌左藥膳湯底，個藥膳湯底肯定熬咗好耐，一嚟到好大浸藥材味，甘甘甜甜，好特別，感覺食完雞煲都冇咁大罪惡咁。鬼馬墨魚真係不得不嗌，有一舊油炸鬼包住啲墨魚滑再加蟹籽，職員仲會教你呢樣嘢要淥幾耐，外脆內香，我地仲嗌咗兩碟添。另外要開心分享的就係個花甲，勁新鮮又厚肉，配埋個藥膳湯底食真係令人回味。四寶丸亦都係打邊爐唔可以漏嘅，不過不失啦，食完好滿足。響鈴係新鮮炸起架，侍應仲叫我地小心啲睇熱，真係好窩心呀。打邊爐最緊要個湯底，響鈴就啱啱吸晒個藥膳湯啦。宏觀嚟睇呢間野真係食過返尋味！

足料出色雞煲尚上下夏既裝修幾搞鬼. 好似將成個大排檔搬左入室內.保持風味得黎 又有冷氣涼 正.三個人叫左個雞脾拼雞胸(大份)既雞煲.唔係好食得辣 叫左小辣.辣度恰到好處.啲雞又多 煮得好入味 仲要全部都無骨.煲入面除左雞 仲好多材料.豬皮 洋蔥 芫荽 娃娃菜.見到牆上面寫逢星期一豬皮任加 正.加完湯仲嗌左其他料打邊爐.鬼馬墨魚 煮一分鐘食得.下面係油炸鬼.上面係墨魚滑 再加啲蟹子.口感幾有趣 部份油炸鬼索咗啲湯 部份又keep住脆墨魚滑新鮮 唔死實.仲嗌咗啲菜.萵筍同淮山都好新鮮.呢度既竹蔗茅根 大枝又好飲 唔會死甜.食住雞煲飲岩曬.

今日放工和同事去打邊爐， 因為鍾意有特色有質素嘅火鍋店 ， 朋友介紹咗嚟依度， 包保可以懷舊一下， 而且食物質素聽講唔錯。由於比較早到，一開始差唔多包場。呢度裝修好簡單， 裝飾和裝修颇懷舊好有舊香港feel ，全部都係摺檯摺櫈， 街坊味非常重。仲被牆上既廣告吸引 --（啤酒可補給能量），拿拿林叫左支 Shikkoku～我們點左《鴛鴦鍋》，一邊係瑤柱群翅雞湯，另一邊係沙爹湯，瑤柱雞湯非常清甜。手切極品靚牛皇（小）打邊爐又點少得叫点靚牛呢，呢碟靚牛皇肉質嫩滑，油脂分布均勻，讚！手打四寶丸（墨魚丸，鯪魚丸，蝦丸同豬肉丸）手打墨魚丸同豬肉丸好彈牙， 夠足料，極有口感且沒半點雪藏味，正！什菇籃，擺盤好靚！唔同既菇都有不同味道，健康又好味。打邊爐亦唔少得我既至愛--炸響鈴！呢度既響鈴香脆可口，就咁食都好正， 冇油益味 ， 淥完仲脆，亦唔會覺得油膩。呢度既魚皮餃都值得推介！ 大大隻，餡料足。係呢度打邊爐坐得幾舒服，又唔會限時交檯趕你快啲走，而且服務唔錯，湯底同配料 都回味， 下次再來是其他湯底 。

於是即係搵下附近邊到有，最終搵到山林道呢間尚上下夏養生雞煲火鍋平日入到嚟都有8成坐滿，質素應該有保證，恕自己見識實在太低，個人第一次見到食雞煲有得揀雞胸肉同雞脾。 入面装修簡單得來又有啲懷舊感，坐得算無 拘無束！ 點左半隻雞煲159元，又香又辣肉質夠嫩滑！好惹味！食完雞再加個湯落去繼續打邊爐，湯底都有多款，有麻辣湯，香濃沙嗲湯，養生葯膳等等。首先，我們先叫了一個雞煲，這裏的雞煲有全隻、半隻、雞胸、雞脾肉選擇，我們選擇了啖啖肉的雞脾肉雞煲。

