尚上下夏 - 養生雞煲火鍋 (已結業)

前幾日，又係我地一班朋友嘅每月聚會，我哋揀咗去食養生雞煲，我哋揀咗依間尖沙咀嘅尚上下夏雞煲火鍋店，個名都好得意又好記。我哋叫咗個雞髀拼雞胸嘅雞鍋，另外仲叫咗一啲打邊爐嘅材料，所以我哋而家淨係等食就得啦。個雞煲終於到啦，免頭仲有好多芫荽同埋蔥，所以好香，搞到我地全部都好肚餓添。再焗多陣就可以食得啦，要搞下個鍋如果唔係就會癡底。入面有雞胸同埋雞髀，所以會食到啲肉質有啲會好實，有啲又會好嫩，各有特色。食完雞煲之後我哋就加湯打邊爐，呢個係手切頂級安格斯，睇得出脂肪嘅含量係好少，所以肉質比較結實，而且仲好重肉味添。我哋仲叫咗烏冬，烏冬吸收湯底嘅精華，所以好入味。