難得老公今晚早放，梗係出街食飯同佢二人世界一下，行左一陣街之後，佢話興起話想食雞煲，於是即係搵下附近邊到有，最終搵到山林道呢間尚上下夏養生雞煲火鍋平日入到嚟都有8成坐滿，質素應該有保證，恕自己見識實在太低，個人第一次見到食雞煲有得揀雞胸肉同雞脾（無骨，gd), 平時多數只得普通雞揀，咁當然試下新嘗試，叫了半隻雞脾同雞胸😂😂雞煲一望覺得都幾足料，最好係星期一嚟食有得無限加豬皮，gd, 啲豬皮入晒雞煲啲汁好好食....講番啲雞，雞好滑唔韌又入口，同埋半隻嘅份量都幾多，同老公食咗好耐都繼續有，幾抵食食完雞後去到打邊爐環節，我地揀咗藥繕湯底，相對地雞煲湯底無咁濃味，清返少少，打邊爐方面我地叫左手切安格斯牛，先講牛切得好薄，燙幾下就食得，同埋牛好嫰口，有牛味，好食鬼馬墨魚同埋芝士黃金粟米餃係另外兩樣叫嘅，跟足指示墨魚燙1分鐘，見到上面啲墨魚熟咗，不過下面舊油炸魚竟然無整到好淋，入口仲有少少脆，再加埋湯底啲湯👍🏻👍🏻至於粟米餃出面無食過，入口幾特別，唔太濃嘅芝士味，粟米加強咬口，不錯不錯，下次行過呢頭可以encore

今日去尖沙咀附近購物，行到肚餓，就去咗山林道附近嘅養生雞煲火鍋店打邊爐。一打開餐牌見到有很多不同類型的東西叫，一於每一樣都叫一些吧。雞脾雞煲小辣/瑤柱群翅雞湯份量不少，淡淡滑滑的肉，味道香香地，辣辣地，再加上不同類型的配料，一併食用便成為一個完美的雞煲。正！食完雞煲後店員就為我們加上了用鮮雞，一梳梳群翅同瑤柱煲成既湯底了。味道清清地，令我們一次過可滿足了兩種味道，讚好！手切極品安格斯牛肉味道非常之香口，肉質食得出系貴野嚟㗎，雪花紋理非常之清晰有條理，令人想一吃再吃，牛魔王之選。餃子拼盤又一碟大碟抵食之選，有乜嘢好得個可以一次過食到皮薄又彈牙，一次過食唔同嘅餃子，很不錯的，正！四寶丸拼盤又一碟大碟抵食之選，每一款丸都有三件，味道爽口彈牙，也是不錯的。下次一定要再來叫多些野食先！

今天約了好知己來尖沙咀打邊爐，餐廳距離地鐵站7分鐘，位置也算方便。餐廳佈置極像80年的老香港，極之有趣，唯獨坐位比想像中擁擠。肥牛叫了半份肥牛，雖說是半份，但份量已足夠四人吃用。肥牛極之新鮮，而且很爽口，比得上日本線和牛。黑牛柏葉黑牛柏葉爽口，比一般牛柏葉彈牙，值得留意，碟上有張卡紙教你烹煮的時間，非常細心。墨魚/牛/豬肉丸肉丸很新鮮，非常彈牙，而且沒半點雪藏味，讚！蛤貝蛤貝大大隻，足足有一個乒乓球的大小，蛤肉也很鮮甜，高度推薦。響鈴卷響鈴卷是即炸的，點入雞煲底，完全吸收了雞汁的精華，又酥又香口，極之美味。

今日做完運動後要食嘢獎勵自己🤣🤣🤣同男朋友想食雞煲，又見到呢間個名好得意，就試下☺️一坐低先調較咗醬料先，火鍋配料充足，不過其實都冇乜點過，因為湯底已經好夠味我哋叫咗鴛鴦鍋，一邊係雞煲半隻，另一邊係龍蝦湯。雖然係細份半隻雞煲，但好多雞，又多配料。兩個人食完都半飽，抵食🤣🤣🤣火鍋料我哋叫咗桂花魚片、響鈴、鬼馬墨魚、香港蕉墨魚丸、雜菜籃、仲有小食麻辣牛展。桂花魚片幾爽口、新鮮響鈴係即炸，上到枱面仲熱，職員推介淋啲雞汁落去，聽到「炸炸」聲好似食鐵阪餐咁😂😂😂鬼馬墨魚係油炸鬼上面鋪咗墨魚滑，香港墨丸就係墨丸包心係香蕉，兩樣都係第一次咁食，幾特別麻辣牛展細細碟，但食落都唔少😂前菜嚟講都幾惹味開胃！見到飲品有鮮炸果汁，不過我哋就冇試到啦，各位朋友有機會嚟可以一試

同朋友一行四人一齊去打邊爐 大部分位都係圓櫈only 我地訂左台 有側邊卡位座 好舒服野食質素很好 先黎食個雞煲先 非常入味 啲雞又唔會太乾太鞋之後落湯打邊爐 我地揀左藥膳 味道偏苦 鬼馬油炸鬼好特別 大家可試下一邊彈牙一邊脆黑柏業非常爽趣 只需洽幾秒

約左老公去尖沙咀新開的日本商店買嘢，之後再去山林道的尚上下夏養生雞煲火鍋食晚餐，老公喜歡佢地D雞煲夠入味，火煱配料夠新鮮。火鍋店設計擺設以懷舊為主，地方整潔。雞煲：有分全隻、雞胸、雞脾，辣度亦可分大中小辣或不辣，我們選了雞脾半份和小辣。雞是預先煮好，先用特製香料和醬料醃好，再用料頭爆香炆煮熟，上枱時只需煮幾下就食得，雞脾啖啖肉又入味，濃郁的醬汁調得甚惹味。食完就加湯食火鍋。生劏白鱔片：白鱔新鮮，只需灼一灼就可以，鮮味又爽脆。蝦膠釀鮮冬菇：蝦膠鮮甜彈牙，鮮冬菇也很爽口。鬼馬墨魚：即是墨魚滑釀油炸鬼，再在面上鋪滿蟹籽，多重口感又鮮味，油炸鬼吸收湯的味道，脆口中又帶湯汁的味道，好特別的感覺！

同事介紹左間火鍋店俾我，今晚約埋朋友去試下。 來到尖沙咀山林道，火鍋店係地鋪好當眼！雞煲火鍋]，鋪面貼滿火鍋配料圖，睇見都好吸引！ 入面装修簡單得來又有啲懷舊感，坐得算無 拘無束！ 點左半隻雞煲159元，又香又辣肉質夠嫩滑！好惹味！食完雞再加個湯落去繼續打邊爐，湯底都有多款，有麻辣湯，香濃沙嗲湯，養生葯膳湯……等等。加左個瑤柱群翅雞湯 93元十足老火湯，足料淆成奶白色湯，好香濃！叫左必食推介嘅；牛魔王拼盤 462元，擺盆好靚！分三層精選六款靚牛：靚牛皇，安格斯，牛柳粒，黑牛柏葉，牛白肉(牛胸)中脷托款款牛肉有質素！肉味濃而鮮甜，軟滑，油花甘香！尤其牛白肉一試難忘！好好味！黑牛柏葉特別爽口！脆肉鯇魚腩89元份量足好見食，又爽夠肥美！鬼馬墨魚 6O元係啲墨魚滑讓入油炸鬼裡面 ，加上蟹籽好脆口，墨魚滑裡面有啲粗粒，口感煙煙韌韌！粉敬凍芋 43元自家即炸响鈴59元熱辣辣好鬆化！就咁空口食都好好味！食完覺得好回味！用料正！好新鮮！服務幾好！同事有介紹錯！

今晚同朋友去睇容祖兒演唱會之前，約了朋友到位於尖沙咀山林道的尚上下夏食雞煲，地點旺中帶靜，無論從尖沙咀地鐵站或佐敦地鐵站出都非常方便。一進店舖就有好懷舊的感覺，是仿照以前的大排檔設計，好有特色。餐牌選擇多樣化，除了雞煲外，還有很多不同的配料。首先，我們先叫了一個雞煲，這裏的雞煲有全隻、半隻、雞胸、雞脾肉選擇，我們選擇了啖啖肉的雞脾肉雞煲。而辣度亦有不同的選擇，我們要了小辣。一掀起蓋就香味四溢，帶有少量麻辣味。雞煲份量不少，而煲內當然全部都是啖啖肉的雞脾肉，雞脾肉厚身，但都是好入味的，每件雞脾肉均沾滿麻香味道的醬汁，而且食落好香滑。煲內還有大量芫茜，啱晒我鐘意食芫茜的人，很滿足。食過雞煲後，就可以加入不同的湯底打邊爐，湯底有好多款選擇，我們選了瑤柱翅雞湯。將鮮甜的瑤柱翅雞湯底注入麻辣雞煲中，鍋底變得有麻辣香味之餘也不失鮮甜味道。打邊爐當然不少得叫番一碟靚牛，我們今晚選擇了手切頂級安格斯牛。手切牛肉份量不少，雪花紋好靚，而且有濃郁的牛味，入口濃郁滑溜，必食推介。之後，叫了店舖推介的鬼馬墨魚，鬼馬墨魚即是將墨魚滑釀在油條上。將鬼馬墨魚微微放進湯底內，油條索了湯底的味道，配合爽口彈牙兼有墨魚粒

好耐冇食雞煲，本來諗住去番旺角食，但有朋友介紹呢間唔錯，就去咗食。餐廳嘅裝修明顯係想模仿返大排檔嘅感覺，可能因為室內緣故，其實都坐得好舒服。雞煲單鍋（雞半隻）所有雞煲都係即嗌即炒，等咗大概十分鐘雞煲就上枱。 雞煲入面除咗加入咗芫茜、洋蔥、青椒等配菜外，仲加入咗豬皮。豬皮完全吸收曬雞煲湯底嘅精華，非常入味又好爽口。以兩個人食嚟講其實半隻雞嘅份量都算幾多鬼馬墨魚其實就係油炸鬼墨魚滑，有指示叫我哋要先煮一分鐘先好食。本來以為油炸鬼浸完湯就會好冧， 但實際上仍然好脆口，再加上好彈牙嘅墨魚滑，食落好滋味。羊肉卷份量十足，而且又唔會太騷，肉質亦不錯。帶子皇叫得做帶子皇，份量當然唔會令人失望。帶子開半仍然咁大隻，厚肉而且好有鮮味。健康雜菜籃估唔到咁大份嘅雜菜籃，最後都差啲食唔曬。雜菜籃有粟米、油麥菜、唐生菜等等，種類多而且份量十足。

適逢朋友生日，便相約到她工作的附近「尚上夏下-養生雞煲火鍋」慶祝生日，一坐下便給店內有懷舊特色嘅裝飾吸引，食野之餘仲可以享受好舒適嘅用餐環境！我哋叫咗個鴛鴦鍋，一半係雞煲一半係瑤柱群翅雞湯湯底。雞煲我地要一隻雞中辣，雞肉很嫩滑醬汁又濃又香，最特別雞煲內有豬皮吸晒啲湯汁，不消一會已秒殺，很美味！另一邊瑤柱群翅雞湯，看落平平無奇，但是雞湯味十分香濃，應該煲了很久火候十足，用來淥蔬菜，吸晒啲精華，一流！牛肉肥瘦均勻，油脂香足夠，亦不覺有雪藏味，屬高質之選。脆肉魚鯇，名副其實肉質爽口脆彈。珊瑚蚌新鮮好味道。自家製即炸響鈴，一份有7-8條，份量多，鬆脆而不油膩。千頁豆腐吸盡湯汁精華，精彩之作。健康雜菜籃、萵筍片新鮮爽脆，健康好味。這間雞煲店每樣食物都很美味，我們已急不及待相約下次再光臨！